تويت
أنا ابقي مين
ـــــــــــــــــــــــــ
وانا ابقي مين وسط الخلايق والبشر
انا حد مكسور الجناح
فارد جناحة نص فاردة ع الصباح
بكتب في اشعار البنات
والليل
وحبات المطر
طاير كما الطير المهاجر في السما من غير رقيب
عمرك محبيت الشطوط
خايف تحط من السما
علي ارض بكر فترفضك
وتبان ضعيف
لكن عنيها شدتك
حطيت علي ارض الحياة
وحسرتاة وحدة بنضارة وحجاب
قدرت تكلبش مهجتك وانت العنيد
ياخي روح بعيد وافحت بايدك طربتك
وادفن هناك الزكرة
وارجع وارتمي في حضن الملاك
كان اية رماك
نظرة عنيها كات هجوم
كان الهجوم كاسح طوفان
ازاي تقاوم وسط كل الزحمه دي
نظرة عنيها ..وشها.. رسمة حجابها.. سنها.. ذوق الهدوم طعم الكلام
فرميت سهامك كلها
ومعدش فاضل غير كلام
اعلنت خاضع والنبي رفقا حرام
رحمه بعبد فقير ضعيف
معهوش سلاح غير الكلام
وشوشتها حبيني يالي اسمك......
كان الجواب حاضر اوام
مدت اديها جوه صدري
شدت القلب الضعيف
وقالتلي وبصوتها الظريف
الضعف عندك يا حبيبي لية صفه
انا عاوزة واحد يبتدي بيه الطريق
مش ينتهي عندة الطريق
اسفة خلاص قلبك معدش يهمني
بصيت ساعتها وارتجف قلبي في ايديها من الهلع
فندهتله ارجع هنا
البعد عن صدرك غلط
البعد عن صدرك حرام
مرضيش يعود
كلبش في ايدها با وي
زهقت خلاص
شدت بايدها كيس قديم
حطت بايدها القلب فيه
ربطت علية
وبحجرة زودت الرباط
ورماتبة في البحر الغريق
وانا جبت كل الغواصين لم التقية
ضاع اللي كنت بحب بية
لكنها سابت في دمي حبها
ومعدش فاضل غير
...........
تعليق