تويت
البحر بيضحك ليه...(أغنية)
ملحوظة قبل القراءة: كل كلمة بها حرف قاف* تنطق همزة يعنى مثلا كلمة قام تنطق آم..أو قلل تنطق ألل..
والبحر بيضحك ليه
وانى نازلة أدلع اَمْلَى القلل*
وانى نازلة أدلع اَمْلَى القلل*
والشّطّ غَمَزْ بِعْنيه
على أمل إنّ انى أدِّيلُه أمل
على أمل إنّ انى أدِّيلُه أمل
مِ الغيظ المَيَّة تقول*
آ يا ساحرة البحر
وعاملة عمل
آ يا ساحرة البحر
وعاملة عمل
والموجة دا كيدها يطول
تـِزغُر لّى بعين
والعين تنقـَتـَل*
تـِزغُر لّى بعين
والعين تنقـَتـَل*
مِ العالى النخل دا مال
مَلِّسْ على شعرى
وهات يا غزل
مَلِّسْ على شعرى
وهات يا غزل
والورد رُوخر انشال
وانحط وقام*
وعليّا سأل
وانحط وقام*
وعليّا سأل
طب ذنب الغصن دا إيه
لو حطّ عليه
الطير وانشغل
لو حطّ عليه
الطير وانشغل
وغزالة دى ذنبها إيه
ووراها صياد
بشباك ونِبَل!!
ووراها صياد
بشباك ونِبَل!!
والبحر بيضحك ليه
وإنى نازلة ادلع اَمْلَى القلل*...
وإنى نازلة ادلع اَمْلَى القلل*...
ملاحظة:
طبعا معروفة جدا الأغنية الشعبية المرتبطة بريف مصر الجميل
"والبحر بيضحك ليه وانى نازلة أدلع أملى القلل*"
وطول عمرى بسأل: يا ترى الأغنية دى مالهاش بقية ..
والحقيقة مالقتش جواب لسؤالى..
والصراحة انا من حبى فى الأغانى التى لها علاقة بالتراث .. لقيت نفسى فى يوم بكملها كلمة ولحن..
أرجو إنى ماكنش أسأت لها ..
طبعا معروفة جدا الأغنية الشعبية المرتبطة بريف مصر الجميل
"والبحر بيضحك ليه وانى نازلة أدلع أملى القلل*"
وطول عمرى بسأل: يا ترى الأغنية دى مالهاش بقية ..
والحقيقة مالقتش جواب لسؤالى..
والصراحة انا من حبى فى الأغانى التى لها علاقة بالتراث .. لقيت نفسى فى يوم بكملها كلمة ولحن..
أرجو إنى ماكنش أسأت لها ..
أميمة
تعليق