تويت
[align=center]الرهان
ما قدرتش أكمل كدبى ساعتها
وانا متسمر قدام بترينة كبيرة
وبانقى لك لبس العيد ف خيالى -
ومافوقتش غير على صوت البنت البياعة بتسأل
( أولادى ولا بناتى ) ؟
لميت العجز اللى اتنتور على روحى
ورميته بنظرة ف وش البنت
وقلت رجالى!!!
شوفتك أكبر من ضعفى
كنت مراهن إن برائتك
أرحم بكتير من عجزى
مش عايزة تروح من بالى ملامحك
وانت بتسأل
هو انا مش ح البس لبس جديد ؟
إتوحد صبح العيد ف عينيها مع لون باسبورى
المرمى على الكومودينو
عمالة ترن ف ودنى الكلمة
وانا باخنق فيا دموعى
وبادعى تهون اللحظة عليها
إغمقت الوان الدنيا ف عينى
وانا حاسس بيها
مش قادرة ترد عليك
لحظتها بكيت
مش عارف
علشان ماقدرتش أشوفك فرحان بالعيد
ولا علشان انا حابقى بعيد
دلوقتى ..
برغم الشهوة المجنونة
وانا قاعد انقى لك
كل اللى تقابله عينيا من لبس جديد
مش عايزة تروح من بالى ملامحك
وانت بتسال نفس سؤالك
إزاى ما اخدتش بالى
إن انا ف الحالتين محروم
إزاى مافهمتش
إنى برغم الشنط المرصوصة هدوم
مش ح أقدر برضه أشوفك
وانت بتفرح بالعيد!!
14 رمضان 1428[/color][/align][/size]
ما قدرتش أكمل كدبى ساعتها
وانا متسمر قدام بترينة كبيرة
وبانقى لك لبس العيد ف خيالى -
ومافوقتش غير على صوت البنت البياعة بتسأل
( أولادى ولا بناتى ) ؟
لميت العجز اللى اتنتور على روحى
ورميته بنظرة ف وش البنت
وقلت رجالى!!!
شوفتك أكبر من ضعفى
كنت مراهن إن برائتك
أرحم بكتير من عجزى
مش عايزة تروح من بالى ملامحك
وانت بتسأل
هو انا مش ح البس لبس جديد ؟
إتوحد صبح العيد ف عينيها مع لون باسبورى
المرمى على الكومودينو
عمالة ترن ف ودنى الكلمة
وانا باخنق فيا دموعى
وبادعى تهون اللحظة عليها
إغمقت الوان الدنيا ف عينى
وانا حاسس بيها
مش قادرة ترد عليك
لحظتها بكيت
مش عارف
علشان ماقدرتش أشوفك فرحان بالعيد
ولا علشان انا حابقى بعيد
دلوقتى ..
برغم الشهوة المجنونة
وانا قاعد انقى لك
كل اللى تقابله عينيا من لبس جديد
مش عايزة تروح من بالى ملامحك
وانت بتسال نفس سؤالك
إزاى ما اخدتش بالى
إن انا ف الحالتين محروم
إزاى مافهمتش
إنى برغم الشنط المرصوصة هدوم
مش ح أقدر برضه أشوفك
وانت بتفرح بالعيد!!
14 رمضان 1428[/color][/align][/size]
تعليق