تويت
[align=center]
في ذكرى 23 يوليو
ــــــــــــــــــــــــــــــــــــــــــ
عمنا يوليو ، الهادي ، الطيب
جانا يعيِّب والا سلمشي !
وأما عَزَمْنَا علِيه ينورنا ،
دَوَرْ وِشُه وقال : لأ .. حَأمشي
ـ فين من وقت مَ قُلنا يا ثورة ؟!
قَصَدْنا الخير وحلِمْنَا ببُكره ؟!
_ بس وحِلْمِنَا ماشي معَدِي
فِيه حد .. أذَاه
وأنشدت عنُه سلوك الرحمة مِن اللي تلاه
رغم انه أتدَرِّس في مدارس
ومناهج أجيال حفظوها
وعِشِقهَا كاااااام مليون دارِس
عن حلم العامل والفلاح ؟!
ومصانع للشعب العامل .. لكنُه راح !
راحت صورة وَادي صورة لأجيال مقهورة !
حاولت تمشى على نفس خُطاه
من خوفها الخطوات مبتورة !!
يوم ورا يوم .. الحلم أتصفى من مَعناه
وتِعِبْ مُعاناة
ضاع منا الحلم وبقى ذكرَى
ولحد اللحظة ما جاش بُكره !
هَيجينا إزاى وإحنا بنمشي،
للخلف ، وبنْعِيد الكَرَّه ؟!
والجيل اللي مسامِح عهدُه
وغفر وأتخطى ولا بيكره ..
كله اتفضّىَ !
والباقي مصالح .. وأجيال تايهه
بتهد وتنافق وتبيع
وبتمسح فينا وفى الذكرّى
وتعَدِدْ في عيوب الفترة !
خانوا وخرجُوا واحد واحد برَّه الصورة
انضموا لكادر صورة ثانيه
صورة مستعمر حَ يبيعهم
من بعد ما يشبع وف ثانيه !
خبينا الحلم في أضلاعنا.. ولا يوم بعنا
حسبونا معاهم بسكاتنا
وشُركاء .. مع دفن الوطنية !
لما سكتنا .. وقفلنا وِدَانا على استحياء
وصراخ مصانعنا مِدَوِيَّة !
باعوا كُلُه مزاد .. ومَا زاد في جيوب الحرامية !
شُغلانه ذميمة ومش هيََّه !
شُغلانه وكنهَا تصفيَّه !!
على عين التاجر والفُجَار ..
قَصَفُم بُستان لشتراكية !!!
في وطن مذبوح .. ينفُض في الروح
مِن كُتر جروح المِطاطية
عندك حق يا يوليو أكيد
بس إحنا زَعَلْنَا عليك بيزيد..
كل مَ جِّه عيد.. وبنستناك
نلقاك حزنان وبتنعي هواك !
إحنا اللي أشتلنا في نيني القلب..
حنين ذكراك !
بتعدِي ولا تقدم مواسَاه ؟!
أي والله صحيح ..
تواسينا أزاي ؟
مقتول مين بيعزِّي جُناه ؟!
طب مين الصح ؟
إحنا الِلي خَدُونا ف تيارهُم ..
خُطىَّ مشوَارهُم
وبالغصب طوينا كتاب يوليو بالتبعية ؟!
والا اللي مزاجهُم عَال العَال
وعَمَلُم راسمال .. بالهمجية ؟!
ولا عادشى قضاء والا إقامة
من فِعل ولاد المؤذية !
إقطاع موجود .. جبروت موجود
وأهو بس الجُودَة مِِ الموجود
لا أمل بيجود .. ولا حلم بيوم الصباحية
وأدى حلم زمان .. بايت في هوان
وقميص عثمان ويا ريتـُه ما كان
سَرسِب وف عز الضُهرية
عدل بتنجان
لا لُه دَخل بدين ولا سِبحة ومَسْـكْ مِصَلِيَّه
ولا عادشي وجود للقومية
الله يرحم قلبُه الطيب
ظنُه أهو خَيِّب .. صاحب أحلامنا الوردية
رَاحِت باشاوات .. واهي جت باشاوات
واديك مترستأ في قلوبنا
بين طمي النيل .. وزهر القطن
وعرق العامل والصانع
واللي افتكرَك .. كنت مجرد واحد مات !
عايش ميت .. حتى إن عَلَق الشخاليل
والا إن حط في إيدُه صاجات !
