تويت
عوض
بيتي يَلِّي في الرملة كُنِتْ
ما يوم عن بالي إتواريت
أو غِبِتْ
سِبتَكْ طفل
بِحُضْنَك نسيت لُعبِة خشب
لَحْصان كُنتْ أركبُه وأرْمَحْ
حصاني ... خشبُه سرو
بجناحين .. وعيون من عجم البلح
ربّي ...
إهدي اللي رِكْبُه بعدي
يحافظ عليه
وما يِسْمَحْ بيوم إنه يندَبَحْ
الشعر منّي شاب
وصارلي أحفاد
وبْغيرَكْ يا حصاني
فِكْري ما هو مشغول بإيشي
حصاني كان اسمه عَوَضْ
سَمَّيتُه على إسمي
حبٌه إلي غرام
بالليل كُنتْ أنامْ
وهُوِّ معي ... يُحرسني
لمَّا صِرْنا بالخيام
صِحتْ ... وينك يا عوض
من يوم فراقك
عيني دِبلَتْ
والكلاب نَهْشَتْ توبي والجسد
حصاني .. بيوم لاقاني
بعد ما لَفْ غزة بطولها
وبيتونيا وطولكرم
والرملة بكرومها
المزروعة اليوم شوك
ولوز مُرّ ما ينهضم
حصاني ... رَفَعْ بيرق
وفوق الميدنة مع النبي صالح نَطَقْ
سرقوا بيتك يا عوض
لكن مفتاحه معي
أضرب طَلَق
حصانك بلا خَيّالْ
إركبُه وعالميدان
إحرق الخِيَمْ اجعلها سَكَنْ
عَلَّي افترى
وعَلَّي راهن إنك بيوم
تقبل عَوَض ... عن عَوَضْ
أو ترضى بغير رملتك وطن
بيتي يَلِّي في الرملة كُنِتْ
ما يوم عن بالي إتواريت
أو غِبِتْ
سِبتَكْ طفل
بِحُضْنَك نسيت لُعبِة خشب
لَحْصان كُنتْ أركبُه وأرْمَحْ
حصاني ... خشبُه سرو
بجناحين .. وعيون من عجم البلح
ربّي ...
إهدي اللي رِكْبُه بعدي
يحافظ عليه
وما يِسْمَحْ بيوم إنه يندَبَحْ
الشعر منّي شاب
وصارلي أحفاد
وبْغيرَكْ يا حصاني
فِكْري ما هو مشغول بإيشي
حصاني كان اسمه عَوَضْ
سَمَّيتُه على إسمي
حبٌه إلي غرام
بالليل كُنتْ أنامْ
وهُوِّ معي ... يُحرسني
لمَّا صِرْنا بالخيام
صِحتْ ... وينك يا عوض
من يوم فراقك
عيني دِبلَتْ
والكلاب نَهْشَتْ توبي والجسد
حصاني .. بيوم لاقاني
بعد ما لَفْ غزة بطولها
وبيتونيا وطولكرم
والرملة بكرومها
المزروعة اليوم شوك
ولوز مُرّ ما ينهضم
حصاني ... رَفَعْ بيرق
وفوق الميدنة مع النبي صالح نَطَقْ
سرقوا بيتك يا عوض
لكن مفتاحه معي
أضرب طَلَق
حصانك بلا خَيّالْ
إركبُه وعالميدان
إحرق الخِيَمْ اجعلها سَكَنْ
عَلَّي افترى
وعَلَّي راهن إنك بيوم
تقبل عَوَض ... عن عَوَضْ
أو ترضى بغير رملتك وطن
تعليق