الصبح بدري رايح جري عشان ألحق أوصل بدري أحجز مكان في المدرج، الساعة سبعة إلا ربع الصبح أوصل لسلم المدرج.
ألاقي وليد ورانيا ورشا وعبير والموجي الصغير وكلهم بالحب قلوبهم مليانيين،واقفيين على البسطة على قلب واحد متجمعيين اللي جنب الباب على طول في اليميين منتظرين سامح بقلبه الكبير .
ومستنييين يفتح،المدرج،وأنا على البسطة البعيدة و بيننا طابور طويل يقوم وليد، يقوللي شفت؟
شفت احنا ازاي متجمعيين وبدون زحلقة ولا حاقدين ..
ويقولوا وليد ورانيا ورشا وعبير في صوت طيب من الموجي الصغير وفي صوت واحد وبقلب سليم ،شعاراً التعليم رمز لحضارتنا يا مؤمنيين..
إيه ياسامح..؟!
قلنا لك تعالى ستة و نص!!! بس ليه اتأخرت الربع..؟
وعلشان ما نجريش في المدرج نحجز، وكل واحد وواحده يجري على أول البنش أو آخره عشان يحجز له هو و صحابه،وعلشان محدش يدوس على رجل البنت في وجود رجال امثالكم ابطال " طيب مش مهم "
اسمع يا وليد انت وسامح ...؟
اللي يلحق، و اللي يقف على أول البنش يزحلق كشكوله على البنش لحد ما يقابل الكشكول المتزحلق من آخر البنش من زميل آخر عايز يحجز برضه،ولا يهم العرق والجنس وخليكم عارفيين بالحب بنزحلق كل الكلام الحلو ما هي هي قلوبنا المتزحلقة ..!!
وعليها علامة طيبة اهل مصر
مالهاش حل ...!ولا تجد لطيبتنا زيها في إي ارض
وبعدها وبالحب التقت كل الكشاكيل..؟!
كشكول وليد مع كشكول عبير وكشكولي مع رانيا ورشا متجمعيين .
لا صارت بينهم حدود حجز بل على العكس ..
كل واحد فيهم حدودة هي كلمة الحب حتىَ لو كانت زحلقه !!!
غير كدة طبعا كان فيه ناس كتير قاعدة على الأرض….
لاحول ولاقوة إلا باالله يااااارب" وكل ده من اجل العلم والرقي.؟!
كل دة ما كانش هممني برضه،شيء.
برضه عايز اتعلم و برضه بحب البلد،وبنت البلد ولو هموووت أو يفوت عليا قــَطر.أو سكين أو حتىَ فرت،ولا يهمني إلا العيرض..
واهي كلها زحلقة بس بالحب..
وكلة تحت نظرية الزحلقــــة.

ويارب في سني الكبير إلقي وليد ورانيا ورشا وعبير وفي وجود الموجي الصغير كلهم واقفيين رافعين الإيد في الأيد
و لما نكبر شوية وما نقدرش حد يزحلقنا ولا يتزحلق علينا هنبطل نلعب بالمراجيح ولا حد يحقد علينا وحتىَ لو كانت في مباراة كــورة ..!!
ولا اجعل من ينظر إلينا اننا لسة بقلوبنا الطيب صغيرين
ونبتدي نحس إن كل الناس اللي بنحبها دي موجودة من حاولينا.
و كل الأماكن اللي بنعشقها دي مرسومة فرحة في عنيينا.
و كل الحاجات اللي بتبسطنا،من رجال بلدي الشجاع دي حتة مننا و أنا حتة منهم ومنها.
و كل المعاني دي متجمعة و متكثفة في كلمة واحدة ومن غير زحلقة ..
ويهون العمر يا مصر ولا تهوني،وما نقدرش نغيرها دي الطيبة عادة مأصله فينا .
ونبقي موحدين على كلمة وطن، ومش أي وطن، وطني المحدد جدا وزي ما علمونا اهلينا ومعلمينا.
إلا الأرض والعيرض
مصر
ياغاليه عليا يهون العمر ولا تهوني
وبدون زحلقة ولا حد يتزحلق عليا ..
هنزحلق كشاكلنا مكتوب فيه الحب والطيبة
والوطنية

التوقيع
متزحلق من إيام الجامعة وعلى الحب اتعلمت إزاي أحب الوطنية