حماريات 00 لو غاوي 00شارك ببتين

**الشربينى خطاب** · 22-10-2007, 15:34

المشاركة الأصلية بواسطة عبدالرؤوف النويهى مشاهدة المشاركة

الشربينى أخويا وحبيبى وكلامه الحلو دا نصيبى
ما اشبع من كتر كلامه يشفينى ويكون لى طبيبى

أخويا الشربينى زعلان مش راضى يرد على كلامى
ماتخفش ياخويا ياشربينى أنا قاضى برضه ومحامى

وكلام الليثى أنا رافضه مش ممكن أشكى الشربينى
طب حاول مرة تجربنى أنا قاعد مستنى تغدينى

عبدالرؤوف النويهى
المحامى بالنقض

[align=center]أما أخونا ابن الليثي
باين عليه حمار عضاض
هبش ورفص ابن نويهي
دفن راسه تحت الأنقاض

*****
باين الحمير كاريه محامي
يرفع قضية علي الحمَّار
والأجرة باين المره دي
عض ورفص وشيل انفار
من غير بردعة للركيبة
رجال وحريم يا دي الخيبة
أصل التوصيله لحد الدار
*****
ابن الليثي شرس عضاض
قمص وعض ابن نويهي
أتاريه محامي صاحب قاضي
نحَّاء وبجعجع ع الفاضي
لا كسب في يوم أي قضية
ولا عمره حكم في قواضي
حتي القضية الأساسية
خسروها وقفلوا النادي [/align]

**الشربينى خطاب** · 22-10-2007, 20:03

المشاركة الأصلية بواسطة عبلة محمد زقزوق مشاهدة المشاركة

حمار حمارنا
شطح ما جالنا
ركب موجتنا
سكن قصادنا
في يوم نكافنا
رفس بناتنا
غلابه احنا
شكينا حالنا
ما لقينا قاضي يردلنا
مظالمنا..
حمار وشاطر
كسب كل القواضي
بكينا
رحلنا
ربك عالم بحالنا
استدنا وكمان رهنا
والرهن ضمانه
واحد صاحبنا
...
آدي أخرتنا
بقينا بضاعه
في شوق الجحوش
يارب عنا وحوش

[align=center]وآدي عبلة بنت مرزوق
باين عليها آنيه حمار
وبتشتكي منه يا ولاداه
عيان و جاله شحار
اتهد حيله ما حد عالجه
قطع الحبل وقال يافرار

*****
لبد لحماره عند جارها
عمال ينحق ويكدها
مسبوغ ولونه بخيلها
هي الحمير بتتشابه
والظاهر عضها ورفصها
وخلع الحلقة فهد جدار
م الصبح ماشية وبتنادي
حد شاف حمار مكار
*****
يا أهل الخير ف الناحيه دي
ما فيش شيخ سره باتع
يفتخ كتاب ويشوف مندل
ويكشف لها كل الأسرار
هو حمارها ما هوش راجع
طب مين بقي ها يوصلها
من شغلها لحد الدار [/align]

**الشربينى خطاب** · 23-10-2007, 13:12

المشاركة الأصلية بواسطة أبو حميد المصري مشاهدة المشاركة

الحمار ثار و إشتكى
قال بتشتموني ليه ؟
ع الإنسان عندى حكي
تضحك الخلق عليه
علشان صبره المرتجى
الحمار بتتكلوا عليه
تنزلوا نواح و بكى
لما غلط تقعوا فيه
يبقى الحمار مين بقى
هوه و لا القاعد فوقيه؟

[align=center]يا مصري حمارك
مش قصدي
ولا هو يا سيدي
المركوب
أنا قصدي المعني
أي غبي
نركبه وهو المطلوب
يطلع حمار
راكب حمار
أو واحد راكب
بالمقلوب
ما تسوق ياعم
صوتي اتخنق
والدنيا زحمة
وموحوله
نبِّه حمارك
يمشي عدل
وأوعاه يقع
ف الزلق [/align]

**الشربينى خطاب** · 24-10-2007, 21:21

المشاركة الأصلية بواسطة ahmed_allaithy مشاهدة المشاركة

أنا بصراحة يا خطّابنـا مش غاوي اتكلم ف حمير
معاشرهم لحـدّ ما زهَّقْنـا كُتْـر النهيـق والتنفيـر
ياكلوا ويحشّـوا سيرتنـا ويرفُصـوا من غير تفكير
وانضم ليهم حصاوينـا وسمعتنـا شوف ف المجارير.

