طير فى توب جنى (( إلى سيدى الأمل ))

**دصبرىإسماعيل** · 25-10-2009, 19:56

المشاركة الأصلية بواسطة ربيع عقب الباب مشاهدة المشاركة

لمست قلب الحقيقة
اتفرفطت منى
شالت جناحها الصبية
من غير سؤال عنى
سألت شيخ مبتلى
عن سره و عن سرى
لَمْ التياب فى غضب
وقالى روح عنى

الله عليك
قصيدة زجلية روعة
موسيقى تطرب الأذن

**ربيع عقب الباب** · 26-10-2009, 15:28

المشاركة الأصلية بواسطة دصبرىإسماعيل مشاهدة المشاركة

الله عليك
قصيدة زجلية روعة
موسيقى تطرب الأذن

شكرا لمرورك د صبرى
سررت بحديثك

محبتى

**ربيع عقب الباب** · 28-10-2009, 15:26

مين علمك قسوة الصبار
وأنت بطبعك أحن من نوار
لك قلب قلب الجمار
ووش وش النهار
وروح كما عصفور
بتغنى ليل ونهار
لمه كفوف الخير
حب وعطا أنهار
إزاى دا كله ف لحظة
يسقط كده و ينهار !!

**رشا عبادة** · 28-10-2009, 19:01

[align=center]
الليل لما غطاهم بتوبه
اطمنوا وناموا

عجبتهم ضلمة دروبه
قاموا طردوا النهار وطولوا خصامه

الشمس فضلت تبكي
"آه يا نا يا سمايا"
شافها القمر همس لها
"يا عيني يا ضنايا"
بتبكي ليه يا حلوة وعاملة من القصة رواية

ما احنا عبيد عندهم ولكل ليل غاية
والطير لو فضل يطير جنحاته تصرخ كفاية

والشمس لو نورها يدوم اعوام
كان تاب الحرامي و صبح إمام

طير نورس شقي
غويته ..بلطية
نط بجناحه ياكلها
لسعته الميا

اتاري الميا.. نار
والسمكة.. جنية!!
صرخ وراح يشكي للسما بلوته
ردت عليه بقوة وعلى راسه خبطته
قلتله ادى أخرة اللى يصطاد فى غير ميته!![/align]

سامحني يا سيد الربيع "مجرد هلوسة انفلونزا" غريبة للعامية متعة الحرية
والحرية بين حروفك ليها طعم نقطة مطر فى عز العطش

تسلم ايديك وروحك يا أستاذنا
وتعيش وتكتب بكل الألوان

**ربيع عقب الباب** · 28-10-2009, 20:28

سامحني يا سيد الربيع "مجرد هلوسة انفلونزا" غريبة للعامية متعة الحرية
والحرية بين حروفك ليها طعم نقطة مطر فى عز العطش
تسلم ايديك وروحك يا أستاذنا
وتعيش وتكتب بكل الألوان

ألف ألف سلامة عليك .. ألف بعد الشر عنك رشا
إن شاء الله عدوينك التى تعلمينهم و التى لا تعلمينهم
كان المنتدى قفرا يبابا فى غيابك
فقد تعودت العين أن ترى حروفك
و تشهد ، و تمتلىء بحروف اسمك !!

كونى بخير دائما

طير فى توب جنى (( إلى سيدى الأمل ))

طير فى توب جنى (( إلى سيدى الأمل ))

تعليق

تعليق

تعليق

تعليق

تعليق

ما الذي يحدث