فلسفة "نصف"فارغة،"هيا تفلسفوا معنا"!

**إبراهيم كامل أحمد** · 03-12-2009, 00:51

وفقد آدم الراحة

[align=justify]
يقولون في الكتب القديمة : نام آدم فخرجت من جنبه حواء.. ومن العجيب أن المرة الأولي التي نام فيها لم يذق بعدها راحة.
[/align]

**رشا عبادة** · 05-12-2009, 18:41

المشاركة الأصلية بواسطة إبراهيم كامل أحمد مشاهدة المشاركة

[align=justify]
يقولون في الكتب القديمة : نام آدم فخرجت من جنبه حواء.. ومن العجيب أن المرة الأولي التي نام فيها لم يذق بعدها راحة.
[/align]

منور يا طيب
ومين بس قال أن، النوم راحة!؟
تعيش وتتفلسف يا طيب
وإليك هذة..

لو كانت الحياة كلها راحة..
مكنش حد فاتها،ومات
كنا بقينا أكوام، أكوام ..
فوق بعض على الطرقات
و"حوا" زى الغنوة الحلوة
لو كانت من غير صوت
" آدم" ما هيسمع غير سُكات!!

**محمد سليم** · 29-12-2009, 20:40

الفلسفة هي البحث عن الغباء ..
وعندما تقول : هذا غبي ..أذن أنت من المتفلسفين ..
والفليسوف بطبعه غبي جدا ..لأنه يبحث عن شيء لا يُدرك ..ويضل يبحث ويبحث عنه ..ويموت ولا يصل ..
فقط يترك لنا مسيرة البحث وخطواته...........
والمصيبة أنى قرأت أن أفلاطون كانت زوجته تسبه وتلعنه أمام تلاميذه ..وزعلت جدا جدا من زوجته المفترية ..والمصيبة الأكبر أنى فهمت ( من هنا بالملتقي )أن أفلاطون كان شاذ جنسيا ..زعلت وقلت يا ليتنى ما سببت زوجته ...
والحقيقة مش فاكر كان افلاطون والا أرسطو .........
أهو كلهم فلاسفة!......................

**رشا عبادة** · 29-12-2009, 21:21

المشاركة الأصلية بواسطة محمد سليم مشاهدة المشاركة

الفلسفة هي البحث عن الغباء ..

الغــــلاء .... أيوة فكرتك بتقول ... الغباء !!لامؤاخذة اصلي السماعات، "ميد ان شنيا" صيني يعني يا عمدة

وعندما تقول : هذا غبي ..أذن أنت من المتفلسفين ..

!! يعني اللي بيقول هوة اللى غبي
ولا اللى بيقال له
يعنى المفعول ولا الفاعل اللى فعلها
أيهما يا "معنمي"
معني هذا انى فيلسوفه" طحن"
على وزن" روشة طحن"
، طول النهار "اشتم "بعيال اخواتي وطوفه معاهم
يا غبي ،يا اغبياء ،يا ولاد المتغابيين،!
يا من أتيتم بلحظة غباء، هائمة على يد مأذون ،تغابى على والد عروس غبية ،لأنها وافقت، تعيش حالة الغباء، مع واحد مستغبي من يومه

والفليسوف بطبعه غبي جدا ..لأنه يبحث عن شيء لا يُدرك

نعم مثل "اسمه ايه " الذي أمسك بمصباح ووقف ثلاث ليال "بخرابة" معتمة وهو يقول
" هلاقيها
لازم ألاقيها\
وقعت مني هنا
انا حاسس بيها
"
بالأخير أكتشفوا
انه عيونه مغمضين
وانه يا عين أمه" بيمشي وهوه نايم"
لأن مراته عملتله عقدة نفساوية، بعد ان كتمت انفاسه وهو صاحي
فأنطلق وتحرر وهو نائم
ربنا يديمه نعمه
" صدقني يا عمدة، الغباء فى زمن يحكمه السفهاء، نعمة لا تعوض ولو بكنوز الأرض والسماء"

..ويضل يبحث ويبحث عنه ..ويموت ولا يصل ..فقط يترك لنا مسيرة البحث ...........
والمصيبة أنى قرأت أن أفلاطون كانت زوجته تسبه وتلعنه أما تلاميذه ..وزعلت جدا جدا من زوجته المفترية ..والمصيبة الأكبر أنى فهمت ( من هنا بالملتقي )أن أفلاطون كان شاذ جنسيا ..زعلت وقلت يا ليتنى ما سببت زوجته ...والحقيقة مش فاكر كان افلاطون والا أرسطو ...............................

يا عمدتنا دى حركات
انت صدقت انه "شاذ"
اذكروا محاسن موتاكم يا راجل" انت هطلع إشاعات على الراجل، مش كفاية اللى شافه من مراته
هيبقى متهزىء "حى وميت يا عين أمه
بعدين ما يمكن العيب منها
كان لازم تشوف دكتورة، مش يمكن سبب عدم "الخلفة" منها هيا
ههههه
بالمناسبة إشيعت ،إشاعة ان نور الشريف .. لامؤاخذة"شاذ"
الأهم ليس فى الإشاعة
الأهم فى نتائجها والتى صرح على إثرها نور الشريف
انه ينوي وقرر العودة " لبوسي" مراته بعد إنفصالهما
الخوف يا عمدة أنه يبدأ فى تصوير أفلام حية، لدرء فتنة الإشاعة
ولإثبات عدم صحتها
ويبقى بعد ما شاب لامؤاخذة!.......

