تويت
العفريت الأزرق
العفريت الأزرق
شخصيات
الإنس
مرجان : شخصية أسطورية .. يبحث عن كنز خلفه أبوه .. يحمل بعض أفكاره الخيرة .. يكره أى شئ يتصل بعالم العفاريت .. يقع فى شباك العفاريت ، ولحسن حظه يتمكن من التحكم فى عالمها !!
مجيد : شخصية أقرب إلى شيوخ العصور القديمة ، يهتم كثيرا بعالم العفاريت ، ويدعى معرفته بالسحر ، وطرد العفاريت !!
معروف : عامل فى منجم ، وهو صديق مرجان .. شخصية طريفة يشارك مرجان الحلم فى البحث عن الكنز !!
الشبح : وهو قرين أبى مرجان ، الذى يحدثه بأمر الكنز ، ويؤكد وجود ه وضرورة العثور عليه .
الكودية : كودية الزار أسطورية الملامح .
فرقة زار : من 4 : 8 بين رجل وامرأة .
العفاريت
روكشى : دلوعة .. جميلة للغاية .. تبدو مغرمة باللعب ، ومص الحلويات إلى أن تقع بين قبضة مرجان .
ياورة : عملاق
سليلة : عملاقة
سلطان : قزم بفمه أسنان صناعية بالفضة
كاورة : قزم
ست الكبيرة : عملاقة وعايقة
مارد : بدين .. متوسط القامة
الزار
مجموعة رجال وسيدات يمثلون الزار ومشاهديه.
مؤلف النص
اللوحة الأولى : ما عفريت إلا بنى أدم
المنظر : خلاء ممتد ، على جانب الخشبة الأيمن ساقية تحتضنها شجرة توت ونخلتان متعانقتان .. الساقية يبدو عليها القدم والتأكل وفى الجانب الأيسر من الخشبة مدخنة .. مرجان يدور بين الجانبين حائرا ، ويبده خرائط وأوراق تتميز بالحجم الكبير .
مرجان
( العرق يملأ وجهه .. ويبدو عليه الاجهاد ) يظهر مفيش فايدة يا مرجان .. معقول !! يطلع كل كلامه فاشوش .. كله فى الطراوة .. معقول يابه كنت بتضحك على عقلى ..الله .. بس أنا ياما شفته هنا .. قاعد على مدار الساقية .. المكان الوحيد اللى ما غيروش طول عمره .. وعينه اللى زى عين الصقر على الحتة دى .. ساعات طويلة ( يرفع الخرائط قليلا ) حتى الخرايط مش فاهم منها حاجة .. كلها شخبطة ولخبطه آه تعبت يابه .. تعبت .. دى خرايط الكنز فعلا .. ولا مجرد خطوط وتشخبيط !! يابه ( ينادى ) رد على .. أنا ابنك .. أنت مش وصتنى .. قلت لى الكنز .. الخرايط .. كان قصدك إيه ؟! تقتلنى من اللف والدوران .. والجرى ورا خرافة .. وحلم مالوش وجود ؟ عشر مرات .. عشرين مرة .. أدور هنا .. هناك .. فى الدار .. فى الغيظ .. فى الـ .. ومفيش فايدة .
( فجأة نرى شبحا بين الشجرتين )
الشبح ما أنا قلت لك كل حاجة .. عايز إيه تانى ؟
مرجان مين ؟ ( يتراجع ويدور خائفا )
الشبح مش عارفنى يا وله ؟
مرجان مين ؟ ( وما زال يبحث )
الشبح أنا هنا .. فوق دماغك دوغرى
مرجان دماغى وهو أنا عاد فيه دماغ
الشبح ليه يا وله ؟ لحسته القطة .. رهنته .. ولا بعته بالكيلو ؟
مرجان ( يراه ) مين ؟ أبويا !!
الشبح أبويا ( مقلده ساخرا )
مرجان صحيح .. إيه اللى معقول ( يمسك رأسه )
الشبح فت لك كنز .. كنز قد ( يحاول تضخيم المقدار بذراعيه ) .. وفارقتك .. لقيته ولا لأ؟
مرجان الكنز .. آه الكنز
الشبح كله بيوقوق .. كله .. اللى بيلحس الزلط بيوقوق .. واللى بيلحس فى الـ ( ) برضه بيوقوق .. عايزين إيه ؟
مرجان نور على يابه .. دلنى ؟
الشبح أكتر من كده ؟ الكنز فى إيدك يا أهبل .. دور عليه .. فى الورق اللى أنت ماسكه .. دور يمكن ..
مرجان تعبت يابه
الشبح تعبت .. يا خيبتك القوية .. وأنت لسه شفت حاجة !!
مرجان قل لى يابه .. ارحمنى ؟
الشبح ارحمك .. وهو أنا تعبك ؟
مرجان حملك تقيل عليه يابه !!
الشبح أنا ( يقهقه ) يعنى أنت دورت يا خى ؟!
مرجان كتير .. كثير قوى
الشبح يمكن حد سبقك .. ولطشه يا وله ؟
مرجان معقول ؟
الشبح ومش معقول ليه ؟
مرجان الخرايط والورق معايا زى ما سبتهم .. بلفتهم .
الشبح قلت لحد غريب يا وله ؟
مرجان وهو الغريب مستنى حد يقوله يابه ؟
الشبح أمال ؟
مرجان فيه دلوقت يابه حاجات تانية .. دلوقتى بيعرفوا شكل الجنين فى بطن أمه .. ولد .. ولا بنت .. الأرض دى دكر ولا نتايه .. دول وصلوا للقمر والـ..
الشبح وأيه يعنى ؟ أهم من دا وده .. دورت كويس ؟
مرجان دورت ؟!
الشبح جبت الملبس .
مرجان من كوفرتينا
الشبح يبقى مفيش بوروبلم
مرجان ولا حاجة .. لا جهاز ولا جواز .. شقا وتعب .. ولف ودوران وفقر .. كل حاجة زى ما هى ..يابه فيه كنز ولا لأ ؟
الشبح أوعى تكون صدقت اللى قالوه الناس .. أل إيه كنت راجع من الغيط واخرى .. لقيت على الشط لفة هدوم .. جديدة ..
مرجان مش قصدك يعنى .. جلبية لشلبى ( يضرط بلسانه ) وجلبية لأم الهنا ( يضرط بلسانه ) وجلبية لستيته .
الشبح ( يقهقه ) اللفة تقلت .. تقلت .. تقلت .. رمتها .. ورمحت وهيه ورايا .. بتقول جلبية لشلبى ( يضرط ) وجلبية لستيته ( يضرط ) جلبية لأم الهنا .
مرجان ده كلام فارغ يابه
الشبح بس كان حلم .. حلم يابن أم الهنا .. قول لى .. ودورت عليه عند العفاريت ؟
مرجان العفاريت .. يابه ( يضرط ) جلبية لشلبى .. جلبية لمرجان .
الشبح أيوه العفاريت . مستغرب ؟! يمكن ضحكت على أنا .. وسرقته منى وأنا مش دريان ( يقهقه) يمكن !!
مرجان يمكن إيه بس يابه ؟
الشبح أنت ناسى اللى طلعوه عليه .. أبو مرجان مخاوى الجن .
مرجان يابه .. دلنى .. قولى الحقيقة .
الشبح كلام الناس كان صح .. العفاريت زى ما سرقت حلم الستر منى .. ركبت دماغى .. مسحته بأستيكة .. سرقت عمرى كله .. شقايا .. أرضى .. ويمكن تكون سرقت الكنز راخر .
مرجان يابه ما عفريت إلا بنى آدم ..
الشبح جيت لمربط الفرس .. بالشكل ده تحل كل ألغاز الخرايط والكتب واللى جواها !!
مرجان بس يعنى ؟
الشبح بس إيه ياوله ؟ دور تانى .. فى الكتب .. فى الخرايط .. عند الناس اللى بتحبهم وبيحبوك
مرجان يابه ؟
الشبح ياك بو يتحشرك .. ما تسمع الكلام يا وله ؟!!
مرجان كلام ايه بس ؟
الشبح مفيش غير العفاريت .. زى ما سرقوا عمرى وأعمار الناس زمان .. بالخوف والرهبة والجبروت .. دول مليين البلد !! ملينها يا وله !!
مرجان معقول يابه ؟
الشبح أنت ياد دماغك ناشفة .. ما تسمع الكلام أمال .
مرجان العفاريت يابه ؟
الشبح دايما العفاريت كان لها حكايات وحواديت مع الكنوز .. دايما .. دور
وأنت تعرف .. أنت مش قلت من شوية ما عفريت إلا بنى آدم .
مرجان تانى أدور ؟
الشبح خلاص خليك فى حالك .. وسبنى فى حالى
مرجان دا شئ يهد الحيل يابه
الشبح اللى يهد الحيل صحيح السكات ومصمصة الشفايف زى الحريم .. والكدب ع الناس ليل نهار
مرجان أنا .. أنا يابه ؟!
الشبح فز ياد .. ودور تانى ..عندك الناس .. الخرايط .. الكتب .. وهو أنا كنت باعلمك ليه .. هيه؟ دور .. دور عند أصحابك مجيد أو معروف أو .. ( صمت ) بس أمانة عليك لو لقيته أوعى ...
