[poem=font="Simplified Arabic,6,darkblue,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]

ياأماني ضيف جاني وحي من فيض المعاني=إستضـا فكـري ورحـب فـي نـزولـه
حِل ماني كنت في ضيقة وضايق بي مكاني=إحتوانـي مثـل خـيـرٍ فــي هطـولـه
مادهاني ويح قلبي كيـف سوانـي زمانـي=مـن سبانـي بنظـرة العيـن الخجـولـه
في ثواني إمتلك روحي وقلبي فـي ثوانـي=أبيضانـي جـن عقلـي مــن ذهـولـه
شخص ثاني من بلاني ليش انا فحبه أنانـي=إقحوانـي ياقـصـر خـطـوة رجـولـه
جانـي عانـي ماترجيتـه ولكنـه لفانـي=وآهنانـي نـاعـس رمـوشـه كسـولـه
ريم غاني هاضني شوقه من اعيونه رمانـي=خيـزرانـي لاتبـسـم بـــان لُـولــه
ما مداني أسأله!راضـي بحبـك ياليمانـي=خذنـي آنـي ليتنـي بـزهـر الطفـولـه
الأماني فيك يامـا كـم ترجيـت الأمانـي=قاصـي دانـي خـوف قلبـي ماتنـولـه
لي كواني في الهوى بعدة وزعزع لي كياني=قمـت اعانـي وآتحـرى عـن وصـولـه [/poem]