[align=center]إذا أبغضك جارك حوّل باب دارك

إذا أحب الله عبدو فرجاه ملكو
فرجاه : أراه

إذا أردت أن تبسط نفسك : تذكر ليالي عرسك

إذا أردت تحبو لا ترد بتمو
ترد : تجاوب . تمو : فمه
إذا أردت تهلك صبية سَكِّنْها فِ العِلِّية

إذا أردت صاحبك ترضيه : لا تاخد منو ولاتعطيه

إذا أفلس الجندي فتش ع الدفاتر العتيقة

إذا أنعم عليك الزمان ، تغسلْ وروح ع الحمام

إذا ابتليت بثقيل ما عليك إلا الرحيل

إذا استعارت الرعنة شي حسبتو إلهْـا
الرعنة : المرأة القليلة الترتيب والنظافة

إذا القمر معي : بَلَعِّب النجوم ع أصبعي

إذا الكذب ينجي : الصدق أنجى وأنجى

إذا المشايخ التفوا : إيش ما شافوا هَفُّوا
هفوا : أكلوا بنهم

إذا بدك تحَـيّرو : خَـيِّرْو

إذا بدك تشرشح رجل : سلِّط عليه مَرَة
مرة : امرأة

إذا بدك تعيش دفِّشْ تدفيش[/align]

[align=center]إذا بدك مرتك تموت خليها تشعل خشب التوت

إذا تزاحمت الأقدام يمشي الأعرج قدام

إذا تسابقوا الحمير من سعد الركاب
إذا تم العقل نقص الكلام

إذا جاء كانون كُـنّْ في بيتك يا مجنون

إذا جار عليك الزمان عليك ببنات الدلال

إذا حاجة ما بتهمك وصّي عليها زوج أمك

إذا حج جارك بيع دارك وإذا حج مرتين بيعها بالدين

إذا حضر الأصيل بطل الوكيل

إذا حضر الهرس بطل الدرس
الهرس : الطعام

إذا حضرت الألفة بطلت الكلفة

إذا حضرت الملائكة غابت الشياطين

إذا حكم الميم ع القاف احكي ولا تخاف

إذا رحت ع بلاد الوحوش غير رزقك ما بتحوش
بتحوش : ترزق

إذا ردت تستريح قول كل ما شفت منيح


إذا شاف الجمل حدبتو وقع وانكسرت رقبتو

إذا شفت العجين ع إيديها طلقها ولا تندم عليها
المرأة الكسلى لا يؤسف عليها

إذا صاحبك عسل لا تلحسو كله

إذا صار لك صيت بين الحصادين اكسر منجلك
صيت المرء غنى

إذا ضاقت عليك الأمور عليك بزيارة القبور

إذا طباخنا جعيص شبعنا مرقة
جعيص : رمز للتافه


إذا عزوك انعز ولا تمشي وتهتز [/align]

إذا عملت خير كملو
إذا غرق المركب زيدو رفسة
إذا فقر التاجر فتش بدفاترو العتيقة
إذا قطع الستين حضر لو السكين
الستين : من العمر
إذا كان الطحين والبرغل بالبيت عشت وغنيت
إذا كان القاضي راضي بحرق بيت السلطان
بحرق : أحرق
إذا كان القمر معك لا تبالي بالنجوم
إذا كان الكلام من فضة فالسكوت من دهب
إذا كان بيتك من بللور لا تضرب الناس بالحجر
إذا كان راسك من شمع لا تمشي بالشمس
إذا كتر عليك الزلام كتِّر الإدام
الزلام : الرجال الضيوف
إذا كترت الطبِّيخة شاط العدس
الطبيخة : الطباخون . شاط : احترق
إذا كرهك جارك حوِّل باب دارك
إذا كنتَ أمير اشرب ودير
دير : أدر الكأس وأعط غيرك
إذا كنتِ حرة لا تضيِّعي غطاك بَرَّة
برة : خارج المنزل
إذا كنت سِيد لا تزيد
إذا كنت ع البحر لا تغرف كتير
إذا كنت ع البير لا تصرخ كتير
إذا كنت غريب كن أديب
إذا كنت من الكبار لا تخلي ع حيطانك غبار
إذا لم تكن لي والزمان شُرُمْ بُـرُمْ فلا خير منك والزمان تَرَ لّلي
شرم برم : قاس . ترللي : عطوف
إذا ما بدَّك تجوِّز بنتك غلِّي مهرها
إذا ما بكي الولد ما بترضعو أمُّو
إذا ما بينفقوها خدودها بينفقوها جدودها بينفقوها : يزوجها
إذا مات بلال بطل الأذان ؟
إذا هب الهوى بيعبي كل الدراخيش
الدراخيش : الثقوب
إذا وُضع الطعام رُفع الكلام

أجا للأعمى صبي ، قلع عينو م التلميس

كل الأمثال رائعة بس هذا استوقفني تخيلت الصبي عيونه صارت عجينة

بنت الشهباء

اشكرك من الأعماق و اجمل التحايا لأهل الشام

وسأتابع معكم هذه الأمثال الحلبية الرائعة التي جمعها لنا حسب الأحرف الأبجدية
ابنة عمة والدي , وعمي بالرضاعة " الأستاذ الدكتور بكري شيخ آمين " حفظه الله

سلمت يا ظلال الزيزفون
أختي الغالية

[align=justify]شكرا يا بنت الشهباء على هذه الأمثال الحلبية الممتعة.

وأضيف أن كثيرا منها، بل أكثرها، مستعمل في المدن السورية الأخرى، أحيانا برواية مختلفة بعض الشيء، مثل "إذا كتروا الطباخين شاطت الطبخة" بدلا من "العدس" في الرواية الحلبية.

