احلى ما فى الموضوع علم مصر
بيتقطع تقطيع
تقولوا سياسية اقول تطبيع
تقولوا تورتة اقول اكتر من التورتة
ماتين مرة وسلام مربع تربيع
يا جماعة حد يسمعنى النشيد
بلادى بلادى
ربنا يخلى البعيد
خلى المصرى دايما فرحان وسعيد
كل يوم فى مصر هو يوم عيد
انا من هنا بطالب الصورة تدرس فى المدراس
ونعملوا لسيادة السفير المصرى تمثال
علشان نزرعوا الحب فى قلوب العيال
ويبقى العيال من صغرهم
بتدوب فى حب اسرائيل دوب
وهو دة بالظبط المطلوب
ولا دم ولا لحم ولا حروب
وياريت يبقى نشيدنا واحد وقلبنا واحد
وغازنا واحد ونبقوا كلنا على فلسطين
نقفلوا المعابر ونحاصروهم ونقتلوهم
فى كل وقت و كل حين
انا اساسا معرفش يعنى اية فلسطين؟؟؟؟؟
اهم حاجة فى الاول وفى الاخر
هو امن دولة اسرائيل
اة يا بلدى عمرك ما كنتى يوم حرة
والنبى حد يقولى حكومتنا تبع مين
ربنا يخلى الثورة ورجالة الثورة
وكل اللى بيطلبوا بالتغير
سلام مربع لسفير واللى حط السفير
سلام مربع لدولة العظمى دولة اسرائيل
والكبير دايما كبير
عايزين غاز خدوا
عايزين حديد واسمنت
وفوسفات ومنجنيز خدوا
بس المطلوب يجى جمال
علشان نفرحوا العيال
والشعب المصرى متحملوش همة دة مكسور الجناح وغلبان
وصحتة على قد حالة وطالع عينه وشقيان
واهم حاجة عندة لقمة العيش وكلة علشان خاطر العيال
ولا عمرة هايتحرك شمال ولا يمين يعنى بالعربى تقدر تقول ميت من سنين