-القناع

فى قصر البرنس – إسماعيل وسلامة السيسى
فى الهول الداخلى
إسماعيل :ياسلامة 00 ياسلامة
سلامة :أيوه 00أيوه ياسى إسماعيل 00حمدلله على
السلامة
إسماعيل :هيه 00 محمد بيه عامل إيه النهاردة ؟
سلامة :حرنان زى ماهو ، لا أكل و لا شرب !
إسماعيل كناخلصنام الحكاية دى،إيه بس اللىحصل؟
سلامة :لازم نشوف لنا حل ياسى إسماعيل ، كده
حرام ، حرام ،شهور طويلة ، وهوعلى دى
الحال،والراجل ده ، أنا حبيته ، ومش هاين
عليه اللى بيجرى له !!
إسماعيل :إيدى على كتفك ياسلامة ، أنا عملت اللى
ماخطرشى على بال حد ، فاضل إيه تانى ،
زورته الأوليا،لفيت بيه،ع الحسين، السيدة
زينب، والسيد البدوى ، دوخت بيه من
دكتور لدكتور 00قول لى أعمل إيه تانى ؟!
سلامة :نشوف قطره ، ولا نفتح له المندل !
إسماعيل : ياسلامة 00 هو أنا ناقصك ، كفاية عليه
نبوية وأمها وستات الحارة !!
سلامة :وليه لأ ياسى إسماعيل ؟
إسماعيل :ياسلامة ياخويا ،ما أحب على قلبى ، يخرج
وينور الحتة
من تانى،ويشوف مصالحه ،هو أنا عاجـبنى
رقدتـه ، والدهوله اللى هو فيها00 بس
أعمل إيه 00الأرض،واتعلمت لها الفلاحة
، لما الحاج مسعود،وج منى ،وليل نهار نقار
، ووجع قلب !!
سلامة :اسمع ياسى إسماعيل،أنا جات لى فكرة، إيه
رأيك أروح للشيخ محمد المسيرى ، مش
الشيخ زغبى الله يرحمه هواللى مربيه برضه؟
إسماعيل :هو اللى مربيه 00 وبعدين ؟
سلامة :يمكن لمايشوفه فى الحضرة 000( سكته )
بس فيه حاجة محيرانى ياسى إسماعيل 000
الأيام دى وبعد الرحلة الأخرانية فى مصر ،
رجع وكل اللى على لسانه،سامحنىياإسماعيل
، ماكنشى قصدى ، كانت وزة شيطان ،
سامحنى 00 اوعى تفتكر إنـى عايز أهزأك
فى الحارة،ماكنشى قصدى ،ويعيط ، ويخبط
دماغه فى الحيطة00أنا خفت أقولك ، لكن
مش قادر أخبى أكترمن كده !!
إسماعيل :ياريت ياسلامة 00 ياريتنى سبته يمشى فى
الجنازة ؟!
سلامة :وهو كان فيه حيل ياسى إسماعيل !
إسماعيل :يمكن كان فك نفسه،وخلصنا ،بس الحكاية
كده ، أنت لخبطها خالص ياسلامة ، وأنا
خلاص عرفت حلها فين !
سلامة :نورنى ياسى إسماعيل
إسماعيل : مش عارف من غيرك ،كنت عملت إيه
ياسلامة ؟
سلامة :أنا 00 دا أنا كنت شوم ع البلد ، يوم ما
جيت البلد،اتعركت أنت والبرنس، ومات
الشيخ ، ودخلت السرايه دى ، ماخرجتش
منها للنهاردة !
إسماعيل :خير ياسلامة ، أخطف رجلى أطل ع الحارة
،وبالمرة أشوف الحاج مسعود ، يمكن عايز
حاجة ، وأفوت على نسايبى !
سلامة : الخطوبة طالت قوى ياسى إسماعيل ، مش
يللا بقى ؟
إسماعيل :الله فى سماه ، مايزفنى ، إلا محمد البرنس !
سلامة :ابن أصل ياسى إسماعيل ،كان نفسى أخويا
يكون زيك،شهم ومجدع ، لكن 00 سمـع
كلام مراته00كنت نايم ، قمت من رقدتى
، لقيتها عريانة جارى،وأخويا ع الباب 00
أى والله ياسى إسماعيل 00رفع المقروطة فى
وشى،وقال لى لولا الدم وعضم التربة كنت
جبت خبرك 00يللا غور ، واوعى تورينى
وشك !
إسماعيل :موضوع أخوك بقى سيبه لى ، لو حكمت ،
أبعت له رجاله ،يقيدوه ، ويجيبوه ،لغاية هنا
،قدامك ، وتاخد حقك منه تالت ومتلت !
سلامة :دا عمدة له شنه ورنة ، وهيلمان ؟
إسماعيل :والله لو كان باشا م الباشوات (جرس الباب
00يتحرك سلامة )
سلامة :دا قلبه حجر،ودماغه دبشة 00أشوف مين
على الباب(يتحرك،يفتح باب خلوة البرنس ،
يخرج مشعث الرأس00لحيته ممتدة00 وهيئته
زرية)0
إسماعيل :محمد 00 أهلا يامحمد !!
البرنس :كله بأمره ياشيخ زغبى ( يتلاعب بحبات
المسبحة) حد له فى نفسه حاجة !!
إسماعيل :ونعم بالله !
البرنس :سلامة جهز لحضرة الليلة ؟
إسماعيل :كله تمام يامحمد 00 وبعدين ؟
البرنس :ليس بعد الله بعد 00قدر الله وماشاء فعل!
إسماعيل :الحارة نفسها تشوفك يامحمد ؟
البرنس :قل ماعند الله خير وأبقى !
إسماعيل :وهو ربنا برضه ، عايزنا نعمل كده ؟( وهو
يلوح إلى هيئته ) فين محمد بتاع زمان 00
محمد العايق الرايق ،اللى طلته زى العيد !
البرنس :(يهيم فجأة ،تهيأ الزغبى بثوب أبيض أمامه)
مولاى وحبيبى 00كنت فين ، أنت زعلان
منى ؟
الطيف :أيوه 00 زعلان منك !!
البرنس :ليه 00 دا أنا محتاج لك 00 محتاج لك !
الطيف :أنت مش محتاج لى،أنت محتاج لمحمد البرنس
البرنس :محمد البرنس خلاص 00 مش راجع 00
إنه 000
الطيف :( يقاطعه) التوحد لايكون إلابصفتك ،وهو
بصفته الربانية !!
البرنس :دلنى ؟
الطيف :إزاى أكون دليلك،وأنت قافل على نفسك
بيبان النور والحب والخير !
البرنس :زهدت مادونه هو !
الطيف :الزهد رهين العمل يامحمد ، لا هروبا منها ،
أنت حكمت ، فلم الاختباء ؟
البرنس :غصبن عنى،كان لازم أتدارى،وأرجع بهيبتى
الطيف :وانكفيت على حزنك (يتراجع بينما إسماعيل
يتقدم ، ويأخذ باليد الممدودة )
إسماعيل :بقى لى شهور بامدلك إيدى،أنت اللى مش
عايز ، تعالى !
البرنس :أنا ؟ دا أنا بانتظرك بقى لى سنين وسنين !!
إسماعيل :كان حبيبك ، وأنا حبيبك !!
البرنس :معلمى ومرشدى 00 أنا محتاج لك !!
إسماعيل :وأناكمان محتاج لك00أنامحتاج لك يامحمد
البرنس :أنت مش محتاج لحد ،اللى بينك وبينه كبير
، ومعاك نبوية !
إسماعيل :خدها0000لوعايزها 000خدها00 بس
البرنس :اوعى 00 نبوية اختارتك يازغبى 00 وأنا
عارفك ، مش هاتفرط فيها إلا بالدم !
إسماعيل :مش عايزها إ لا معاك !!
البرنس :عشانى 00وأنا مش مصدقك 00 أمال ليه
(صمت )ماينفعشى 00ماينفعشى 00 أنت
بتعطلنى00كنت خلاص طاقة نور حاسس
بيهابتطق من جانبى00ليه ياشيخ00 ارضى
عنى 00 ليه يابه ؟
إسماعيل :( يدنو منه ) اهدى 00 اهدى يامحمد 00
البرنس :ما أنا هادى أهو 00 هادى قوى 00 المهم
تكون أنت كويس ، وراضى عنى !!
إسماعيل حكم الوله سعيد الوردانى 0000 المفش ،
راح للمعلم النمرسى ، عايز يتجوز الأميرة
، والشاطرحسن بيحبها00 الشاطر حسن
بيحب الأميرة،وسعيدالمفش طلبهامن أبوها
،وافق،الملك وافق يامحمد،والشاطر حسن
ومحمد البرنس وإسماعيل مسعودبيلعبوا زى
العيال00المفش يتجوزها،وهمه يموتوا 00
يموتوا 00يموتوا يامحمد 00 محمد يدخل فى
الجلالة ، ينسى كل حاجة ،الزغبى والحارة
والناس والمحلة اللى كان بيحلم بيها معايا
ليلاتى00نسيت00نفسى ياإسماعيل ف محلة
تانية ، مفيهاش فقر 00بلهارسيا 00 انجليز
00 غز00 نفسى ياإسماعيل 00 نفس يا
إسماعيل (صمت)حلمناه سويا00أنا لوحدى
ماأقدرش عليه 00تعالى يامحمد 00أنت فين
ياوله 00 اوعى تزعل 00 أناهاجوزها لك
ياوله 00 هاخدك من إيدك لحد باب دارها
،وإن رفض الملك هاطبق فى زمارةرقبته00
أعمل إيه !!
البرنس :اسكت !!
إسماعيل :مش ساكت 00 مش ساكت 00أنا حر !
البرنس :اسكت !
إسماعيل : واسكت ليه ، وأنا شايفك بتروح منى ،
بتروح ، وسعيدالمفش كان كدبه 00 كدبه
البرنس :حى حى ، والموت ورانا جى 00 الموت
ورانا جى،حوش ياإسماعيل ، حوش 00أيوه
أنت إسماعيل 00 لأالزغبى 00 أنت بقلبك
الكبير،حلمك المفرود غيطان تل وسكروتة
حريروقصب00غول00غول ياإسماعيل00
اهرب 00 اهرب 00 اهرب00 الرصاص
00 الانجليز 00الهجانة 00الكوليرا00
التيفود 00 اهرب ياإسماعيل 00 اهرب !!
إسماعيل :أهرب أروح فين؟الموت عليناحق، ماحدش
له فى نفسه حاجه ، ولا باقى إلا وجه الله
الكريم !
سلامة :( يدخل ) سى إسماعيل ،فيه بيه بيقول اسمه
برهان ، عايز سى محمد بيه !!
البرنس :بتقول إيه ؟ أنت مين ؟ آه 00أنت سلامة
00سلامة
سلامة :حمدلله ع السلامة يامحمد بيه !
البرنس :قلت مين فى الصالون ؟
سلامة :بيه اسمه برهان00قصيركده ومليان حبتين
، ووشه شبه الديك الشركسى !!
البرنس :هو00هو يا إسماعيل 00هو ياإسماعيل00
هو !
إسماعيل :هو مين ؟
البرنس :( يبدو مفيقا ) الموت 00الموت 00الموت
إسماعيل :( يدنو ويحتضنه) محمد 00محمد( يصرخ )
محمد يابرنس 00 بتهرب ليه ؟
البرنس :أمال اللى بره دا مين ؟
إسماعيل :برهان 00 بيه اسمه برهان !!
البرنس :ضلوعى !!
إسماعيل :ضلوعى أهيت !!
البرنس :قلبى هايقف !!
إسماعيل :قلبك جناين واسعة يامحمد !!
البرنس :وبرهان ؟
إسماعيل :مين برهان ؟
البرنس :دا جى ورايا من مصر !!
إسماعيل :معقول ؟
البرنس :هاروح أشوفه ، وأقوله ، هاتروح من ربنا
فين يوم الدين 00ياظالم 00 ياخسيس!!
إسماعيل :ماحدش هايشوفك ، وأنت كده 00 احلق
الأول ، واستحمه !!
البرنس :أحلق الأول ؟
إسماعيل :نبوية عايز تشوفك !!
البرنس :وأنت ؟
إسماعيل :أنا إسماعيل !!
البرنس :وهيه اختارتك !!
إسماعيل :وأنا مستنيك ، تزفنا يافارس !!
البرنس :اخص عليك يا إسماعيل ، مش كنت تقول
لى ،ضلوعى يا إسماعيل !!
إسماعيل :تزفنى ، ولا هاتستندل معايا ؟
البرنس :أنت مش عارفنى ؟
إسماعيل :طب يللا !!
البرنس :بعد حضرة الليلة ياإسماعيل 00 صدقنى !!
إسماعيل :شهور طويلة ، وأنت بتضحك عليه !!
البرنس :أنا 00 أنا أكدب يازغبى ؟
إسماعيل :أنا إسماعيل ، اسماعيل 00ولو غلطت تانى ،
ماعدتش جاى لك !!
البرنس :ماتزعلشى 00أنت إسماعيل 0إسماعيل 00
إسماعيل ( يبكى فجأة بحرقة ،يأخذه إسماعيل
بين جناحيه ) 0
إسماعيل أنا إسماعيل 00وأنت محمد 00 أنت محمد
البرنس !
برهان :(يدخل على أطراف أصابعه ، ويرى كل
مايدور) إزيك يامحمد بيه !!






