تويت
فرحان 00 حزنان
فرحان 00 حزنان
فرحان 00000 حزنان
فرحان00
لنبوغك وبلوغك 00
كوكب واتأخر ياما عليك
فرحان على شان بعض حقوقك
من بعد جهاد ردوها إليك
@@
حزنان 00
حزنان للبعد وللفرقه
للقلب الكان على شغل الناس واخداه الحرقه
للسان فى الحق ما تنقصهوش أبدا جرئه
@@
حزنان 00
فلا عدت فى يوم اقدر ازوغ 00
على حس زيارتك وأجيلك
أشرب وياك هم الأدباء
متنعنع بأهم الأنباء
و" زحام" ع الفاضى ما بين أشياء
دلوقتى خلاص على شان اشوفك لازم أجّز
واطلب مواعيد قبليها بمده عشان أحجز
يمكن لو كان الأمر سريع 0-0 عاجل أو هام
لازم أبرز
على شان يرضى البيه البواب
يتعطف مره يدخلنى واتعطر من ريحة الأحباب
@@
تتصور إن الشارع الكان 000
يمشينا يوماتى بيسأل عنك من أيام
تتصور انه خلاص قدم لرئيس الحى000
حزمة طلبات
طالب نقله للحى اللى انت نزلت عليه
لو حتى يعيش لشوارع هذا الحى 000 خدام
تتصور انه بيشكى آلام
تتصور إن الدمع مغمى عينيه
كان لما بيسمع ضحكة قلبك 00يضحك وياك
كان لما تخطى عليه بيحس
إن كنت سعيد أو شايل هم
من غير ما تحس 00000
كان شايل هم معاك
تتصور إن عصايتك وحشاه
كان دايما يحلم 000
يمسكها ولو مره فى إيده
ويلسوع بيها الناس المش عجباه
يااااااااااه 000ياااااااااااااااااه
تتصور إن الشارع هدد أكتر من مره00
ان هيعلن عصيانه00
لو نشف راسه رئيس الحى وما نقـلهوش
تتصور هدد انه هيقتل نفسه وما يهموش
يرشق فى جبينه كااااام حفره وكام بلاعه
تتصور هدد انه يولع فى مكانه
وامبارح شفته مع الباعه
من جنب المسرح بيحاسب على كام ولاعه
تتصور إن الشارع بعدك هس
@@
فرحان حزنان
واتمنى تعيش فى نجاح وأمان
وكفايه الأخبار الحلوه تجينا
وتطمنا وتهنينا
وتصبرنا لحد ما يأذن ربك يكرم
يرضى علينا
ونشوفك لو فى العام مره
ويدخّل ظرفك قفشاتك 00
فى القلب الهلكان من همه 00
نهر مسره
يتسرسب خلف الأحزان
وينبت من تانى حنان
فرحان 000 فرحان 000 فرحان
مهداه إلى الرائد الثقافي محمد زغلول في حفل تكريمه بنادي أدب منشاة ناصر، الخميس 15 مايو 2009 – 19 جماد أول 1430
محمد زغلول هو أحد المخلصين القلائل في حياتنا الثقافية ، هذا الفنان التواشيحى الرائع الذي يفقد بصره ولكنه يمتلك بصيرة لو وزعت على هيئة قصور الثقافة لكفتهم وزادت ، هذا الإنسان الجميل الذي اتعب المبصرين وأحرجهم لنشاطه وإخلاصه كان وكيلا لثقافة القاهرة وكنا دائما ما نتحرك سويا للندوات والمؤتمرات وحل مشاكل الأدباء منطلقين من شارع عبد الخالق ثروت حيث يكمن المأسوف على عمره ( فرع ثقافة القاهره) وفجأة بعد أن سلبوا زغلول حقه في الترقية لرئاسة الفرع إذا بالدكتور احمد مجاهد يختار زغلول مستشارا لرئيس الهيئة لذوى الاحتياجات الخاصة وينتقل زغلول إلى مبنى الإقليم بالجيزة ونفتقده في معظم الأحيان ، فكانت القصيدةفرحان 00000 حزنان
فرحان00
لنبوغك وبلوغك 00
كوكب واتأخر ياما عليك
فرحان على شان بعض حقوقك
من بعد جهاد ردوها إليك
@@
حزنان 00
حزنان للبعد وللفرقه
للقلب الكان على شغل الناس واخداه الحرقه
للسان فى الحق ما تنقصهوش أبدا جرئه
@@
حزنان 00
فلا عدت فى يوم اقدر ازوغ 00
على حس زيارتك وأجيلك
أشرب وياك هم الأدباء
متنعنع بأهم الأنباء
و" زحام" ع الفاضى ما بين أشياء
دلوقتى خلاص على شان اشوفك لازم أجّز
واطلب مواعيد قبليها بمده عشان أحجز
يمكن لو كان الأمر سريع 0-0 عاجل أو هام
لازم أبرز
على شان يرضى البيه البواب
يتعطف مره يدخلنى واتعطر من ريحة الأحباب
@@
تتصور إن الشارع الكان 000
يمشينا يوماتى بيسأل عنك من أيام
تتصور انه خلاص قدم لرئيس الحى000
حزمة طلبات
طالب نقله للحى اللى انت نزلت عليه
لو حتى يعيش لشوارع هذا الحى 000 خدام
تتصور انه بيشكى آلام
تتصور إن الدمع مغمى عينيه
كان لما بيسمع ضحكة قلبك 00يضحك وياك
كان لما تخطى عليه بيحس
إن كنت سعيد أو شايل هم
من غير ما تحس 00000
كان شايل هم معاك
تتصور إن عصايتك وحشاه
كان دايما يحلم 000
يمسكها ولو مره فى إيده
ويلسوع بيها الناس المش عجباه
يااااااااااه 000ياااااااااااااااااه
تتصور إن الشارع هدد أكتر من مره00
ان هيعلن عصيانه00
لو نشف راسه رئيس الحى وما نقـلهوش
تتصور هدد انه هيقتل نفسه وما يهموش
يرشق فى جبينه كااااام حفره وكام بلاعه
تتصور هدد انه يولع فى مكانه
وامبارح شفته مع الباعه
من جنب المسرح بيحاسب على كام ولاعه
تتصور إن الشارع بعدك هس
@@
فرحان حزنان
واتمنى تعيش فى نجاح وأمان
وكفايه الأخبار الحلوه تجينا
وتطمنا وتهنينا
وتصبرنا لحد ما يأذن ربك يكرم
يرضى علينا
ونشوفك لو فى العام مره
ويدخّل ظرفك قفشاتك 00
فى القلب الهلكان من همه 00
نهر مسره
يتسرسب خلف الأحزان
وينبت من تانى حنان
فرحان 000 فرحان 000 فرحان
تعليق