أبو صالح ووجع الدماغ

**د/ أحمد الليثي** · 24-10-2009, 10:24

المشاركة الأصلية بواسطة نور بنت محمد مشاهدة المشاركة

أول مرة بالعامية و المصرية و الله.

شاطر و الله يا بو صالح
خليت الموضوع حكايه
ده يقول فيك شعروده
يفكّر يكتبك روايه
مش بعيد بكره نلاقي
ناس كتير ماليه الشوارع
تصرخ و تنادي ' بو صالح
مهما قلتو راجع راجع ..'

التظاهـر لـه أصـول

مهمـا زدتم مهما اقـول

واللي راح يهتف لصالح:

فيه معارضة، وفيه عصاية.

**د/ أحمد الليثي** · 24-10-2009, 10:28

المشاركة الأصلية بواسطة وفاء محمود صبيحة مشاهدة المشاركة

معلش يا دكتور وبعيدا عن الموضوع
هو ينفع نكسر وزن البيت الرابع بالرباعيات؟
ولا يحق للدكتور ما لا يحق لغيره؟؟

معلش اصلي بحاول اتقن الرباعيات وبتعلم .. يا ريت تجاوبني بعد اذنك

الوزن ده أصلاً سماعي
كان بتاعك أو بتاعي
اكسري ما تكسريشي
كل كسر وله دواعي.

**د/ أحمد الليثي** · 24-10-2009, 10:42

المشاركة الأصلية بواسطة عبدالرحمن السليمان مشاهدة المشاركة

[align=justify]
بداية: هههههه!

ثم: أخي الدكتور أحمد،

حاولت أن أقرض رباعية بلدية أمدح فيها حبيبي أبا صالح، فقرضت هجاء منكرا في أعدائه .. وحاولت ثلاث مرات وفي كل مرة أقرض هجاء لاذعا لأعداء أبي صالح بدلا من مديحية تليق به! فقررت أن أتوقف لأني أخاف إن أنا نشرت هجائي لحساد أبي صالح .. أزيد في الطنبور نغما!

فتقبل مروري هذا .. إعجابا بشعرك الذي زادت عاطفتك لأبي صالح من رونقه .. وتضامنا مع أبي صالح .. ودعاء على حساده، المتآمرين عليه بالسر، بحلق السيقان، في أقرب الآجال، إن شاء لله

أقول قولي هذا وأنا أتساءل: هل يا ترى لو أن أحد حساد أبي صالح استقال من الملتقى أو انصرف أو صُرف .. هل سيحتفل به أكابر الناس مثلما تحتفلون أنتم بأبي صالح؟!

فهلا وغلا وتحية عطرة للصوغة مع الاعتذار لحضرتكم عن غلونا في محبة الرجل، فالحب ــ كما قال أهل التجارب ــ أعمى

[/align]

أنا مش باطالب بالخضـوع

ولا مرة حتى باقول رجـوع

كل وصفـي يا ناس محـايد

دي المثـالب، دي المـزايا.

**محمد برجيس** · 24-10-2009, 10:43

مهما قولته ولا عيدته *** أو تجيبوا كمان في سيرته
أصل يعني هو برضه *** لغز طلسم لو حاورتـــــــه
بأي رابط يخبطك و بأي كلمة يهبطك
و بكل رد يظبطك تستاهل إنك شاكلته

**د/ أحمد الليثي** · 24-10-2009, 10:47

المشاركة الأصلية بواسطة رزان محمد مشاهدة المشاركة

برضه لازم،إنو يرجعْ

مش لوحده يبقى يدفعْ

دانتو قُلتوا إنت حرْ
حتى لو كنتِ تِضُرّْ
مالكوا ديلوقتي نسيتو

هو قول الحق جريمة؟

ولّا رأيو الكان جريمةْ؟

القـرار دا م الإدارة

والتحـرر مش شطارة

والقانون عمره ما قال:

التعـدي م السجـايا.

**د/ أحمد الليثي** · 24-10-2009, 10:51

المشاركة الأصلية بواسطة محمد برجيس مشاهدة المشاركة

مهما قولته ولا عيدته *** أو تجيبوا كمان في سيرته
أصل يعني هو برضه *** لغز طلسم لو حاورتـــــــه
بأي رابط يخبطك و بأي كلمة يهبطك
و بكل رد يظبطك تستاهل إنك شاكلته

انت جيت جبت المفيد
اللي غاوي يعيد يزيد
يدخل يحاوره من جديد
وابقى قابلني في النهاية.

**د/ أحمد الليثي** · 24-10-2009, 10:59

المشاركة الأصلية بواسطة دكتور مشاوير مشاهدة المشاركة

[frame="13 98"]
[frame="15 98"]

ما قولنا فيها هو غاااوي
حتىَ لو كان وراها البلاوووي
وقولنا فيها البيان والحقيقة تبااان
ورابط على رابط نبني هرم عالي
وأنا لروابطه يادكتور هاااوى
[/frame]
[/frame]

انت هاوي للروابط؟
كل لينك وفيها شابط؟
روح يا شيخ ربك يسامحك
ربِّ يكتب لك هداية.