5- المصنع

خناقة أمام مقهى درويش،الشيخ عبد الواحد
فى جلسته المعهودة
عبدالواحد :يقول الراوى ياسادة ياكرام ( ميم )
إسماعيل :مين دول يادرويش ؟
درويش : دا الفار وحسن السمان ، صايدين اتنين
شركاويه !
إسماعيل :خد ياوله أنت وهو 00 واد يافار 00 يعنى
مفيش فايده معاك ؟ ( بصوت عال ) 0
مدبولى :سيبهم يامعلم 00خليهم يرجعوهم بلادهم
إسماعيل رجعت الميه فى زورك 00جرى إيه ياله (
يقف00 يتقدم إليهم وهو يرفع النبوت00
يبتعد الفار والآخرفورا 00يسحب الرجلين
بودوبشاشة مغتصبة) اتفضلوا يارجاله00
معلهشى00اتفضلوا00اقعدوا ياأهلاوسهلا
00والله لانى مقلم لكم صوابعكم دى اللى
بتفتروا بيها ع الخلق ( للفاروصاحبه )0
رجل1 :هو دا إكرام الضيف برضه يامعلم ؟!
إسماعيل : ماتزعلش 00 تعالى 00شاى يادرويـش
للرجاله 0
رجل2 :شاى !! يتشرب إزاى يامعلم ؟ ( الدماء
على وجهيهما)
رجل1 :معلهشى يابو عزيز 00 معلهش !!
إسماعيل :اسمك أبو عزيز ؟
أبو عزيز :اسمى أبو زفت ( يبكى صمتا )
إسماعيل :لا 00لالا00معقول00الرجاله ماتعملشى
كده 00عيب !!
رجل1 :كل يوم بالشكل ده يامعلم 00كأننا قتلنا
لكم قتيل !
إسماعيل :معلهشى 00كل حاجة حاتتصلح بأمرالله !
رجل1 :احناخلاص 00مش قادرين نسد 00 دول
بيستنوا الوردية كل يوم 00 ويلطشوا فينا
00 واحنا جتتنا مش مستحملة !!
إسماعيل :واسم الكريم إيه ؟
رجل1 :محسوبك عبدالرازق
إسماعيل :منين ياعبدالرازق ؟
عبدالرازق :م المنصورة !
إسماعيل :منصورى يعنى 00 أجدع ناس
المنصورى :تعيش يامعلم 0
درويش :دا المعلم سماعين مسعود 00 فتوة المحلة !!
أبو عزيز :أنت إسماعيل مسعود 00يا أهلا وسهلا00
سيرتك00مالية البلد 00واسمك زى الطبل
درويش :يا أهلا وسهلا بالرجالة ( يهمس لإسماعيل )
أنا خايف ع القهوة ياسى إسماعيل لا العيال
يكسروها !
إسماعيل :عيب عليك يادرويش 00 طيب بس حد
يقرب نواحيها
عبدالواحد :طول عمرك حمار ياديادرويش00داالوحش
ياوله اللى خضعت له الحية !
المنصورى :بالإذن بقى يامعلم إسماعيل 0
إسماعيل :بالمناسبة يابلديه 00 مستريحيين فى الشركة
00 ولا لأ ؟
أبو عزيز مفيش جنة من غير نـار يامعلم 00 وأهى
ماشية !!
إسماعيل :يعنى إيه ؟
أبو عزيز :كل حتة فيهاالوحش والحلو 00ربنا جعلها
كده !
المنصورى :الله ينور عليك يابوعزيز 00فى الترحيل00
الابعديات00 التفاتيش 00فى المصانع 00
الورش 00فى أى شغلانة0 لازم تلاقى فيها
الطيب والرضى 00 يللا !
أبوعزيز :اللى محتاجينه يامعلم إسماعيل المراعية 00
والنبى ياشيخ 00تحوش عننا ناسك الطيبين
دول !
إسماعيل :إن شاء الله هايحصل 00مايكونشى عندكوا
فكر 00 مدبولى !!
مدبولى :أمرك يامعلمى !!
إسماعيل :توصل الرجالة لحد باب سكنهم !!
أبوعزيز :مالوش لزوم يامعلم 00احنا عارفين السكة
كويس 00ونقدر ندافع عن نفسنا !
إسماعيل :هانشفكوا تانى
المنصورى :إن شاء الله 0
إسماعيل :بالسلامة ياخويا(يقف لوداعهما 00يتحرك
صوب بيته00 يلمح مجيد قادما ) 0
مجيد :( يقبل ويسلم وداخله شحنة من الغضب )
والنبى ياسى إسماعيل لوسمحت يعنى (بتردد)
إسماعيل :خير يامجيد 00 فيه إيه ؟
مجيد :تكلم لناالبيه محمدالبرنس00يخلى عبدالغنى
بيه يحل عننا !!
إسماعيل :حصل إيه يامجيد 00قول ماتنكسفشى 00
قول ياراجل
مجيد :مش عاجبه يرفع إيده عننا00عايز الإيجار
والأرض والبنى آدميين 00 دا بيدخل الدار
يؤمر وينهى ياسى سماعين !!
إسماعيل :معقول يامجيد ؟
مجيد :والله زى ما باقول لك كده 00 لماخلاص
روحى بقيت فى حلقى0وحياة النبى تكلموه
إسماعيل :ماشى ياعم مجيد 00 ولا يكون عندك فكر
00 ماشى !( حالمة تقبل جارية نحو أبيها )
تعالى 00 مال الجميل ( يخطفها من الأرض
، يقبلها ) تعالى
حالمة :آبه 00 الحمامة بتموت الحمامة 00 تعالى
حوشهم !!
إسماعيل :معقول 00 وأنت ماحوشتهمشى ليه ؟ لا
حول ولا قوة إلا بالله 0مفيش فايدة ياحالمة
00 لازم نطير واحدة عشان التانية تعيش
00 الأمر لله ( يقف )

إ ظـلام











6 – المؤامرة

يعبر برهان بيه بوابة سراية محمد البرنس 00
يتقدم وهويتمايل معجبا بنفسه 00يصفر لحنا
مفرحا ، وعندما كان يستعدلصعود السلم
الرخامى – يطل من ظلام المكان المخبر هلال
، ودنا منه ، ثم راح يخبره بماعنده ، وهو يهز
رأسه !!
برهان : سمعت كانوا بيقولوا إيه ؟
هلال : كان صوتهم واطى قوى يابيك !!
برهان : مفيش الكلام ده 00لازم تفتكر 00 لازم
00 وإلا تبقى مجرد كلب لحراستهم !!
هلال : يعنى يابيك 00 حاجة كده زى إحنا اللى
بنتعب ، وإحنا اللى بنشتغل كل حاجة 00
ننسج ونغزل ونصبغ 00همه بيعملوا إيه ؟!
برهان : يقصدوا إيه ؟ بيلمحوا على إيه ؟
هلال : مش مالى عينهم العشرة أبيض ، بنى آدم
مايملاش عينه غير التراب !
برهان : ومين بقى الأبضاى بتاعهم ، أكتر واحد
اتكلم ؟!
هلال : وهو فيه غيره 00 أبو عزيز 0 دول كانوا
بيسمعوا له زى مايكون سحرلهم 00 لازم
نكون إيد واحدة عشان نعرف ناخدحقوقنا
00الورق اللى معايا هايوديهم فى داهية ،
وطلعت باشا لازم يعرف اللى فيه !!
برهان : عددهم قد إيه ؟
هلال : سبعتاشر ياسعادة البيه00سبعتاشر بالتمام
والكمال !!
برهان : هيه 00 وقالوا إيه تانى 00 انطق !!
هلال : قالوا 00 كتيرمننا مابيعرفوش يقروا ولا
يكتبوا 00 كفاية تلتميت ورقة نوزعها ع
العمال !!
برهان : ماعرفتش بيعملوا الورق دا فين ؟
هلال : فى سوق اللبن 00 عند المنصورى !!
برهان : اسمع اللى هاقوله لك كويس ، بكره و لا
بعده ،تروح العنبراللى فيه أبوعزيز، تتمشى
تعمل إنك بتتفرج على المكنة من وراضهره ، معايا 00 هايحس بيك ، هايبص ناحيتك
،يتحرك ، تتحرك عكسه ، يتخبط فى المكنه ، تمشى ماتجريش،عشان ماحدش يشاورعليك
00 بعدين 00تسأل هو إيه اللى حصل 00
فهمت هاتعمل إيه ؟!
هلال : فهمت جنابك 0
برهان : طب يللا امشى ( يتحرك هلال بسرعة
فيؤكد عليه : ماتجريش ( يطمئن على نفسه
، ويعدل من وضع الطربوش والجاكت ، ثم
يتنحنح ، ويتقدم على السلم 0