مرجان أوعى أيه ؟
الشبح ( وهو يختفى ) أوعى تبقى .. أوعى تبقى .. أوعى !! وافتكر دايما ما عفريت إلا بنى آدم .. ما عفريت إلا بنى آدم .. إلا
( ستار سريع )
اللوحة الثانية ( عشان تئمن شرهم ، اركب واحد منهم )
حجرة بها سرير متواضع ، ودولاب عبارة عن صندوق يستخدم كمقعد مرجان يدور دون توقف الأرض مفروشة تقريبا بكتب وأوراق وخرائط يلتقط كتاباً يقرأ : ( عفاريت وعقارب ) يدور وهو شارد , يلقي الكتاب أرضاً , يرفع وجهه , يحدق في السقف , يعود إلى المتناثر في أرجاء الحجرة , ومن الممكن أن يصرخ بأسماء هذه الكتب : ( عفاريت بلا جنسية ... عالم الجن .... كتاب السحر ... عالم ما قبل اكتشاف الأمريكتين .. كنوز ورموز ... بطليموس .... الخوارزمي ... الشريف الإدريسي ) . يحدق في الجدران , يري خيالات ونري معه , تدبدب , وتقهقه , وتخرج له ألسنتها , يتراجع فزعاً , يلقي بآخر ما يحمل , يدور كأنه يبحث عن مخرج من هذا الحصار , لا يجد مفراً , تحاصره الأشباح , يلقي بنفسه أرضاً , يحاول الاختباء , يعتدل , يري كل شئ بلون الدم . فجأة تحط علي صدره هذه الأشباح , يصرخ ... يصرخ : ( الله . . الله . . الله حي ) بعدها , يقف , واد يامرجان .. إيه يا وله .. راسك بتطقطق ليه ؟ مخك حايطير .. حايطير . أجري يا مرجان .. أجري علي الـ .. اخرج .. المكان اتملي عفاريت . بسم الله الرحمن الرحيم .. بطل قراية .. بطل تعوم في بحار مفيهاش ريحة المية .. أيوه .. ماكنتش رؤية ولا كان أبوك . . كان مجرد وهم وهم وهم يامرجان وصدقته .. معقول ( صمت ) انسي يا وله
( يفزع , يلتقط الكتب الملقاة علي الأرض , يضعها في الصندوق وهو منهك , يجلس علي الصندوق, يتنهد : انسي يا وله .. بلا كنز .. بلا هم .. خربت دماغك بكلام عجوز .. فضل يقول ويعيد ويزيد .. دور علي الكنز .. اوعي تسيبه يروح منك .. وفي الآخر ضحك في وشك , وقال لك هيئ . . أنت حر , وراح قبل ما يكمل كلامه .. كان يقصد إيه ؟ اوعي تبقي .. أوعي تبقي إيه ؟ مش عارف خلاني أدور بدل المرة ألف .. نديت علي الناس :
( دوروا يلا يا ناس ) يدورا معاك .. دوروا .. لكن إيه النتيجة .. فوق .. فوق يا مرجان ( يقلب الخرائط بين يديه ويحدق فيها ) الله دي مش خرايط يا مرجان .. وكنت طول الوقت ده فاكرها .. دى مخطوطات بطليموس .. والإدريس .. ياوكستك يا مرجان .. وكنت طول الوقت ده فاكرها خرايط لمدار الساقية أو للدار ( ينهار علي الأرض ) الله يخرب عقلك يا مجيد . الله يخرب عقلك يا مجيد . خلاص تعبت .. تعبت .. مش قادر ( يرتمي ثانية فتحاصره الخيالات مرة أخري .. يدور ) عايز أنام مش قادر .. عايز أنام أنا ( الدبدبات تتعالي .. الصرخات تدوى .. يري الخيالات في السقف .. تضحك وتقهقه .. يغلق عينيه وينتصب دائراً .. يشهد في المكان الذي كان ملقي فيه خيالاً يقطر دماً .. يصرخ .. يصرخ ) لا .. لا .. كتير .. كتير ... ( دقات علي الباب ) عفاريت .. جن مصور .. لأ .. جن .. عفاريت ( الدقات مستمرة مع نداء : مرجان .. مرجان ) حد بينادي .. أيوه حد بينادي ( يسرع لفتح الباب ) أنت شرفت .. ياوش المصايب ( يدخل وخلفه مجيد ) منك لله يا شيخ .. منك لله .. كانت معرفة شؤم !!
مجيــــد:
( يدخل مبتسماً ) إيه فيه إيه ؟ مالك ضارب بوز كده ؟ !
مرجان : خليت حياتي كلها كوابيس .. وخيالات .. عفاريت بالليل والنهار .. جن أزرق .أحمر .. مابقتش أشوف قدامي غير خيالات بقرون .. بقرو ..
مجيــــد :حيلك .. حيلك .. مش أنت اللى عامل فيها جدع .. اشبع !!
مرجان : منك لله .. منك لله .. كبرت الصغيرة في دماغي إذا كنت أنت ولا أبويا لحد ما صدقت , وأنت عمرك ماشفت عفريت .. عمرك .
مجيــــد :وأنا مالي بده كله .. يابني أتسلي .. أتسلي وبس !!
مرجان :أتسلي إزاي والعفاريت طالعة نازلة من كل حتة .. هنا .. هناك .. من الشارع .. السوبر ماركت .. المؤسسة .. ياه .. مالهاش عدد !!
مجيــــد :كلنا في الهوا سوا .. أمال حاتعمل إيه بعد كده ؟
مرجان : وهى فيها بعد كده ؟
مجيــــد : دا أنا هوريك حتة دين زار الليلة .
مرجان :( يقاطعه ) بيقول زار .. أنت إيه .. حد زقك علي ؟ !
مجيــــد :أيوه .. أبوك .. مش أنت اللي قايل .
مرجان :مش كفاية .. الشيخ عسقول .. والشيخ فرقلة ... والشيخة خضرة .. وعفاريتك خارجة وداخلة .. هو أنا كنت ناقصك يا أخي أنت وهو .. ما هي العفاريت مالية حياتنا .
مجيــــد : مرجان .. ماتخدشي المسألة جد كده ..!! أنا قلت جايز زي ماقالك سرقوا الكنز !
مرجان :أنت السبب .. هو السبب .. دماغي حايوج .. دماغي حايوج ! !
مجيــــد :ياعمنا متقولش كده .. خلاص فضك من موضوع الكنز ده خالص !!
مرجان : أنا ماقدرش اقعد أسمعك طول الوقت .. وأسيبك تلغوص في ودني زي العيل .. وأسكت ؟
مجيــــد : ووصلت لحاجة ؟ ! ( صمت ) ولا عمرك حاتوصل !!
مرجان :أمال ليه جرجرتني معاك ؟ !
مجيــــد : أنت اللى غاوى ( صمت) والله أنت اللى غاوى!!
مرجان :أنا يامفترى ؟
مجيــــد : هو أنت لو مش غاوى . . كنت سمعتنى من أصله . لا .. ولامم الكتب الصفرا والبيضا..دا أنت .. بقيت مدرسة !!
مرجان : مدرسة !!
مجيــــد :نفسك تعمل ايه .. مش عارف ؟ ! الكنز – أونطة !!
مرجان : طب اسكت .. ما تفتحشى بقك .. سامع ( طرق على الباب) الحقنى الحقنى يا معروف ياخويا ( يتجه صوب الباب .. يدخل معروف ) الحقنى ياخويا !!
معروف : إيه يابنى .. مال صوتك .. جايب لآخر الشارع كده ؟
مرجان : تعبان يا معروف ياخويا .. عفاريت فى كل حته .. جن .. اهوه .. شايف بيطلع لى لسانه .. اهوه ..شوف .. اهوه !!
معروف :مرجان.... بلاش أوهام ... انسي كل حاجة تشوفها .. انسي !!
مرجان :أنسي ... ياريت ... ياريت يا معروف !!
معروف :مال الدنيا هنا كاتمة كده ... ماتيلا نخرج أحسن .. يلا يا وش المصايب ( يتوجه لمجيد )
مجيــــد :حاجزلكم .. في زار إنما إيه !! خمس نجوم !!
مرجان : لا خمس نجوم .. ولا سبع نجوم .. خلاص !!
مجيــــد :زار .. لواحدة من إياهم .. إنما إيه فوق فوق .. ويهبل .
معروف :الله .. هيه العفاريت وقعت في بعضها والا إيه ؟ !
مجيــــد : حد عارف .. أهو كله بيركب دماغ كله .
مرجان :الله الغني ياعم ..أبعد عنى يا مجيد..الله يرضى عليك !
معروف :وماله يا مرجان .. نروح نتفرج .. يمكن نعتر فيهم ؟
مرجان : أنا خلاص استويت .. معدتش شايف قدامي .. غير عفاريت .. عفاريت .
معروف ومالها العفاريت ؟! حد زيها ؟ !
مرجان : حد زيها .. ناقص تقولي .. ياريت كنت زيهم !!
معروف : ياريت وحد يطول !!
مجيــــد :قل له والنبي .. طب أنا آخر مرة .. الجمعة اللى فاتت بعد ما جريت وفلسعت .. فاكر .. خرجت حتة دين عفريت .. إنما ايه إبن أبلسة .. كان مكلبش في جتت مديرة بنك ومصر يوديها السجن !! فضل ياخد سلف .. سلف .. ويهرب بيها علي بره .. وهيه تدي له .. تدي له من غير حساب !
مرجان :( يصرخ ) يا هوووه .. حرام .. كفاية .
مجيــــد :( يقاطعه ) لامؤاخذه ده وقتي .. تصدق الشيخ عسقول مقدرشي عليه .. هوه يدوب مسك الزبونة المسكة اللى هيه .. كده هو ( يمسك جبهة معروف بإصبعي الإبهام والسبابة ويضغط فيقع معروف علي الأرض ) أنت وقعت يا بغل .. أنت ياد ركبك عفريت .. والله ركبك عفريت !!
مرجان :يا مفتري .
معروف :معاك حق .. ركبنا عفاريت .. مش عفريت واحد .. المنجم كله كله عفاريت .
مجيــــد :تعرف ياد يا مرجان .. أهي عملت زي معروف كده .. صرخ ابن الأبالسة .. وحاول عسقول يعكشه .. ماقدرشي .. ماقدرشي .. شمر وهاتك يضرب إنه يخرج .. مفيش فايدة .. لما خلاص الست سخسخت بين ايديه .. عنها ورحت قاذح .. وداخل له دوغري !!
مرجان : إيه رأيك يا معروف ( صمت بين مجيد ومعروف من نظرات مرجان المجنونة ) أنا جات لي فكرة مجنونة قوي !!
معروف : مجنونة قوي !!
مرجان :عشان تئمن شرهم .. وتكشف سترهم .. اركب واحد منهم !!
مجيــــد :حلاوتك .. وساكت من الصبح .
معروف :أشتاتن أشتوت .. حابس حابس ( يحرك فمه وقبضته القوية ) !!