ومن ذلك:

[align=center]إذا كان صاحبك عسل لا تلحسه كله![/align]

ومن الأمثال الحلبية القحة:

[align=center]بيلبق للشبق حبق ولأبو بريص إبآب (قبقاب)
أو: بيلبق للشوحة مرجوحة ولأبو بريص إبآب (قبقاب) [/align]
وتحية طيبة.[/align]

إذا أردت صاحبك ترضيه : لا تاخد منو ولاتعطيه
صح وصح الصح

إذا أنعم عليك الزمان ، تغسلْ وروح ع الحمام
دي بتشبه إذا عطاك العاطي لا تحرث لا تواطي

موضوع جميل أختي
لي عودة لتكملة الموضوع

دمت بود

وكل الأمثال الشعبية في المدن السورية تحمل نفس المعنى
يا أخي الكريم
الدكتور عبد الرحمن
الطباخين أكيد لما يكتروا تشوط الطبخة بجي واحد بحط ملح , وبجي واحد بدوقها , وواحد تالت بحرقها ... منين طيب رح ناكل بعدين مع كترة الأيادي ..

وإليك هذه
إذا وقع القدر عمي البصر
إذا وقعت الغنمة تكتر سكاكينا
إذا وقعت يا نصيح لا تصيح
إذا ولدت زوجة الغني زادت الستات ست وإذا ولدت زوجة الفقير صبي زادوا الخدام خادم
أُذُن مزراب وأُذُن سطوح
يضرب من يحب نقل السوء ونشرها أرسل حكيماً ولا توصه
الأرض العالية دائما مشققة
الأرض اللي بتُقتَل فيها لا تقاتل فيها
الأرض الواطية بتشرب ماءها وماء غيرها
أرميه ف البحر بيطلع وفي تمو سمكة
تمو : فمه
أصابيعك ما هي كلها سوا
الأصيل بيجود

أرأيت يا سميرة كيف أن الأمثال الشعبية متشابهة بين أرجاء الوطن العربي
وهذا دليل على أن الأمة ستبقى واحدة مهما وضعوا الحواجز والحدود المصطنعة
وبعدين يا سميرة هل هناك أحلى وأجمل من أن يكون الإنسان دائما نظيفا ومرتبا !!!؟؟...
هذا يعني أن الحمام نعمة لنا أليس كذلك !!!؟؟...

وهذه لك يا سميرة :
أطعم مطعوم ولا تطعم محروم المطعوم : الآكل من قبل ويكون عفيفاً
أظن بالناس كما أظن بنفسي
أعرج ويسابق الخيل
أعزب دهر ولا أرمل شهر
أعطي الشب للصبية واشلفهن بالبرية
اشلفهن : ارمهم .
أعطي بنتك للزنكين إذا ما شبعت رواب بتشبع رغفان
الزنكين : الغني ( تركية الأصل)
أعطي خبزك للخباز ولو أكلو نصو
الأعمى بمكحلتين والأقرع بمشطين
الأعور بين العميان ملك
الأقارب عقارب
أقرع وبدو يفرح
أقرع ودقنو طويلة ، قال: شي بستر شي
أقوى من ظالم ع مال يتامى
أكال الخمام م العصر ينام
الخمام : الأطعمة لفاسدة
أكبر منك بيوم أعلم منك بسنة

الامثلة الشعبية هى نتاج خبرات الامم والشعوب
تحيتى لكم احبتى

وتبقى يا أستاذنا الفاضل
إبراهيم خليل إبراهيم
الأمثال باقية حية لا تموت لأنها نتاج حضارة وخبرات الشعوب والأمم على مختلف أجناسها ....

أسعدني مرورك الطيب

أكتر جهازك يامأمون : قماقم وصحون
أكتر م القرد ما مسخ الله
أكذب م الخوري ألله
أكْل اتنين بيشبع تلاتة
أكل البخيل داء ، وأكل الكريم شفاء
الأكل ع الطبق لبق
الأكل ع قدر المحبة
الأكل والهزيمة ما بِدُّهم عزيمة
أكل ومرعى وقلة صنعة
أكلة بالشيخ سعيد ما هي بعيد
الشيخ سعيد مكان بأطراف حلب
أكلة ما تنحسب عليك كول وبحلق عينيك
بحلق : حدق
ألف أم تبكي ولا أمي تبكي
ألف دقن ولا دقني
ألف صاحب ولا عدو واحد
ألف عصفور ما بيعبوا مقلاية
ألف قلبة ولا غلبة
قلبة : نكوص
إلَكْ ف الحزمة عود ، والباقي تشيلو القرود
إلك : لك
ألله بارك الدار الوسيعا والدابة السريعا والمرة المطيعا
ألله خلق أختين وما خلق بختين
ألله لا يجعل لنا ف الحرام نصيب
ألله لا يرزق الشحادة سعادة
ويل للناس من فقير اغتنى
ألله ما جمع إلا وفّق
وافق شنٌّ طَبَقَة

[align=center]الغايب إلكن والأرمغان إلنا![/align]

ويبقى علينا يا أخي الدكتور عبد الرحمن أن نشره لأهلنا في الملتقى معنى هذا المثل الذي ما زال دارجا يتناوله أهل حلب فيما بينهم دائما ...

فكلمة الأرمغان : معناها الهدايا
ومعنى هذا المثل الشعبي :
حينما يعود الغائب من سفر بعيد سواء الحج أو زيارة لبلد خارج سوريا
يحمل معه الهدايا
وهنا من يأتي ويسلم عليه , يقول لأهل بيته يكفي وصول الغائب بالسلامة لكم

فالغايب الكن والأرمغان إلنا