7- فى قصر البرنس

إضاءة على جلسة أنس فى سراية محمد البرنس
عند دخول برهان بيه
البرنس :( يرتدى جلباباحريريا أبيض والكأس بيده )
حد منكم مش مصدق ، إن خشبة سيدى
وحبيبى محمد الزغبى طارت 00 طارت زى
الحمامة والله 00 بعد ماخرجت من الجامع
برهان :طارت ( يتقدم ليأخذ مكانه بين الصحبة)0
البرنس : ( يفاجأ بوجوده ، يبتسم له ) أهلا برهان
بيه 00 مش بس كده 00 دى دارت فى
الوسعاية 00 كنت فى بلكونة إسماعيل 00
هفهفت فوقى 00لمستها00 لمستها ( بفرح
وانتشاء )0
عنايات : ياسلام عليك يابرنس باشا ( بين التشكك
وكأنها تقول :ودا وقته )0
البرنس : اللى يشك فى كلامى 00 يبقى بيشك فيه
00 أيوه يبقى بيقول لى00أنت كداب !!
عنايات : إحنا نشك فيك 00 فشر !
البرنس : جايز تقولوا إنى كنت فى الوقت دا صغير
، ومدركشى00أو إنى من كترحبى وعشقى
لسيدى وحبيبى محمد الزغبى اتهيألى ، لكن
كل ده ما يمنعشى إنى لمست الخشبة 00
لمستها !
برهان :(وهو يجلس،ويمد ساقه فوق مائدة صغيرة )
حد مننا راجعك ، وقال لك دا كدب ياعم
00بس كنت عايز أسأل 00 اللى لمسته
وشفته ساعتهاكان حقيقى ولا(يعقبهاصمت)
هى دى المسألة ؟!
البرنس : يبقى أنت بتكدبنى ؟!
برهان : أنا00أبدا 00أنابس كنت عايز أعرف0
اللى لمسته كان حقيقة ولا لأ ؟( بتوتر ينظر
بخبث واشتهاء لعنايات )0
البرنس :(لنفسه بصوت مرتفع ) شفت المصنع جاب
لنا إيه يامولانا 00 شفت يامحمد يازغبى !!
إسماعيل :( يتحدث إلى البرنس ) بس المصنع عمار
دب فى عروق البلد ، شرخ طينة التخلف
والفقر والمهانة 00 أيوه 00هايتاوى كل
الغلابا ، وياخد فى جناحه البلد كله 00
قبلى وبحرى !!
البرنس : وجناحه سكاكين وخناجر هاتجيب قاع
الكل 0جناح محمد الزغبى رحمة 0
إسماعيل : جناح محمد الزغبى رحمة آه 00 بس
ماتكسيش عريان ولا تطعم جعان !!
برهان :( يستند إلى السور ) ياسيسى باشا00صب
لى كاس 00بليز
البرنس : ( يهمس ) نفس النظرات المخوخة ، اللى
ماتقدرش تقرى فيها إيه 00 حب 00كره
00بغض 00حسد !!
برهان : يامحمد بيك ،أنا عارف إنك راجل عظيم
، وياما طلعت علينا الأول أيام الحقوق
العليا !
عنايات :(تضحك مع إسماعيل) ابتدى ينعدل (
تهمس) لكن دا بعده
البرنس : وأنت كنت ألفة الكل ، الكل ، أستاذ ،
وإلّا ماكانوش بعتوك فرنسا !!
برهان : ( كأنه عار تماما ) دا من ظرفك يابرنس
باشا ، ألا قل لى ، هيّه فين ، هيّه ليه مش
معاك ؟
البرنس :هيّه مين ؟
برهان : زميلتك إياهى ، اللى كانت معاك فى كل
حتة،أما يابنى ، الكل كان حاسدك عليها ،
كانت إيه ، صحيح ابن عز، ومتربى على
الغالى ، وذوقك مفيش كده !!
البرنس : ( يهم واقفا وقد انطفأ بريق عينيه ) خدها
الغراب وطار ! يللا ياسيسى ، مالك قاعد
زى الرصد كده ؟ أنت سكرت، ليلتنا أنس
السيسى : آل سكرت آل ، ياريت ياباشا( ينهض
بسرعة) آل سكرت آل ( يدور بينهم )0
إسماعيل : لا 00 معلهشى ياسيسى ، مش هاقدر !!
عنايات : ( بصوت هامس ) راجل وحش ، سافل !
البرنس :جرى إيه ياسمعه،مش عايزتشرب ليه ؟عمى
الحاج مسعود محرج عليك ، ولا ، أقعد
يابرهان بيه،مايصحش نفض السهراية ،هيه
متكهربه كده ؟ فيه إيه ، خلاص ماعدناش
قادرين نستحمل بعض ، تعالى ياعنايات ،
تعالى أمال ، لازم تشربى معانا ، والله والله
وحياة حبيبى محمد الزغبى لنشرب كلنا ، فى
نفس واحد،نخب إنما إيه ، صافى 00 حليب
( يدور السيسى )0
إسماعيل : ( يسرح ) هيه ، زمان نبوية فى البلكونة
،زى كل ليلة ، كل ليلة ، لما الفجر يطلع
عليها، ويا العجوز،يشخط وينطر ،فيها زى
السيد والعبد ، زى ما هو عايز ،تـنزله من
على البغلة ،وترفع الخرج والبردعة واللجام
، وتعلف البغلة ، ( يبتسم )ولايوم ماخدتها
المصنع ، أفرجهاعلى المكن الجديد ،اترعبت
وكانت هاتقع من طولها ،وهيه شايفه المكوك
رايح جاى رايح جاى (كأن كل شىء يدور
فى المكان ) عنيها اتخطفت ، وقلبها كمان
،وفتحت خشمها الندى ، اللى أحلى من
النبقة ،جرت كأنها شافت عزرائيل، وليلتها
عرفت 0000
عنايات :( باهتمام ) سكت ليه ؟ كمل يا إسماعيل 0
إسماعيل : أبدا 00 خلاص !!
برهان : ( يشعر بالحيرة والقلق ) أنا آسف يابرنس
بيه ( يأخذه من ذراعه ويهمس – ميم )0
إسماعيل : الفجر قرب 00 إيه رأيكم ننزل الغيط ،
وناكل فول من على عوده ؟
البرنس : فول !!
السيسى : ( يثنى رقبته ) فول ، دا احنا فى بؤونة
الحجر00فول00تقصددرة ياسى إسماعيل؟
البرنس : الله عليك ياسيسى ، لأ صاحى0 إيه ياعم
إسماعيل ، مش حاسس بالزمن ليه ؟ أقول
عليه العوض ، المصنع تولك ، ولا الشغل
،ولا مسعود ، ولا أم العيال ؟ والله ما أنت
قد البهدلة ويا العمال،طول عمرك عايق
ورايق 0 قلت لك بلاش ، تقول لى ، أبدا
ماأمدّش إيدى لأبويا،مراتى تحترمنى إزاى ؟
( يصبح أمامه) مالك يا إسماعيل ، ما أنتش
طبيعى الليلة دى !!
إسماعيل : هيه ( يتنهد ) محمد ، ماأخبيش عليك ،
نبوية حامل !!
البرنس : حامل ،من إمته يا إسماعيل ؟ إخص عليك
00 ماتصب ياسيسى ، دى الليلة عيد !!
إسماعيل : دا كلام بقى له شهور ، تتصور الحاج
مسعود ، كان عايزها تسقط نفسها !!
البرنس : عمى الحاج مسعود طول عمره ، له دماغ
لوحده ، واللى يمشى على الناس،مايمشيش
عليه ،دا المفروض يفرح ، ويفرح، ويشرب
، ويعمل لمراتك تمثال !!
إسماعيل : دماغه زى الحجر !!
البرنس : وأنت عملت إيه ؟
إسماعيل : أنت عارف ، أنا قد إيه باحب أم العيال
( صمت ) ماتتجوز يامحمد ؟
البرنس : أتجوز ؟ هىء هى ء ، بيقول لى اتجوز !!
إسماعيل : وليه لأ يامحمد ؟!
البرنس :أتجوز،هىء هىء،أنا أتجوز،وأسيب الصحبة
دى لمين ؟
عنايات : وليه لأ ياسى محمد ؟
البرنس : ( باستهتار) تتجوزينى ياعنايات ؟ إتجوزينى
يابت ، يللا وأنا سكران ، ونجيب عـيال ،
عيال كتير ، عيال تموت ، تموت برصاص
لانجليز ، ولا الكوليرا ، ولا التيفود ، ولا
حتى بإيدينا00تموت !!
إسماعيل : ( يصرخ ) وليه لأ ، كلنا للموت ،مين فينا
قاعد؟ أيوه نجيب عيال ،بالعيال مش هانتوه
، مش هانتوه ،ونرمح ورا الأرواح ، وكلام
طاير ،مايتمسكشى بإيد ،ولا ينشاف بعين !
البرنس : اسكت00اسكت،أنت مش عارف حاجة
إسماعيل :أنت زيه،من طينته،الحاج مسعود ماعندوش
أمل فى بكرة ، يامحمد خايف من إيه ؟ الفقر
؟ العز محوطك من كل ناحية ، أرض ترمح
فيها الخيل،وربنا يبارك،بيت وعندك سرايه،
ولا سراية الملك !!
البرنس :أنت ماجربتش يا إسماعيل ، ماجربتش ،
وماشفتش ،شباب زى الورد،كله أمل وعزة
،وروح تهدجبال ،فىلحظة الرصاص ،خلاهم
، همه والأرض حتة واحدة ، الدم 00 الدم
كان فىكل حتة( نسمع فى الخلفية :الاستقلال
التام أوالموت الزؤام00سعد سعد يحيا سعد
00عاشت مصر حرة مستقلة 00طلقات
رصاص )0
إسماعيل : لولاهم ،ماكانش سعد باشا رجع ، وحس
الناس بقيمة اللى عملوه ، قيمة التضحية
والموت ،كل مصر ،كل الناس ( نسمع
أغنية سيد درويش يابلح زغلول )
البرنس : اللى على البرشاطر !!
إسماعيل : مش دا كلامك يامحمد يابرنس ، مالك ،
سعد هو مصر ، قلبها الحى ، شرارة الحب
اللى دفت الكيان كله ، وبكرة يا إسماعيل
ولادنا يطلعوا ، والبلد مافيهاش خواجات
ولاغز ،ولا00 أما أنا قريت يا إسماعيل عن
