[poem=font="Arial,6,red,bold,normal" bkcolor="transparent" bkimage="" border="double,4,orangered" type=2 line=1 align=center use=ex num="0,black""]
احترت وشلون اعيش الحب ياحبي=اخفي بقايا حنين وزادت اوجاعي
ان جيت اقول انتهيت اخشى على قلبي=من قو نبضه يفتت حدب الاضلاعي
ياويل قلبي ويا حزني وياغلبي=ضاعت علومي مع شاري وبياعي
أصبحت عايش كما البسني مع الصربي=من شدة الخوف طول العمر ملتاعي
ياشوق وش زلتي ياشوق وش ذنبي=أصبحت محتار انا مدري وش اوضاعي
سميت بك واعتليت النجم والسحبي=وهويت بي يا الغلا لين اسفل القاعي
اسرتني سلم ما استاسرتني حربي=وسلمتك الروح ماغيرت بطباعي
واصبحت ياشوق لا شرقي ولا غربي=وابديت لي اعذار حمقا مالها داعي
ماكان ظني تخالف سكتك دربي=وانا معك في الهوى وافي ومنصاعي
ترضي غرورك وصار ارضاي انا صعبي=وانا عن ارضاك ما صكيت مصراعي
خليتني ما اهتني زادي ولا شربي=وارد غيظي على سبابة اصباعي
وش حيلتي بعدما انشقيت عن حزبي=وش حيلة الذيب بعد اتسلح الراعي
أما وفا بالوفا والقرب بالقربي=والا جزا بالمثل والصاع بالصاعي
والله ماني لرد الجافية طربي=لكن اشوف الوفا مابيننا ضاعي[/poem]

[align=center]مستور محمد الحارثي[/align]