تويت
مساء الخير
مساء الخير وحنّيه
ومركب شوق يطير بيّا
على النظره اللي كانت
دايبه في عنيا
على البسمه اللي كانت
من زمان ليّا
على الضحكة اللي كانت
تحيي الشوق سنين فيّا
على الحلم اللي جمّعني
أنا وهيّه
على اللحظة اللي تيجي
تضم ايديها في ايديّا
وبسمتها وضحكتها
ولمستها بحنيّه
على سلطان ملامحها
يا ليل
في الرُوحه والجايّه
على ظلك يا نور العين
ونسمة شوق معدّيه
وسحرك لما يتمايل
ويتمختر فِ صبحيه
على دمعه بدفتر شوق
وغنوه من وتر حاني
وموال المراكبيّه
في صبحيّه
على صوت المعديّه
وأنا وانت ما بين قمرين
في ليلة حب وردية
كمنجه بتعزف الماضي
ونحكي للزمن تاني
على عود الافنديّا
................... ................ ...............
مساء الخير
على وجودك يا نور العين
بأحلامي
على خلودك
ورقصة طيفك السامي
على صورتك
ومشهد شوق بأفلامي
على تبديل دفاترنا
وصفحه بتطوي أيامي
على ساعه تجمعنا
وننسى جرحنا الدامي
على سلطان جمال عينك
ولما بتيجي قُدامي
أطير من فرحتي وانسى
كتير من بحر آلامي
وارفرف ذي كل الطير
واعطر كون بانسامي
وأحلامي
أنا وهيّه
على صوت المراكبيّه
في صبحيّه
ونركب فوق معديّه
وصُورتنا أنا وهيّه
ملامحْ شُوق
ومطبوعه على الميَّّه
مساء الخير
أبو خلاد هشام فتحي
مصر -المنيا مطاي – الكوادي
مساء الخير وحنّيه
ومركب شوق يطير بيّا
على النظره اللي كانت
دايبه في عنيا
على البسمه اللي كانت
من زمان ليّا
على الضحكة اللي كانت
تحيي الشوق سنين فيّا
على الحلم اللي جمّعني
أنا وهيّه
على اللحظة اللي تيجي
تضم ايديها في ايديّا
وبسمتها وضحكتها
ولمستها بحنيّه
على سلطان ملامحها
يا ليل
في الرُوحه والجايّه
على ظلك يا نور العين
ونسمة شوق معدّيه
وسحرك لما يتمايل
ويتمختر فِ صبحيه
على دمعه بدفتر شوق
وغنوه من وتر حاني
وموال المراكبيّه
في صبحيّه
على صوت المعديّه
وأنا وانت ما بين قمرين
في ليلة حب وردية
كمنجه بتعزف الماضي
ونحكي للزمن تاني
على عود الافنديّا
................... ................ ...............
مساء الخير
على وجودك يا نور العين
بأحلامي
على خلودك
ورقصة طيفك السامي
على صورتك
ومشهد شوق بأفلامي
على تبديل دفاترنا
وصفحه بتطوي أيامي
على ساعه تجمعنا
وننسى جرحنا الدامي
على سلطان جمال عينك
ولما بتيجي قُدامي
أطير من فرحتي وانسى
كتير من بحر آلامي
وارفرف ذي كل الطير
واعطر كون بانسامي
وأحلامي
أنا وهيّه
على صوت المراكبيّه
في صبحيّه
ونركب فوق معديّه
وصُورتنا أنا وهيّه
ملامحْ شُوق
ومطبوعه على الميَّّه
مساء الخير
أبو خلاد هشام فتحي
مصر -المنيا مطاي – الكوادي
تعليق