مرجان : أيوة .. مش معقول أسيبهم يخلصوا عليه !!
مجيــــد : دي تبقي حاجة تجنن بصحيح !!
معروف :علي النعمة الكنز فك مخ الود ده !!
مجيــــد : أمال عمال توقوق من الصبح ليه ؟
مرجان :ماهو مفيش فايدة .. رحت مارحتش موجودين .. يبقي أصطادهم بإيدي .. أحسن ما يصطادوني !!
معروف :بأقول عليّ النعمة الواد ده مخه أتلحس .. بني آدم يركب عفريت .. كان غيرك أشطر( يشهر قوته )!
مرجان :أركبه بدل ما أموت من الخوف منه !! والجرى وراه !!
مجيــــد : ممكن .. والله .. ما أنا لما باخرج واحد زي ما أكون باركبه حماري !!
مرجان :أنت حاتهجص ؟ !
مجيــــد :أنا بتكلم جد .. والله .. وأنا باخرجه ساعات يصرخ .. ويتمحلس .
مرجان :يعنى مش احنا بس اللى حمير !!
مجيــــد :بس حمير عن حمير تفرق .. دوكهه حمير حمير .. بجنحات وحكم مطرز .. وبالزمبلك .. ويمكن بالروموت كنترول .. ونهيقها أنغام !!
معروف :كل الحمير حتي لو عفاريت لازم تنهق .. لازم !!
مجيــــد :وليه لازم ياخفيف ؟
معروف :من أكل الفول لازم الكل ينهق !!
مرجان : فول !! وهيه هتاكل فول برضه .. قول جاتوه .. شيكولاته .. بفتيك بالمينيز .. أسود .. بنوك
مجيــــد : سلام قول من رب رحيم ( يتحسس جبهته ) !!
مرجان :يعنى مش عارف يابو العريف ؟ !
مجيــــد :( بكياسه ) عارف ياد يا مرجان .. طب تعرف .. يوم الجمعة اللى فاتت طلعت حتة دين واد .. بس طلع تركي خرع !!
معروف : وعرفته ازاى يا مجيد يامزَّاع .. من زعبوطه .. ولا البرقع ؟
مجيــــد : رطن تركي .. رطن ( يتراجع ) !
معروف :وأنت مشاء الله تعرف تركي كويس !!
مجيــــد :بتتمقلت .. طيب .. إن ماوريتك ( صمت ) سألته ياخفيف .. أنت منين ياوله ( يلاحقهما ) طيب وتقول إيه في الست التانية .. راكبها واد أمريكاني
مرجان : استر يابو خيمة زرقا .
مجيــــد :منتش مصدق . ياشيخ روح كده !!
مرجان : يا عم روح !
مجيــــد : قال أفيت أفندم تشكرات من أفندينا سلطان كرخانات ( سكته ) بس طلع واد جبان .. صرخ وقال يافكيك !!
معروف :بالراحة إحنا مش قدك !!
مجيــــد : والله وما لك عليه يمين .. حصل ! !
معروف :يا عم خلاص .. خلاص الله يخرب بيت اللي يزعلك !!
مرجان : يا سلام .. والواحد راكب عفريت كده .. سلطان زمانه !!
مجيــــد : ويسوق فيها .. من هنا ياد يا عفريت .. عايز أبصر ايه يا واد يا عفريت .. ألطخ
العفريت دا قلمين ياد يا عفريت .. حكم أنا مابخفشي إلا من العفريت !! والــ
هيه ما حصلتشي .. بس إيه المانع ؟
مرجان :موانع كتيرة .. لازم أكون أقوي منه .. ألعوبان .. أراجوز .. ألعب بالبيضة والحجر .. وداسس مناخيري في الكبيرة قبل الصغيرة .. وكاشف ألاعيبهم كويس !!
معروف :لأ .. ويجي يساومك عشان تسيبه .. زي الشيوخ مابتعمل . تطلب إيه يا سيدنا ؟
مرجان :صحيح الواحد مش مفتري .. بس اللى زي دول .. حلال فيهم كل حاجة .. نقول قمر صناعي !!
معروف : وأنت مش لاقي تاكل ... قمر صناعي ؟ !
مرجان : صح .. عندك حق .. قمر إيه ومصيبة إيه .. قول مية طن دقيق .. ومية سكر .. ومية رز !!
مجيــــد :إخيه .. وكل ده يبقي بح بعد شهور .. تعمل ايه ؟
مرجان :صح .. وترجع ريمة لعادتها القديمة .. لأ طلباتي حاتكون كبيرة قوي .. لابلاش .. كركات .. ووبيرحرت .. معدات تقيلة . مصانع .. مصانع .. ولا منجم دهب .. وأمسكك ريس عليه ياد يا معروف .. مش تعرف تشغله ؟
معروف : واشغل أبوه !!
مرجان : والحقايق كانت إيه غير أحلام .. أيوة .. كل اكتشاف جديد بدأ بفكرة .. بحلم .. خرافة . أتحول لحقيقة واضحة زي الشمس !! كده والا لأ ؟
مجيــــد : كلام جميل .. بس في الطراوة !!
مرجان :في الطراوة في الطراوة زي بعضه !!!!
معروف :لأ .. وأنا ماحصدق أمسك المنجم .. أشغل الواد المدير والريس والخولي لما أقطع نفسهم واد .......
مجيــــد :فيه طلبات تانية يا سيد مرجان .. يلا قبل مانسك .
معروف :إحنا مش اتفقنا .. المنجم وأمسكه لك ؟
مرجان : خلاف المنجم .. كنزي اللى سرقوه .. وأرض أبنى عليها مصانع .. مصانع كتير
مجيــــد :لو طلبت بقا لبن العصفور .. يحلبلك العصفور نفسه !!
معروف :أيوه.. مش وزة أبصر أيه .. لونها كذا .. وبنت فلان .. ولاديك رزي من بلد كيت .. فيه علامة كيت !!
مرجان :مش بس كده ..ده الواحد يخليه مسخرة .. زى ما عملوا مننا مسخرة سنين طويلة !!
معروف :بس .. حايسيبوك تعمل فيهم كده يامرجان .. قصدي مرجان باشا ؟ !
مرجان : مش حاديلهم فرصة .... علي ودنه .... هات ... واشد اللجام .. اشد اللجام .. لجام مين .. بالريموت كنترول .. موضة العصر . كل حاجة متبرمجة ... واضغط .. واضغط .. لحد مايقول حقي برقبتي .. يطلعوا العيال الصغار مايخافوش من حاجة اسمها عفريت ولا جن أزرق .. زي الوحوش .. كل حاجة يدخلوها بصدرهم .. علم يتعلموا .. فن يتفننوا .. حياة يعيشوها بالطول والعرض .. حياة بني آدميين مش مجرد مخلوقات عايشة !!!!!
معروف : كل ده يا جدع ؟
مرجان :مش بس كده !! وأبقي سلطان .. السلطان مرجان الغزال .. مرجان السلطان الغزال النساج الباني ... المثقف
مجيــــد :سلطان !! علي مين بقي ؟
مرجان :علي أي حد .. علي حارتنا مثلاً !
معروف :وهمه برضه عندهم سلاطين ياد يا مجيد ؟
مجيــــد :أكيد عندهم .. سلاطين متكلفة .. وأنا جرفت وكشري !!
معروف :يا سلام .
مجيــــد :ربنا يجعل كلامنا خفيف عليهم .. حابس حابس .. السلام والأمان .. والسلام والأمان .
مرجان :يامجيد !! بلاش تعيش الدور علي الآخر !!
مجيــــد :أنا شفت بنفسي .. أنت مش حتصدق زي عادتك !!
مرجان :تانى ... مابلاش .. الله يخليك .. أنا مصدقت فكيت !!!
معروف :الإش بقي .. لو طلعت عفريتة .. وقالت اتجوزه يابابا !!!!
مجيــــد :تبقي مصيبة .. تكلبش فيه بإديها وسنانها .. ويبقي مسخرة !!
مرجان :فشر .. أنا ؟ أتجوزها .. مش حاكون سلطان .. أتجوزها .. وأتجوز كل العفريتات ( مجيد يتمتم ) وأعيش في قصور كتيرة .. كل يوم أبدل .. النهاردة قصر الرشيد .. بكرة قصر الجوهرة ... بعده قصر الزمرد ... بعد بعده قصر البللور .. واستراحات كتير .. كتير ... وخدم وحشم .. في كل قصر حشمه وخدمة . وعبد ماشي ورايا ... عفريت برضه .. يقول شبيك . أروح لزقة قلم !!
مجيــــد :تعمل ايه بقى ياحلو لو قالت العصمة في ايدي .
مرجان :مفيش ستات تمشي كلامها عليه !!
مجيــــد : أنا بقول أفرض يا أخي !
مرجان : مينفعش يا عم مجيد !!!
مجيــــد :اشمعنا دي اللى وقفت في زورك ؟ !
معروف : صحيح ياباشا مرجان .. تعمل إيه ؟
مرجان :أنا اللى راكب يا معروف .. أنت ناسي والا ايه ؟ والراكب ؟ والراكب مدلدل رجليه .. وسايق الكل .. الكل يا مجيد !!
مجيــــد :طب يلا يا خويا .. قصدي يا سلطان الجن الأحـ
مرجان : يابني حرام .. صوتك بيلبش جتتي .. حرام عليك .
مجيــــد :مش قصدي يا .. يلا بينا .. يلا ياعم معروف .
معروف :تفتكر الـــ ............
مجيــــد :( يقاطعه ) ياعم .. بس يلا ... حاتخسر إيه .. حانشوف حاجات غريبة ... مش طبيعية .. ستات من كل لون .. هبل ماتعرف .. مجانين ماتعرف .. وعفاريت بتهلل ... وتدبدب .. وطبل ودفوف !! ( يؤدي بطريقة كل كلمة ينطق بها ) .