[align=center]يا صاحبي يا بو مخ كبير
كل الزرايب بتتشكي
من خلق كتير مشاهير
بتنحق وياما بتترجي
تعيش عيشة الحمير
تتمرغ وتاكل ف الزاد
وتريَّح عقلها م التفكير
*****
حمير للشغل وللشقا
وحمير حارنه ومحرنقه
وحمير جباسة وطواحين
وحمير بتنضح مجارير
وحمير نايمة علي سرير
وحمير لبسالي حرير
*****
وحمير ف جبال الأكراد
وحمير ببرادع محشية
قماش وقطع اللباد
وحمير جامدة وعفية
بالعض أهي حاكمه بلاد[/align]

**الشربينى خطاب** · 26-10-2007, 11:58

المشاركة الأصلية بواسطة سيدة الشولى مشاهدة المشاركة

عزيزى
أ / الشربينى خطاب

تواصلاً مع حمارك
هاهو حمارى
ــــــــــــــــــــــــــــــــــ

قال إيه ياحَمار
ليه بتقول لحِمارك شىِ..شىِ؟
إيه؟ فاكره هِزار؟!
طبعاً شىِ..شىِ
أنا حَمار ..أيوه
أيوه أنا حَمار
والعربجى..أَمله
مش مهنة عار
أوسطي أنا باشا
زيك..زىِ
بيجرنى أنا وأِنت
حِمار..وحِمار
أِنت ف شُغلك
إما حِمار
أو بيه زىِ أنا
كده حَمار
سَايق يوم
ويوم سَواق
وكل حِمار ف الدنيا
تلاقىِ واقف للكراج زِنهار
لأجل ما توصل للمشوار
لأجل ما ليلك يلقى نهار
أُمال إيه؟
فاكره هِزار؟‍‍‍
شىِ..ياحِمار

قبل ما يومنا بينا يشرق
أصحى معاه وبسرعه نورق
تبن ..وميه..يمرح ..أكركر
ينشط وأنشط..نسعى..نجرجر
منكم مين زينا يقدر؟
شِى ياحِمار
إسمع..شوف ويايا ..يابيه
هِىَ المسألة.. إيه؟
أنا مره بأشد
ومَره بألين
أصل حِمارى طبعه كهين
لو حَكمت..أجَعر
حكمت….. دوغرى
أحَاحىِ وألين
أصل حماري فاهمني
وعارف إنى بأعزه
وأبقى له مين؟
شِى يا حمار
بص ياأفندى:
حسب الحالة
مره.. نط رقع ..مَغنى ورقص
ومره.. شحيِر
عِشرة طويله
ما بينى وبينه
قُلتك إيه؟
أوقات أَمَيل
ومعاه أتكلم
عن أحوالي
وأرمى أسراري
جِواه ف بِير
وأخد رأيه
ف حيرتي وحيرته
ورأيك إيه؟
بعض أوقات بتصح مشورته
ووقت راحتنا
ف طِله بنركن
هِوه يمول
وأنا بأتمول
وأرش الميه على العجلات
ولا بنزين .. ولا تاكيهات
بس وقودنا .. فى العضلات
شي يا حمار
أما بيإذن..ييجىِ زبون
ويفوت لنا على طول عربون
يجي يقولي أنا ع العنوان
دوغرى أقوله..
عليك بحماري
أه ياحِمارى
أيوه أوقات أنا بأجى عليك
شخط ونطر..وزك زك شِى
بس الشخط ده مش ف النية
ياأبنى بأربي.. ودى حِنيه
حا ..ياحِمارى
شِى.. ياحمارى
ياصاحبى وطلى وبير أسرارى
وإنت يا بيه
قُولك إيه؟
لاء مش بيه
والله حِمارى ده هوه البيه
عقله كبير ..ونصاحته نصاحة
والمعضلة دىكهيه هناك
لو حتشوره .. يقولك هيه
أمريك..مهيص..إسراليشن
لو حتطاطى .. زيِى تجرك
شِى ياحمار
جاى زبون
وشغله لذيذه
وفيزته عاليه..بينا ياعزيزه
حمل تانى وجر ياواد
إلحق وقتك ل..اليوم فات
خايف أتأخر
ل..تسممنى مراتى (نجاة)

[align=center]بتغشيني با بنت الشولي
جايبه حمارة حطه منكير
ولبسه جاكت كمه طويل
والوش متغطي ببشكير
****
ومتخَّنه صوتها تمللِّي
تجي تنحَّ تعمل صوت
يطلع منعَّم يا حالوللي
زي أغاني المطربات
حتي الماشية فيها دلال
والوسط ع الدرنه بيرقص
كعب البوت رنة خلخال
ماشي وراها ألف حمار
حتي كمان الصول عبعال
ماشي يقيد في مخلفات
*****
دايماً بتمشي خلف خلاف
والخطوتةا حدفه شمال
حني عليها بقي ووديها
للشفاخنة أوطب بيطار
يعملوا ليها كم عملية
ويقلبوهالك بقدر قادر
حمار كارو عفي وجبَّار[/align]

