تويت
إنت حبيبي
بهائي راغب شراب
قبل ما أشوفك
قبل طريقي ما يبقى, طريقك
وقبل ما نعرف طعم الدنيا
انت حبيبي .
*
قبل عمري ما يبدأ معاك
قبل ما اعرف إيه نواياك
وقبل الحلم اللي باشوفه دايما
وأنا باجري وراك
انت حبيبي .
*
إنت, الغنوة الحلوة والموال
إنت الضحكة الغالية والآمال
وانت قبل ما تبقى
وقبل ما تفشي السر بكلمة
انت ..
انت حبيبي .
*
قبل قلبي ما يكلم قلبك
وقبل ما توصل ..
وانا مستني, تبعتلي
عيونك إشارات
علشان لما أشوفك
أعرف إن انت
حبيبي .
*
بدون ما اتكلم
وبدون ما تقول
الحب جمعنا
أعطانا أسامينا وعناوينا
وأعطانا أجمل معنى
علشان على طول
انت حبيبي .
*
حبي حقيقي
مش محتاج, إثبات
والبرهان جواك
شاور قلبك
وتحسس نبضك
عروقك حتقولك
إني بحبك
وإن انت
حبيبي .
*
تعليق