تويت
عمرك اتخانقتي مع جوزك و رنك علقة خلت نسوان الحارة تقوله " تسلم إيدك يا أبو الـــ " ؟ و انتي بتزرغتي و فرحانة بالمقشة و هي نازل على أم رأسك طحن ؟؟
طيب يا ترى لسه فاكرة أول مقشة أكلتيها ؟
طيب عمرك قرفتيه في عيشته و طفشتيه من البيت مدة تتراح بين اسبوع و امتدت لعشر سنوات و قعدتي تولولي و تندبي بختك و تقولي يوم من أيامك يا أبو الــ،،،،،،،، ؟ ومهما ترني على موبايله يجيلك بريد صوتي أن الــــ ....... "خارج نطاق الزوجية" ..
أكيد هو كمان مشتاق و هيموت بعيد عنك لكن زمانه بيقول " يا نحلة لا تقرصيني و لا عايز منك عسل " !!
و الأظرف أن ماماتك عشان تريح قلبك تقولك "قضا أخف من أقضا و خد الشر وراح " !!
عمرك استفزتيه و قصدتي تكتري الملح في الأكل أو تكتري المية ف الرز و كانت النهاية حلة و طنجرة في وشك ؟؟
في ستات كتير مستفزة و رجالة أكتر دمها حامي يعني مش بتتحمل استفزاز النسوان و مع ذلك يقصدن الطرق الملهلبة و لإراقة الدماء و فلا يتركوهن الرجالة حتى يسلم الشرف الرفيع من الأذى ...
ومع ذلك في ستات "بسلّم" .. تتحط ع الجرح "يطيــــــــــــــــــــــــــــح "
و ستات " بـ لــ ـ ـ ـغم " .. تنشف المية فـ " الريــــــــــــــــــــــــــــــــــق "
و في ستات " وسط " تحطها هنا تتحط و تبطها هنا تتبط و عايزة تعييش .
لكن في الآخر أكيد للمقشة سبب وتطفيشه من البيت أسباب :
80% منها استفزاز نسواني .. و 10% تهور حريمي و 5 % خيابة ستات و 2,50% ملح زيادة و 1% مساحيــــــــــــــــــق و1% هدوم مش مغسولة و 5, 00% فقط عقل وحكمة من الراجل بعدما ما ضاق بيه الحال ..
صحيح ستات عايزة الدبح ... !! فهل أنتي واحدة منهن ؟؟؟
تعليق