[poem=font=",6,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
قالت يابابا اليوم رفقاتي = عيروني بشكل شعراتي
نزلت دموعي وخاطري مكسور =ناسي عطول تجيب حاجاتي
المطلوب سائل احمر ومشهور =يلين جعودي بس بحياتي
حاسب قارورة جيبها بللور = مثلا يابابا عند رفقاتي
صرلي زمان ومنوتي من شهور =عرفو خالا تي وكل عماتي
ومسن مره قاصدو دبور =ومثلو ياحسرةبسن عاذاتي
***
صاحب مباني عاليه وقصور = طبعو بخيل يحاسب النملي
يفتش عليها من صباح يدور = عدراج ماشي يوفر العملي
صادف بدربو مطلبو المذكور = مرمي بقايا قال تسلملي
بين الزبالة مدحرج ومغمور = واللون باين والرسم قملي
بجيب القفا وما قللها دستور= من فوق كتفو زاح هالحملي
عاود بسرعه والوقت محشور = عل وعسى الحمام بالجملي
****
بكاس الطمع وبنشوتو مخمور= بسرعا لبيتو عاد يا عمي
عقشر موزه تزحلق ومقهور = بالشتم يلعن حظ ما يسمي
تحتو زجاج مفتت ومكسور = قللا يا ايدي الحق ع كمي
ياريت بعرف من رماها بثور = بغرم صاحبها بدخلو بحمي
يارب احمي صيدتي دستور = فرح فتاتي اليوم من همي
ارجع لعندا وخاطري مجبور = يبقى طلبها وينسكب دمي


الشاعر اللبناني
ابو شوقي[/poem]