تويت
البخلاء.وأسرارهم
بسم الله الرحمن الرحيم /
لو كان صديقك بخيلا هلا احببته مثل صديقى (قرنى )
بالطبع نعم ستحبه ....؟
لو رأيته وهو يخرج جنيها من جيبه اقصد سجنه ...لفرحت فرحا هو بالاحرى يفرج عنك
غم الحياة كلها وهمها .. لو علمت سبب اخراج الجنيه لتعجبت وانا ايضا مثلك ..
لو رأيت الاصفرار والغضب واليأس ثم الخضة وارتجاف اليد والقلب وسرعة التنفس ثم احمرار الوجه يليه علو الضغط ... ثم السكوت زمنا فالتفكير ثم الندم ومعاتبة النفس على ما اخطأت فيه وتأنيبها ونهرها على المطاوعة والتنفيذ الغبى المتسرع ثم العزم على عدم العودة والتوبة النصوح المصحوبة بالندم والصدق لقلت فى نفسك يا ويلى اننى متهور جاهل .. كيف اتسرع ولا افكر مثله
لو رأى رجل زوجته المخلصة فى يد رجل فى طريق مظلم .. تسير معلقة به راكنة عليه تستدفئ به
ماذا يحدث له ...؟
هذه الصدمة للرجل هى صدمة اخى قرنى عند طلب الجنيه منه
لو رأيت مشلولا يمد يده لجيبه ستعلم كم من الوقت استغرق فى خروج الجنيه
لو مات رفيقك حزنك وقتها لا يوصف مثلما حزن عليه ( اى الجنبه )
اياك ان تظن فقره ... فهو من اثرياء القوم ..
اياك ان يرسم فى ذهنك ( بيه - باشا ) ..
هو من افقر القوم --
اياك ان تظنه لا يصرف - هو يصرف الافا .... الافا
اذن تناقضت ..كيف ..؟
هو لايصرف شيئا للترفيه .. بل يصرف للزيادة والربح ..
يصرف الافا نعم يشترى بيتا او ارضا . عربة لا ليركبها لكن ليؤجرها ثم يبيعها
يلبس بدلة فى الصيف ولا اظلمه واخرة فى الشتاء هذا حق
لا يأكل فاكهة ..وعلته ( يوسف والى بيك) ..؟ سرطنة الغذاء
يمشى لعمله ذهابا وايابا حوالى الفين من المترات .. وعلته رياضة المشى
تعمل زوجته وهو يقبض كل مرتبها ..ويحن عليها بترك حوافزها للبيت وللاولاد ( 75ج )
ما اجمل سيرته ...؟ ما اجمل طلعته ..؟ ما اجمل حبه اذا كنت بعيدا عن جيبه ..؟
وما ابغضك ان قاربت او حاولت النيل او الاستنطاع ( كما يسميها ) عليه أو استغلاله
او ارادة الضر به كأن تذهب اليه فتضرب جرس البيت ولا تنده عليه
انا اخرج منه فكاهات ..ليتنى اسطع نقلها اليكم .. وابين
حديث بينى وبين (قرنى )
اسمحوا لى با ستخدام اللغة ( العامية ) فهى التى نتكلم بها ..
أولا : انا من اعز اصدقاء قرنى واهم سبب لذلك - ذكائى فى التعامل معه
ثانيا : اذا اردت القرب من احد كقرنى فافعل فهو مخلص اذا ابتعدت عن ماله
ثالثا: البخل مرض لا يرجى برئه فنعوذ بالله منه
قرنى اليوم ذهب ليخطب ابنة عمه الانسة منى .....؟
وجائنى فى صباح هذا اليوم العظيم ....
يامحمد .ياااااااااااااااااااااااااااااااااااااااااااااااا ااااااااااااااااااااااامحمد .. يااااااااااااااااااااااااااااااااااااااامحمد
قعد حوالى ساعة ينادى عليّ .. وانا مش سامع ولا حد فى البيت سامع ..علشان حنب بيتنا سوق
طبعا لا يجرؤ انه يمد ايده على جرس البيت علشان ما عملهاش معاه .. دى حدود ممنوع الاقتراب منها ..؟ المهم طلعت وقفت فى البلكونه لقيت اللى بينادى علىّ بصيت لقيته قرنى ..