مرجان : يللا ياخويا ( لنفسه و هو يتحرك ) كله من كلامك يا به .. أنت السبب .. دور تانى .. الكنز .. أدينى عاوز اللى يدور عليه .. عاجبك كده ( فى أثناء خروجهم يقبل من عمق المسرح .... ستة من العفاريت . الأول ( ياورة ) وهو عملاق والثاني ( سليلة ) وهي عملاقة أيضاًَ .. والثالث
( سلطان ) وهو قزم والرابع ( كاورة ) وهو قزم والخامس ( ست الكبيرة ) وهي عملاقة والسادس ( مارد ) وهو بدين متوسط القامة .) .
ياورة :أنتوا سمعتوا اللى أنا سمعته !!
سليلة : طبعاً .
سلطان :سمعتوا الرعد .. وساكتين ؟
كاورة : أمد إيدي أجيبه !!!
ياورة : قلبك أبيض !!
كاورة : بس ده ممكن يتعبنا ويهزأنا !!
مارد : و الناس بتحب تقلد
ست الكبيرة : قرود .. نسانيس
ياورة : مش بعيد بعد كده كل البنى آدميين تركبنا ( يتلاعب بطربوشه ) .
سلطان : دا حلم تافه ! !
ست الكبيرة ونبقى حمير .. هق هق .. حمير !
كاورة :كلنا .. و الكل يتساوى ؟ ( يقصد العملاق و القزم )
ياورة : دا بعيد عن شنبك يا أزعر ! !
مارد : كان غيره أشطر ! !
كاورة :زمان .. زمان قوي سيدنا وتاج راسنا سليمان ابن داوود ضحك علينا .
مارد : سنين طويلة نشقي ونشقي .. والخوف سيف فوق رقابينا .
سلطان :كنت شايفة .. والله كنت شايفة .. بس الدبابة كانت دايسة علي رقبتي ( يلوح تجاه مارد ) وأنادي .. ولا حد سامعني .. حتي أبو طويلة دهوه _ ياورة ) .
ياورة : أسمعك ازاى ,.. وأنا فوقك بخمس تدوار .
كاورة : ياعم روح كده .. وانت طويل خالص !!
سلطان : وأنا شفته .. بس الطويلة الهبلة دي ( يقصد سليلة ) شوشرت عليه .
سليلة : كان شكلك يهلك من الضحك ..... مسخرة .... .وأنت قدامي في المراية زي الدبانة .
سلطان :ياطويلة .. ياهبلة ... ياأم مراية .
ياورة : كل ده عشان نفضل عايشين سنين طويلة ... واحنا مالينا الخوف !!!
سلطان :لأحسن يكون الجدع ده خد السر من سيدنا ؟
كاورة : ياسلطان ياحبيبي سر ايه اللى حيخده ؟
سلطان :ياسنة سودا .
ياورة : مفيش حاجة من دي حاتحصل .. اطمنوا !!!
سلطان :ياه ... أما كانت أيام ... ربنا لا يرجعها .
كاورة :شغل .. شغل .. ونبص نلاقيه قاعد زي الوحش
ياورة : نشتغل .. نشتغل .. نشتغل .. مفيش راحة .
سلطان :كل طويل هبيل .. معلهشى !!
سليله :نسّانى المرايه .. وشنطة المكياج بتاعى !!
ست الكبيرة : وحتّة نملة متقمعة هى اللى تكشف المستخبى !!
سليلة : بس بعد كده إيه .. ياى ياى.. كان شعرى باظ ووشى كرمش من الشقا !!
كاورة : أل إيه !! مات من أربعين سنة .. يادى الواكسة يا ولاد !
ياورة : ( وهو يضرب نفسه بالمنشه ) كنا عبط صحيح !! أى والله .
سلطان : كل طويل هبيل .. معلهش !!
ياورة :دا قصر ديل يا أزعر
سلطان : بس عفريت . . ابن عفريت ولا لأ ؟
مارد : ابن أفاعى
سليلة : لكن دلوقتى .. الزمن أتقدم خالص .. خالص .. واتعلمنا خالص .. كتير خالص .. كتير مالص .. مالص بالص مش كدة يا مرمر ؟
مارد : لمى نفسك يا ولية .. حاتفضحينا !!
سليلة : أنا يا كوكو .. اخص عليك .. حقة يا كايدهم ( ياورة ) ؟
ياورة : ( يعاملها بتجاهل ) عايزين نكبر شوية .. مش كل حاجة هزار . بعدين الناس دول مش سهل .. أوقات بيعملوا حاجات تهبل فلازم نفكر شوية !!
كاورة : ياورة .. أنت مالكشى فى الموضوع ده .. أحنابس اللى نقدر
ياورة : مش قوى كده
سليلة : أنا مع الجميل فى اللى قاله
ست الكبيرة :أنا نفسى أقابل واحد منهم .. بس يكون إيه !!
سلطان :أنت بتتمحكى يا ولية .. ولا حاتنسى نفسك ؟
ست الكبيرة أتمحك ؟ أنا وحياتك أبداً ولا أعدمك
كاورة :أنتِ ناسية .. أفكرك ؟
ست الكبيرة : أنا مش هارد عليك !
كاورة : بلاش !!
سليلة : حلفتك بالنبى يا أزعر يا جميل لأنت قايل ؟
ياورة : لأ .. أنا اللى حاقول . لولايا كنت بقيت فى الأزوزة
سلطان :أوعى تزود .. سامع .. يامدهن .. يا منتوف . خلونا فى موضوعنا
مارد : أيوة خلونا فى موضوعنا . .شوفوا الناس دول بيقولوا عليكوا إيه !!
سلطان :دوناى .. إحنا دوناى ؟
مارد : وهَمّنا على بطننا ؟
كاورة : وأحنا كده ( يشير تجاه مارد )
سليلة : ناسى الأنسى المعتوه ده .. إن أول حاجة نعملها ساعة ما نركب الزبون
مارد : نجرده من أكله وشربه وهدومه !
سلطان : ونذل أنفاسه !
سليلة : وعلى السرايا الصفرا عدل .. ياخذ فى جلسات .. ياخذ فى جلسات !!
ياورة : علشان ميقلش أدبه .. ويفضل يحرمنا .
سلطان : نخلى اقتصاده صفر .. ونوحله فى فقره . .وبعدين نلحس مخه
سليلة : يا لحاس !!!
مارد : مش بس كده .. نحط على دماغه عفريت .. وبعدين يذل فيه .. يذل
ست الكبيرة : وإذا قاوح زى أوب فصاده ( تلوح تجاه كاورة )
كاورة : بس ما تساوريش
ياورة : نلاعبه لعبة النحلة
مارد : ودوخينى يا لامونة .. إلا إذا !!
سليلة : إلا إذا إبه ؟
مارد : كان دمه زفر .. أو عديم الدين .
ياورة : دول ما بيحوقشى فيهم حاجة
سلطان :كلام فارغ .. أنت اللى عينك على النسوان .. كله نام على البلاطة !!
مارد : واحنا بنكبر وجيوشنا بتكير
سليلة : اقتصادنا هو السايد .. سوقنا هو السوق وغيره .. يطربق على دماغ أصحابه
ياورة : حتى العملة بتاعنا .. هيه اللى ليها وزن وقيمة
ست الكبيرة :إياك بس ما يفكرش المعتوه ده .. يروح يمة البت روكشى !!
ياورة: دى ما يتخافشى عليها .. دى بلوة مسيحة .
ست الكبيرة : أيوه ما قلناش حاجة .. صحيح خلت الواحد منهم يقول أنا مرة
كاورة : بس هيه .. يمكن تكون عصبية حبتين
سلطان :دى بنت أبالسة !!
مارد : فى سنين تتعد على الصوابع قدرت بلعب العيال والحلويات .. والموز !
كاورة : فلوس عملت .. أرض ملكت .. دهب خزنت .. ناس ركبت .. مشاء الله
سليلة : باشوف فيها طفولتى يا سوس !!
كاورة : أنا سوس يا بنت عزيزة الضبشا
مارد : روكشى مفيش خوف عليها .. ممكن تسيطر على أى إنسى مهما كان بارم ديله !!
سليلة : ما تنساشى تهورها كان حايوديها فى داهية لولا إتلمينا حواليها !!
ياورة : بس بقى لها سمعة .. هوهوهوه !!!
سليلة : احنا حانقعد نتساير .. لازم الإنس دول يكونوا تحت عينينا !!
مارد : اسم الله رايحين زار الست بديعة
سلطان :الزار ده معمول على شرفى .. إن ما ورتهم .. ديك شركسى كد هوه !!
ست الكبيرة :يا جامد يا أبو السلاطين !!
ياورة : وأنا حاخلى عيشتهم سودا .. حاقوم الرجالة على الستات !!
مارد : أما أنا حاولع عالمهم المتخلف ده .. ملكين يعلنوا الحرب على بعض !!
كاورة : أما أنا سيبولى الشيخ عسقول .
سليلة : أوعى تقرب نواحيه .. الشيخ عسقول واللى زيه همه السماسرة .. همه رجالتنا .. العُملة بتوعا .. لولا هم كنا لصنا
ياورة : ما كفاية عليهم العفريت ؟
مارد : أيوة كفاية علينا العفريت .. لازم الناس تخاف من اتنين العفريت والعفريت (يؤدى بطريقة عسكرية ) !!
ياورة : أنا بقى بافكر بشكل جديد خالص .. نحيل عليهم واد من اللى همه .. الصيع قوى نركب دماغه .. وندى له لحمة كلاب على قطط على فيران .. على لبن حمير مخلوط ببودرة العفريت ونقول له اشتغل . .يشتغل !!
مارد : وهمه ما حا يصدقوا ياكلوا ويحشروا !!
سليلة : احنا حانقعد نتساير ونسيب العيال ؟
مارد : نتكلم .. واحنا ماشيين ..يللا !!
ست الكبيرة : أنا سامعة صوت دفوف .. وطبل وهيصة .. أنتو ناسيين .. دى دقتك يا سلطان .
سلطان :طب يللا
ياورة : صح دى دقة سودانى .. واحنا لجنة الأسياد .. إن ما ورتهم
سليلة : حاشعوتهم .. بقى عاوز يركب واحد مننا
سلطان : أما نشوف مين فينا اللى حايركب التانى !!!!
