(عروبتنــــا )...من وحى مباراة مصر والجزائر

**دكتور مشاوير** · 21-11-2009, 05:03

[align=center]
الله يا استاذة ندىَ إمام
استمتعت هنا وانا دلوقتِ في التماام التمام،ويسلم قلمكِ واناملكِ كمان
واسمحي لي ان اضيف للكاتب الشاعر" نجيب شهاب الدين "هذه الكلمات

----------------------
مصر قومي و شدّي الحيل كلّ اللي تتمنيه عندي

لا القهر يطويني و لا الليل آمان آمان بيرم أفندي

رافعين جباه حرة شريفة باسطين أيادي تؤدّي الفرض
ناقصين مؤذن و خليفة و نور ما بين السما و الأرض

يا مصر عودي زي زمان ندهة من الجامعة و حلوان
يا مصري عودي زي زمان تعصي العدوّين وتعاندي

آمان آمان بيرم أفندي

يا مصر قومي و شدّي الحيل كلّ اللي تتمنيه عندي
لا القهر يطويني و لا الليل آمان آمان بيرم أفندي

الدم يجري في ماء النيل و النيل بيفتح على سجني
و السجن يطرح غلة و تيل نجوع و نتعرّى و نبني

يا مصر لسّة عددنا كتير لا تجزعي من بأس الغير
يا مصر ملو قلوبنا الخير و حلمنا ورد مندّي

آمان آمان آمان…آمان آمان آمان بيرم أفندي يا مصر

يا مصر قومي و شدّي الحيل كلّ اللي تتمنيه و الله عندي
لا القهر يطويني و لا الليل آمان آمان بيرم أفندي

يسعد صباحك يا جنينة يسعد صباح اللي رواكي
يا خضرة من زرع ايدينا شربت من بحر هواكي

شربت من كاس محبوبي و عشقت نيل أسمر نوبي
و غسلت فيه بدني و توبي و كتبت اسمه على زندي

آمان آمان بيرم أفندي يا مصر

يا مصر قومي و شدّي الحيل كلّ اللي تتمنيه عندي
لا القهر يطويني و لا الليل آمان آمان بيرم أفندي

[/align]

**فوزي سليم بيترو** · 21-11-2009, 07:30

[align=center]
عروبتنا الحلوة اختصرناها في ماتش كورة
ونشيد العبور ، كنا نسمعه بخشوع
صرنا نعزفه بطبل وزمِّيرة
آآآه منك يا كورة ... قَلَبْتِ الموازين ومَلِيتي بالدمع عينينا
الوطن فيك احتار . يستقبلك بأكاليل الغار ؟! يعملك زار ؟ !
أو يِحْدِفِك بطاماتم فاسدة وبندورة
أستاذة ندى إمام
كفاية جلد بالذات ... أرجوكِ
دكتور مشاوير . أشكرك لتعريفنا بالشاعر نجيب شهاب الدين
فوزي بيترو
[/align]

**وليد موسى** · 21-11-2009, 10:12

مصر يا أجمل كورة ف دمي
منك حزني و ضحكي و همِي
أبكي عليكي و لا أغنِي ؟

لما الناس شتموني بأمي

تفرق إيه ؟ كونك إنسان
روحت الماتش و جيت كسبان
أو روحت حزين خسران
هيه دي ميزة للأوطان؟

مصر يا أجمل كورة ف دمي
منك حزني و ضحكي و همِي
أبكي عليكي و لا أغنِي ؟

لما الناس شتموني بأمي

جت ف العارضه
وخشت جون
حضَر ياللا إيد الهون
إنسف كل حكاية حب
إنسى جميله و إنسى جمال
إجري ورانا زي الكلب
يمكن تلقى راحة بال

مصر يا أجمل كورة ف دمي
منك حزني و ضحكي و همِي
أبكي عليكي و لا أغنِي ؟

لما الناس شتموني بأمي

وعد عليا ووعد الحر
دين ف رقبتي مهما يمر
حأفضل فاكرطول العمر
لما الناس شتموني بأمي

**مهيمن الاسدي** · 30-11-2009, 16:05

احسنت
كلام مهم
ويستحق التأمل

**ندى إمام** · 11-12-2009, 08:08

أشكركم جميعا

حضوركم المميز الذى بعث الدفء مرة أخرى فى العروبة هو أهم حدث

تحياتى العميقة لكم ولحضوركم الألق

دمتم ودامت العروبة الحلوة اللهلوبه
دايما بتهرب وتجرى وترجع وتغرى
أعمل أيه وياها أًصلها ف دمى الأروبة

**دكتور مشاوير** · 11-12-2009, 10:24

المشاركة الأصلية بواسطة وليد موسى مشاهدة المشاركة

مصر يا أجمل كورة ف دمي
منك حزني و ضحكي و همِي
أبكي عليكي و لا أغنِي ؟

لما الناس شتموني بأمي

تفرق إيه ؟ كونك إنسان
روحت الماتش و جيت كسبان
أو روحت حزين خسران
هيه دي ميزة للأوطان؟

مصر يا أجمل كورة ف دمي
منك حزني و ضحكي و همِي
أبكي عليكي و لا أغنِي ؟

لما الناس شتموني بأمي

جت ف العارضه
وخشت جون
حضَر ياللا إيد الهون
إنسف كل حكاية حب
إنسى جميله و إنسى جمال
إجري ورانا زي الكلب
يمكن تلقى راحة بال

مصر يا أجمل كورة ف دمي
منك حزني و ضحكي و همِي
أبكي عليكي و لا أغنِي ؟

لما الناس شتموني بأمي

وعد عليا ووعد الحر
دين ف رقبتي مهما يمر
حأفضل فاكرطول العمر
لما الناس شتموني بأمي

[align=center]
رائع رائع رائع
والله ولا كل الكلمات تكفي للشكر لك استاذنا وليد موسى على هذه السطور .
يكفيني أن قرأت ابدااع
والشكر موصول للأستاذة ندى امام
[/align]

**ندى إمام** · 12-12-2009, 14:41

الشكر موصول لكل من جاء وكتب بقلمه وقلبه هذه الاحاسيس الجميلة

تحياتى لكم جميعا

(عروبتنــــا )...من وحى مباراة مصر والجزائر

(عروبتنــــا )...من وحى مباراة مصر والجزائر

تعليق

تعليق

تعليق

تعليق

تعليق

تعليق

تعليق

ما الذي يحدث