تويت
حاولت ألبس توب بعادك والم جرحى
والاقى بين رعشة آلام سكة سفر
حاولت أعيش بين جوارح مش جوارحى
واكتب على ضلع الرحيل قربك خطر
حاولت أكون من غير عنيك اتهد صرحى
والكون ملاه من صدمتى رعد ومطر
حاولت أزرع حب غيرك بين جوانحى
لقيت كلام الشوق هجرنى واحتضر
حاولت أعزف ع الهوى ألحان لفرحى
ما شفت غير عودى انتنى منو الوتر
واشتقت أكتر لما كنت تقولى سامحى
وأرد أقولك قلبى م القسوه انفطر
لكن تصدق فى البعاد ضاعت ملامحى
وهناك سؤال لساه بيبكى من القدر
عايش لنا و من دمعته دابت مطارحى
مين اللى باع رغم الأمانى ومين غدر
*************
من ديوانى لما بتبكى السما
صدر عن الهيئة العامة لقصور الثقافة
تعليق