( ستار سريع )
شخصيات
الإنس
مرجان : شخصية أسطورية .. يبحث عن كنز خلفه أبوه .. يحمل بعض أفكاره الخيرة .. يكره أى شئ يتصل بعالم العفاريت .. يقع فى شباك العفاريت ، ولحسن حظه يتمكن من التحكم فى عالمها !!
مجيد : شخصية أقرب إلى شيوخ العصور القديمة ، يهتم كثيرا بعالم العفاريت ، ويدعى معرفته بالسحر ، وطرد العفاريت !!
معروف : عامل فى منجم ، وهو صديق مرجان .. شخصية طريفة يشارك مرجان الحلم فى البحث عن الكنز !!
الشبح : وهو قرين أبى مرجان ، الذى يحدثه بأمر الكنز ، ويؤكد وجود ه وضرورة العثور عليه .
الكودية : كودية الزار أسطورية الملامح .
فرقة زار : من 4 : 8 بين رجل وامرأة .
العفاريت
روكشى : دلوعة .. جميلة للغاية .. تبدو مغرمة باللعب ، ومص الحلويات إلى أن تقع بين قبضة مرجان .
ياورة : عملاق
سليلة : عملاقة
سلطان : قزم بفمه أسنان صناعية بالفضة
كاورة : قزم
ست الكبيرة : عملاقة وعايقة
مارد : بدين .. متوسط القامة
الزار
مجموعة رجال وسيدات يمثلون الزار ومشاهديه.
مؤلف النص
اللوحة الأولى : ما عفريت إلا بنى أدم
المنظر : خلاء ممتد ، على جانب الخشبة الأيمن ساقية تحتضنها شجرة توت ونخلتان متعانقتان .. الساقية يبدو عليها القدم والتأكل وفى الجانب الأيسر من الخشبة مدخنة .. مرجان يدور بين الجانبين حائرا ، ويبده خرائط وأوراق تتميز بالحجم الكبير .
مرجان
( العرق يملأ وجهه .. ويبدو عليه الاجهاد ) يظهر مفيش فايدة يا مرجان .. معقول !! يطلع كل كلامه فاشوش .. كله فى الطراوة .. معقول يابه كنت بتضحك على عقلى ..الله .. بس أنا ياما شفته هنا .. قاعد على مدار الساقية .. المكان الوحيد اللى ما غيروش طول عمره .. وعينه اللى زى عين الصقر على الحتة دى .. ساعات طويلة ( يرفع الخرائط قليلا ) حتى الخرايط مش فاهم منها حاجة .. كلها شخبطة ولخبطه آه تعبت يابه .. تعبت .. دى خرايط الكنز فعلا .. ولا مجرد خطوط وتشخبيط !! يابه ( ينادى ) رد على .. أنا ابنك .. أنت مش وصتنى .. قلت لى الكنز .. الخرايط .. كان قصدك إيه ؟! تقتلنى من اللف والدوران .. والجرى ورا خرافة .. وحلم مالوش وجود ؟ عشر مرات .. عشرين مرة .. أدور هنا .. هناك .. فى الدار .. فى الغيظ .. فى الـ .. ومفيش فايدة .
( فجأة نرى شبحا بين الشجرتين )
الشبح ما أنا قلت لك كل حاجة .. عايز إيه تانى ؟
مرجان مين ؟ ( يتراجع ويدور خائفا )
الشبح مش عارفنى يا وله ؟
مرجان مين ؟ ( وما زال يبحث )
الشبح أنا هنا .. فوق دماغك دوغرى
مرجان دماغى وهو أنا عاد فيه دماغ
الشبح ليه يا وله ؟ لحسته القطة .. رهنته .. ولا بعته بالكيلو ؟
مرجان ( يراه ) مين ؟ أبويا !!
الشبح أبويا ( مقلده ساخرا )
مرجان صحيح .. إيه اللى معقول ( يمسك رأسه )
الشبح فت لك كنز .. كنز قد ( يحاول تضخيم المقدار بذراعيه ) .. وفارقتك .. لقيته ولا لأ؟
مرجان الكنز .. آه الكنز
الشبح كله بيوقوق .. كله .. اللى بيلحس الزلط بيوقوق .. واللى بيلحس فى الـ ( ) برضه بيوقوق .. عايزين إيه ؟
مرجان نور على يابه .. دلنى ؟
الشبح أكتر من كده ؟ الكنز فى إيدك يا أهبل .. دور عليه .. فى الورق اللى أنت ماسكه .. دور يمكن ..
مرجان تعبت يابه
الشبح تعبت .. يا خيبتك القوية .. وأنت لسه شفت حاجة !!
مرجان قل لى يابه .. ارحمنى ؟
الشبح ارحمك .. وهو أنا تعبك ؟
مرجان حملك تقيل عليه يابه !!
الشبح أنا ( يقهقه ) يعنى أنت دورت يا خى ؟!
مرجان كتير .. كثير قوى
الشبح يمكن حد سبقك .. ولطشه يا وله ؟
مرجان معقول ؟
الشبح ومش معقول ليه ؟
مرجان الخرايط والورق معايا زى ما سبتهم .. بلفتهم .
الشبح قلت لحد غريب يا وله ؟
مرجان وهو الغريب مستنى حد يقوله يابه ؟
الشبح أمال ؟
مرجان فيه دلوقت يابه حاجات تانية .. دلوقتى بيعرفوا شكل الجنين فى بطن أمه .. ولد .. ولا بنت .. الأرض دى دكر ولا نتايه .. دول وصلوا للقمر والـ..
الشبح وأيه يعنى ؟ أهم من دا وده .. دورت كويس ؟
مرجان دورت ؟!
الشبح جبت الملبس .
مرجان من كوفرتينا
الشبح يبقى مفيش بوروبلم
مرجان ولا حاجة .. لا جهاز ولا جواز .. شقا وتعب .. ولف ودوران وفقر .. كل حاجة زى ما هى ..يابه فيه كنز ولا لأ ؟
الشبح أوعى تكون صدقت اللى قالوه الناس .. أل إيه كنت راجع من الغيط واخرى .. لقيت على الشط لفة هدوم .. جديدة ..
مرجان مش قصدك يعنى .. جلبية لشلبى ( يضرط بلسانه ) وجلبية لأم الهنا ( يضرط بلسانه ) وجلبية لستيته .
الشبح ( يقهقه ) اللفة تقلت .. تقلت .. تقلت .. رمتها .. ورمحت وهيه ورايا .. بتقول جلبية لشلبى ( يضرط ) وجلبية لستيته ( يضرط ) جلبية لأم الهنا .
مرجان ده كلام فارغ يابه
الشبح بس كان حلم .. حلم يابن أم الهنا .. قول لى .. ودورت عليه عند العفاريت ؟
مرجان العفاريت .. يابه ( يضرط ) جلبية لشلبى .. جلبية لمرجان .
الشبح أيوه العفاريت . مستغرب ؟! يمكن ضحكت على أنا .. وسرقته منى وأنا مش دريان ( يقهقه) يمكن !!
مرجان يمكن إيه بس يابه ؟
الشبح أنت ناسى اللى طلعوه عليه .. أبو مرجان مخاوى الجن .
مرجان يابه .. دلنى .. قولى الحقيقة .
الشبح كلام الناس كان صح .. العفاريت زى ما سرقت حلم الستر منى .. ركبت دماغى .. مسحته بأستيكة .. سرقت عمرى كله .. شقايا .. أرضى .. ويمكن تكون سرقت الكنز راخر .
مرجان يابه ما عفريت إلا بنى آدم ..
الشبح جيت لمربط الفرس .. بالشكل ده تحل كل ألغاز الخرايط والكتب واللى جواها !!
مرجان بس يعنى ؟
الشبح بس إيه ياوله ؟ دور تانى .. فى الكتب .. فى الخرايط .. عند الناس اللى بتحبهم وبيحبوك
مرجان يابه ؟
الشبح ياك بو يتحشرك .. ما تسمع الكلام يا وله ؟!!
مرجان كلام ايه بس ؟
الشبح مفيش غير العفاريت .. زى ما سرقوا عمرى وأعمار الناس زمان .. بالخوف والرهبة والجبروت .. دول مليين البلد !! ملينها يا وله !!
مرجان معقول يابه ؟
الشبح أنت ياد دماغك ناشفة .. ما تسمع الكلام أمال .
مرجان العفاريت يابه ؟
الشبح دايما العفاريت كان لها حكايات وحواديت مع الكنوز .. دايما .. دور
وأنت تعرف .. أنت مش قلت من شوية ما عفريت إلا بنى آدم .
مرجان تانى أدور ؟
الشبح خلاص خليك فى حالك .. وسبنى فى حالى
مرجان دا شئ يهد الحيل يابه
الشبح اللى يهد الحيل صحيح السكات ومصمصة الشفايف زى الحريم .. والكدب ع الناس ليل نهار
مرجان أنا .. أنا يابه ؟!
الشبح فز ياد .. ودور تانى ..عندك الناس .. الخرايط .. الكتب .. وهو أنا كنت باعلمك ليه .. هيه؟ دور .. دور عند أصحابك مجيد أو معروف أو .. ( صمت ) بس أمانة عليك لو لقيته أوعى ...
