تويت
إيمان البكري قالت الواد شعبولا دا معَّار
وانا بعدهم التالت من غير زحمة أفكار
وبصدق وقلب جرئ وبصوت بيشعلل نار
باصرخ ويَّاهم واهتف:
كلنا بنحبك يا حمار
في مظاهرة ومن غير إشعار
ولا تصريح من أمن الـدار
ولا إذن محـافظة وإنـذار
راح نهتف لك ليل ونهار.
هنصقف لك في اجتماعات
ونصوت لك في انتخابات
وهندعي رب السماوات
تتـرقى يابـن البهـــوات.
سيبك من أكل البرسيم
دا انت حمار مجدع فهيم
ما يناطحك أيتها بهيــم
من غير حتى سين ولا جيم.
صهلل واملا الدنيا نهيـق
بحـرارة أشبـه بحريـق
أنا عارف إن انت رقيـق
ومافيش زيك أحلى صديق.
وحاشوفلك عندنا ف الحارة
عروسة ولا أحلى حمـارة
مربوطة ف أجدعها عمارة
ومتعلمة لِبْس النضّـارة.
وف فرَحَك حاسقي الشربات
وارقص لك بلدي بصاجات
واعزم لك أتخن شنبـات
ف اصطبل حميره خواجات.
ياللا اتمرغ كده ف ترابك
واستمتع يا بهيم بشبابك
واعمل لك حزب وأصحابك
وارفُس ع الباب حُسَّـادك.
يا حلاوتك وانت بتتمخطر
أو تنفُــر زعـلان متـأثر
وان حد ندهلك "يا مأزعر"
بتشد وعمرك ما تقصَّر.
بتشيل يا ما سبـاخ وبلاوي
ومبيد حشري كمان وتقاوي
ولا عمرك قلت أنا مش ناوي
ولا عندي رغبة ابقى حصاوي.
ما في أحلى من كده ترتيب
يا مجدع يا ابن المراكيب
يا مـدوِّب نص القبـاقيـب
من غيرك حيشيل كراكيب!
والناس مش عارفة انك ريَّس
في لغات العالم متمرس
She, Ha, Yes & Kiss Kiss
(شي حا يس وكِسكِس)
دا انت اجدع م الملكة إليزابيس.
وبرغم ان البغل قريبك
والمهرة أبوها بقى نسيبك
الشهرة طلعت ف نصيبك
والكل مصاحبك وحبيبك.
أنا نفسي تشارك ويَّانا
وتبرطع وتغني معـانا
وِنْسّجِّلَّك كَمِ اسْطوانة
فيها رقص بلدي ومكارينا.
وحالف لاعمل لك بوستر
حاجة إنما أخضر ف اصفر
البرسيم فيها كتير ومبعتر
والفول مغسول كده ومقشّر.
واكتب حِكَمَك واقوالك
وعصارة مخك وخيالك
دا العالم ماعْرِفش مثالك
وِفي كلمة نفسي أقولها لك:
انت زعيم الوطنيـة
انت حبيب الحريـة
انت شعار القوميـة
انت مثال الحموريـة
ماحلاها الدنيا ف وجودك
خمسة ف عين أم حسودك
يا مقطقط يسلم لنا عودك
تستاهل بوسة على خدودك.
وانا بعدهم التالت من غير زحمة أفكار
وبصدق وقلب جرئ وبصوت بيشعلل نار
باصرخ ويَّاهم واهتف:
كلنا بنحبك يا حمار
في مظاهرة ومن غير إشعار
ولا تصريح من أمن الـدار
ولا إذن محـافظة وإنـذار
راح نهتف لك ليل ونهار.
هنصقف لك في اجتماعات
ونصوت لك في انتخابات
وهندعي رب السماوات
تتـرقى يابـن البهـــوات.
سيبك من أكل البرسيم
دا انت حمار مجدع فهيم
ما يناطحك أيتها بهيــم
من غير حتى سين ولا جيم.
صهلل واملا الدنيا نهيـق
بحـرارة أشبـه بحريـق
أنا عارف إن انت رقيـق
ومافيش زيك أحلى صديق.
وحاشوفلك عندنا ف الحارة
عروسة ولا أحلى حمـارة
مربوطة ف أجدعها عمارة
ومتعلمة لِبْس النضّـارة.
وف فرَحَك حاسقي الشربات
وارقص لك بلدي بصاجات
واعزم لك أتخن شنبـات
ف اصطبل حميره خواجات.
ياللا اتمرغ كده ف ترابك
واستمتع يا بهيم بشبابك
واعمل لك حزب وأصحابك
وارفُس ع الباب حُسَّـادك.
يا حلاوتك وانت بتتمخطر
أو تنفُــر زعـلان متـأثر
وان حد ندهلك "يا مأزعر"
بتشد وعمرك ما تقصَّر.
بتشيل يا ما سبـاخ وبلاوي
ومبيد حشري كمان وتقاوي
ولا عمرك قلت أنا مش ناوي
ولا عندي رغبة ابقى حصاوي.
ما في أحلى من كده ترتيب
يا مجدع يا ابن المراكيب
يا مـدوِّب نص القبـاقيـب
من غيرك حيشيل كراكيب!
والناس مش عارفة انك ريَّس
في لغات العالم متمرس
She, Ha, Yes & Kiss Kiss
(شي حا يس وكِسكِس)
دا انت اجدع م الملكة إليزابيس.
وبرغم ان البغل قريبك
والمهرة أبوها بقى نسيبك
الشهرة طلعت ف نصيبك
والكل مصاحبك وحبيبك.
أنا نفسي تشارك ويَّانا
وتبرطع وتغني معـانا
وِنْسّجِّلَّك كَمِ اسْطوانة
فيها رقص بلدي ومكارينا.
وحالف لاعمل لك بوستر
حاجة إنما أخضر ف اصفر
البرسيم فيها كتير ومبعتر
والفول مغسول كده ومقشّر.
واكتب حِكَمَك واقوالك
وعصارة مخك وخيالك
دا العالم ماعْرِفش مثالك
وِفي كلمة نفسي أقولها لك:
انت زعيم الوطنيـة
انت حبيب الحريـة
انت شعار القوميـة
انت مثال الحموريـة
ماحلاها الدنيا ف وجودك
خمسة ف عين أم حسودك
يا مقطقط يسلم لنا عودك
تستاهل بوسة على خدودك.
تعليق