**د/ أحمد الليثي** · 24-10-2009, 11:00

فيه حد ما ردتش عليه؟

طيب، أقفل الدكانة وأروح أقضِّي شوية مصالح.

**محمد برجيس** · 24-10-2009, 11:02

على عيني إنه يمشــي من روابطه ما نتحـــرمشي
بس لازم برضه يعنـي في ردوده ما يتــــــــهبلشي
دا الهبل وقعه و سودا عا اللـــي يشتم ما ينكسفشي
هنا برضه فيه صبايــا بالعصايه ما تتحكــــــــــمشي
قولي إيه رأيك يا ليثي ترضــى البلاوي ما تتسترشي

**بنت الشهباء** · 24-10-2009, 11:12

كلمة حق

أستاذنا الفاضل الدكتور أحمد الليثي
من واجبي أن أقول كلمة حق بخصوص أستاذنا الفاضل أبو صالح

لا يهاب ولا يخشى إلا الله خالقه حتى ولو العالم كله وقف ضده
لا يعرف أن يكذب أو ينافق أو يتملّق لأن ميزان الصدق هدفه
يعرف الشاردة والواردة في ملتقى الأدباء والمبدعين العرب
يملك أحيانا أسلوبا حادا عنيفا أمام خصمه ولا يستطيع أن يتمالك نفسه

**آسيا رحاحليه** · 24-10-2009, 11:16

روح يا عم اقضي مصالح
و سيبك منو أبو صالح
( معذرة للدكتور الليثي على " يا عم " )

**د/ أحمد الليثي** · 24-10-2009, 11:16

المشاركة الأصلية بواسطة محمد برجيس;320514

على عيني إنه يمشــي من روابطه ما نتحـــرمشي
بس لازم برضه يعنـي في ردوده ما يتــــــــهبلشي
دا الهبل وقعه و سودا عا اللـــي يشتم ما ينكسفشي
هنا برضه فيه صبايــا بالعصايه ما تتحكــــــــــمشي
قولي إيه رأيك يا ليثي ترضــى البلاوي ما تتسترشي

الروابط والصبايا
داخلة برضه في البلاوي
دي تدوِّخ، دي تهزر
دي ودي للغيظ تقاوي
شيل ده من ده
تبقى راحة للمِداوي
والعصاية ساعات بتنفع
بس لو مش في البداية.

**آسيا رحاحليه** · 24-10-2009, 11:21

آه يا خوفي يا ابو صالح
لو تفكّر اني ضدّك
و يوم ما ترجع ترمي وشّي
بالرماح الّلي في يدّك
أصل أنا واحده بريئه
أكتب الكلمة الرقيقه
ما لياش في الحرب حاجة
لا بعير و لا دجاجه.

**ركاد حسن خليل** · 24-10-2009, 11:23

المشاركة الأصلية بواسطة بنت الشهباء مشاهدة المشاركة

أستاذنا الفاضل الدكتور أحمد الليثي
من واجبي أن أقول كلمة حق بخصوص أستاذنا الفاضل أبو صالح

لا يهاب ولا يخشى إلا الله خالقه حتى ولو العالم كله وقف ضده
لا يعرف أن يكذب أو ينافق أو يتملّق لأن ميزان الصدق هدفه
يعرف الشاردة والواردة في ملتقى الأدباء والمبدعين العرب
يملك أحيانا أسلوبا حادا عنيفا أمام خصمه ولا يستطيع أن يتمالك نفسه

عزيزتي بنت الشهباء

اسمحي لي أن أقول لك بالعاميّة
" يسلم البطن إللي حملك "

فعلاً إنك أمينة
وفعلاً إنك بنت الشهباء

لو يعلم الناس تاريخ الشهباء

تحيــّاتي وودي
ركاد

**د/ أحمد الليثي** · 24-10-2009, 11:24

المشاركة الأصلية بواسطة بنت الشهباء مشاهدة المشاركة

أستاذنا الفاضل الدكتور أحمد الليثي

من واجبي أن أقول كلمة حق بخصوص أستاذنا الفاضل أبو صالح
لا يهاب ولا يخشى إلا الله خالقه حتى ولو العالم كله وقف ضده
لا يعرف أن يكذب أو ينافق أو يتملّق لأن ميزان الصدق هدفه
يعرف الشاردة والواردة في ملتقى الأدباء والمبدعين العرب

يملك أحيانا أسلوبا حادا عنيفا أمام خصمه ولا يستطيع أن يتمالك نفسه

آآبو صالح عند موقع
هو بس مافيش سواه
يكتب الموضوع ويرجع
بالمعارضة لمن بداه
كلمة منه، وكلمة منه
تلقى وشه مكان قفاه
هو طبعه هنعمل أيش؟
حتى روحه مش معاه.

أبو صالح ووجع الدماغ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث