بقلم أخى الأكبر / اسامه الحجاوي

الواد مزيكا فتوه
و بيحمي الواد حزقيل
نازلين تلطيش فى الحاره
من غير ذنب و لا دليل
أجدع رجالة الحاره
أصبح من يومها ذليل
الواد مزيكا إتلفت
على سعفان إبن جميل
قال له سيب بيتك و إطلع
علشان خاطر حزقيل
عجباه الفسحايه بتاعتك
بيقول على لونها جميل
و الواد حزقيل حقاني
راح يديك منها بلاطه
تقعد فيها مع عيالك
تتبحبح كده بألاطه
و اللى هيرضي و هيسكت
راح نديله شيكولاته
و اللى هيتكلم فيكم
نربط عينه بمنديل
و إيديه و رجليه بسلاسل
علشان خاطر حزقيل
حزقيل إرتاح يا جماعة
راح جايب ست عيال
لقى البيت مش مساعيهم
لقى مزيكا فى الحال
بيبص بعينه و يضحك
على فسحاية متقال
قاله يا متقال إيه رأيك
قام راح قايل متقال
أحسن أكل شيكولاته
و كفايه عليا بلاطه