تويت
في ناس ف الدنيا رايحة وجاية من مطـار لمطـار
وناس بتمشي زي الريح، وناس ما يهزها إعصـار
وناس ماشية بتتعكـز، وناس محفوفـة بالأخطـار
وناس مسنـودة،
وناس مهـدودة،
وناس بتمشي جوّه جدار.
في ناس عايشة في غربة وهي بين الأهـل والأصحاب
وناس ما تعرف طريقها، وناس تدق ع الأبواب
وناس ما تقصد إلا باب الله، وناس في شك آه وعذاب
وناس تخون العهد
وناس تصون الوعد
وناس ما يْتَاويِها تراب.
وفي ناس ما تعرف لها ملة، وناس تِعْدِيك بميت علة
وناس تزيدك، وناس تعيبك، وناس تجيب لك الذلة
وناس تصاحب، وناس تحارب، وناس تحسبها م الشلة
وناس كلامها شفا،
وناس تَمَلِّي مقشِّفة
وناس ما تشكي من قلة.
وفي ناس يغنوا عليك، وناس يصقَّفوا ليك
وناس يقطَّعوا فيك، ويسوِّدوا كمان لياليك
وِان قلت آه م الوَجَع، يروحوا يشْمَتوا فيك
وناس مش ناس
بلا إحساس
لا تجيلهم هداية، ولا فيهم دليل يهديك.
وفي ناس بألوان طيف، وناس بكل لون تتلوِّن
وناس كلامها سخيف، وناس دُعاها "يا مْهَوِّن"
وناس باهتة، وناس زاهدة، وناس للعيبة بتدوِّن
وناس تجاريك
وناس تداريك
وناس تواسيك، وناس خاينة وبتخوِّن.
وناس تقدم حياتها فداك، وناس بالبسمة تلقاك
وناس تاخدك في أحضانها، وناس بقلوبها شايفاك
وناس تدعي لك، وناس تحمي ضهرك من الأشواك
وناس قاعدة بتستنَّى
وبعد ما تيجي، تتحنَّى
وزغرودة ورا زغرودة فرحتها تزيد ويَّاك.
وناس بتمشي زي الريح، وناس ما يهزها إعصـار
وناس ماشية بتتعكـز، وناس محفوفـة بالأخطـار
وناس مسنـودة،
وناس مهـدودة،
وناس بتمشي جوّه جدار.
في ناس عايشة في غربة وهي بين الأهـل والأصحاب
وناس ما تعرف طريقها، وناس تدق ع الأبواب
وناس ما تقصد إلا باب الله، وناس في شك آه وعذاب
وناس تخون العهد
وناس تصون الوعد
وناس ما يْتَاويِها تراب.
وفي ناس ما تعرف لها ملة، وناس تِعْدِيك بميت علة
وناس تزيدك، وناس تعيبك، وناس تجيب لك الذلة
وناس تصاحب، وناس تحارب، وناس تحسبها م الشلة
وناس كلامها شفا،
وناس تَمَلِّي مقشِّفة
وناس ما تشكي من قلة.
وفي ناس يغنوا عليك، وناس يصقَّفوا ليك
وناس يقطَّعوا فيك، ويسوِّدوا كمان لياليك
وِان قلت آه م الوَجَع، يروحوا يشْمَتوا فيك
وناس مش ناس
بلا إحساس
لا تجيلهم هداية، ولا فيهم دليل يهديك.
وفي ناس بألوان طيف، وناس بكل لون تتلوِّن
وناس كلامها سخيف، وناس دُعاها "يا مْهَوِّن"
وناس باهتة، وناس زاهدة، وناس للعيبة بتدوِّن
وناس تجاريك
وناس تداريك
وناس تواسيك، وناس خاينة وبتخوِّن.
وناس تقدم حياتها فداك، وناس بالبسمة تلقاك
وناس تاخدك في أحضانها، وناس بقلوبها شايفاك
وناس تدعي لك، وناس تحمي ضهرك من الأشواك
وناس قاعدة بتستنَّى
وبعد ما تيجي، تتحنَّى
وزغرودة ورا زغرودة فرحتها تزيد ويَّاك.
تعليق