تويت
اسمعوني ...! قصيدة باللهجة المحكية من نوع المعنى الزجلي الشعبي
اسمعوني
يارفقاتي يازملائي اسمعوني
بدِّي عيش عا كيفي اتركوني
بدِّي عيش عا كيفي اتركوني
حاجي ان شفتو بجنبـي صبيـة
ع منشر حقدكن عم تنشروني
ع منشر حقدكن عم تنشروني
ممكن بالقضايـــا المنبريــــــة
ايديكن ترفعــــوا تا تسألـوني
ايديكن ترفعــــوا تا تسألـوني
لكن بالامور العـاطفيـــــــــــة
مابيطلعلكن تا تحاسبــــــوني
مابيطلعلكن تا تحاسبــــــوني
انا تلاتين عمري بالهويــــة
ونكايا بكل يللي بيحــسدونــي
ونكايا بكل يللي بيحــسدونــي
وين مابتسهروا بنسهرسوية
واذا كنتوا فطـاحل ســـابقوني
واذا كنتوا فطـاحل ســـابقوني
واذا مجَـوَّز انا وين الخطية
ان ماشفت ولاد عندي يســامروني
ان ماشفت ولاد عندي يســامروني
تاعلِّمهــــــم ويربو عا ايديي
وعمـَّا بيكبروا تشوفن عيونـي
وعمـَّا بيكبروا تشوفن عيونـي
تايصيرو بالصفوف الجامعية
وحقق حلم بيداعب شجونــي
وحقق حلم بيداعب شجونــي
ع درب الخير سرت بصدق نية
ووصايا الدين قارئها بمرونة
ووصايا الدين قارئها بمرونة
وحلالي من حرامي بهالقضية
عرفتـــــو قدر ماعم تجهلوني
عرفتـــــو قدر ماعم تجهلوني
ولحتى تعرفو اموري الخفية
خربتــو عقولكن تاتكشفونـــــي
خربتــو عقولكن تاتكشفونـــــي
وتا تكتشفو اموري الداخلية
عميتـــــو عيونكن تاتشاهدونــي
عميتـــــو عيونكن تاتشاهدونــي
وانا من هالمكانة المكتبيـــــة
اللي فيها عم تظنو بتشغلوني
اللي فيها عم تظنو بتشغلوني
اذا بتصير هيئة سلطـــوية
مارح بتغبـِّـر على بنطلـــــوني
مارح بتغبـِّـر على بنطلـــــوني
وهلــَّق صفي من الواجب عليي
خبــِّـركن وانتـــو تسمعـونــــــي
خبــِّـركن وانتـــو تسمعـونــــــي
حقيقة بقولها لكل البريــــة
ما بقدر عالحلا غمض جفوني
ما بقدر عالحلا غمض جفوني
وولو بالمخرز سملتو عينيي
ولو انكن حياتي بتسلبـــــــــوني
ولو انكن حياتي بتسلبـــــــــوني
ووضعتوا الف خطة جهنمية
صعب انو بخططكن تهزموني
صعب انو بخططكن تهزموني
ولوقدَّمتو مناصب مخملية
وع كرسيها افتكرتو تجمدوني
وع كرسيها افتكرتو تجمدوني
صعب دنــِّي نفس عاشت أبية
وصعب انكن بمنصب تشتروني
وصعب انكن بمنصب تشتروني
لاني صاحب الكلمة القوية
اللي معناها كما رصاص الروسية
اللي معناها كما رصاص الروسية
انغرز بقلوب ياللي واجهوني
تعليق