أطهر مكان

طه هنداوى

عضو الملتقى

تاريخ التسجيل: 24-05-2009

المشاركات: 94
- مشاركة
- تويت
#1

أطهر مكان

06-07-2009, 16:29

أطهر مكان زاره البراق
أكثر مكان ليه دمه راق
أطهر مكان زاره الحبيب
أكثر مكان أصبح غريب
***
أبكى يا قدس وقول
ليه البعاد هيطول ؟
أبكى ياقدس وقول
الذلّ دا معقول !!
أبكى ونادى للعرب
شوف اللى خان واللى هرب
واللى على جبينه إنكتب
يعيش ذليل .. ويموت ذليل
أيه الدليل ؟؟؟؟؟
أنت الدليل
*****
يا قدس ليك قلبى إنفطر
أنا طفل وف إيدى حجر
أرواحانا ليك أرخص مهر
نادى يا قدس للعرب
شوف اللى خان واللى هرب
****
أبكى يا قدس ونادى
قلبى جريح يا ولادى
ضيعتوا مجد أجدادى
إبنى على بابى أتصلب
نادى يا قدس للعرب
****
أبكى ياقدس وسمعنا
كتر البكاء مالهوش معنى
بكره صلاح هيجمعنا
ونصلى فيك .. هنعود أكيد
مانتاش بعيد
***
أطفالنا ليه يتيتموا ... ودمهم يسيل نهر
ذبحوا الجنين .. فى دير ياسين
والأمس كان بحر البقر
نادى يا أقصى للعرب
شوف اللى خان واللى هرب
واللى على جبينه إنكتب
يعيش ذليل
ويموت ذليل
أيه الدليل ؟
أنت الدليل !
الكلمات الدلالية (Tags): لا يوجد
محمد هنداوى

أديب وكاتب

تاريخ التسجيل: 23-05-2009

المشاركات: 141
- مشاركة
- تويت
#2

07-07-2009, 14:58

استاذى الفاضل طه هنداوى

رااائع والله ما خطه قلمك المبدع ..
الذى يمدنا بكل ما هو جديد ومميز ..
جزاك الله كل خير ايها المبدع ..
ولا تحرمنا من روااائعك
تعليق

أطهر مكان

تعليق

ما الذي يحدث