فطبعا انا عارف نظامه .. فقلتله اتفضل ياقرنى تعالى ...تعالى ادخل ..قالى لا تعالى انت علشان
عايزك فى موضوع مهم .. نزلت سريعا -- بعد حوالى ساعة الا ربع --
ومشينا ..
قرنى... انا رايح اخطب بنت عمى النهار ده عايزك بقى تعرفنى اعمل ايه لاحسن الموضوع ده مضايقنى قوى ..فتحى قالى لازم تاخد معاك على الاقل 2 كيلو فاكهة .. قاطعته بسرعة وانا باستنكر الكلام الفارغ اللى يودى فى داهية دوت .. قلتله ..لا لا لا لا لا لا لا ايه ده من حمار قلك كده . دى معندهوش عقل فتحى مين وبتاع مين 2 كيلو فاكهة ايه هو احنا ما خطبناش وللا ايه
لو ابتدينا بالفاكهة بكرة هيقولك جاتوه ليه البعزقه من اولها هى جوازة وللا جنازة .....
اذا كانت الخطوبة ها تيجى عليك بالخراب بلاشها ..فاكهة ..؟ هو الراجل بفاكهته وللا بداخلته..؟
هنا:, رأيت الانبهار بكلامى وانشراح صدر قرنى وابتسامته الخارجة من قلب مسرور ..
ثم عقبت: طب انت عملت ايه لما قال لك الكلام الفارغ ده
قال : ما انا كنت هالغى الموضوع ......؟
نظرت مستغربا ...ليه يابنى ..هو اى حد يقولك كلمتين تصدقه ..
طب هو عامل فيها بيفهم وانت عارف انه مبيفهمش ..تلغى الموضوع علشان كلمتين ملهمش لازمه
قال لى لآ ما انا جتلك علشان كده .... وخلاص انا هامشى فى الموضوع بس عايزك تفهمنى
لاحسن ينضحك عليا..........
قلتله : ونعم ما فعلت ...بص يا سيدى
انت تدخل البيت من الباب ..طبعا وايدك فاضيه مش عايزين جشع من أولها
وتتفق زى الناس ..انت عليك حجرتان ..النوم والانتريه ..بس ..فقط
ازيد من كده لا .لآ . ماشى ..
والفرح طبعا عليك العرف كده .. انا عارف ان هنا ظلم للراجل .بس استحمل ..مش مشكله
ما هى هتجيلك البيت ..طلعوا عليها لما تتجوز ..ذلها با للى اتصرف عليها
اما بقى الشبكة .. فالدهب غالى ملهاش لازمه قل لهم لما نتجوز ان شاء الله هجبلها اللى هى عايزاه
وطبعا منتش جايب حاجه... ولو صمموا على الشبكة دفعهم زى ما تدفع تبقى مصلحة ليك
ساعة لما تدخل خد الدهب كله بيعه ...ويبقى انت الكسبان ..
واهم حاجه فى الخطوبة :.. مطولش علشان الهدايا والحاجات اللى طالعة جديدة دى
أ شى عيد الام ... عيد الحب .. عيد الميلاد .. عيد الخطوبة .. عيد الثورة .. 6 اكتوبر
المواسم ..حتى الاعياد الاسلامية والمسيحية واليهودية والبهائية والقاديانية . والفسفورية
كل دى عايزين يبتزوا الراجل علشان يدفع وتبقى مصيبة لو ما دفعش ..
تقعد تقلك سهام صحبتى خطيبها جابلها خاتم دهب وهبه جالها اسورة وحنان جالها فستان
اما بقى فيفى فخطيبها جاب لها ساعة دهب ...
طبعا انا عارف لو حكتلك عن البلد بحالها هتعمل مش واخد بالك ..قالى دى شئ طبيعى يا محمد
قلتله ما انا عارف بس احنا مش عايزين حد يتهمنا بالبخل واحنا منه برئاء ...
هز راسه بالموافقه والتأييد الاعمى ...وأمرنى بالتكملة وهو سعيد بكلامى لدرجة انه من فرحه
اخطأ وأراد أن يعزمنى فى البيت على ( كباية شاى) ولكنه عاد لعقله سريعا ..
وقال : باللبل لما اجى علشان احكيلك حصل ايه ...؟
لكملت حديثى له ,,,,,.,.,.,.,.,.,.,.,.,,.,,,.,.,.,.,.,.,.,
فقلت : بس خالى بالك ياقرنى الخطوبة كلها على العروسة .يا عنى عمك ما يستغلش طيبتك
وحنية قلبك ويخليك تدفع حاجه فيها .... ضحك وقالى :لا . ما تقلقش أنا عارف ده كويس
حتى الاكل على العروسة فى الخطوبة وكمان الفرح والحمد لله ...