حاجات 00 لوكان تمنها الموت ، بس تخش
بلدنا لاتمنيته عشانها00 إيه اللى كسرك ؟
البرنس : سبنى ، سبنى يا إسماعيل 00 أرجوك !!
إسماعيل : أسيبك ليه ،وإيه هو اللى ماأعرفوش ، أيام
تل الواقعة ، كنا هنا ، فى البلد ، ويابعض ،
مات البدر قدامنا ، هبينا فى وش الهجانة ،
موتناهم كلهم ، كلهم ، وجم الانجليز
،وخدونا واحد ورا التانى ، واحنا هناك
اتصورنا البلد فضى ،لكن البلد كان بيشغى
، إيه هو اللى ما أعرفوش ؟
البرنس : سبنى ، سبنى يا إسماعيل !!
إسماعيل : وسافر سعد ورجع سعد،ودوت الصرخة
فى قلوب المصريين اللى بحق وحقيق ، وطلع
حرب باشا،ومعاه كتير ، ببنك مصر،قدام
كلاب البرانى والأجنبى،وقال،بلدنا أولى
بخيرها ، ومفيش مستحيل00زرعوا البلد
بالمكن والشركات،ولسه ياما هايزرعوا
00 أنا ماشى ( يلبس طربوشه )
عنايات :( تسحب الطربوش من فوق رأسه ) جرى
إيه يا أبو السباع ،احنا ما صدقنا الجو هدى
، تقوم تشعلله تانى !!
إسماعيل :ما أقدرشى أشوفه قدامى بيتفتفت،وأسكت
، الشيخ لو علم نعرفه،كنت فرحت،لكنه
كلام أسراره مايعرفهاش غيرالخالق !
عنايات : طب بس ا هدى 0
السيسى :( يهلل ويرقص ويغنى فجأة ، ثم يعتلى
كرسيا) ياحضرات سيدى الزغبى ياباشوات
، أنا شفته أمبارح ، أى والله شفته ، وأنا
راجع من سوق اللبن ،شفته يم جامع المتولى
، وقفت ، واتكلمت معاه ،كلمنى ، وملس
على وشى،وقال لى : ياسيسى أنت رئيسى
00 ياسيسى أنت رئيسى ( يرقص على
الإيقاع ويضحك ) 0
البرنس : كلب ( يهرول نحوه ، ويصفعه ، السيى يفر
كفأر مذعور ،برهان يفزع من تهويماته مرتجفا
، يهرع إسماعيل )
إسماعيل : حرام عليك يامحمد، السيسى مش كلب ،
داابن عز ، وأنت عارف !!
البرنس : كلب ، لازم يكون مؤدب ، لمايتكلم عنه
، سامع ياكلب !!
إسماعيل : الراجل مش فى وعيه ، ولا بتتلكك له ؟
البرنس : لو جاب سيرة سيدى الزغبى ، مرة تانية
على لسانه الزفر ، هاقطعه له !1
إسماعيل : كل واحدحر،أنت لمست خشبته، السيسى
شافه ، ياراجل
البرنس : (يهم ويدور غاضبا كجمل ، والزبد على
جانبى فمه) وأنت كمان ياإسماعيل ( لنفسه)
أنت الوحيد ياإسماعيل اللى بتخش جوايا ،
بتكلمنى وأنت مش خايف منى ، بتلمس
روحى ،إسماعيل مسعود فى نظر البلد كلها ،
فى العركة هو اللى كسر مناخيرك ،ويجيب
داغك الأرض (يرفع يده ، يتحسس جبهته )
زى ماتكون النهاردة !!
إسماعيل : ( يسحبه من ذراعيه ) إيه يامحمد ،سرحت
فى إيه ، زعلان ؟
البرنس :عمرى ماأزعل منك يا إسماعيل،أنت عارف
لكن مايصحش أشرب تانى(يحتضنه إسماعيل
، ويضغطه ، ثم يطلقه ) ياراجل هاتكسر
ضلوعى ( تخرج الكلمات ممطوطة متقطعة ،
يضحك الجميع حتى البرنس ) لو ضغطتك
هاكسرك !
إسماعيل :( يتركه،يرفع ذراعيه إلى أعلى ) أنا أهوووه
البرنس :( يضغطه أكثر ،وأكثر ،وإسماعيل يضحك )
يا إسماعيل لازم تقول حاجة ، لازم !!
إسماعيل : ما أنت قلت كل حاجة !
البرنس :( يضغط أكثر، وأكثر، وإسماعيل يضحك)
يا إسماعيل ، لازم تقول حاجة ، لازم ؟
إسماعيل : النيل دمى ودمك !!
البرنس : ( وهو يضغط ) كمان !!
إسماعيل : البلد فداها عمرك !
البرنس : كمان ؟
إسماعيل : الوالى يفضل والى ، وضلوعى معاك ترمك
البرنس : ( وقد تعالت نشوته ) كمان !
إسماعيل : ( يضحك ويغنى على الضغطات المتتالية )
وأنا كل ما أجول التوبة يابويا ، ترمينى
المجادير ياعينى 00 ترمينى المجادير !
برهان : ( يصفق مع عنايات ، والسيسى ، يرقصون
، برهان يتجزم، ويهز ردفيه أمام عنايات )0
الجميع : ياسيدى00الله أكبر،يالولو ،يابرهان بيه
يانجف ،إيه دا كله !
البرنس : ( لإسماعيل ) تعالى ناخد لبط !!
برهان : ( بتطلع ) لبط يعنى إيه يامحمد بيه ؟
البرنس : نلعب !!
إسماعيل :( وهو جالس ) وهو دا وقته يامحمد، أنت
فاكر إننا فى الحارة زمان !!
البرنس :( جموح طاغ ) ياسيسى،ارفع الحاجات دى
، يللا بسرعة ( لإسماعيل ) قوم يابطل،والله
لأنت قايم ( يجذبه ) يللا
إسماعيل : يارجل اعقل ، أما أنت يا محمد عليك
حاجات !
البرنس :( يجذبه ، يناوشه ، إسماعيل يضحك ، ثم
يشتبك وهو مايزال يضحك،ويسود الصمت
بعدبرهة ، العيون مترقبة ، والأنفاس تلهث )
لسه صلب ياإسماعيل،كأننامرة تانية فى سوق
اللبن ( يضغط) بنملاحوارى البلد بمعاركنا،
وشجاعتنا ،فاكرآخرمرة فى الوسعاية ،نطيت
ورايا على الحصان ، مسكت فى ضهرى زى
دلوقتى ، ماكانش قدامى غير إنـى أوقع
نفسى ، عشان أواجهك ، وأضربك ، بس
أنت قلبت الحركة ، و على الأرض كنت
كنت فوقى ، ضربتنى بإيدك على رأسى ،
نزل الدم على وشى ، يوميها الناس هللت
،الله أكبر ، كأنهم شافوا دبيحه بتندبح ، إنما
دلوقتى ، هافلت منك ، وأضغط عليك ،
وهاخليك تلحس التراب،مابتتوجعشى ليه ؟
كبرياءك منعك ؟
ص الشيخ : نهاية واحد منكم ، قدامى ، مش هاقول
هو مين ؟ اهربوا م اللعنة ياولاد المحلة 00
اهربوا !
برهان : وهو ينفع كده برضه ؟
السيسى : كفايه 00 يامحمد بيه ، كفاية !!
عنايات : ( تصرخ ) يامصيبتى ، محمد بيه ، حاسب ،
هاتقتله !
محمد :(يفزع ،يقف غير مصدق ، يدور بإحساس
المجرم ورعبه)
إسماعيل :( يلهث على الأرض ،وهو يبتسم ) ياسلام
، رجّعت الواحد لأيام زمان 00ياااااه
محمد :( فى فزعه ، يدور ،يخرج إلى الشرفة) ياااه ،
معقول ، معقول ، أنا ؟
برهان : أنا ماشى بقى يامحمد بيه ، سعيدة !!
عنايات : (حزينة ،تتثاءب ،تمد يدها لإسماعيل ، ترفعه
على المقعد ) وأنا طالعة أنام !
إسماعيل :(معادون كلام ،محمد يبكى صامتا ،إسماعيل
يواجهه ) جرى إيه يامحمد ؟ مالك ؟
محمد : ماتحاولش تشوفنى ياإسماعيل( يتحسسه
،يستدير ) ماتحاولش ، أنا هاسيب البلد ،
كلها أيام ، وامشى !
إسماعيل : هاتدرس تانى ؟
محمد : جايز ( وهو مايزال متأثرا )
إسماعيل : يعنى ما أنتش عارف لسه ؟( يجذبه ) بص
لى،مالك ، بتدارى وشك ليه ؟
محمد : لازم تبعد !!
إسماعيل : أنت عايز كده ؟
محمد : لازم !
إسماعيل : هاتقدر ؟
محمد : أيوه هاقدر،روح يا إسماعيل روح ( يصرخ
بها )
إسماعيل : ( باستسلام ) أمرك !!
البرنس :(وحيدا فى بقعة إضاءة) معلهشى يا إسماعيل
،سامحنى ، من بعدعركة سوق اللبن ،كنت
باحلم دايما إنى باقتلك ،ولما كنت
أحكى لك،كنت دايما تضحك ،وتقول لى
: النوم فى جنينة الصهريج بيجيب كوابيس
، يا إسماعيل الأحلام ، دايما بتدل على اللى
جو النفس00عارف ياإسماعيل ،أناقلت لك
روح ليه ؟ لأن لو كان دا حصل ، كنت
هاموت نفسى(كأنه ينادى عليه ) سامحنى
ياإسماعيل،سامحنى،هاتوحشنى يا إسماعيل ، ما
أقدرش أعيش بعيد عنك ، أنا مسافر ، أنا
مسافر يا إسماعيل ، عشان اللى حصل ده
مايتكررشى ،روح يا إسماعيل ،روح !
إسماعيل : ( ترفع الإضاءة من على البرنس وتنزل على
إسماعيل على أبواب الحارة ) عمرعينيك ما
كان فيها شر يامحمد،كانت طول عمرها
صافية ، جنة ، جنة مالهاش حدود ، والشر
اللى جواك أنا السبب فيه ، كانـت إيدى
انقطعت،ولا اتمدت عليك يامحمد ، ياويلى
من بعدك ،لا أبويا،ولا البلد كلها ، يعرفوك
قد ما أنى أعرفك ، ياترى عامل إيه لوحدك
فى القصر ، فى المندرة الشرقية ، فى الدور
الأولانى ؟ ( بصوت عال ) يامحــمد (
بانكسار) أنا مروح ،مروح ( تنزل الأغنية )