ــــــــ
تحياتي
من ديواني ( مش بالغصب )
[/align]
Offline
في ذكرى 23 يوليو
ــــــــــــــــــــــــــــــــــــــــــ
عمنا يوليو ، الهادي ، الطيب
جانا يعيِّب والا سلمشي !
وأما عَزَمْنَا علِيه ينورنا ،
دَوَرْ وِشُه وقال : لأ .. حَأمشي
ـ فين من وقت مَ قُلنا يا ثورة ؟!
قَصَدْنا الخير وحلِمْنَا ببُكره ؟!
_ بس وحِلْمِنَا ماشي معَدِي
فِيه حد .. أذَاه
وأنشدت عنُه سلوك الرحمة مِن اللي تلاه
رغم انه أتدَرِّس في مدارس
ومناهج أجيال حفظوها
وعِشِقهَا كاااااام مليون دارِس
عن حلم العامل والفلاح ؟!
ومصانع للشعب العامل .. لكنُه راح !
راحت صورة وَادي صورة لأجيال مقهورة !
حاولت تمشى على نفس خُطاه
من خوفها الخطوات مبتورة !!
يوم ورا يوم .. الحلم أتصفى من مَعناه
وتِعِبْ مُعاناة
ضاع منا الحلم وبقى ذكرَى
ولحد اللحظة ما جاش بُكره !
هَيجينا إزاى وإحنا بنمشي،
للخلف ، وبنْعِيد الكَرَّه ؟!
والجيل اللي مسامِح عهدُه
وغفر وأتخطى ولا بيكره ..
كله اتفضّىَ !
والباقي مصالح .. وأجيال تايهه
بتهد وتنافق وتبيع
وبتمسح فينا وفى الذكرّى
وتعَدِدْ في عيوب الفترة !
خانوا وخرجُوا واحد واحد برَّه الصورة
انضموا لكادر صورة ثانيه
صورة مستعمر حَ يبيعهم
من بعد ما يشبع وف ثانيه !
خبينا الحلم في أضلاعنا.. ولا يوم بعنا
حسبونا معاهم بسكاتنا
وشُركاء .. مع دفن الوطنية !
لما سكتنا .. وقفلنا وِدَانا على استحياء
وصراخ مصانعنا مِدَوِيَّة !
باعوا كُلُه مزاد .. ومَا زاد في جيوب الحرامية !
شُغلانه ذميمة ومش هيََّه !
شُغلانه وكنهَا تصفيَّه !!
على عين التاجر والفُجَار ..
قَصَفُم بُستان لشتراكية !!!
في وطن مذبوح .. ينفُض في الروح
مِن كُتر جروح المِطاطية
عندك حق يا يوليو أكيد
بس إحنا زَعَلْنَا عليك بيزيد..
كل مَ جِّه عيد.. وبنستناك
نلقاك حزنان وبتنعي هواك !
إحنا اللي أشتلنا في نيني القلب..
حنين ذكراك !
بتعدِي ولا تقدم مواسَاه ؟!
أي والله صحيح ..
تواسينا أزاي ؟
مقتول مين بيعزِّي جُناه ؟!
طب مين الصح ؟
إحنا الِلي خَدُونا ف تيارهُم ..
خُطىَّ مشوَارهُم
وبالغصب طوينا كتاب يوليو بالتبعية ؟!
والا اللي مزاجهُم عَال العَال
وعَمَلُم راسمال .. بالهمجية ؟!
ولا عادشى قضاء والا إقامة
من فِعل ولاد المؤذية !
إقطاع موجود .. جبروت موجود
وأهو بس الجُودَة مِِ الموجود
لا أمل بيجود .. ولا حلم بيوم الصباحية
وأدى حلم زمان .. بايت في هوان
وقميص عثمان ويا ريتـُه ما كان
سَرسِب وف عز الضُهرية
عدل بتنجان
لا لُه دَخل بدين ولا سِبحة ومَسْـكْ مِصَلِيَّه
ولا عادشي وجود للقومية
الله يرحم قلبُه الطيب
ظنُه أهو خَيِّب .. صاحب أحلامنا الوردية
رَاحِت باشاوات .. واهي جت باشاوات
واديك مترستأ في قلوبنا
بين طمي النيل .. وزهر القطن
وعرق العامل والصانع
واللي افتكرَك .. كنت مجرد واحد مات !
عايش ميت .. حتى إن عَلَق الشخاليل
والا إن حط في إيدُه صاجات !
ــــــــ
تحياتي
من ديواني ( مش بالغصب )
[/align]
Offline
تعليق