قلت : برافو عليك يا قرنى دايما عارف حقك كويس وما بتفرطش فيه
المهم يا سيدى ., النهاردة بقى تستلف اى قميص وبنطلون من اى واحد صاحبك علشان تروح
بيهم . ويكونو جداد يعنى .. قالى وما لها البادلة بتاعتى ...
قلت : ييه أنت فاكر ان البادلة مش عاجبانى وللا ايه يابنى الراجل لازم يوم الخطوبة ..
يكون شارى لبس جديد بصرف النظر بقى عن ان البادلة بيتاعتك فيها حاجة وللا قديمة شويه
وللا انك ورثها عن جدك .. الكلام مش فى الموضوع خالص..
بصلى بصه كلها دهاء وخفية وفهمتها من النظرة الاولى وفاجأته قبل ان يتكلم ..
لكن للاسف ياقرنى يا خويا ان انا القميص اللى عندى والبنطلون الجداد اللى شريهم من سنتين
فى دخلتى .. اخويا الصغير بهدلهم بيلعب بيهم كورة واطعهم ...يا سلام لو عندى حاجة جديدة
كنت ها جبهالك لحد البيت .. قالى طب ها جيب من مين ...؟
قلتله : بص يابنى ما لها البادلة اللى انت لابسها ما هى محترمة اهى .هو الراجل بهدومه
وبعدين لازم تكون بطبيعتك .انت بصراحة لو لبست حاجة جديدة هتتغير ...
فرح وضحك وقال صدقت .......
لكن الجنيه كان قرنى بيدفعه فى ايه ؟
والخطوبة حصل فيها ايه ؟
وأيام الخطوبة ماذا حدث فيها؟
ومراته ازاى ست مفتريه ومع ذلك مبتعرفش تاخد منه فلوس ؟
واشمعنا بيت قرنى الوحيد اللى خالى من الفئران ؟ علشان بيكلهم
وحمار قرنى ليه هيتكلم ..؟
وماذا حدث بينى وبين حماره ؟
قريبا ان شاء الله عز وجل
لو كان صديقك بخيلا هلا احببته مثل صديقى (قرنى )
بالطبع نعم ستحبه ....؟
لو رأيته وهو يخرج جنيها من جيبه اقصد سجنه ...لفرحت فرحا هو بالاحرى يفرج عنك
غم الحياة كلها وهمها .. لو علمت سبب اخراج الجنيه لتعجبت وانا ايضا مثلك ..
لو رأيت الاصفرار والغضب واليأس ثم الخضة وارتجاف اليد والقلب وسرعة التنفس ثم احمرار الوجه يليه علو الضغط ... ثم السكوت زمنا فالتفكير ثم الندم ومعاتبة النفس على ما اخطأت فيه وتأنيبها ونهرها على المطاوعة والتنفيذ الغبى المتسرع ثم العزم على عدم العودة والتوبة النصوح المصحوبة بالندم والصدق لقلت فى نفسك يا ويلى اننى متهور جاهل .. كيف اتسرع ولا افكر مثله
لو رأى رجل زوجته المخلصة فى يد رجل فى طريق مظلم .. تسير معلقة به راكنة عليه تستدفئ به
ماذا يحدث له ...؟
هذه الصدمة للرجل هى صدمة اخى قرنى عند طلب الجنيه منه
لو رأيت مشلولا يمد يده لجيبه ستعلم كم من الوقت استغرق فى خروج الجنيه
لو مات رفيقك حزنك وقتها لا يوصف مثلما حزن عليه ( اى الجنبه )
اياك ان تظن فقره ... فهو من اثرياء القوم ..
اياك ان يرسم فى ذهنك ( بيه - باشا ) ..
هو من افقر القوم --
اياك ان تظنه لا يصرف - هو يصرف الافا .... الافا
اذن تناقضت ..كيف ..؟
هو لايصرف شيئا للترفيه .. بل يصرف للزيادة والربح ..