مرجان أوعى أيه ؟
الشبح ( وهو يختفى ) أوعى تبقى .. أوعى تبقى .. أوعى !! وافتكر دايما ما عفريت إلا بنى آدم .. ما عفريت إلا بنى آدم .. إلا
( ستار سريع )
اللوحة الثانية ( عشان تئمن شرهم ، اركب واحد منهم )
حجرة بها سرير متواضع ، ودولاب عبارة عن صندوق يستخدم كمقعد مرجان يدور دون توقف الأرض مفروشة تقريبا بكتب وأوراق وخرائط يلتقط كتاباً يقرأ : ( عفاريت وعقارب ) يدور وهو شارد , يلقي الكتاب أرضاً , يرفع وجهه , يحدق في السقف , يعود إلى المتناثر في أرجاء الحجرة , ومن الممكن أن يصرخ بأسماء هذه الكتب : ( عفاريت بلا جنسية ... عالم الجن .... كتاب السحر ... عالم ما قبل اكتشاف الأمريكتين .. كنوز ورموز ... بطليموس .... الخوارزمي ... الشريف الإدريسي ) . يحدق في الجدران , يري خيالات ونري معه , تدبدب , وتقهقه , وتخرج له ألسنتها , يتراجع فزعاً , يلقي بآخر ما يحمل , يدور كأنه يبحث عن مخرج من هذا الحصار , لا يجد مفراً , تحاصره الأشباح , يلقي بنفسه أرضاً , يحاول الاختباء , يعتدل , يري كل شئ بلون الدم . فجأة تحط علي صدره هذه الأشباح , يصرخ ... يصرخ : ( الله . . الله . . الله حي ) بعدها , يقف , واد يامرجان .. إيه يا وله .. راسك بتطقطق ليه ؟ مخك حايطير .. حايطير . أجري يا مرجان .. أجري علي الـ .. اخرج .. المكان اتملي عفاريت . بسم الله الرحمن الرحيم .. بطل قراية .. بطل تعوم في بحار مفيهاش ريحة المية .. أيوه .. ماكنتش رؤية ولا كان أبوك . . كان مجرد وهم وهم وهم يامرجان وصدقته .. معقول ( صمت ) انسي يا وله
( يفزع , يلتقط الكتب الملقاة علي الأرض , يضعها في الصندوق وهو منهك , يجلس علي الصندوق, يتنهد : انسي يا وله .. بلا كنز .. بلا هم .. خربت دماغك بكلام عجوز .. فضل يقول ويعيد ويزيد .. دور علي الكنز .. اوعي تسيبه يروح منك .. وفي الآخر ضحك في وشك , وقال لك هيئ . . أنت حر , وراح قبل ما يكمل كلامه .. كان يقصد إيه ؟ اوعي تبقي .. أوعي تبقي إيه ؟ مش عارف خلاني أدور بدل المرة ألف .. نديت علي الناس :
( دوروا يلا يا ناس ) يدورا معاك .. دوروا .. لكن إيه النتيجة .. فوق .. فوق يا مرجان ( يقلب الخرائط بين يديه ويحدق فيها ) الله دي مش خرايط يا مرجان .. وكنت طول الوقت ده فاكرها .. دى مخطوطات بطليموس .. والإدريس .. ياوكستك يا مرجان .. وكنت طول الوقت ده فاكرها خرايط لمدار الساقية أو للدار ( ينهار علي الأرض ) الله يخرب عقلك يا مجيد . الله يخرب عقلك يا مجيد . خلاص تعبت .. تعبت .. مش قادر ( يرتمي ثانية فتحاصره الخيالات مرة أخري .. يدور ) عايز أنام مش قادر .. عايز أنام أنا ( الدبدبات تتعالي .. الصرخات تدوى .. يري الخيالات في السقف .. تضحك وتقهقه .. يغلق عينيه وينتصب دائراً .. يشهد في المكان الذي كان ملقي فيه خيالاً يقطر دماً .. يصرخ .. يصرخ ) لا .. لا .. كتير .. كتير ... ( دقات علي الباب ) عفاريت .. جن مصور .. لأ .. جن .. عفاريت ( الدقات مستمرة مع نداء : مرجان .. مرجان ) حد بينادي .. أيوه حد بينادي ( يسرع لفتح الباب ) أنت شرفت .. ياوش المصايب ( يدخل وخلفه مجيد ) منك لله يا شيخ .. منك لله .. كانت معرفة شؤم !!
مجيــــد:
( يدخل مبتسماً ) إيه فيه إيه ؟ مالك ضارب بوز كده ؟ !
مرجان : خليت حياتي كلها كوابيس .. وخيالات .. عفاريت بالليل والنهار .. جن أزرق .أحمر .. مابقتش أشوف قدامي غير خيالات بقرون .. بقرو ..
مجيــــد :حيلك .. حيلك .. مش أنت اللى عامل فيها جدع .. اشبع !!
مرجان : منك لله .. منك لله .. كبرت الصغيرة في دماغي إذا كنت أنت ولا أبويا لحد ما صدقت , وأنت عمرك ماشفت عفريت .. عمرك .
مجيــــد :وأنا مالي بده كله .. يابني أتسلي .. أتسلي وبس !!
مرجان :أتسلي إزاي والعفاريت طالعة نازلة من كل حتة .. هنا .. هناك .. من الشارع .. السوبر ماركت .. المؤسسة .. ياه .. مالهاش عدد !!
مجيــــد :كلنا في الهوا سوا .. أمال حاتعمل إيه بعد كده ؟
مرجان : وهى فيها بعد كده ؟
مجيــــد : دا أنا هوريك حتة دين زار الليلة .
مرجان :( يقاطعه ) بيقول زار .. أنت إيه .. حد زقك علي ؟ !
مجيــــد :أيوه .. أبوك .. مش أنت اللي قايل .
مرجان :مش كفاية .. الشيخ عسقول .. والشيخ فرقلة ... والشيخة خضرة .. وعفاريتك خارجة وداخلة .. هو أنا كنت ناقصك يا أخي أنت وهو .. ما هي العفاريت مالية حياتنا .
مجيــــد : مرجان .. ماتخدشي المسألة جد كده ..!! أنا قلت جايز زي ماقالك سرقوا الكنز !
مرجان :أنت السبب .. هو السبب .. دماغي حايوج .. دماغي حايوج ! !
مجيــــد :ياعمنا متقولش كده .. خلاص فضك من موضوع الكنز ده خالص !!
مرجان : أنا ماقدرش اقعد أسمعك طول الوقت .. وأسيبك تلغوص في ودني زي العيل .. وأسكت ؟
مجيــــد : ووصلت لحاجة ؟ ! ( صمت ) ولا عمرك حاتوصل !!
مرجان :أمال ليه جرجرتني معاك ؟ !
مجيــــد : أنت اللى غاوى ( صمت) والله أنت اللى غاوى!!
مرجان :أنا يامفترى ؟
مجيــــد : هو أنت لو مش غاوى . . كنت سمعتنى من أصله . لا .. ولامم الكتب الصفرا والبيضا..دا أنت .. بقيت مدرسة !!
مرجان : مدرسة !!
مجيــــد :نفسك تعمل ايه .. مش عارف ؟ ! الكنز – أونطة !!
مرجان : طب اسكت .. ما تفتحشى بقك .. سامع ( طرق على الباب) الحقنى الحقنى يا معروف ياخويا ( يتجه صوب الباب .. يدخل معروف ) الحقنى ياخويا !!
معروف : إيه يابنى .. مال صوتك .. جايب لآخر الشارع كده ؟
مرجان : تعبان يا معروف ياخويا .. عفاريت فى كل حته .. جن .. اهوه .. شايف بيطلع لى لسانه .. اهوه ..شوف .. اهوه !!
معروف :مرجان.... بلاش أوهام ... انسي كل حاجة تشوفها .. انسي !!
مرجان :أنسي ... ياريت ... ياريت يا معروف !!
معروف :مال الدنيا هنا كاتمة كده ... ماتيلا نخرج أحسن .. يلا يا وش المصايب ( يتوجه لمجيد )
مجيــــد :حاجزلكم .. في زار إنما إيه !! خمس نجوم !!
مرجان : لا خمس نجوم .. ولا سبع نجوم .. خلاص !!
مجيــــد :زار .. لواحدة من إياهم .. إنما إيه فوق فوق .. ويهبل .
معروف :الله .. هيه العفاريت وقعت في بعضها والا إيه ؟ !
مجيــــد : حد عارف .. أهو كله بيركب دماغ كله .
مرجان :الله الغني ياعم ..أبعد عنى يا مجيد..الله يرضى عليك !
معروف :وماله يا مرجان .. نروح نتفرج .. يمكن نعتر فيهم ؟
مرجان : أنا خلاص استويت .. معدتش شايف قدامي .. غير عفاريت .. عفاريت .
معروف ومالها العفاريت ؟! حد زيها ؟ !
مرجان : حد زيها .. ناقص تقولي .. ياريت كنت زيهم !!
معروف : ياريت وحد يطول !!
مجيــــد :قل له والنبي .. طب أنا آخر مرة .. الجمعة اللى فاتت بعد ما جريت وفلسعت .. فاكر .. خرجت حتة دين عفريت .. إنما ايه إبن أبلسة .. كان مكلبش في جتت مديرة بنك ومصر يوديها السجن !! فضل ياخد سلف .. سلف .. ويهرب بيها علي بره .. وهيه تدي له .. تدي له من غير حساب !
مرجان :( يصرخ ) يا هوووه .. حرام .. كفاية .
مجيــــد :( يقاطعه ) لامؤاخذه ده وقتي .. تصدق الشيخ عسقول مقدرشي عليه .. هوه يدوب مسك الزبونة المسكة اللى هيه .. كده هو ( يمسك جبهة معروف بإصبعي الإبهام والسبابة ويضغط فيقع معروف علي الأرض ) أنت وقعت يا بغل .. أنت ياد ركبك عفريت .. والله ركبك عفريت !!
مرجان :يا مفتري .
معروف :معاك حق .. ركبنا عفاريت .. مش عفريت واحد .. المنجم كله كله عفاريت .
مجيــــد :تعرف ياد يا مرجان .. أهي عملت زي معروف كده .. صرخ ابن الأبالسة .. وحاول عسقول يعكشه .. ماقدرشي .. ماقدرشي .. شمر وهاتك يضرب إنه يخرج .. مفيش فايدة .. لما خلاص الست سخسخت بين ايديه .. عنها ورحت قاذح .. وداخل له دوغري !!
مرجان : إيه رأيك يا معروف ( صمت بين مجيد ومعروف من نظرات مرجان المجنونة ) أنا جات لي فكرة مجنونة قوي !!
معروف : مجنونة قوي !!
مرجان :عشان تئمن شرهم .. وتكشف سترهم .. اركب واحد منهم !!
مجيــــد :حلاوتك .. وساكت من الصبح .
معروف :أشتاتن أشتوت .. حابس حابس ( يحرك فمه وقبضته القوية ) !!