شرفتنا ونورتنا
وتعيش وتتفلسف وسطنا

**رشا عبادة** · 01-01-2010, 00:24

[align=center]" فلسفة أمُ"

فطام الصغير"بالصبر" والمُر"
أما فطام الكبيرفغالباً "مايحدث ، على عتبة القبر"

رضاع الصغير .. حليب أم، يشب عليه
رضاع الكبير.. حليب طبع، شاب عليه

[/align]

**يسري راغب** · 01-01-2010, 00:26

كل عام وانت بخير
عام سعيد جديد وكله فرح ان شاء الله

**رشا عبادة** · 01-01-2010, 00:31

المشاركة الأصلية بواسطة يسري راغب مشاهدة المشاركة

كل عام وانت بخير
عام سعيد جديد وكله فرح ان شاء الله

وانت بألف خير يا استاذي الجميل" ابو نضارة"
سنتك كلها فرح وخير وصحة يارب
جميلة الصورة
والأجمل منها طلتك، ولو انها هادئة وبها مسحة حزن
الا انها لم تستطع ان تخفي وهج طيبتك وقلبك الأبيض
سنة بيضا علينا وعليك يا طيب

**إيهاب فاروق حسني** · 28-02-2010, 00:12

فلسفة أم فلسعة
من فلسعات الحكماء
برنامج يطل عليكم بذنب رأسه كل مساء
قل تعالوا نتفسلع
ولا تقل تعالوا نتفلسف
صحيح أن داخل كل واحد فينا فلسعته الخاصة
وأذكر من ضمن الفلسعات الشهيرة
يقول سدني (يقول الرجل في المرأة مايشاء، وتفعل المرأة بالرجل ماتشاء ) ومحدش يسألني من هو سدني لأني معرفوش
بس الظاهر كدة والله أعلم إنه واحد من الكبارات
يعني مالناش دعوة بيه
أما بقى الأخ صموئيل بتلر - برضه معرفوش - بيقول لنا إيه يا أسيادنا
حد يفكرني كدة ، معلش أصل الذاكرة خلاص جالها سقربوط مبكر
قال إيه .. قال إيه .. أه افتكرت .. بيقول ( قطّاع الطرق يطلبون منك إما النقود وإما الحياة ..أما المرأة فتطلب الأمرين ) هأهأهأ... يعني شوفوا فلسعته وصلته لفين... ظلم مبين لهذا الكائن الناعم الرقيق ذي المخالب الحادة الذي اسمه المرأة... أما راجل مفلسع صحيح...
أما بقى الأخ إيمرسون فبيقول لك إيه يا صاحبي
قرب ودنك كدة واسمعني كويس ( إذا جعلت شخصيتك دودة تزحف على الأرض فلا تلم من يدوسك بقدمه )
والله الراجل ده طلع بيفهم قوي ودماغه عالية لفووووووق لحد ما تنطح السما...
تعالوا بينا نشوف الزميل سوفوكليس
وده ياخونا صاحب صاحبه من 2500 سنة
يعني كنا بنقعد مع بعض على كنبة حجرية في مهرجان الديونيزياس
نرغي لصبح.. أخونا سوفوكل قالي في مرة ( كلما زاد عدد الأمور التي يخجل منها الإنسان ..كان أقرب إلى الكمال ) ساعتها كان الفجر قرب يشقشق والواحد بالكاد شايف قدامه خطوة واحدة
قمت بصيت له بعين نغمشها ضباب الفجر.. وشغلت فوانيس الشبورة وقلت له : ياراجل عيب ماتقولش الكلام ده !...
ومن ساعتها وهو مخاصمني وواخد من موقف
ياللا ماعلينا
ولأن أنا راجل عندي ميول عدوانية وطموح سياسي كبير
فكنت قاعد بقلب في محطات الإذاعة وإذا بصوت زعيمنا الكبير
أنور السادات بيطل عليا من جهاز الراديو ويقولي ( الدبلوماسي ..
رجل يستطيع أن يصمت بعدة لغات )
بس الحقيقة مافهمتهاش .. الظاهر إن فلسعة الزعيم كانت أكبر من فهمي المحدود
ومن وقتها أصابتني لوسة السياسة
وكأنها النداهة بتندهني كل حين ومين
وفضلت ألف وأدور على أصحاب الفلسعات السياسية الجامدة
يمكن حد يقدر يفهمني أو يشرح لي
لحد ما رجلي خدتني عند واحد إسمه جرس كلينتون
سوري يا إخونا إسمه بيل كلنتون ..
الراجل ده قال لي وهو بيبص بشعره الأصفر وعيونه الملونين
( الزوج المثالي .. رجل كريم .. شهم .. رقيق .. متسامح .. وفيّ .. بعيد النظر لاوجود له )..
والحدق يفهم المغزى اللي في بطن الشاعر
وأحب أختم بفقرة من أقوال المفلسع الكبير سقراط وهو بيقول
( إذا قلت للمرأة:أنتِ جميلة فافعل ذلك همساً ،لأن الشيطان إذا سمعك ردد

.في أذنها صدى قولك مرات )
استعيذوا من الشيطان
والكلام لسة لسقراط.. اللي قال إيه
( متى أُتيح للمرأة أن تتساوى مع الرجل أصبحت سيدتة )
فهمتوا بقى ليه المرأة بتطلب المساوة بالرجل
علشان مايتساواش بيها !
ولا إيه؟
وفي النهاية أحب أسمع الرعد
ودمتم

فلسفة "نصف"فارغة،"هيا تفلسفوا معنا"!

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث