تويت
-1-
كان فيه مرة ..
مرة فار
الفار كان
قاعد يلعب جوة الدار
فجأة الفار!
بعد ما كان..
عَمَّال يتنطط عل الحيط
وقف الفار..
فى مكانه زى المسمار
لما شاف القط قطيط!
كان فيه مرة ..
مرة فار
الفار كان
قاعد يلعب جوة الدار
فجأة الفار!
بعد ما كان..
عَمَّال يتنطط عل الحيط
وقف الفار..
فى مكانه زى المسمار
لما شاف القط قطيط!
-2-
وقطيط قرب..
بشويش قرب..
خايف يهرب..
فرفور منه جوة البيت
ويْخَلَّصْ على كل الغلة
ويْكَمِّلْ على باقى الغيط
وقطيط قرب..
بشويش قرب..
خايف يهرب..
فرفور منه جوة البيت
ويْخَلَّصْ على كل الغلة
ويْكَمِّلْ على باقى الغيط
نط قطيط وبكل شجاعة
هُبّ هيمسكو جوة الآعة
لكن الفار المكار
فط ونط ولف ودار
وقطيط من ألا عيبه احتار!!
هُبّ هيمسكو جوة الآعة
لكن الفار المكار
فط ونط ولف ودار
وقطيط من ألا عيبه احتار!!
-3-
يعمل ايه دلوقت قطيط
يبقى مكانه جوة البيت
ولا يواصل تانى ويحاول
يجرى ورا الفار فوق عل الحيط؟؟
يعمل ايه دلوقت قطيط
يبقى مكانه جوة البيت
ولا يواصل تانى ويحاول
يجرى ورا الفار فوق عل الحيط؟؟
وقطيط فكر هُبّ وقرر
أبدا عمره مايهزمه فار
أبدا عمره مايهزمه فار
((.. لما قطيط يستسلم مرة
ممكن يظهر مليون فار
يقضوا على اليابس والأخضر
ولا قمحة ولا زرعة هتظهر
والمزرعة والغيط يتصحر
وتبقى الدنيا دمار فى دمار..))
يقضوا على اليابس والأخضر
ولا قمحة ولا زرعة هتظهر
والمزرعة والغيط يتصحر
وتبقى الدنيا دمار فى دمار..))
وقطيط قال :
أبداً عمرى ماسيب الفار
أبداً عمرى ماسيب الفار
وقطيط نط بسرعة وحط
بجسمه الضخم فوق الفار
بجسمه الضخم فوق الفار
كان فرفور واقف مذعور
والقط قطيط واقف جبار
والفار لاص
يلا َّ خلاص
أصبح كان
وطواه النسيان
والقط قطيط واقف جبار
والفار لاص
يلا َّ خلاص
أصبح كان
وطواه النسيان
-4-
وقطيط صار بطل الأبطال
لما قضى على عدوه الفار.
وقطيط صار بطل الأبطال
لما قضى على عدوه الفار.
ملحوظة : الآعة اسم يطلق على إحدى غرف البيت فى الريف المصرى
أميمة
تعليق