جديدي والفن التجريدي :-
منظومه بين الفصحى والعاميه ربما تجدها في وقت فقيره وبعض الوقت تجدها ثريه , فقرها من داخل وثراءها من خارج فنبدأ ونقول :,

في عصر الفن التجريدي ... جردوها ::,.,::
الكلمه من معانيها
الحكمة من قائليها
السُلطه من حافظيها
الناس من بعضيها
الأحلام من حالميها
الأفكار من كاتبيها

في عصر الفن التجريدي ... جردوها ::,.,::
وجردوني من حقوقي يا صديقي
أسلموني للأماني
تركوني أعاني في طريقي .
بت أخشى أن أكون بهذا الفن الفتون ........رائعه من تلك الروائع
أو سيمفونيه في الأخير
عزفها عازف لشكسبير
أو حكايه في قلب حاره , من جنب ناحيه بدون ستاره ,

رفعت الحرارة من قلب الكلام
فجأه انخلط بقلم الهيام
سابقت نفسي والسبق عنيد لعلي أكتب كلام جديد ؟
حاولت أكتب كلام مفيد !!!@!
لقيتني فعلا غاوي تجريد .
في عصر الفن التجريدي ... جردوها ::,.,::
وجرجروني من خفايا
فرجوني ع النفايا
جننوني ع البقايا
علموني دي الروايا
واحبطوني في الأخير
والوزر شايله ده الوزير
والحمل كله ع الأخير
*****************
واللى سامع كلام جَنَابُه
وحامل همومي بين جِنابه
وكلامي رايح يدق بابه
وبرُب يفتح وبرُب لأ ,
***************
كلمة صدق للبيه الكبير
جردوني من المواسير
وسلموني للمدير
وقاموا مجازني في الأخير
وكلامي ليك مش خطير
وفي الأخير.. كلام تسطير ...
أصل الحكاية الفن جابني والقلم ساير بإيدي لجديدي والفن التجريدي :
في عصر الفن التجريدي ... جردوها ::,.,::
حكمه وقالوها الناس الكبار
لما البلد تكون عمار
تلقى الكبير راكب حمار
ودي حكايه كمان وجردناها
وحملوا الحمير ذنب الكبار
وقاموا فعلا عشاق الحمار
وفرحانين بالحكايه
والدعابه والروايه
والنكايه بالكنايه
والسعاده في استقرار .
*********
ولقتني حاسس بشئ جديد
إن الحوار غالي ومفيد
والأنامل بتستزيد
من صوت الهدوء الحايم في المكان
قلنا نضيف حبة ألوان
يجيبوا صورة في الأخير
لحد باحث أو مستعير
أو حد كاتب بالشناتر
أو حد جابر للخواطر
أو معلومه لسيادة المدير .
في عصر الفن التجريدي ... جردوها ::,.,::
والسلاطه ناقصه ملح
والطعام معمول بفلح
والحفاظ على القروش
وقاف الأبجديه وراها كاف ( ق – ك )
قروش كروش
عشوش نبوش
سلامي ليكم من ورا الرتوش .,
ودا فن واضح للذواقه
وملحه ضابط للترميز
دا كلام عزيز , وبحكم باقي الإحترام والناس لبعضيها يا سيادة الكرام .
هبعت رسالة بخط إيد
مفيش بطاله ومفيش جديد
ومفيش مباني من غير حديد
ومفيش حروف غير للي يزيد
في عصر الفن التجريدي ... جردوها ::,.,::
وأصل حلمي طامح لفوووق
شاطح خيالي لبرج عالي
من قوت عيالي
لحمام السلام
لحبة ود واحترام
وباقي المنظومه
مفهومه
مهضومه
معلومه بس للفايقين
لا هناك في غفله والفكر رايح
ووراه القلب في تيهوا سارح
وهناك مدينه وقائدها ذابح للحمام
والسلام
والكلام
وحتى العظام بقت رميم
للعبرة يا سادتي الطيبين
الكل هناك ممدود لدود
وعارف نهايته في الجمود
وعارف حكايته وعارف هواه
وساهي مره ومره لاهـ
ومره بايع دي القضيه
ومره عايش يجيب رزيه
ومره ميت ومره حي
ومره رايح ومره جاي
ومره هزه ومره تيه
ومره لذه وآخرها فيه
متر واحد في متر أخوه
ميشلش واقف دا هيسبوه
لوحدو يقاسي باقي الاهوال وباقي المثال .....
من عبره خالصه بقلب صافي
من ليل رزين حنون و دافي
يادوب سكون برد اليقين
في القلب ظاهر يا طيبين
وليه نغالط أرواح نفوسنا
ليه بقينا عبدة طقوسنا
***********
ليه العناد والبعاد
والقرب خير وزمن جميل
لافيه تهديد ولاتجريد ولا تفريد ولا تشديد ولا تعبيد
غير للي فوق للي رفع المرفوعين من رفعته
وبحكمته ولحكمته واللى اقتضاه
نسلم إحنا للولاه ونعدي التيار يمر بسلام وبدون غبار .

بس النصيحه وانا المنصوح للي للمس جواه ملامس لعقل قلبه بقوله هامس
" الحكايه هي كلمه في وسط سطر من بين كلام في وسط جمله باحترام في قلب صفحة الاهتمام هتلاقيك وتلاقيني وتلاقي بينا الساده الكرام – تائبين – محبين – مشتاقين – أولياء – مقربين "

دمتم بخير وحب وود وسلام واحترام