8 – حتى الموت

نسمع صوت القباقيب مع فتح الإضاءة ،
دلالة على خروج الوردية ، نرى إسماعيل
والمنصورى يسيران صوب الوسعاية عربة
الهريسة ( العروسة) وعم سيد ، وعم قرشى
بائع البطيخ ، وبعض بائعى الخضار ، وأيضا
عم شربينى المكوجى البلدى00أنوار العروسة
قوية للغاية،وعبدالواحد فى مجلسه، المريدون
من حوله0
عبدالواحد : هامت زمردة حبا بحسينة ، وكانت تبدو
حزينة ( ميم )
المنصورى : مالك ياسى إسماعيل ، مسهم ليه ؟
عم قرشى : بطيخه ياسمعه 00 ياعم قول مسالخير ؟
إسماعيل : مسالخير ياعم قرشى ، لا مؤخذة (
مستمران فى المضى )
عم سيد : سفتحنى ياسى إسماعيل 00 عندى هريسة
تستاهل بقك !
إسماعيل : ماشى ياعم سيد ،هابعت لك حتالمة بعد
شوية ( أصوات مننكل جانب – المصغر00
مجنونة ياقوطة – ريان ياورور )
المنصورى : هيه ياسى إسماعيل ، قلت إيه ؟
إسماعيل : معلهشى ياعبدالرازق،أصل دماغىمشغول
شوية( يصبحون على المقهى – إضاءة نرى
من خلالها نبوية زوجة إسماعيل فى البلكونة )
إيه الإحساس ده ، شىء مرير ، إحساس
بالوحدة مفيش بعدكده ، أنا إيه ؟ أنا مين ؟
إسماعيل مسعود ، طظ ، طظ ، مجرد نقطة
مالهاش معنى ، نقطة فى الهو ، أروح لمحمد ؟
مالى عامل زى المربّط كده ، مش قـادر
أتفلفص ، إسماعيل مسعود ومحمد البرنس
ونبوية والمنصورى وأبو عزيز ، وحدة إيه يا
إسماعيل؟ أنت اللى عامل زى الفرخ الدايخ
،ماقال لك
،خليك معايا ،تشرف على الأرض ، رفضت
ليه ؟ خفت منه ومن نفسك ، يا إسماعيل (
يصرخ فجأة ) محمد 00 محمد !!
المنصورى : إيه ؟ سى إسماعيل مالك ؟
بائعة : (فى الرابعة عشرة تحمل أوراق اليانصيب)
النمرة 00 البريمو 00 ميلم بس !!
المنصورى : برضه ماردتشى عليه ؟
إسماعيل : اقعد يامنصورى 00 اقعد
المنصورى : لإمته ؟
إسماعيل : طب بس اقعد 0الوسعاية دى بقى شافت
كل حياتى، كانت الملعب بتاعنا ، أنا ومحمد
، محمد البرنس طلع من هنا ، اتولد فى بيت
ميلم ، اللى ماغيروش الزمن 0ساعات نبقى
زى اللبن الصافى،وساعات زى ناقر ونقير !
أبوعزيز : مش سكتنا ياإسماعيل ، مش سكتنا !!
إسماعيل : نتضارب ، ونلعب ، بس عمر قلوبنا ما
اسودت يا أبو عزيز،عمرها،كناهنا، نتراهن
00 تيجى نتراهن ؟
أبوعزيز : على إيه ؟
إسماعيل : اللى يرفع حجرتقيل عشرين مرة00أيوه
حجر قد ده ( يحط يده على كتلة كبيرة )
المنصورى : واحناعاد فينا حيل ياسى إسماعيل ، المصنع
مص دمنا !
إسماعيل : تقدر ياد ياعبدالرازق ، تقدرزى البرنس
00 نتراهن على اللى يشيله ، ويطلع بيه
عشرين مرة على سلم الصهريج اللى
قدامك ،كدهوه (يحمله بصعوبة) هيه 00ياه
، دا تقيل قوى !
أبو عزيز : تقيل ، ولا أنت اللى خسعت ، من أكل
الفول والمصـغر ، والمكن نحلك ، وجاب
داغك الأرض،أنت فين يا إسماعيل ، بتهرب
ليه ؟
إسماعيل : أنا ياعبدالرازق ، أهرب ، وأهرب أروح
فين ؟
المنصورى : مش عارف ، مُصر تبقى بعيد !
إسماعيل : عمرى ما كنت بعيد ، دا أنا من حبـى
ليكم ، اشتغلت فى المدعوقة ، من يوم ما
البلد وقفت فى وشكم ، وأنا معاكم !
المنصورى : المصنع هو لقمة عيشنا ، بقى حياتنا
ياإسماعيل 0
إسماعيل : ياترى الباشا حرب ، عارف اللى احنا فيه
ياعبدالرازق ؟
المنصورى : ودى معقولة ،هايعرف إيه ولا إيه ،دازرع
فى كل بلد مصنع ، أيوه ، كل بلد فى بر
مصر ، بحريها وقبليها !
إسماعيل : آه ( وهو يلف مرتجفا ) الحاجة الوحيدة
اللى مافيهاش ريحة ولاد الهرمة00الانجليز !
المنصورى : بطل يا إسماعيل ، مايقلش عن عرابى ، ولا
مصطفى كامل ، وسعد باشا 00كان شرطه
الوحيد ، ولا سهم واحد ياخده أجنبى ،
ولا سهم ، ولا سهم !
إسماعيل : ياه 00 نفس الكلام اللى قاله محمد ، قاله
، أمال ليه سايبنا للريسه ، والمديرين ،
يتحكموا فينا،وياكلواعرقنا،وعرق العيال
الصغار ؟
المنصورى : عشان كده لازم صوتنا يوصل له ، يوصل
له فى أى مكان!
إسماعيل : إزاى ياعبدالرازق ؟
المنصورى : نرفض الظلم والنهب والاهمال ، ونكشف
لعبة المكن الخردة ، اللى جه على إنه جديد
فى الكراتين ، والعيال اللى موقفنهم ، كل
عيل على أربع مكنات !!
إسماعيل : برضه إزاى ؟
المنصورى : نعلى صوتنا ، ونطالب بحقوقنا !
إسماعيل : إزاى ؟
المنصورى : إزاى 00 إزاى ، أنت معانا ،ومش معانا
ياريس إسماعيل !
إسماعيل : بيتهيألك يامنصورى !
المنصورى : الإدارة ناوية على مصيبة ، عشان حاجات
غلط انكشفت ، أنا خايف على أبو عزيز
قوى !
أبوعزيز : سلمها لله يامنصورى ، واللى فى علم ربنا
يكون !
إسماعيل : واحنا روحنا فين ؟
أبوعزيز : نفسى تشوفنا بعنيك الطيبة ، المستشفى ،
العنابر،العيال اللى بتقع من الجوع ،المكن،
اللى بيخطف كل يوم واحدمنا، ماهو على
يدك ياسى إسماعيل !!
إسماعيل : آه 00 آه ( ألم فظيع فى أسفل البطن )
المنصورى : ( يقف مفزوعا ومعه أبوعزيز ) مالك ياسى
إسماعيل ؟
إسماعيل : وجع كده يا أخى ،مصارينى بقى لها يومين
بتتقلب عليه !
أبوعزيز : تحب نوصلك للدار ؟
إسماعيل : لأ00أنا خلاص بقيت كويس ، تعيش
(يتحامل على نفسه )
المنصورى : طيب 00 احنا ماشين بقى !!
إسماعيل : معقول ، نتعشى سوا الأول 0
المنصورى : تشكر يابو السباع،ألف سلامة،سلام (
يتحركان مهزومين )
إسماعيل :( يخرج من ألمه ) فات يوم ،يومين ، كأنهم
عمريامحمد ، ياه،شىء غريب ، قاسى ، كل
حاجة فى البلد زى ماهيه عليه ، الشجر ،
الناس ،الصهريج ،الفقر ،الوجع ، العمال ،
الأبواب زى مايكون عمرها،ما انفتحت،
وبرضه مااتقفلتش،الشمس كأنها ماطلعتشى
من يومين ،الحوارى ( يقف ) السكك السد
زى مواسير مواسير مليانة ضلمة ووحشة
وسكون ، أنا إيه ؟ أنا مين ؟ أروح لمحمد ؟
مالى عامل زى المربوط كده ،مش قادر
اتفلفص(الكلوبات ترخى جوا شجيا –
يتهيأله البرنس ) محمد محمد ( يصرخ بينما
شبح محمد يتراجع ) ياه يا إسماعيل ، اجمد
أمال ،اجمد 00محب لأ ،محب لأ 00 أروح
، ماروحش ،أروح 0أم فكرات زمانتها ورا
سور البلكونة ، بتبص من بين المثلثات
والدواير ، زمانها بتقول هو غاب ليه
،معلهشى يانبوية ، بهدلتك معايا يابنت
الناس ( مسعود يدخل بعصاه – يدنو من
إسماعيل )0
مسعود : اسم الله ،ماأنت قاعد أهوه ، مش بعاده
،ماجريتش عليه ليه؟
إسماعيل : أنت لا عجبك كده ،ولا كده يابه ، أفوتها
لك ، وامشى ؟
مسعود : آدى اللى أنت فالح فيه !!
إسماعيل : يابه ، محمد ، غير كده خالص !
مسعود : لا أنت من مركزه ، ولا هو من مركزك
يابن الـ 000
إسماعيل : يابه ، محمد ابن نفسه 0
مسعود : هايقتلك ياأهبل ، هايقتلك 00 مش
هاينسى !
إسماعيل : يابه ، دا عرض عليه الميت فدان ، وادانى
حجتهم ، ماردتشى عشان خاطرك ، لو
قلبه أسود ، كان عمل كده ؟!
مسعود : مش هاينسى يابن الـ 000إنك خرجت
عليه ويا مدبولى بس ، وهزمته هو وجيشه
، مش هاينسى !
إسماعيل : كانت شقاوة عيال يابه !!
مسعود : ابعد عنه ، ولا حنيت للخمرة ، والنسوان
، اللى هايجيب خبرك بيهم ؟!
إسماعيل : هو أنت بينك وبينه تار 00 أنا ماشى !!
مسعود : وتمشى ليه ، أنت حر، أنا قايم أشوف
نبوية ، علفت البغلة ، و لا لأ
نبوية :( تقبل فى ملاءتها اللف السوداء ) روح له
ياسى إسماعيل ، روح له !!
مسعود : لأ 00 لأ ( يتقدم لصفعه فيمسك يده )
إسماعيل : يابه ، عيب ، مش قدام أم العيال ، أكون
راجلها إزاى، أنت اللى عايز تموتنى ، أنت
، مش هو !!
مسعود : ( يتحرك مبتعدا بغضب ) ما أنتش راجع
إلا بموتك ، وأنتِ بكرة تبكى ، بدل
الدموع دم !!
نبوية : ارحم نفسك ياخويا ، روح له ، روح له
ياخويا !
إسماعيل : اقعدى يانبوية 0
نبوية : طب ماتيجى نروح ، لحسن العيال نايمين
لوحدهم !
إسماعيل : دماغى هايشت يانبوية 0
نبوية : سلامتك ياسى إسماعيل ،روح له ياخويا !
إسماعيل : مش قادر ، كل ليلة من الليلتين اللى فاتوا
، أشم ريحته تحت البلكونة ، أيوه يانبوية ،
وليلاتى أروح هناك ، آجى أخش ، ألقى
صوته بيكسفنى ،وهو بيقول لى ،روح يا
إسماعيل ، روح ، اتدارى تحت سور الجنينة
، لغاية ما اشوفه من غير مايحس ، وأمشى ،
وأنا فرحان ، إنه بخير00تتصورى ، فتحت
له سيرة الجواز والعيال ،زعق ، وعيط زى
عيل صغير ( تضطرب ) 0
نبوية : تبات نار ، تصبح رماد ياخويا !!قول لى ،
ألا أنت فاكرليلة جوازنا ياسى إسماعيل 00
هيه ؟
إسماعيل :( يتنهد ) إلا فاكر، ودى حاجة برضه
تتنسى يانبوية ،ياسلام عليك يامحمد ، ليلتها
، الفرسان والنقرزان ، بالجمال ، وفرقة
مزيكا ،ولزمن نركب الكارته ،لزمن ، ياه ،
ولا الواد مدبولى ، الجلالة خدته ، وهات
يارقص بالنبوت ، لما برك زى الجمل 00أما
كانت ليلة !!
نبوية : وهيه كانت ليلة برضه ، لا أنت عايز
تضحك عليه ، وليلة الحنا ، والحموم ،
والعريس جاى من الحمام كده ، فشر قمر
أربعتاشر ، والطربوش لاحمر هياكل من
وشه حته ، والناس ترش الملح ماينزلشى ،
وليلة الكحك ، وحلة الاتفاق ، ياه يا
إسماعيل ، أسبوع مش محسوب من العمر ،
وهو كل العمر !( فلاش باك على الفرح
البلدى فى هذه الأيام بمقدماته كلها ثم الزفة
حتى انتظار رؤية عرض العروس ) 0
نبوية : ( تمسح على وجهها ) سماعين ، اهدى
أمال ياخويا ، يللا بينا نروح ، أما أنا عامله
لك شوية مفتأة ، تستاهل بقك !
إسماعيل : ليه يانبوية ، عاملاها لينا ؟
نبوية : أمال ، وأنا عندى أعز منكم !!
إسماعيل : مفيش فايدة ، مصرة تضحكى عليه ،
دولابين الغزل ، وقلت يمكن بتتسلى،لكن
المفتأة ،والحلبة ،بتعمليها بالزوفة ، وبتاكل
منها المحلة كلها !
نبوية : ايد المعلم إسماعيل مسعود ، لازمن تكون
فوق الكل ، تدى،وتحوط على المحلة كلها !
إسماعيل : اسكتى ، اسكتى يانبوية ، أنت إيه ؟
نبوية : (تبكى )ماهى الواحدة برضه لازم تحس
برجلها، وأنا شايفاك بتشقى ، لكن 0000
إسماعيل : تقومى ( ليس قادرا على النطق )
نبوية : جرى إيه ياسى إسماعيل ،أنت فاكرنى إيه
،مابفهمشى،جبلّة ، هاشوفك بتتقطع قدامى
، واسكت ، أنا أفديك بروحى ، اقطع من
جتتى نساير نساير،ولا أشوفك كده ، وهو
أنا كنت انتقلت من مكانى ، دى فايقة بنت
أم زينهم الملاية ، هى اللى جابت الكلفة ،
وهى برضه اللى بتوزع ،والنبى ماتاخد فى
بالك ، حلفتك بالنبى ، والنبى !!
إسماعيل : تعبتك يا بنت الناس !!
نبوية : أنت راحتى ، لو أطول أحطك فى ننى عنيه
، رايحة جاية ، بشحمك ولحمك !!
إسماعيل : يللا بينا( يقف ويتحرك وهى خلفه) قولى
لى ، فاضل قد إيه ( يشير لبطنها ) ؟
نبوية : شوف ياسيدى ، احنا دلوقتى فى ( تحسب
على أصابعها 2 ، 3 ، 4 ، 5 ، 6 واتنين
يبقوا تمانيه ) يعنى قول كده ، يجى شهر ،
تلت أسابيع ،مش كنت خلصت منه أحسن
،هو أنت ناقص ياخويا !
إسماعيل : هاتكفرى يانبوية ( يصرخ ) هاتكفرى
بنعمة ربنا ؟
نبوية : ياخويا ، هو أنت كنت ناقص مرازية !
إسماعيل : الحاج مسعود يقول ، ويفكر على كيفه ،
لكن أنا ، نفسى ،تجيب لى ، عشرين عيل !
نبوية : ياخويا كده !!
إسماعيل : وهاتسميه إيه يانبوية ؟
نبوية : تعيش وتسمى ياخويا
إسماعيل : لو جات بنت سميها نبوية ، ولو جه واد
سميه محمد البرنس !
نبوية : سماعين ، مالك ؟
إسماعيل : أبدا يانبوية ،بس نفسى مطبوق كده ،من
ساعة ماشفت فرد الحمام ميت ، فى البنيه
الصبح ، وأنا عقلى هايشت ، يموت من
الحزن على صاحبه ،ولما كان عايش معاه ،
ماكانشى طايقه ، ياترى همه أصحاب ، ولا
اخوات ؟
نبوية : روح له ياخويا ، أنت مابتستريحشى إلا
معاه ، والنبى لأنت رايح له !
إسماعيل : محمد هنا يانبوية ، هنا فى جنينة الصهريج
، محمد هنا !!
نبوية : ( برعب وهى تغطى ستر وجهها ) هنا ؟
إسماعيل : نفسه جونخاشيشى ، وشه لابيض فى عنيه
، إيه رأيك أكشفه ، هانده عليه !
نبوية : نادى ياخويا !!
إسماعيل : محمد يابرنس ، محمد ، محمد ، رد عليه ،
هالم عليك الخلق !
البرنس : ( يخرج من ظلمة الصهريج ) إسماعيل !
إسماعيل : مش قلت لك ( عين نبوية تدمع من التأثر-
إسماعيل يلتقط فرد الحمام الميت من الأرض
بيده )
البرنس : ( يدنو منه ، يتماسكان ، يدوران ) الباقية
فى حياتكم !
نبوية : الشر بره وبعيد ياخويا
إسماعيل : انطق يامحمد 00مين؟( وهو يحدق فى الطير
بيده )
البرنس : سعد 00 سعد زغلول 00مات 00 مات
يا إسماعيل ( وهو يلقى بنفسه بين ذراعيه )

