تأبين الأديب الشربيني خطاب ..

**دكتور مشاوير** · 04-12-2009, 05:32

[align=center]
عظم الله اجرك واحسن الله عزاك في فقيدنا الغالي.
ونسأل الله عزوجل ان يجمعنا واياه في جنات النعيم
شكرا اخى محمد سلطان
[/align]

**محمد سلطان** · 04-12-2009, 05:32

[align=center][table1="width:70%;background-color:green;border:10px inset orange;"][cell="filter:;"][align=center]

كتب الشربيني خطاب ـ رحمه الله ـ في ملتقى الأدباء و المبدعين العرب تحت عنوان

( لنتواصــــل )
[/align]

أنا من الزمن

الأولاني

جدي كان

بياع طرابيش

وعدد بواجير

ألماني

شغاله بنفس

كيروسين

****

لف كتير

وبعدها جاني

خبره م اليمن

ومن سوريا

وف الكويت

قالوا ركب فونيا

****

وجاب لي

م المغرب وتونس

طاقم صيني

وساكسونيا

كان كل كلامه

لهجة جميلة

تطلع قصيدة

أو نكته

حبتها ناس

كل الدنيا

*****

نمرة تلفونك

كام

سجلها بسرعة

أوام

وانت ها تلاقي

هنا في قلبي

مشاعر و كلام

لك يا صاحبي

نايم ف قلبي

و متخبِّي

****

فشر كلام

الأحبة

أو قصايد

حب وغرام

أو زقزقات

وأغاتي عصافير

أو زي هديل

يمام وحمام

ف برجه

مؤدب متربيِّ

****

منا لازم مرة

أحتاج لك

أو في يوم

أخد رأيك

او أطلب

منك مشورة

مخلصة دايماً

وصريحه

أو رنة حلوة

بنصيحة

تجي ملهوفة

ولا مجعوزة

ولاَّ انت يا صاحبي

مش واقف

هنا ف الصورة

جنبي00؟

*****

الشربيني خطاب

جمهورية مصر العربية

شربين دقهلية

[/cell][/table1][/align][/align]

**نجلاء الرسول** · 04-12-2009, 05:40

رحم الله الأديب وأسكنه فسيح جناته
اللهم اغفر له في هذه الجمعة الفضيلة

**سعاد سعيود** · 04-12-2009, 05:49

إنّا لله و إنّأ إليه راجعون..

التفاتة رائعة منك أخي محمد إبراهيم
اللهم ارحمه يارب؟

تحياتي

سعاد

**محمد سلطان** · 04-12-2009, 05:51

[ALIGN=CENTER][TABLE1="width:70%;background-color:blue;border:10px inset red;"][CELL="filter:;"][ALIGN=center]
من أرشيفاته و ألبوماته الشخصية

ضحك وقال
: " أمُّال 00 اللِّي جمعه الجدود 00
صرفته القرود ع القرود 00ههههه
مضيعين فلوسنا علي الأدب يا حبيبي

الشاعر محمد الشهاوي ـ كفر الشيخ واحمد الشربيني
ـ دمياط والشربيني خطاب ـ الدقهلية

الشعراء احمد الشربيني والشربيني خطاب
وجمال البلتاجي

صورة الشاعران أحمد الشربيني والشربيني خطاب

من اليمين الشاعر احمد راضي اللاوندي والقاص
محمد شمخ والقاص والناقد سمير الفيل دمياط رئيس
المؤتمر ورشا الشربيني خطاب ووالدها
والشاعر مصباح المهدي المنصورة

القاص و الناقد سمير الفيل رئيس المؤتمر والقاص
والناقد الشربيني خطاب

[/ALIGN][/CELL][/TABLE1][/ALIGN]

**محمد سلطان** · 04-12-2009, 06:01

[ALIGN=CENTER][TABLE1="width:70%;background-color:blue;border:10px inset deeppink;"][CELL="filter:;"][ALIGN=center]
[ALIGN=CENTER][TABLE1="width:70%;background-color:red;border:10px inset orange;"][CELL="filter:;"][ALIGN=center]

[align=center]
أول وآخر الكلام
[/align][align=center]

أول ما نبدي القول

نصلي علي النبي
غاية المني شفاعته
والشرب من حوضه
لو أبقي ف جماعته
يتحقق مطلبي
****
بشفاعته وهدايته
اخش ويَّا الصحبة
تحت عبايته ورايته
جنة ونعيم ربي
مرادي ومكسبي
****
بتقول لي
قبل ما اخش
أصلي واسلم عليه
هو انت فاكريني إيه؟
يا بو قلب متعبي
ربك هو اللي عالم
بالسر اللي متخبي
من غيرعتاب وملام
أول وآخر الكلام
اكبت أنا غضبي
أصله كلام خصام
ما يتردش عليه
وأقول لرسول السلام
اللهم صلي وسلم
علي الحبيب النبي

وزيد وبارك عليه

[/align][align=center]
الشربيني خطاب
[/align][/ALIGN][/CELL][/TABLE1]
[/ALIGN][/CELL][/TABLE1][/ALIGN]

**وليد صابر شرشير** · 04-12-2009, 06:49

أخي الأستاذ محمد إبراهيم سلطان

السلام عليكم ورحمة الله وبركاته

رحم الله الشاعر والزجال الأستاذ الشربيني خطاب وجعل مثواه الجنة،
إنا لله وإنا إليه راجعون.......
عاش للأدب والكلمة ،ألهم الله أهله الصبر والسلوان..
طيب الله ثراه

وجزاك الله كل الخير ابن بلدي العامر بالسبق للود والأريحية..