مرجان : أيوة .. مش معقول أسيبهم يخلصوا عليه !!
مجيــــد : دي تبقي حاجة تجنن بصحيح !!
معروف :علي النعمة الكنز فك مخ الود ده !!
مجيــــد : أمال عمال توقوق من الصبح ليه ؟
مرجان :ماهو مفيش فايدة .. رحت مارحتش موجودين .. يبقي أصطادهم بإيدي .. أحسن ما يصطادوني !!
معروف :بأقول عليّ النعمة الواد ده مخه أتلحس .. بني آدم يركب عفريت .. كان غيرك أشطر( يشهر قوته )!
مرجان :أركبه بدل ما أموت من الخوف منه !! والجرى وراه !!
مجيــــد : ممكن .. والله .. ما أنا لما باخرج واحد زي ما أكون باركبه حماري !!
مرجان :أنت حاتهجص ؟ !
مجيــــد :أنا بتكلم جد .. والله .. وأنا باخرجه ساعات يصرخ .. ويتمحلس .
مرجان :يعنى مش احنا بس اللى حمير !!
مجيــــد :بس حمير عن حمير تفرق .. دوكهه حمير حمير .. بجنحات وحكم مطرز .. وبالزمبلك .. ويمكن بالروموت كنترول .. ونهيقها أنغام !!
معروف :كل الحمير حتي لو عفاريت لازم تنهق .. لازم !!
مجيــــد :وليه لازم ياخفيف ؟
معروف :من أكل الفول لازم الكل ينهق !!
مرجان : فول !! وهيه هتاكل فول برضه .. قول جاتوه .. شيكولاته .. بفتيك بالمينيز .. أسود .. بنوك
مجيــــد : سلام قول من رب رحيم ( يتحسس جبهته ) !!
مرجان :يعنى مش عارف يابو العريف ؟ !
مجيــــد :( بكياسه ) عارف ياد يا مرجان .. طب تعرف .. يوم الجمعة اللى فاتت طلعت حتة دين واد .. بس طلع تركي خرع !!
معروف : وعرفته ازاى يا مجيد يامزَّاع .. من زعبوطه .. ولا البرقع ؟
مجيــــد : رطن تركي .. رطن ( يتراجع ) !
معروف :وأنت مشاء الله تعرف تركي كويس !!
مجيــــد :بتتمقلت .. طيب .. إن ماوريتك ( صمت ) سألته ياخفيف .. أنت منين ياوله ( يلاحقهما ) طيب وتقول إيه في الست التانية .. راكبها واد أمريكاني
مرجان : استر يابو خيمة زرقا .
مجيــــد :منتش مصدق . ياشيخ روح كده !!
مرجان : يا عم روح !
مجيــــد : قال أفيت أفندم تشكرات من أفندينا سلطان كرخانات ( سكته ) بس طلع واد جبان .. صرخ وقال يافكيك !!
معروف :بالراحة إحنا مش قدك !!
مجيــــد : والله وما لك عليه يمين .. حصل ! !
معروف :يا عم خلاص .. خلاص الله يخرب بيت اللي يزعلك !!
مرجان : يا سلام .. والواحد راكب عفريت كده .. سلطان زمانه !!
مجيــــد : ويسوق فيها .. من هنا ياد يا عفريت .. عايز أبصر ايه يا واد يا عفريت .. ألطخ
العفريت دا قلمين ياد يا عفريت .. حكم أنا مابخفشي إلا من العفريت !! والــ
هيه ما حصلتشي .. بس إيه المانع ؟
مرجان :موانع كتيرة .. لازم أكون أقوي منه .. ألعوبان .. أراجوز .. ألعب بالبيضة والحجر .. وداسس مناخيري في الكبيرة قبل الصغيرة .. وكاشف ألاعيبهم كويس !!
معروف :لأ .. ويجي يساومك عشان تسيبه .. زي الشيوخ مابتعمل . تطلب إيه يا سيدنا ؟
مرجان :صحيح الواحد مش مفتري .. بس اللى زي دول .. حلال فيهم كل حاجة .. نقول قمر صناعي !!
معروف : وأنت مش لاقي تاكل ... قمر صناعي ؟ !
مرجان : صح .. عندك حق .. قمر إيه ومصيبة إيه .. قول مية طن دقيق .. ومية سكر .. ومية رز !!
مجيــــد :إخيه .. وكل ده يبقي بح بعد شهور .. تعمل ايه ؟
مرجان :صح .. وترجع ريمة لعادتها القديمة .. لأ طلباتي حاتكون كبيرة قوي .. لابلاش .. كركات .. ووبيرحرت .. معدات تقيلة . مصانع .. مصانع .. ولا منجم دهب .. وأمسكك ريس عليه ياد يا معروف .. مش تعرف تشغله ؟
معروف : واشغل أبوه !!
مرجان : والحقايق كانت إيه غير أحلام .. أيوة .. كل اكتشاف جديد بدأ بفكرة .. بحلم .. خرافة . أتحول لحقيقة واضحة زي الشمس !! كده والا لأ ؟
مجيــــد : كلام جميل .. بس في الطراوة !!
مرجان :في الطراوة في الطراوة زي بعضه !!!!
معروف :لأ .. وأنا ماحصدق أمسك المنجم .. أشغل الواد المدير والريس والخولي لما أقطع نفسهم واد .......
مجيــــد :فيه طلبات تانية يا سيد مرجان .. يلا قبل مانسك .
معروف :إحنا مش اتفقنا .. المنجم وأمسكه لك ؟
مرجان : خلاف المنجم .. كنزي اللى سرقوه .. وأرض أبنى عليها مصانع .. مصانع كتير
مجيــــد :لو طلبت بقا لبن العصفور .. يحلبلك العصفور نفسه !!
معروف :أيوه.. مش وزة أبصر أيه .. لونها كذا .. وبنت فلان .. ولاديك رزي من بلد كيت .. فيه علامة كيت !!
مرجان :مش بس كده ..ده الواحد يخليه مسخرة .. زى ما عملوا مننا مسخرة سنين طويلة !!
معروف :بس .. حايسيبوك تعمل فيهم كده يامرجان .. قصدي مرجان باشا ؟ !
مرجان : مش حاديلهم فرصة .... علي ودنه .... هات ... واشد اللجام .. اشد اللجام .. لجام مين .. بالريموت كنترول .. موضة العصر . كل حاجة متبرمجة ... واضغط .. واضغط .. لحد مايقول حقي برقبتي .. يطلعوا العيال الصغار مايخافوش من حاجة اسمها عفريت ولا جن أزرق .. زي الوحوش .. كل حاجة يدخلوها بصدرهم .. علم يتعلموا .. فن يتفننوا .. حياة يعيشوها بالطول والعرض .. حياة بني آدميين مش مجرد مخلوقات عايشة !!!!!
معروف : كل ده يا جدع ؟
مرجان :مش بس كده !! وأبقي سلطان .. السلطان مرجان الغزال .. مرجان السلطان الغزال النساج الباني ... المثقف
مجيــــد :سلطان !! علي مين بقي ؟
مرجان :علي أي حد .. علي حارتنا مثلاً !
معروف :وهمه برضه عندهم سلاطين ياد يا مجيد ؟
مجيــــد :أكيد عندهم .. سلاطين متكلفة .. وأنا جرفت وكشري !!
معروف :يا سلام .
مجيــــد :ربنا يجعل كلامنا خفيف عليهم .. حابس حابس .. السلام والأمان .. والسلام والأمان .
مرجان :يامجيد !! بلاش تعيش الدور علي الآخر !!
مجيــــد :أنا شفت بنفسي .. أنت مش حتصدق زي عادتك !!
مرجان :تانى ... مابلاش .. الله يخليك .. أنا مصدقت فكيت !!!
معروف :الإش بقي .. لو طلعت عفريتة .. وقالت اتجوزه يابابا !!!!
مجيــــد :تبقي مصيبة .. تكلبش فيه بإديها وسنانها .. ويبقي مسخرة !!
مرجان :فشر .. أنا ؟ أتجوزها .. مش حاكون سلطان .. أتجوزها .. وأتجوز كل العفريتات ( مجيد يتمتم ) وأعيش في قصور كتيرة .. كل يوم أبدل .. النهاردة قصر الرشيد .. بكرة قصر الجوهرة ... بعده قصر الزمرد ... بعد بعده قصر البللور .. واستراحات كتير .. كتير ... وخدم وحشم .. في كل قصر حشمه وخدمة . وعبد ماشي ورايا ... عفريت برضه .. يقول شبيك . أروح لزقة قلم !!
مجيــــد :تعمل ايه بقى ياحلو لو قالت العصمة في ايدي .
مرجان :مفيش ستات تمشي كلامها عليه !!
مجيــــد : أنا بقول أفرض يا أخي !
مرجان : مينفعش يا عم مجيد !!!
مجيــــد :اشمعنا دي اللى وقفت في زورك ؟ !
معروف : صحيح ياباشا مرجان .. تعمل إيه ؟
مرجان :أنا اللى راكب يا معروف .. أنت ناسي والا ايه ؟ والراكب ؟ والراكب مدلدل رجليه .. وسايق الكل .. الكل يا مجيد !!
مجيــــد :طب يلا يا خويا .. قصدي يا سلطان الجن الأحـ
مرجان : يابني حرام .. صوتك بيلبش جتتي .. حرام عليك .
مجيــــد :مش قصدي يا .. يلا بينا .. يلا ياعم معروف .
معروف :تفتكر الـــ ............
مجيــــد :( يقاطعه ) ياعم .. بس يلا ... حاتخسر إيه .. حانشوف حاجات غريبة ... مش طبيعية .. ستات من كل لون .. هبل ماتعرف .. مجانين ماتعرف .. وعفاريت بتهلل ... وتدبدب .. وطبل ودفوف !! ( يؤدي بطريقة كل كلمة ينطق بها ) .