9 – جنازة زعيم الأمة

صوان عزاء منصوب فى الوسعاية ، على
رأسه مأمور البندر ، وبرهان بيه ،وناس
كثيرون ،يعزون بعضهم بعضا، إسماعيل
يلبس طربوشه وجلبابه البلدى،ويمسك نبوتا
، ويأخذ العزاء ، يقبل محمد البرنس ،يعزى
الحاضرين ،البلد كأنها هنا، وبين وقت
وآخرنسمع صوت قبقاب،سقاؤوالحى
يؤدون واجبهم برش الوسعاية ، أفرع
ورد تقف فى كل جانب ، بيارق خضراء !!
البرنس : ( يسلم على المأمور ) البقية فى حياتك (
ثم على برهان ) البقية فى حياتك ( ثم على
إسماعيل فيعانقه )
إسماعيل : ياترى مصر عامله إيه دلوقتى ؟
البرنس : ( بضيق ) هاتعمل إيه يعنى ؟ أهو مات !
إسماعيل : فيه إيه ؟ مالك ( باستغراب وحدة )
البرنس :ولاحاجة (بينما نسمع نهنهات تأتى من
الجمع،وربما صراخ لنساء فى انتظار الجنازة
الرمزية ) هيه ، دا أنا نسيت أعزى عمى
الحاج مسعود ( يتحرك ويقف أمام مسعود )
البقية فى حياتك ياعمى !!
مسعود :(يحدق فى عينيه،وهو فى جلباب رث لايليق )
ياترى الدور على مين يامحمد بيه ؟
البرنس : الأمر لله وحده ياحاج !
مسعود : الأمر لك أنت يامحمد 00ما أنتش راجع
عنه إلا لماتموته !!
البرنس : جرى إيه ياحاج ، ودا اسمه كلام برضه ،
اللى مات سعد زغلول ، سعد زغلول مش
سعد مسعود ؟
مسعود : بتتمناها ،مش كده ؟ صحيح قادر وفاجر !
البرنس : مقبولة منك ياحاج ؛ لجل خاطر سماعيل
وعضم التربة !
مسعود : كتر خيرك يابنى 00 تعالى خدلك قلمين
أحسن !
البرنس : ( ينسحب دون كلمة ، ويقف بعيدا عن
إسماعيل )
إسماعيل : ( كان يراقب مايحدث ، وحين ابتعد
البرنس يتحرك ليقف إلى جواره ) إيه ؟ فيه
إيه ، الحاج مسعود ضايقك ؟
البرنس : و لا ضايقنى ولا حاجة 00 أهو كلام !
إسماعيل :شوف الراجل ،الراجل ده هايموتنى يامحمد،
شوف الجلابية المزيتة اللى لابسها ، عامل
مش لاقى ، أنا خلاص ، هاوج يامحمد (
يفاجئه ألم البطن فجأة ) آه 00 آه !!
البرنس : ( بجزع ) مالك يا إسماعيل ، فيه إيه ؟
إسماعيل :الحتة دى بقى لها كام يوم بتعل عليه ( يشير
صوب منطقة البطن السفلية )
البرنس : وساكت يا إسماعيل ، لازم تروح للحكيم
الرومى ،لازم !
إسماعيل : إن شاء الله ، ماتقلقشى أنت ، حالا تهدى
لوحدها ، أهوه خلاص ، مفيش حاجة ،
كلمك فى إيه الحاج ؟
البرنس : أبدا ، كنا بنتكلم عن المرحوم ، وعن عدلى
، واللى عمله ، والسرايه ، ماتاخدتشى فى
بالك !
إسماعيل : أظن لازم تقول حاجة النهاردة ، هيه ،
لازم !
المنصورى : ( يقبل ومعه جمع من العمال ) البقية فى
حياتك ( يهمس لإسماعيل ) عايزينك !!
إسماعيل : تعيش ياعبدالرازق ، تعيش ، بعدين بعدين
المنصورى : بعدين إمته،مفيش أحسن من الظرف ده !
إسماعيل : ماينفعشى يامنصورى ، والناس زعلانين
كده !
المنصورى : هو دا عز الطلب ، موت سعد باشا خنق
الناس أكتر، وكسر جنحاتهم ، لو سبناهم
لبكرة هايبردو ا ، ولا هايهتموا !!
القفاص : الوحش جاى ، جاى يا ولاد ، والباشا
مات ، وفتنا ليه ،شوفوا يدوب خرج من
البيضة ، والوحش جاى، والباشا راح !
مدبولى : واد ياقفاص ، امشى ابعد العيال دول ،
يللا وخليك جار البيارق ، يللا !!
برهان : ( يتسحب ويفاجىء المنصورى وإسماعيل )
بتتكلموا فى إيه ؟ هيه ؟
المنصورى : تفتكر يابرهان بيه ، الزعيم مات من زعله
على الكرسى والوزارة ولامن عدلى باشا ؟
برهان : وليه لأ، ماهو اللى زى دول ، همهم كله
على الكرسى والوزارة والأبهة وبس !
إسماعيل : لو سمحت،بلاش الكلام ده، لتاخد نفسك
، وتمشى من هنا !
برهان : جرى إيه ياسى إسماعيل ، أنا ما أقصدتشى
والله !
إسماعيل : بلا إسماعيل بلا زفت ( يبتعد، يلملم طرف
جلبابه بنرفزة )
برهان :( للمنصورى )سيبك منه ، هو كده ، دايما
حمقى على الفاضى ، يا عبد الـرازق اسمع
كلامى ، وهاودنى تكسب !!
المنصورى : يفتح الله يابرهان بيه !!
برهان : هاتتعب ؟
المنصورى : تعبك راحة ياباشا !!
برهان : هاشتتك ؟
المنصورى : وماله ، سعيكم مشكور
برهان : بلاش ، دا أنا باحبك !!
المنصورى : ومن سمعك !!
برهان : مش باين
المنصورى : طب اسأل سعد باشا زغلول كده ؟
برهان : حاضر ، مالكشى بعد كده كلام عندى ،
والشاطر يسد( يقبل إسماعيل،ويخلع المنصورى
من أمامه )
إسماعيل :(قريبا من البرنس – لنفسه) هومحمد ساكت
ليه ؟ ماله ؟ يامحمد بلاش سكات ، أنا فى
انتظارك النهاردة ، فين اللى أنت قولته لى ؟
الاستقلال التام أو اموت الزؤام ،سعد سعد
يحيا سعد،عايز أسمع صوتك يلعلع ، ويلم
الناس ، سعد 00 سعد 00 مصر ، تتكلم
عن صدقى والدستور ، عن حرب باشا ،
وعن حلمه الكبير اللى بيتحقق لأجل خاطر
مصر ، البلد ، وإزاى الملك سايبها للبوم
والغربان تعشش فيها ، عن المكن الخردة ،
وكراتين العيال ، وعرق الولاد ، والقباقيب
بعد حضارة أربع تلاف سنة ( تنفض الجميع
ويكبرو ؛ فقد تهيأ النعش ، والتف بعلم
المملكة المصرية ، وارتفع فوق الأعناق بينما
ارتفعت الموسيقى الجنائزية ، الحضور يرفعون
السبابة ، ويترحمون ،ثم يتحرك موكبهم ،جمع
غفيركأن البلدة كلها خلف الجنازة 00نسمع
صوتا نشازا أول الأمر بسبب القباقيب،
سرعان مايتخلص منها لابسوها، ويحملونها
، ويمشون حفاة !
المأمور : قرب قدام الجنازة يابرنس بيه ، وأنت يا
إسماعيل ، أنتوا كبار البلد ، لازمن تكونوا
قدام !
البرنس :( يحبك العباءة ومعه إسماعيل يحدق فيه
باستغراب وأسف )
المنصورى : البرنس محمدمش بعاده النهاردة ، ساكت
زى القبر، ياترى فيه إيه ؟الوحيد اللى كان
واقف معانا ، وياما اتعارك عشانا ، وياما
،ياما (يمط شفتيه )كتير قوى،كتير قوى على
البرنس محمد،(تتردد أقوال وتسبيحات وربما
غناء لسيد درويش ، وتكبيرات ، الله حى ،
الله حى ، فى ذمة الله ياسعد )
المحمدى : (يخترق الصفوف وهو يهرول حافيا ،حتى
يبصر المنصورى،فيجنح نحوه، يلهث ،يبكى )
قتلوه 0قتلوه يامنصورى !
المنصورى : الدوام لله وحده، هو راخرساعدهم على
كده ، ربنا يعوضنا فيه خير ، قل لى إزاى
خرجت ، سبت المصنع ؟
المحمدى : قتلوا أبو عزيز يامنصورى 00 قتلوه !
المنصورى : ( يتوقف ) بتقول إيه يامحمدى ؟
المحمدى : قتلوا أبوعزيز،رموه على المكنة يامنصورى
، قتلوه !
المنصورى : إمته ، وإزاى ، انطق ؟
المحمدى : احنا كنا مشغولين ، سمعنا صرخة ، التفتنا
لقينا أبوعزيز ، غرقان فى دمه ، والعمال
بتجرى !
المنصورى : مين ، ماحدش شاف اللى حصل ؟
المحمدى : سيد أحمد الطنطاوى قال إنه لمح هلال ،
كلب برهان بيه ، واقف وراه قبلها !
المنصورى : معقول ،لا ( يصرخ ) يا إسماعيل يامسعود
، يامحمد بيه ،قتلوه ، قتلوا أبو عزيز ، قتلوه
،المجرمين ،المجرمين(ذهول،يتجمد المشهد) 0