يصرف الافا نعم يشترى بيتا او ارضا . عربة لا ليركبها لكن ليؤجرها ثم يبيعها
يلبس بدلة فى الصيف ولا اظلمه واخرة فى الشتاء هذا حق
لا يأكل فاكهة ..وعلته ( يوسف والى بيك) ..؟ سرطنة الغذاء
يمشى لعمله ذهابا وايابا حوالى الفين من المترات .. وعلته رياضة المشى
تعمل زوجته وهو يقبض كل مرتبها ..ويحن عليها بترك حوافزها للبيت وللاولاد ( 75ج )
ما اجمل سيرته ...؟ ما اجمل طلعته ..؟ ما اجمل حبه اذا كنت بعيدا عن جيبه ..؟
وما ابغضك ان قاربت او حاولت النيل او الاستنطاع ( كما يسميها ) عليه أو استغلاله
او ارادة الضر به كأن تذهب اليه فتضرب جرس البيت ولا تنده عليه
انا اخرج منه فكاهات ..ليتنى اسطع نقلها اليكم .. وابين
حديث بينى وبين (قرنى )
اسمحوا لى با ستخدام اللغة ( العامية ) فهى التى نتكلم بها ..
أولا : انا من اعز اصدقاء قرنى واهم سبب لذلك - ذكائى فى التعامل معه
ثانيا : اذا اردت القرب من احد كقرنى فافعل فهو مخلص اذا ابتعدت عن ماله
ثالثا: البخل مرض لا يرجى برئه فنعوذ بالله منه
قرنى اليوم ذهب ليخطب ابنة عمه الانسة منى .....؟
وجائنى فى صباح هذا اليوم العظيم ....
يامحمد .ياااااااااااااااااااااااااااااااااااااااااااااااا ااااااااااااااااااااااامحمد .. يااااااااااااااااااااااااااااااااااااااامحمد
قعد حوالى ساعة ينادى عليّ .. وانا مش سامع ولا حد فى البيت سامع ..علشان حنب بيتنا سوق
طبعا لا يجرؤ انه يمد ايده على جرس البيت علشان ما عملهاش معاه .. دى حدود ممنوع الاقتراب منها ..؟ المهم طلعت وقفت فى البلكونه لقيت اللى بينادى علىّ بصيت لقيته قرنى ..
فطبعا انا عارف نظامه .. فقلتله اتفضل ياقرنى تعالى ...تعالى ادخل ..قالى لا تعالى انت علشان
عايزك فى موضوع مهم .. نزلت سريعا -- بعد حوالى ساعة الا ربع --
ومشينا ..
قرنى... انا رايح اخطب بنت عمى النهار ده عايزك بقى تعرفنى اعمل ايه لاحسن الموضوع ده مضايقنى قوى ..فتحى قالى لازم تاخد معاك على الاقل 2 كيلو فاكهة .. قاطعته بسرعة وانا باستنكر الكلام الفارغ اللى يودى فى داهية دوت .. قلتله ..لا لا لا لا لا لا لا ايه ده من حمار قلك كده . دى معندهوش عقل فتحى مين وبتاع مين 2 كيلو فاكهة ايه هو احنا ما خطبناش وللا ايه
لو ابتدينا بالفاكهة بكرة هيقولك جاتوه ليه البعزقه من اولها هى جوازة وللا جنازة .....
اذا كانت الخطوبة ها تيجى عليك بالخراب بلاشها ..فاكهة ..؟ هو الراجل بفاكهته وللا بداخلته..؟
هنا:, رأيت الانبهار بكلامى وانشراح صدر قرنى وابتسامته الخارجة من قلب مسرور ..
ثم عقبت: طب انت عملت ايه لما قال لك الكلام الفارغ ده
قال : ما انا كنت هالغى الموضوع ......؟
نظرت مستغربا ...ليه يابنى ..هو اى حد يقولك كلمتين تصدقه ..
طب هو عامل فيها بيفهم وانت عارف انه مبيفهمش ..تلغى الموضوع علشان كلمتين ملهمش لازمه
قال لى لآ ما انا جتلك علشان كده .... وخلاص انا هامشى فى الموضوع بس عايزك تفهمنى
لاحسن ينضحك عليا..........
قلتله : ونعم ما فعلت ...بص يا سيدى
انت تدخل البيت من الباب ..طبعا وايدك فاضيه مش عايزين جشع من أولها
وتتفق زى الناس ..انت عليك حجرتان ..النوم والانتريه ..بس ..فقط
ازيد من كده لا .لآ . ماشى ..
