أوجاع عربية
وسْمعت أنينك يا وطن
أنَّات تِكوى ولا جمر النار
وشـُفت دموعك يا وطن
سايلة على خدود كل الأحرار
أنَّات وعذاب ودموع وآهات
مش غنوة حب ف فيديو كليب
لكن من جهل وخوف ومرض
يحتاج هبِّت كل الثوار
وسْمعت انينك يا وطن .. قلبى اتقطع من قولت آه
أنَّات تِكوى ولا جمر النار
وشـُفت دموعك يا وطن
سايلة على خدود كل الأحرار
أنَّات وعذاب ودموع وآهات
مش غنوة حب ف فيديو كليب
لكن من جهل وخوف ومرض
يحتاج هبِّت كل الثوار
وسْمعت انينك يا وطن .. قلبى اتقطع من قولت آه
××××××××
آه عل الأحلام العربية ..
تايهة وضايعة ف كل البلدان
بايدين حكَّامنا أحلامنا ..
رغم عنا مجرد أحلام
إن كانت السوق المشتركة ..
ولا تكامل مصر وسودان
والجامعة العربية اندبحت ..
وف جنازتها عقدوا القمة..
ولما لغوها دفنوا الجثمان!!
وسْمعت انينك يا وطن .. قلبى اتقطع من قولِت آه
تايهة وضايعة ف كل البلدان
بايدين حكَّامنا أحلامنا ..
رغم عنا مجرد أحلام
إن كانت السوق المشتركة ..
ولا تكامل مصر وسودان
والجامعة العربية اندبحت ..
وف جنازتها عقدوا القمة..
ولما لغوها دفنوا الجثمان!!
وسْمعت انينك يا وطن .. قلبى اتقطع من قولِت آه
×××××××
آهن يا عراق حطُّوا عْنيهم على بترولك ..
قال إيه دا سلاحه دمار فتاك
دخلوا احتلوا.. قتلوا ما خلُّوا
ولاكان فيه سلاح ..
لكن حِجَّة..
علشان يبقى المحتلّ هناك
من شرق لغرب ..
عطب فى القلب
يسرى م العربى لأطلنطى ..
زى السرطان يحصد فى هلاك
وسمعت انينك يا وطن .. قلبى اتقطع من قولِت آه
قال إيه دا سلاحه دمار فتاك
دخلوا احتلوا.. قتلوا ما خلُّوا
ولاكان فيه سلاح ..
لكن حِجَّة..
علشان يبقى المحتلّ هناك
من شرق لغرب ..
عطب فى القلب
يسرى م العربى لأطلنطى ..
زى السرطان يحصد فى هلاك
وسمعت انينك يا وطن .. قلبى اتقطع من قولِت آه
×××××××
آه يا فلسطين ياللى خدوكى واغتصبوكى
حلْفوا لَوَطنْهم يوم يـِبقى من نيل لفرات
نهبوا وحرقوا .. اغتالوا وأسروا
كل اللى يقاوم طغيانهم
واللى استشهد يوم واتحرر..
عمره ما يتعد من الأموات
وازاى يبقى .. وملوك أمراء.. رؤساء سفراء
لجل الكرسى .. لسه ينادوا.. آه يا سلامنا
سلامنا خيارنا !!
يمكن كراتنا وجرجيرنا!!!
ورب العزة هما الأموات..
حلْفوا لَوَطنْهم يوم يـِبقى من نيل لفرات
نهبوا وحرقوا .. اغتالوا وأسروا
كل اللى يقاوم طغيانهم
واللى استشهد يوم واتحرر..
عمره ما يتعد من الأموات
وازاى يبقى .. وملوك أمراء.. رؤساء سفراء
لجل الكرسى .. لسه ينادوا.. آه يا سلامنا
سلامنا خيارنا !!
يمكن كراتنا وجرجيرنا!!!
ورب العزة هما الأموات..
××××××
عمر ياحكام ما هيبقى سلام
مع عدو غدار سفاح إجرام
مع عدو غدار سفاح إجرام
مزروع بينا نبت شيطانى
بفلوس صهيون وايدين امريكان
بفلوس صهيون وايدين امريكان
صهيون امريكا اللى انتوا وراه
يؤمر بإشارة تقولوا الآه
يؤمر بإشارة تقولوا الآه
فلقونا م اللى عليه يقدر
سبحانه دا رب القدرة اكبر
سبحانه دا رب القدرة اكبر
بس انتوا انصروا ربكوا وخافوه
ينصركم على صهيون وأبوه
ينصركم على صهيون وأبوه
أميمة
تعليق