أخوكم

**د. وسام البكري** · 04-12-2009, 07:49

الأستاذ محمد إبراهيم سلطان
جزاك الله خيراً ..
وفي ما يأتي قصيدة (سبب الموت) للشاعر المرحوم خطاب الشربيني ... منقولة من ملتقى أسارير الأدبي، والشكر الجزيل للشاعرة القديرة تقى المُرسي:

http://www.asareer.com/vb/showthread.php?t=4182

سبب الموت

بقلم الفقيد / الشربيني خطاب
.........

وليه الأجل

خطف روحه

كما عصفور

داوي جروحه

بكتم الآهة ودموعه

فبات موجوع

****

صبح صامت

علي غصونه

ما راح صوته

اللِّي كان صادح

جلي ومسموع

****

لا غش روحي بجماله

ولا كنت بأحاسيسي

ف يوم مخدوع

ولا كانت دموع عيني

علي موته

سوي جمرات ندى وشموع

****

فلا صمته ولا سكوته

ولا رفرفته بجناحه

كانت هي سبب موته

فلا صمته ولا سكوته

دا كتم الصوت في ضلوعه

هو اللِّي كان سبب الموت

**يوسف أبوسالم** · 04-12-2009, 08:01

رحم الله الفقيد
وأسكنه فسيح جنانه
وألهم أهله وذويه الصبر والسلوان
وإنا لله وإنا إليه راجعون

**رشا عبادة** · 04-12-2009, 09:06

سبحانه من له فى كونه، وفى خلقه 100 حكمة
ما بين طلوع النهار، وليل سكونه
تنام كلمة.... تقوم كلمة!!

يموت عباس، وجرجس، وأمين
ويتولد قصاد منهم ..ألوف، ملايين
بنات حلوة، صبيان طعميين!!

نمصمص شفيفنا و نتعجب!!
سبحانه لما يداوي ويطبطب

ويقول يا ابن آدم ..مالك على أيه بتندب!؟
ربك بياخد ويعطي ..ولا أنت ايه هتنهب؟

وصرخة إمبارح،تنطفي بالنسيان دموعها
وترن زغرودة ميلاد، ترد الحياة لموضوعها

رحمك الله يا أستاذنا الجميل الرايق ، أبو قلب أبيض وضحكة صافية.

هقولهالك كده بالبلدي،من غير حداقة
صحيح الفرقة .. حراقة
بس أكيد.. هنتلاقى
ايوة بحبك.. وراس جدي
هتوحشني أوى يا والدي
هتوحشني لحد.. بعيـــــــــد
لحد السد والترعة،وريحة عيدان القش
ونار الفرن على"الخبيز" والعة
هتوحشني لحد .. هناك
لحد ريحة هوا شربين ، لما يطل من الشباك
يقول للشمس يلا أصحى، بقينا نهار
ليه بتبكي وتنوحي،
وحس أبويا، مالي الدار
ورنة ضحكته الصافية،
أغنية حلوة بتوب ..موال
يقولوا ..ده مات... واقول لأ ده مسافر
يقولوا أخرس متبقاش .. كافر
أقول ايه لعقولهم يا غالي؟ظ
لولا غلاوتك ومقامك العالي
لكنت خلعت لهم " المداس"
وخليت رجليهم مكان الراس
أسألهم إنت، يا أبويا، يا أبو الإحساس
هوة اللى كلمته حية .. من إمتى كان بيموت ناس!؟

**إيمان عامر** · 04-12-2009, 09:21

إنّا لله و إنّأ إليه راجعون..

رحمة الله علي الفقيد
وأسكنه فسيح جنانه

شكرا لك أخي محمد

**ريمه الخاني** · 04-12-2009, 09:35

سبحان الحي القيوم
لك نستغيث فاغثنا واحمنا واعنا على الابتعاد عن زلاتنا
واحسن ختامنا يارب
رحمك الله
رحمك الله
رحمك الله

**مصطفى بونيف** · 04-12-2009, 11:53

إنا لله وإنا إليه راجعون
رحمه الله وأسكنه فسيح جناته ، وألهمنا وألهم ذويه الصبر والسلوان .

**ماجى نور الدين** · 04-12-2009, 11:57

سألت نفسي ياخلايق

كيف أحزن ؟؟

بالدموع والا بنزف الدم أحسن

قلت أنزوي في ركني وأقعد وحزني

كاسي ونديمي وغمي لحسن

خلاص القلب بات مجروح ورح ينخلع

ياعمنا رحيلك رسم هالة سودة في الحشا وخلع

عن روحي ضحكة مكبوتة ولا بتنزرع

ياعم ياخطاب تركت الآهة ساكنة ولا راضية تطلع

ولا راضية تمشي لآخر المدى وتنزاح

يا مر صبح كما العلقم وتراب حزين بيلم ولا بيرجع

يارب صبرنا على كل فراق بيخلع

حتة من القلب وبنودع

يوم بعد يوم ماهو مصيرنا ولا بننخدع

بزخرف ولا بهرج وكاس داير ...

مع السلامة ياعمنا

مع السلامة

ماجي

تأبين الأديب الشربيني خطاب ..

تأبين الأديب الشربيني خطاب ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث