[poem=font="Simplified Arabic,6,darkblue,normal,normal" bkcolor="transparent" bkimage="backgrounds/11.gif" border="double,4,gray" type=3 line=1 align=center use=ex num="0,black"]
عاشق أنا و عشقي حلال في حلال=

أقول صلاة النبي لما اشوف جمال=

الدنيا كلها زينة سواء ولاد أو مال=

أنظر للسما سبحانه مغير الأحوال=
***=

عاشق أنا و في دنيتي رقيق الحال=

صلاة النبي مكسبي و عال العال=

أحلم بيوم فيه تتحسن الأحوال=

بسعي حثيث يحقق الآمال=
***=

عاشق لكل قلب غنى وقال=

حكاوي في غنوه أو موال=

لقلم كتب ليذكر الأجيال=

الكلمة ممكن بقوتها تهد جبال=
***=

عاشق لكل فاس في الإيد متشال=

لكل سنبله من أجلها عرقنا سال=

لكل شهيد التراب عليه إنهال=

لجل نعيش إحنا بعزتنا رجال=
***=

عاشق لبنت البلد أم العيال=

الأم و الأخت و بنت العم و الخال=

عاشق حسنها و رنة الخلخال=

أنام في حضنها خالي البال=
***=

عاشقك يا فرحة تفرح الأطفال=

عاشقك يا شمس بنور و ظلال=

عاشقك يا قمرة في ليل لو طال=

عاشقك حتى لو بختي فيكي مال=
***=

عاشقك يا بهية يا أحسن فال=

نظره عيونك مليانه دلال=

لندهتك أجري أميال و أميال=

لجل ما تقولي الولد خيال=

______________=

ابو حميد المصري=
‏29‏/04‏/2006=

[/poem]