10- الذئب

فى جنينة القصر – أمام السلاملك
البرنس : حلمت إنى باقتلك !
إسماعيل : كوابيس ، مالهاش معنى !!
البرنس : مش مهم ، أنا خلاص 000
إسماعيل : أنت ليه مش عايز تبطل النغمة دى ؟
البرنس : مش معقول !!
إسماعيل : بكرة العيشة فى مصرتاخدك ، وتنسيك
مشاكلنا ،وقرافنا، وجايز ،مش جايز ، مش
جايز لازم تاخد الشهادة الكبيرة ، وترجع
خوجه ،ولا محامى قد الدنيا،ولا يمكن ترجع
مدير للمصنع ، وتعدل المعووج !!
البرنس : ماشى ياعم !!
إسماعيل : لوكنت سمعت كلامى واتجوزت ،مش كان
زمان عندك ، خمس ، قول ست عيال جمال
زيك ، ملوا عليك الدنيا !
البرنس : قول ، كانوا فلقوا دماغى !
إسماعيل : وماله ، يفلقوه ، ويرجعوا يرموه !
البرنس : الليلة نشرب للصبح !
إسماعيل : لا ياعم !
البرنس : ( يضحك ) كلها أيام ، والحال ينعدل ،
واللحمة تبت فى السدى،زى ما أنت شفت
من يومين 0
إسماعيل : ياسلام يامحمد ، أما كان يوم ،مفيش كده،
خدنا بتار أبو عزيز صحيح !
البرنس : أقول لك على حاجة ماتعرفهاش،السيسى
دبح له اتنين مع عنايات،ودفنّهم ورا المطبخ
إسماعيل : معقول يامحمد،الله ، لو لا المكوك يامحمد ،
اللحمة ماتبتش فى السدى !
البرنس : موجود، جوكل واحد،فى البلد، فى المصنع
، جو السرايه دى ، هناك فى الوسعاية ، فى
الحوارى ، مزلقاناتها ، بيوتها الطيبة ،دا مش
كلامى ، دا تاريخ يا إسماعيل ، النول ياما
طلع رجاله للغز ، والعثمانليه ، والفرنسوية
، والانجليز ، دى بلد بتقزز الرجاله ! يللا
على بيت مانولى ( تدخل عنايات )
عنايات : وتسيبونى ، اخص عليكم !!
إسماعيل : عنايات ، تعالى يا أجمل فاروزة !!
البرنس : فاروزة ، أما أنت عليك كلام ياإسماعيل ،
يهلك م الضحك !
عنايات : أنت كده دايما يابرنس ، إنما إسماعيل !
إسماعيل : بلا ش مانولى 00 بلاش ؟
البرنس : عايز أسمعك أسطوانة جديدة للست منيرة
، صوتها فيها إيه ، كروان،ياسلام ياإسماعيل
00أسمر ملك روحى0000الليلة هانكون
لوحدنا ، هدوء بس ماتخلينيش أشرب كتير
، هيه ، عشان خاطرى ، وحشانى ياعنايات
( يهمس – مستغربة )
إسماعيل : أنت كنت زعلان ، ومتضايق ، إيه يعنى ؟
البرنس :كل البلد ، عيون مليانه اتهام ، إنى باغويك
بالـ 000
إسماعيل : (يقاطعه) ماتزعلشى ياسيدى ، أنا اللى
باغويك ( سكته )
البرنس : ماتسافر معايا ؟
إسماعيل : ياريت !!
البرنس : وإيه اللى يمنعك ؟ كبرياءك ، رأى الناس ،
الحاج مسعود ، آه الحاج مسعود ، ماها
يصدق ، يمشى فى البلد ، والبلد يشاور
عليك ، ياخسارة بطل المحلة باع نفسه
للشيطان ، هاودنى !
إسماعيل : دا طريقك أنت، أما أنا فطريقى البلد ،فيه
أربع حبايب ، صحيح مايغنوش عنك ، دا
غير الضيف اللى جاى ، وبعدين ما ينفعشى
بعد اللى حصل،العيال اللى المصنع شردهم
، دول يروحوا فين ؟ والعلقة اللى خدتـها
الإدارة ، والانجليز من كام يوم ، أنا عارف
هاتعك على دماغ العيال ، لكن كان لازم
ناخد بتار أبو عزيز !!
البرنس : قول لى عايز ولد ولا بنت ؟
إسماعيل : بينى وبينك ، عايزها تجيب لى محمد ، محمد
البرنس !
البرنس : ( يتوقف فجأة وتغرورق عينياه بينما نسمع
نبوءة الشيخ ، ثم يتحرك داخلا )0
عنايات : لا 00 أنت حد زقك عليه ، معقولة فيه
بنى آدم كده ؟
إسماعيل : طبعا ، أحلى اسم ، محمد،هو زعل ، محمد
رسول الله ، محمد البرنس ،محمد الزغبى ،
محمد فريد ،محمد طلعت حرب ، محمد على
، محمد محمد محمد اللهم صلى عليه ،وبارك
لنا فيه (يغنى ويتطوح ، تفاجئه آلام البطن ،
يتوقف ، يرتمى على الأرض )
عنايات : سى إسماعيل ،سى إسماعيل ( تحط عليه )0
إسماعيل : ماتخافيش ، مفيش حاجة !!
عنايات : مالك يا إسماعيل ، تحب نخش جوه ؟
( تلتصق به) رد عليه ، إسماعيل،أنا باحبك ،
فوق يا إسماعيل ، فوق ياخويا ، أيوه
( وجهها يضحك ) ماتعرفشى قد إيه باحبك
، ياريتك تحس بيه ، بس أنت فين ، فين ؟
واللى أنت مابتشفشى غير نبوية وبس ؟
إسماعيل :( بصعوبة) نبوية ست جدعة،قوى ياعنايات
، آه لو تشوفيها،هاتحبيها على طول ، عارفه
ياعنايات ، هيه شبهك تمام ، الخالق الناطق
، اتعلمت شغل الطرح والقمط، والشيلان،
تصدقى ساعات كتير أحس إنها مابتنامشى
أبدا ، وفيه كلمة على بقها عايزه تقولها ،
بس خايفة على زعلى ، تعـرفى ،نبوية الود
ودها ، تشتغل معايا فى المصنع !!
عنايات : وهو أنت شوية ياإسماعيل ، أى ست فى
الدنيا بحالها تتمناك ، وتتمنى التراب اللى
بتمشى عليه !
إسماعيل : وأنا حايله راجل غلبان ، عندك محمد
البرنس ، عز وأبهة ، وعلام مفيش كده ،
وكمان ابن بلد مجدع ، آجى فيه إيه ؟
عنايات : محمد00محمد زيى تمام،تايه،مش عارف له
سكة ولاطريق !
إسماعيل : محمد ، محمد مفيش أطهر منه،دا هايسافر
، ويكمل علامه،ياعنايات ، ومن يوم ورايح
،ماعدناش هانشوفك ،بس عمرى ماهانسى
الفاروزة !
عنايات : خدنى يا إسماعيل ، خدنى الحارة !!
إسماعيل : عنايات ، ماتضحكيش على نفسك ، أنت
طول عمرك ، عايشه فى عز وفخفخه فى
السرايات ،والقصور ، تنامى على ريحة
العطور ، وتقومى على صوت منيرة !
عنايات : قرفت يا إسماعيل،قرفت من الكدب،
والقصور والسرايات ، ساعدنى ،أخلع
القشرة اللميع ،وارجع لأصلى ، لروحى !
إسماعيل :( يقف بصعوبة) تعالى يامحمد شوف عنايات
، بتقول إيه ؟ بتقول كلام أحلى من شعر
حافظ إبراهيم !
البرنس :( يعودحاملا الفونوغراف، سرعان مايتسرب
الصوت ناعما شجيا ، يبصر طيف الزغبى
طائرا أمامه) تعالى ، تعالى ، أنا باتعذب ، أنا
محتاج لك ، تعالى !
الطيف : وليه ماتجيش أنت ؟
البرنس : مش قادر ، أنت تقدر ،أنا فى دوامة، مش
عارف راسى من رجليه !!
الطيف : الروح لسه بعيد ، سارقاها الدنيا،وخايفة
تتوحد ، تدخل فورة اللقاء !
البرنس : طيب قول لى أعمل إيه ؟
الطيف : قلت لك زمان ، ونسيت ، يللا ،كل حى
بياخد نصيبه ( يتراجع الطيف – إسماعيل
يقترب من البرنس ، ويدهش من صمته)
إسماعيل : وحدوه !!
البرنس :( يفيق للحظة ، ثم يتضاحكان ، يتحرك
البرنس ، فيلمح شبح برهان ) برهان جاى ،
يللا بسرعة ، أنا ماعنديش استعداد أقابله ،
يمكن أقتله لو جمعنا مكان ، من يوم ما
اشترى السرايه ، وهو رايح جاى، يللا 00
اسمع أنا داخل ، وأنت وعنايات خليكوا
هنا ، هاوريكم حاجات تشيب ( يركض
داخلا )0
برهان : (يدخل ) يامحمد بيه ، ياأهل البيت ، ياسى
محمد( يبحث باهتمام ) ياسلامة،ياد ياسلامة
، طيب ياابن الكلب،كلها بكرة ،وهاخليك
ترد ساعة ماتشم ريحة الجزمة 00 ياسلامة
00 يا
سلامة : (يخرج وهو يفرك عينيه من تأثيرالخمر)
برهان بيه ، اتفضل بيتك ومطرحك !!
برهان : فين سيدك ؟
سلامة : لسه ماجاش،تلاقيه عند سى إسماعيل،ولا
عند الباشا خليل ، ولا يمكن عند سرور
أفندى( يهمس) والله عقلى بيقول لى أدفنك
جار حبايبك ، واخلص !
برهان : طب غور من وشى ( يدخل سلامة ) يمكن
لسه ماجاش بصحيح ، بس دا أنا شايف
خياله من بعيد ، إزاى بقى ، يامحمد بيه ،
يابرنس بيه ، يمكن مش عايز يشوفنى ، ليه
، وهو أنا عملت إيه ؟ إذا كان ع العمايل
عملت ، وهاتعمل ( يبحث ) يامحمد بيه ،
بس أناعايز أودعك ، أنا ماشى ( يتقدم
للخروج ، يتراجع ، يتفرس فى المبنى) بكرة
تكون بتاعى ،ملكى ، بكرة ،كلهاسواد
الليل، شفت ياحسينى بيه ،قدرت فى وقت
مفيش ، أعمل إيه ؟ السرايه !!وأقدر أعمل
كتير،بس لو تهاودنى ،ولا مصيبة العسكريين
دول ، لأوبيقول نزلوا هنا،فى محب ، معقول
، الحكمدار من يومها ، شادد حيله علينا
،وهو أنا هاحرس له رجالته كمان(هنا ينقطع
حبل أفكاره،ويزلزله ظهور شيخ زاهى البياض
،ذى لحية طويلة بيضاء ، وجلباب أبيض ،
وشال أبيض ، ويتوكأ على عصى ، وقد حنى
ظهره الزمن قليلا ، على سلاملك القصر)
الشيخ : من أنت ؟
برهان : أننننننننننا 00 بربربرهههههان
الشيخ : ببرهان 00 من بببرهان هذا ؟
برهان : ببرهان
الشيخ : ليس مهما 00 اقترب منى ؟
برهان : اهييييييييه 000 ووووو
الشيخ : وماذا تحمل يابرهان ؟
برهان : ولا 000 ولا 0000 حاجة !!
الشيخ : كيف،وأنا أرى أشياء بعدد شعر رأسك ؟
برهان :( يقلب فى جيوبه) مفيش حاجة00مفيش
00مسدددس 00مفيش حاجة ( يخرج
مسدسا )
الشيخ : لا 00قل الحقيقة ، أليس هذا مسدسا ،
وهذه مدية ، وهذا مظروف يحوى أوراقا
عليا ، وهذا قرد ؟
برهان : ما 0أمه 00 فين ؟ فين ؟ ( وهو فى حالة
نط وحط وثب وركض ) 0
الشيخ : اثبت يابرهان عليك الأمان ، من قتل أبو
عزيز يابرهان ؟
برهان : محدش 00 محدش قتله 00 محدش !!
الشيخ : ( يلوح بعصاه ) أتكذب يابرهان ؟
برهان : همممممه 00 همه اللى قتلوه !!
الشيخ : من هم ؟
برهان : قالوا ، خلصصصصنا منه !!
الشيخ : وهذه الظرف ، كان مع أبو عزيز ، أليس
كذلك ؟
برهان : هوه 00 هووووه
الشيخ : نفس الدور القديم ، نفس اللعبة القذرة ،
ياكلب ، أنت هالك ، هالك !!
برهان : ( يصرخ ، ويجرى ) مش أنا 00 مش أنا (
يدخل السيى ويحتمى به برهان ،ويحط بكيا )
السيسى : مين ، مولاى وحبيبى محمد الزغبى ، عايزك
، عايز أشتكى لك من سى محمد بيه ،
مخاصمنى ، وأنت السبب ، والله ماكنت
أقصد أزعله ، وأشتكى لك من أخويا اللى
طردنى ، ورفع المقروطة فى وشى ،وقال إيه
،باغوى مراته ، معقول ،دا أنا كنت عاملها
زى أختى أوزى أمى الله يرحمها ،كل داليه؟
ليه ياعم يازغبى ؟ ( يبكى )
برهان :( ينتبه،لكنه يتذكر مركزة ، يحاول الاعتدال
لكنه يفشل )
إسماعيل : ( يقاطعه ضاحكا) معقول،معقول ،دا أنت
جن مصور !
البرنس : الله يقطعك ياشيخ ، ماكنتش قادر تستنا
شوية ( لسلامة ) الراجل كان عنده كتير(
يرفع الذقن ،ويقيم عوده ، يتراجع سلامة،
يتقدم منه ويربت على كتفه،يتحسسه حانيا)
معقول ياسلامة أزعل منك ، دا أنت غالى
عليه ، بلاش معيلة ، روح 00اسمع 00
إسماعيل عامل لك مفاجأة كبيرة قوى00
كلها دقايق وتوصل ( بفرح يبتعد سلامة )
إسماعيل : محمد ( يقترب من برهان) إيه يابرهان بيه
،احنا بنضحك
برهان : أنا تعملوا فيه كده ؟دا أناباحبكم، باحبكم
،وجيت عشان أودعك يامحمد بيه !
البرنس : ماتزعلشى يابرهان بيه ، قلنا بنهزر معاك
،يظهر الهزار تقل حبتين !
برهان : دا أنا سبت كل مشاغلى ، وريا مصيبة
هاتدمر مستقبلى ، وبرغم كده ، قلت لازم
آجى ، أنتوا أصحابى !
عنايات : ماالبرنس قال لك ماتزعلشى يابرهان بيه،
خلاص0 خلاص بقى 00 خلاص !!
الجميع :( يقهقهون على اللازمة التى يتميز بها برها )
البرنس : ( بفرح حقيقى ) مش هاسافر إلا معاك يا
إسماعيل ( يدورحول نفسه طائرا )
برهان : مش هاتسافر وأنننننننا ؟
البرنس : ماتخافشى يابرهان بيه ، السرايه بتاعتك
بتاعتك ، ولو على رقبتى !!
برهان : مش قصدى يابرنس بيه 00 مش قصدى
00مش قصدى (يدخل مدبولى والفارومعهم
رجل ضخم الجثة ) 0
إسماعيل : تعالى يامدبولى 00 أهلا بالعمدة !!
العمدة : أهلا بيك يامعلم ، المعلم مدبولى قال لى
إنك عايزنى فى شغل ، خير ؟
إسماعيل : طيب ، مش تستريح الأول ، وبعدين
نتكلم !دا محمد البرنس على سن ورمح ،
وفيه بيه تانى هاتفرح لما تشوفه ، ياسلامة ،
ياسلامة !
سلامة : ( يقبل مسرعا وحين يرى أخاه يتوقف)
مين ،أخويا العمدة ، عاش مين شافك ؟
العمدة : دا أبوالكرامات أخويا ، أنتوا ساحبينى
لغاية هنا عشان خاطر العويل ده 00 أنا
ماشى !
إسماعيل : ودينى وما أعبد إن ماانتهيت النهاردة ،
ورديت لأخوك اعتباره ، وكرامته ، ما
ها تشوف شمس الصبح !
العمدة : كده يامعلم مدبولى ، ماكانشى العشم !
البرنس : اقعد ياعمدة 00اتفضل،قرب ياسلامة
،سلم على أخوك !
سلامة : واحب على إيده كمان ، دا الكبير يامحمد
بيه ، بس أنا مش عايز منه حاجه،أنا خلاص
نسيت إن ليه أهل ، أنتوا أهلى وناسى
وعزوتى !
إسماعيل : ولا نبيعك بدهب ومال الدنيا ياسلامة ،
بس الظلم ربنا مايرضاهوش ، ولا احنا
نرضى بيه ، ماتتكلم ياعمدة ، ولا ورب
العزة أبعت أجيب مراتك ، لغاية هنا ، وفى
شوال ، من أودة نومها !
العمدة : هاقول إيه بس يامعلم ، الشيطان شاطر ،
واللى يسمع كلام الحريم يغرق ، معلهشى
، معلهشى يابو الكرامات،حقك عليه،ودى
راسك ( يقبل رأسه ويحتضنه ، وسلامة
مستسلم تماما ، ثم لايملك إلا أن ينطلق فى
بكاء حار )
البرنس : نسيبكم ويا بعض ،خلاص بقى ياسلامة ،
أما عليك اسم ياوله ( يهمس لإسماعيل )
تيجى نلعب زى زمان ؟
إسماعيل : نلعب 00 نلعب
عنايات : مافيناش من تلبيط ؟
البرنس : البرنس الكبير غلط ،ولازم أصلح الغلط ،
من بكرة نرجع الحارة مش هاسافر ،هارجع
الوسعاية ، أدور على بيت ميلم ، ونشوف
نفسنا بقى ، يتهز نول البلد ، وتتعشق
خيوطه ، تبقى محلة الكبرا ، ولا شرقيون ،
ولا دقلا ، تبقى قماشة واحدة ،نول ومكنة
جار بعض ، تعرف تجرى 00 يللا !
إسماعيل : معقول ، معقول يامحمد
البرنس : لازم ياإسماعيل ، العمر بيجرى ، والبلد
صعبانة عليه (يختفيان )
برهان : تعالى ياعنايات نتفرج على السرايه،تعالى
أنا اللى باقى لك (يسحبها من يدها بينما
عيناها معلقتان باسماعيل والبرنس ،تصعد سلم
القصر معه ) هاتكونى شخصية مهمة فى
المجتمع الراقى ،كلها يومين،ويخفى البرنس،
يسافر ، ويسيب السرايه( تتوقف، تتراجع )
برضه ماقدرتيش تعرفى لى العسكريين راحوا
فين ؟
عنايات : لأ 00 مش عايزه 00 محمد 00 إسماعيل
( تقفز وتنزل السلم بسرعة ، وهى خائفة
متوجسة) محمد 00 إسماعيل00 استنوا 00
خدونى معاكم !
برهان : تعالى يامجنونة ،مستقبلك معايا ، لما الأمور
تستقر هانتجوز!
عنايات : أنت لأ،أنت لأ،أنا رايحه الحارة ، لوهانام
فى الشارع !!
برهان : طيب ، بس استنى ( يلمح هلال وهو يعبر
بوابة السرايه ) هات الوليه المجنونة دى 00
اوعى تفلت منك ياكلب !
هلال : (يداورها،تفلت منه،ينقض عليها كعُقاب )
تعالى
برهان : شيلها ياكلب ، شيلها غصبن عنها ، أحلى
حاجة ، متعة مسألة الغصب دى !
هلال : ( يدفعها أمامه ، لا تتحرك ، يحملها ، وهى
تبدى مقاومة كبيرة ، بينما برهان يقهقه )