مرجان : يللا ياخويا ( لنفسه و هو يتحرك ) كله من كلامك يا به .. أنت السبب .. دور تانى .. الكنز .. أدينى عاوز اللى يدور عليه .. عاجبك كده ( فى أثناء خروجهم يقبل من عمق المسرح .... ستة من العفاريت . الأول ( ياورة ) وهو عملاق والثاني ( سليلة ) وهي عملاقة أيضاًَ .. والثالث
( سلطان ) وهو قزم والرابع ( كاورة ) وهو قزم والخامس ( ست الكبيرة ) وهي عملاقة والسادس ( مارد ) وهو بدين متوسط القامة .) .
ياورة :أنتوا سمعتوا اللى أنا سمعته !!
سليلة : طبعاً .
سلطان :سمعتوا الرعد .. وساكتين ؟
كاورة : أمد إيدي أجيبه !!!
ياورة : قلبك أبيض !!
كاورة : بس ده ممكن يتعبنا ويهزأنا !!
مارد : و الناس بتحب تقلد
ست الكبيرة : قرود .. نسانيس
ياورة : مش بعيد بعد كده كل البنى آدميين تركبنا ( يتلاعب بطربوشه ) .
سلطان : دا حلم تافه ! !
ست الكبيرة ونبقى حمير .. هق هق .. حمير !
كاورة :كلنا .. و الكل يتساوى ؟ ( يقصد العملاق و القزم )
ياورة : دا بعيد عن شنبك يا أزعر ! !
مارد : كان غيره أشطر ! !
كاورة :زمان .. زمان قوي سيدنا وتاج راسنا سليمان ابن داوود ضحك علينا .
مارد : سنين طويلة نشقي ونشقي .. والخوف سيف فوق رقابينا .
سلطان :كنت شايفة .. والله كنت شايفة .. بس الدبابة كانت دايسة علي رقبتي ( يلوح تجاه مارد ) وأنادي .. ولا حد سامعني .. حتي أبو طويلة دهوه _ ياورة ) .
ياورة : أسمعك ازاى ,.. وأنا فوقك بخمس تدوار .
كاورة : ياعم روح كده .. وانت طويل خالص !!
سلطان : وأنا شفته .. بس الطويلة الهبلة دي ( يقصد سليلة ) شوشرت عليه .
سليلة : كان شكلك يهلك من الضحك ..... مسخرة .... .وأنت قدامي في المراية زي الدبانة .
سلطان :ياطويلة .. ياهبلة ... ياأم مراية .
ياورة : كل ده عشان نفضل عايشين سنين طويلة ... واحنا مالينا الخوف !!!
سلطان :لأحسن يكون الجدع ده خد السر من سيدنا ؟
كاورة : ياسلطان ياحبيبي سر ايه اللى حيخده ؟
سلطان :ياسنة سودا .
ياورة : مفيش حاجة من دي حاتحصل .. اطمنوا !!!
سلطان :ياه ... أما كانت أيام ... ربنا لا يرجعها .
كاورة :شغل .. شغل .. ونبص نلاقيه قاعد زي الوحش
ياورة : نشتغل .. نشتغل .. نشتغل .. مفيش راحة .
سلطان :كل طويل هبيل .. معلهشى !!
سليله :نسّانى المرايه .. وشنطة المكياج بتاعى !!
ست الكبيرة : وحتّة نملة متقمعة هى اللى تكشف المستخبى !!
سليلة : بس بعد كده إيه .. ياى ياى.. كان شعرى باظ ووشى كرمش من الشقا !!
كاورة : أل إيه !! مات من أربعين سنة .. يادى الواكسة يا ولاد !
ياورة : ( وهو يضرب نفسه بالمنشه ) كنا عبط صحيح !! أى والله .
سلطان : كل طويل هبيل .. معلهش !!
ياورة :دا قصر ديل يا أزعر
سلطان : بس عفريت . . ابن عفريت ولا لأ ؟
مارد : ابن أفاعى
سليلة : لكن دلوقتى .. الزمن أتقدم خالص .. خالص .. واتعلمنا خالص .. كتير خالص .. كتير مالص .. مالص بالص مش كدة يا مرمر ؟
مارد : لمى نفسك يا ولية .. حاتفضحينا !!
سليلة : أنا يا كوكو .. اخص عليك .. حقة يا كايدهم ( ياورة ) ؟
ياورة : ( يعاملها بتجاهل ) عايزين نكبر شوية .. مش كل حاجة هزار . بعدين الناس دول مش سهل .. أوقات بيعملوا حاجات تهبل فلازم نفكر شوية !!
كاورة : ياورة .. أنت مالكشى فى الموضوع ده .. أحنابس اللى نقدر
ياورة : مش قوى كده
سليلة : أنا مع الجميل فى اللى قاله
ست الكبيرة :أنا نفسى أقابل واحد منهم .. بس يكون إيه !!
سلطان :أنت بتتمحكى يا ولية .. ولا حاتنسى نفسك ؟
ست الكبيرة أتمحك ؟ أنا وحياتك أبداً ولا أعدمك
كاورة :أنتِ ناسية .. أفكرك ؟
ست الكبيرة : أنا مش هارد عليك !
كاورة : بلاش !!
سليلة : حلفتك بالنبى يا أزعر يا جميل لأنت قايل ؟
ياورة : لأ .. أنا اللى حاقول . لولايا كنت بقيت فى الأزوزة
سلطان :أوعى تزود .. سامع .. يامدهن .. يا منتوف . خلونا فى موضوعنا
مارد : أيوة خلونا فى موضوعنا . .شوفوا الناس دول بيقولوا عليكوا إيه !!
سلطان :دوناى .. إحنا دوناى ؟
مارد : وهَمّنا على بطننا ؟
كاورة : وأحنا كده ( يشير تجاه مارد )
سليلة : ناسى الأنسى المعتوه ده .. إن أول حاجة نعملها ساعة ما نركب الزبون
مارد : نجرده من أكله وشربه وهدومه !
سلطان : ونذل أنفاسه !
سليلة : وعلى السرايا الصفرا عدل .. ياخذ فى جلسات .. ياخذ فى جلسات !!
ياورة : علشان ميقلش أدبه .. ويفضل يحرمنا .
سلطان : نخلى اقتصاده صفر .. ونوحله فى فقره . .وبعدين نلحس مخه
سليلة : يا لحاس !!!
مارد : مش بس كده .. نحط على دماغه عفريت .. وبعدين يذل فيه .. يذل
ست الكبيرة : وإذا قاوح زى أوب فصاده ( تلوح تجاه كاورة )
كاورة : بس ما تساوريش
ياورة : نلاعبه لعبة النحلة
مارد : ودوخينى يا لامونة .. إلا إذا !!
سليلة : إلا إذا إبه ؟
مارد : كان دمه زفر .. أو عديم الدين .
ياورة : دول ما بيحوقشى فيهم حاجة
سلطان :كلام فارغ .. أنت اللى عينك على النسوان .. كله نام على البلاطة !!
مارد : واحنا بنكبر وجيوشنا بتكير
سليلة : اقتصادنا هو السايد .. سوقنا هو السوق وغيره .. يطربق على دماغ أصحابه
ياورة : حتى العملة بتاعنا .. هيه اللى ليها وزن وقيمة
ست الكبيرة :إياك بس ما يفكرش المعتوه ده .. يروح يمة البت روكشى !!
ياورة: دى ما يتخافشى عليها .. دى بلوة مسيحة .
ست الكبيرة : أيوه ما قلناش حاجة .. صحيح خلت الواحد منهم يقول أنا مرة
كاورة : بس هيه .. يمكن تكون عصبية حبتين
سلطان :دى بنت أبالسة !!
مارد : فى سنين تتعد على الصوابع قدرت بلعب العيال والحلويات .. والموز !
كاورة : فلوس عملت .. أرض ملكت .. دهب خزنت .. ناس ركبت .. مشاء الله
سليلة : باشوف فيها طفولتى يا سوس !!
كاورة : أنا سوس يا بنت عزيزة الضبشا
مارد : روكشى مفيش خوف عليها .. ممكن تسيطر على أى إنسى مهما كان بارم ديله !!
سليلة : ما تنساشى تهورها كان حايوديها فى داهية لولا إتلمينا حواليها !!
ياورة : بس بقى لها سمعة .. هوهوهوه !!!
سليلة : احنا حانقعد نتساير .. لازم الإنس دول يكونوا تحت عينينا !!
مارد : اسم الله رايحين زار الست بديعة
سلطان :الزار ده معمول على شرفى .. إن ما ورتهم .. ديك شركسى كد هوه !!
ست الكبيرة :يا جامد يا أبو السلاطين !!
ياورة : وأنا حاخلى عيشتهم سودا .. حاقوم الرجالة على الستات !!
مارد : أما أنا حاولع عالمهم المتخلف ده .. ملكين يعلنوا الحرب على بعض !!
كاورة : أما أنا سيبولى الشيخ عسقول .
سليلة : أوعى تقرب نواحيه .. الشيخ عسقول واللى زيه همه السماسرة .. همه رجالتنا .. العُملة بتوعا .. لولا هم كنا لصنا
ياورة : ما كفاية عليهم العفريت ؟
مارد : أيوة كفاية علينا العفريت .. لازم الناس تخاف من اتنين العفريت والعفريت (يؤدى بطريقة عسكرية ) !!
ياورة : أنا بقى بافكر بشكل جديد خالص .. نحيل عليهم واد من اللى همه .. الصيع قوى نركب دماغه .. وندى له لحمة كلاب على قطط على فيران .. على لبن حمير مخلوط ببودرة العفريت ونقول له اشتغل . .يشتغل !!
مارد : وهمه ما حا يصدقوا ياكلوا ويحشروا !!
سليلة : احنا حانقعد نتساير ونسيب العيال ؟
مارد : نتكلم .. واحنا ماشيين ..يللا !!
ست الكبيرة : أنا سامعة صوت دفوف .. وطبل وهيصة .. أنتو ناسيين .. دى دقتك يا سلطان .
سلطان :طب يللا
ياورة : صح دى دقة سودانى .. واحنا لجنة الأسياد .. إن ما ورتهم
سليلة : حاشعوتهم .. بقى عاوز يركب واحد مننا
سلطان : أما نشوف مين فينا اللى حايركب التانى !!!!
( ستار سريع )
تعليق