والفرح طبعا عليك العرف كده .. انا عارف ان هنا ظلم للراجل .بس استحمل ..مش مشكله
ما هى هتجيلك البيت ..طلعوا عليها لما تتجوز ..ذلها با للى اتصرف عليها
اما بقى الشبكة .. فالدهب غالى ملهاش لازمه قل لهم لما نتجوز ان شاء الله هجبلها اللى هى عايزاه
وطبعا منتش جايب حاجه... ولو صمموا على الشبكة دفعهم زى ما تدفع تبقى مصلحة ليك
ساعة لما تدخل خد الدهب كله بيعه ...ويبقى انت الكسبان ..
واهم حاجه فى الخطوبة :.. مطولش علشان الهدايا والحاجات اللى طالعة جديدة دى
أ شى عيد الام ... عيد الحب .. عيد الميلاد .. عيد الخطوبة .. عيد الثورة .. 6 اكتوبر
المواسم ..حتى الاعياد الاسلامية والمسيحية واليهودية والبهائية والقاديانية . والفسفورية
كل دى عايزين يبتزوا الراجل علشان يدفع وتبقى مصيبة لو ما دفعش ..
تقعد تقلك سهام صحبتى خطيبها جابلها خاتم دهب وهبه جالها اسورة وحنان جالها فستان
اما بقى فيفى فخطيبها جاب لها ساعة دهب ...
طبعا انا عارف لو حكتلك عن البلد بحالها هتعمل مش واخد بالك ..قالى دى شئ طبيعى يا محمد
قلتله ما انا عارف بس احنا مش عايزين حد يتهمنا بالبخل واحنا منه برئاء ...
هز راسه بالموافقه والتأييد الاعمى ...وأمرنى بالتكملة وهو سعيد بكلامى لدرجة انه من فرحه
اخطأ وأراد أن يعزمنى فى البيت على ( كباية شاى) ولكنه عاد لعقله سريعا ..
وقال : باللبل لما اجى علشان احكيلك حصل ايه ...؟
لكملت حديثى له ,,,,,.,.,.,.,.,.,.,.,.,,.,,,.,.,.,.,.,.,.,
فقلت : بس خالى بالك ياقرنى الخطوبة كلها على العروسة .يا عنى عمك ما يستغلش طيبتك
وحنية قلبك ويخليك تدفع حاجه فيها .... ضحك وقالى :لا . ما تقلقش أنا عارف ده كويس
حتى الاكل على العروسة فى الخطوبة وكمان الفرح والحمد لله ...
قلت : برافو عليك يا قرنى دايما عارف حقك كويس وما بتفرطش فيه
المهم يا سيدى ., النهاردة بقى تستلف اى قميص وبنطلون من اى واحد صاحبك علشان تروح
بيهم . ويكونو جداد يعنى .. قالى وما لها البادلة بتاعتى ...
قلت : ييه أنت فاكر ان البادلة مش عاجبانى وللا ايه يابنى الراجل لازم يوم الخطوبة ..
يكون شارى لبس جديد بصرف النظر بقى عن ان البادلة بيتاعتك فيها حاجة وللا قديمة شويه
وللا انك ورثها عن جدك .. الكلام مش فى الموضوع خالص..
بصلى بصه كلها دهاء وخفية وفهمتها من النظرة الاولى وفاجأته قبل ان يتكلم ..
لكن للاسف ياقرنى يا خويا ان انا القميص اللى عندى والبنطلون الجداد اللى شريهم من سنتين
فى دخلتى .. اخويا الصغير بهدلهم بيلعب بيهم كورة واطعهم ...يا سلام لو عندى حاجة جديدة
كنت ها جبهالك لحد البيت .. قالى طب ها جيب من مين ...؟
قلتله : بص يابنى ما لها البادلة اللى انت لابسها ما هى محترمة اهى .هو الراجل بهدومه
وبعدين لازم تكون بطبيعتك .انت بصراحة لو لبست حاجة جديدة هتتغير ...
فرح وضحك وقال صدقت .......
لكن الجنيه كان قرنى بيدفعه فى ايه ؟
والخطوبة حصل فيها ايه ؟
وأيام الخطوبة ماذا حدث فيها؟
ومراته ازاى ست مفتريه ومع ذلك مبتعرفش تاخد منه فلوس ؟
واشمعنا بيت قرنى الوحيد اللى خالى من الفئران ؟ علشان بيكلهم
وحمار قرنى ليه هيتكلم ..؟
وماذا حدث بينى وبين حماره ؟
قريبا ان شاء الله عز وجل
تعليق