11- الموت

فى بيت الحاج مسعود – الدور العلوى-
صالة مترامية واسعة – أبواب الحجرات
مفتوحة – نبوية فى الصالة على كنبة بلدى
نبوية : ( فى شهرها الأخير ) ياترى رحت فين يا
إسماعيل ؟ قال نازل أصلى ، واشترى حاجة
من السوق (تتحسس بطنها) ياواد ماتزغش
كده ، ياوله مستعجل على إيه ؟ ياسلام لو
طلعت واد،دستتين شمع لسيدى الأنصارى
، وحلة نابت للغلابة ، وزيها للحبايب ،
والندر وفى الدين،والنبى وحياة حبيبك الغالى
يارب ، ماتكسر خاطر إسماعيل ، هو نفسه
فى الواد ، بس مش عايز يتكلم ، حاسّك فى
بطنى ، بتقفز وتتقافز ، بتدب بالقدمين ،
وتتهزهز ، حاسب تسوخ روحى ، دا أنا
هاولدك ، وأهدهدك ، واحكى لك *،عن
المصنع ، والمكن ، جنية الموكيك ، وانوال
جدك الهزهازة ، اللى بالها طويل،عن منديل
محلاوى ، مسغول عرق ، ، دم ، كل اللى
فيه انسرق ، ولا عادشى فيه غير ، حزمتين
فجل ، حصوتين ملح ، أو بصلة عند اللى
حب خروف00 عايزاك جميل ياوله ، جميل
ومالك زى، فى القلب سوق اللبن ، عاشق
ضميرك حى ، زى اللى حط بذرتك ، نور
عنيك طيبة ، قلبك جناين ريحان (خبط على
الباب ) افتحى ياحالمة ،ولا استنى ، دا لازم
سى إسماعيل 00أفتح له أنا ( تفتح الباب )
أنت جيت ياخويا ، عوقت بره ليه ؟
إسماعيل : ( يبدو عليه الاجهاد والتعب ) كنت فى
مشوار 00 يعنى !
نبوية :طيب 00 اقعد ياخويا خد نفسك الأول (
بشالها تمسح العرق عن وجهه ) إيه العرق دا
كله ؟
إسماعيل : ( يجلس 00 يلتفت ) أمال فين البنات ؟
نبوية :جو ه ياخويا ، إن شاله مايتحرموش منك !
إسماعيل :البت فكرات ، وحشتنى قوى يانبوية !!
نبوية : وحد زى فكرات ، عايشة فى مصر ويا
خالها ، متهننة على الآخر !
إسماعيل : ياترى عامله إيه ، أنا عاتل همكم قوى
يانبوية ؟
نبوية : جرى إيه ، كفى الله الشر ، فيه إيه ياسى
إسماعيل ؟
إسماعيل : أبدا ، هفوا عليه كده مرة واحدة 0
نبوية : البنات بخير ، وزى القضا ، ماتشليشى هم
أنت !
إسماعيل : شفتِ الحاج عمل إيه الصبح ؟
نبوية : أبوك ، ما أنت عارفه ،هواللى عايزكده 0
إسماعيل : أقول له يابه ، أنت كبرت ، سبنى أسرح
بدالك النهاردة ، يزح فيه ، نفسى أرضيه ،
كان هاين عليه يضربنى ،طيب يابه ، نشوف
المكن ، دا بيجى منين ، ونشترى ، يقول لى
منين يابن الكلب،أنت فاكر تحت القبة شيخ
، وأنا عارف ، وهو عارف ، خرج ، خرج
ملان فلوس دهب يانبوية،خرج شايفه بعينى!
نبوية : طول عمر أبويا الحاج ،بيخاف من الحسد
إسماعيل : حالته مش عجبانى ،بيطلع كل سوق، بلاد
الله خلق الله ، ومش هاين عليه يعمل له
جلابية عليها القيمة، يمشى بيها بين الناس
نبوية : ربنا يقدرك ، وتعمل له أنت 0
إسماعيل : ياريت يانبوية ، ما أنت عارفه البير وغطاه
( صمت) ماحكيتلكيش بقى ياست 00 أما
محمد إمبارح ،عمل عمايل يانبوية ، تقوليش
إيه بهلوان ، ينط ، ويحط ، لبس دقن كبيرة
قوى ، وشال أبيض ، وعكاز ( يضحكان
بصفاء )0
نبوية : أما حكاية صحيح !
إسماعيل : كان هو سيدى الزغبى واحد 0
نبوية : ماهوزغبى صحيح ، ما أنت عارف الحارة
والوسعاية قعدت قد إيه ، تتحاكى عنه وعن
خشبة سيدى محمد الزغبى الله يرحمه ، راخر
البلكونة بتاعنا مبروكة ،ما أنا مشى فيها إلا
ما أحلم بالخير مضفر ، وأما أعوز أشوفك
، أميل فيها،ألقاك قدامى ، بحق وحقيق ، أى
والله يابو فكرات !
إسماعيل : استنى بس ، قعد يشتغل على دماغ اللى
اسمه برهان بيه ، لما الراجل هر برابرة ، وخد
ديله فى سنانه وطار !
نبوية : ودى معقولة يابوفكرات ، دا اللى اسمه
برهان ده قلبه ميت زى قتلين القتلا !
إسماعيل : بس تقولى إيه 0حكمتك يارب ( يتحسس
بطنه ، العرق يزداد ، يتآوه ) آه 00 آه 00
(صرخ ) آه
نبوية : خير ياخويا 00 مالك 00 إسماعيل !
إسماعيل : بطنى ، سكاكين بتخرط فى بطنى 00 آه
نبوية :سلمتك ياخويا ،تعالى ، اتسند عليه ( ترفعه
وهو غير قادر ، يتمدد على الكنبة ، يتقلب
من الألم )
إسماعيل : آه 00 سكاكين ( الألم يزداد )
نبوية : ( بلهفة وخوف ) أروح أعمل لك شوية
شيح ، و لا ينسون !
إسماعيل : ( ألم لا يطاق ) آه 00 بطنى يانبوية 0
نبوية : ( تصرخ ، تنادى ) حالمة 00 بت ياحالمة
حالمة : ( تأتى مسرعة مع نوارة – تصرخان ) أبويا
نبوية : غيتينى يابت ، اجرى على سراية البرنس ،
قولى له أبويا تعبان قوى،يللا يابت ، بسرعة
( تلاطم كل شىء ،تخرج البنتان ،كأن زلزالا
حل بالدار – تجرى هنا – تقعد وهى تخذب
إسماعيل ) إسماعيل ، إيه العرق ده ياخويا ،
أزمة وتعدى ياخويا ، إسماعيل ، دا احنا
مالناش غيرك ( يقبل مدبولى ووراؤه فتوات
الحارة والجيرا – الكل فى حيص بيص )
جار : لازم شوفه الحكيم الرومى ، تلاقيه عند
المأمور يامدبولى ، ولا عند سرور أفندى فى
الأجزاخانة 00 يللا ، ولا أقول لك شوفه
عند حيدر باشا !
مسعود : ( يقبل مستطلعا ) فيه إيه ، الواد ماله (
يقلب فيه ، يسمع قولة الشيخ : نهاية واحد
منهم قدامى 000 وحش كاسر بيزح ف
أخوه 00 يزح 00 وأنياب زى الخوابير
بتنخور 00 مش هاقول هو مين 00 لعنة
00 لعنة يابلد ) إسماعيل 00رد عليه !!
إسماعيل : بطنى يابه 00 سكاكين يابه !
مسعود : مش قلت لك 00 أهو قتلك 00 قتلك
المجرم !
إسماعيل : بلاش ظلم يابه ( يخرج الكلام بصعوبة )
بلاش يابه ، عشان خاطرى !!
مسعود : قلت لك مش هايسيبك 00أهو جاب
خبرك !
نبوية : الشر بره وبعيد ياسيدى !!
مسعود : بلاسيدك ، بلا زفت 0 أنت اللى بتولسى
عليه 00 كله فى السايب ، اشبعى بقى 00
ياما قلت لك 00 ياما !
إسماعيل : يابه 00 آه 00 نبوية !!
نبوية : ( تدنو منه )
إسماعيل : ( وهو يتوجع ) هات ودنك 00 لو حصل
لى حاجة 00 ماتقعديش هنا ، خدى العيال
وامشى ، أنت سامعة يانبوية 00 آه 00 آه
مسعود : ياخلق أهوووه 00محمد البرنس سم الوله
00 ياخلق أهووووه !!
إسماعيل : أبيوس رجلك ، بلاش الكلام ده ، آه ،
ماتهزأنيش يابه 00 آه ( صوت حافر الخيل
،وصوت صرخ : إسماعيل ، يأتى من أسفل )
مسعود : ( ينهار ) واد يا إسماعيل ، اوعى تعملها
ياوله ، اوعى يابن الكلب ، اوعى ياوله
تفوتنى ، إسماعيل ، دا أنت الحيلة والسبيلة
ياوله ، إسماعيل 00 ابنى ( يحط عليه )
البرنس : ( يدخل كريح ) إسماعيل ، ماله إسماعيل ،
إسماعيل مالك ،رد عليه ( يأخذه فى حضنه )
إسماعيل : بطنى يامحمد ، سكاكين يامحمد
مسعود : موته ، موته يامحمد يابرنس ، استريحت !!
البرنس : الحكيم ،لأ، أناطالع بيه على طنطا(يصرخ)
ياسيسى 00 عربية بسرعة 00 بسرعة (
يحمله ويتحرك به بينما مسعود يتعلق به )
مسعود : ( يتعلق بالبرنس ) عايز تكمل عليه ، قتلته
يامجرم ( وينتهى الألم بعد نظرة عتاب لأبيه ،
والعرق يغسل جسده بالكامل ، يسلم الروح
وهو بين ذراعى البرنس ، يصاب بذهول
ويصرخ )
البرنس : إسماعيل ( كأنها تشق السحب والمدى
والعجوز )
مسعود : عملتها يابن الكلب( يتأمله ) اوعى تكون
عملتها ، واد يا إسماعيل 00قتلته 00قتلته
00 عامل فالح أنت وهو يامدبولى ، تضربوا
جيش بحاله والناس على الصفين ، قتلته
يابرنس 00قتلته 00خدت تارك !!
البرنس : ( يضع الجثمان ،ينزل الحارة مذهولا، يعود )
خنتنى ياإسماعيل ، خنتنى يوم مانويت أرجع
لحلمنا ، لجلدى ياإسماعيل !
ص إسماعيل : نفسى يامحمد بلدنا تبقى حاجة تانية ، محلة
طيبة ، نضيفة ، مفيهاش ظلم ولا فقر ، ولا
افترى ، مفيهاش غز و لا أرناؤوط ، ولا
انجليز،مفيهاش حاجة برانى00نفسى يامحمد
البرنس : ( تائه شريد ) دلوقتى أرجع لمين ؟ لمين يا
إسماعيل ؟ وله يا إسماعيل ، مش كنا اتفقنا
خلاص ، أرجع الحارة ، ونجيب أجدعها
مكن ، ونصلح بيه اللى انكسر ، واتجوز من
البلد ، وتزفنى على الخيل زى مازفيتك ،
المحلة 00 إسماعيل مسعود ، ومحمد البرنس
00 محمد البرنس أخويا وحبيبى ، عريس
الليلة 00 ألف مرة 00 النساجين الجدعان
، سوق اللبن 00 صندفا ألف مرة ، إدينى
أجدعها سلام لأجدعها عريس !
اخص عليك،عمرك ماكنت ندل، بتستندل
معايا ليه ؟ مش أنت اللى كنت عايز كده ،
أتجوز وأجيب عيال ، أقول لك ، العيال
للموت،الكوليرا ،التيفود ، رصاص الانجليز
00 تقول لى مش مهم ، المهم نبنيهم صح ،
مش دا كلامك يا إسماعيل ؟ إسماعيل ؟ (
سكتة ) لأ ياشيخ زغبى ، لأ 00 من يوم ما
وعيت على الدنيا ، ماليش غيره ، سافرت ،
وبعدت عنه ، ما قدرش ، جرى ورايا ،
جريت على ملاوشى ، أدورعليه ، أنت فين
00 فين ياإسماعيل ؟ لأ ياشيخ زغبى 00 لأه
( ينزل الحارة ويعود منهكا ) يا أهل البلد ،
يامحلاوية ، إسماعيل مش عايز يكلمنى ،
قولواله يرد عليه ، من يومين بس كنا سوا
، أيوه كنا سوا ،وأنتوا عارفين ،كنا خلاص
اتفقنا،أرجع الحارة 00أيوه 00احنا اتولدنا
فى ساعة واحدة ، ساعة واحدة ، اسألواعم
مسعود ، الشيخ عبدالواحد،اسألوهم كلهم
، رضعنا من صدر واحد ، اتفطمنا فى يوم
واحد ، زحفنا سوا ، مشينا سوا ، لعبنا فى
تراب المزلقانات ، التوبة ، العمرية ، أبو
القاسم ، الديبة 00 إسماعيل 00 رد عليه
00 عنايات ( يتجه نحوها ) خليه يكلمنى
ياعنايات ( عنايات تقع على الأرض )
مدبولى (يتجه نحوه فيمسك مدبولى به، يخلص
نفسه ) خليه يكلمنى يامدبولى ، سلامه (
يتجه نحوه فيحتضنه ويجهشان ) خليه يكلمنى
،( يتجه نحو مسعود فيديرظهره باكيا ) خليه
يكلمنى يابه مسعود ، مش عايز ترد يا
إسماعيل 00 مش عايز ( يصرخ ) إسماعيل
( يطلق مسدسه فجأة وفى لمح البصر على
رأسه ، ويحط على صدر صاحبه بين ذهول
الحارة وبكائها – يتوقف المشهد الحزين !!




12-مخاض الولادة

فى الوسعاية سلامة يلبس عباءة البرنس
ويدور مردد : ياسيسى أنت رئيسى 00
ياسيسى أنت رئيسى ( يبكى ، وينهار جنب
جدار ، بينماصوت المكن يلتحم بالموسيقى
ويعلو 00 ونرى عبدالواحد يعود إلى الكتاب
وحوله أهل الحارة
سلامة : ياسيسى أنت رئيسى 00 ياسيسى أنت
000000
المنصورى : قوم ياسلامة ، قوم يابطل ،اوعى 00 احنا
محتاجينك ياوله ، قوم 00العيال مرميين فى
الحبس ، وفى الشوارع ، مش لاقين اللضة
، قوم ماتخليش اللى حصل يضيعك 00
سلامة ( يهزه بقوة )
سلامة : دادادادا ( يقف متماسكا ، يرفع العباءة ،
يضعهاعلىكتف المنصورى) أنت يامنصورى
00أنت أنت شايف يامنصورى 00 المداخن
هناك 00 فرحانة بيه 00 دخانها رايق 00
بس فيه خطوط حمرا 00 حمرا زى الدم !
عبدالواحد : ( وهو يبكى ) لكن الأميرة الفارسة خد
التفاح لم تستسلم ، ولم تيأس ، وهى ترى
أولادها من حولها ، لا حول لهم ولا قوة ،
وخاصة وقد رفع أبوها يده عنها ، وتاه أبو
حسينة عن نفسه ، فراح مثل شاب فى
العشرين يطارد الغيد والحور ، ويتحدث
إليهن بفحش الحديث ،ونسى أولاد حسينة
الجياع ،وما ألم بهم من يتم وضياع، وقررت
خد التفاح الخروج للعمل،مهما كلفها ذلك
من صعاب !
نبوية : ( تدخل وتدق باب ) يافايقة 00 يافايقة
فايقة : ( تفتح الباب وتظهر ) أهلا ست نبوية 00
اتفضلى بيتك ومطرحك
نبوية : والنبى يافايقة تخدى بالك م العيال 00
النهارد ة بس على ما أبقى أتصرف !!
فايقة : على فين ياست نبوية ؟
نبوية : النهاردة أول يوم ليه فى الشركة يافايقة
00يللا خليتك بعافية00اوعى تنسى يافايقة
المنصورى : ( يدخل والرجال من حوله ) والعمل ؟
المحمدى : نروح ياريس عبدالرازق ؟
المنصورى : ودول ؟ لأ لأ 00 مفيش نروح ، كفاية
بهدلة !
المحمدى : دول قافلين البوابات قدام الوردية كلها !
المنصورى : أسبوعين على دى الحال ، وبعدين ، احنا
محتاجين الشغل ، محتاجينه
نبوية : ( تقف معهم ) دا لإول يوم ليه فى الشغل
، أروح ؟ والعيال تاكل زلط ؟
المنصورى : لازم ندخل المصنع ، اللى بيعملوه ده
مصيبة ، همه مش خاسرنين حاجة ، احنا
اللىهانضيع !
سلامة : برهان بيه عايز يموتوكم 00 برهان بيه
موت العيال بمية النار ، خد السراية والعباية
بتاع سيدى الزغبى ، وموت العيال ،
وهايموتوكم 00اوعوا تسيبوه0 دا ساجن
الست عنايات ، ساجنها فى السراية 00 لأ
00 جو المصنع 00 الحقوها 00 اجرى
يامنصورى00والله ياست نبوية بيقدمها زى
الحلاوة للبهوات ،وللمأمور ، ولمدير المصنع
00 دا كلب خسيس 0
(جمع من العمال يهتفون وراءه بتلقائية )
يسقط برهان بيه 00يسقط برهان بيه00
نريدالعمل 00نريد العمل 00يسقط الظلم
00يسقط القبقاب 00يسقط الجوع
( يتحرك الركب ببطء صوب المصنع والهتاف
يعلو،يحملون المنصورىونبوية على الأكتاف ،
الدوى يتقدم والغبار يعلو،ثم يقبل من أمامهم
الجنودوتكون المطاردة 0 إقبال وإدبار بين
الجنودوالعمال وناس الحارة ،وعراك بالأيدى
00 طلقات رصاص 0 تصاب نبوية )
سلامة :ست نبوية 00ست نبوية انضربت يارجالة
( يحملها الرجال ويبعدونها وهى تصرخ )
نبوية :لازم أخش المصنع ( تحزق 00تحز من الألم )
لازم 00 لازم ( نسمع صوت وليد )
سلامة :دى بتولد00بتولد 00الله دى ولدت
ياناس00الحقوها ياناس 00 الست نبوية
ولدت00حوطوها ابن إسماعيل أهووه00
سامعين صوته00يابلد
نبوية : قول ياوله 00نريد العمل 00نريد العمل
00قول يا( بصوت مجهد والعرق يتساقط
على وجهها ) قول يااسماعيل 00 نريد
العمل00يسقط الظلم00سمعنى ياوله 00
نريد العمل 00القبقاب عيب عليكوا00
سمعنى
سلامة :(يبكى من الانفعال و هو يرفع الوليد عاليا )
كفاية ياست نبوية 00 كفاية الجرح بينزف
00 الدم ياما !
نبوية : مش كفاية ياسلامة 00 مش كفاية 00
النزف خير 00 خير ياسلامة عشان اللى
جى يكون أجمل و أروع ، لازم ياسلامة
عشان مايتنيسيش 00 الدم عمره مايبقى
ميه 00 عمره !
القفاص : الرجالة دخلوا المصنع يابلد 00 الرجاله
دخلوا المصنع يابلد
نبوية :شايف ياسى إسماعيل00زمان واحنا قبل
مانتجوز 00فاكر 00 شاورت لى على
المصنع 0 كان يدوب لسه كوم تراب 00
قلت لى
ص إسماعيل :المصنع حايلم كل الغلابا 00بس لازم
الغلابا تحس إنه بتاعها00ملكها00 ساعتها
بس حايفضل بتاعها 00 ماحدش حا يقدر
يهوب ناحيته وياخده منهم 00 ولو بالدم
يانبوية !
وهنانرى المنصورى من حوله الرجال يقفون
واحدا فى إثر آخر0 أقدامهم تعبر عن معرفتهم
بالحل الذى يبحثون عنه00يتقدمون خطوة
للأمام 00 يتقدمون 0 يتجمد المشهد )

ستار ختام