**سيدة الشولى** · 26-10-2007, 13:14

]

بتغشيني با بنت الشولي
جايبه حمارة حطه منكير
ولبسه جاكت كمه طويل
والوش متغطي ببشكير
ـــــــــــــــــــــــ

أنا بنت ال....... شـــــ .............. ى

وإنت إبن ال .... شـــ .............. ى

حد يعاير بنت ........ إخـيـ .......... ى

ههههه
ــــــــــــــــ
تواصل ولا أجمل
أخى / الشربينى
أيوه كده صحصح معايا
بكره نشوف لحمارك وحمارى حل

تحياتى

[/B]

**حسني عبدالله جاد** · 26-10-2007, 18:13

شوفتوا حميرنا والله انشهرت
واخدين جايزه همه كمان
جايزة مطرح جايزة مسرح
جايزة كرسي من الأعيان
وسط زريبة ماتفرق بينهم
لابسين بدلة عليها جنان
كل الناس يتمنوا يعيشوا
وسط الرفس من الحرمان

**سيدة الشولى** · 26-10-2007, 18:29

[align=center]

عِيش حمار..لاغى حالك
وطى راسك .. وإنت ماشى
إنسى عقلك ..إنسى قلبك
كُل وأسكت ..إوعى تركض
إوعى ترفُس ..لو رفست
جحش تانى ..يجرى ..واشى
تلقى حالك ..وسط عيبه
والطوارىء ..يعنى خيبه
تتحرم تمشى فى حالك
تتحرم منك عيالك
عيش حمار
لا تقول مرتب ولا أسعار
بلاها فهم بلاها حِس
بس شى..بس هِس
لا تقول عيال لا تقول ضرورى أو محال
وطى راسك وإمشى دوغرى
لما توطى ..فيه خلاصك
م اللى تابعك واللى راصدك
واللى سامعك وسط ناسك
ريح وعاتيه دايسه ..ماضيه ..عايز إيه؟
كل يوم..آكل وشارب
كفايه ولا مش كفايه؟ رُد ...جاوب
آه..نسيت إنك حمار
طب نتفق ..إرفس أنت
دوغرى حأفهم الأجابه
رفسه معناها : كفايه
رفستين: حررررررررام (كفايه)
إيه ..فى إيه؟! كل ده بترفسنى ليه؟!
آه فهمت والله دأنت مش حمار.. دأنا الحمار

[/align]

**الشربينى خطاب** · 26-10-2007, 19:07

[align=center]زر00يا زرْ
حاااء 00حاااء
قول واشتر
حاااء 00 حاااء
نهقْ وأرفص
حاااء 00 حاااء
أو حتي تعض ْ
حاااء 00حاااء
برضه نقول لك
زر00يا زرْ
*****
عمر ك شفت
حاااء 00حاااء
حمار بيأَّمصْ
حاااء 00 حاااء
بيحسد جاره
حاااء 00حاااء
ونازل قرْ
حاااء 00حاااء
لو تشترْ
حاااء 00حاااء
برضه نقولك
زرْ يا زرْ
[/align]

**أسامة أمين ربيع** · 26-10-2007, 19:20

[align=center] ابويا طلعتوه حمار فكان طبيعي يجيبني جحش
لا اعرف نبي من اجنبي
و لا مين ما جاش ولا مين ما رحش
موسى نبي
عيسى نبي
كمان محمد كان نبي
و يا قلبي صلي ع النبي
و كلنا نحب النبي
و كل وقت وله ادان
و كل عصر و له نبي
***
و احنا نبينا كده
من ضلعنا نابت
لا من سماهم وقع
ولا من مرا شابت
ولا انخسف له القمر
ولا النجوم غابت
ابوه صعيدي و فهم قام طلعه ظابط
ظبط على قدنا و ع المزاج ظابط
فاجومي من جنسنا
ما لوش مرا عابت
فلاح قليل الحيا
اذا الكلاب سابت
ولا يطاطيش للعدا
مهما السهام صابت
عمل حاجات معجزه و حاجات كتير خابت
و عاش و مات وسطنا
على طبعنا ثابت
و ان كان جرح قلبنا كل الجراح طابت
ولا يطولوه العدا
مهما الأمور
جابت

منقول ... يبدو أن الحماريات قديمة وعليكم معرفة الشاعر والمقصود من الحمرنة
[/align]

**سيدة الشولى** · 26-10-2007, 19:37

الشاعر
الفاجومى
هو/
أحمد فؤاد نجم
شفاه الله وعافاه

**الشربينى خطاب** · 27-10-2007, 05:54

المشاركة الأصلية بواسطة أسامة أمين ربيع مشاهدة المشاركة

[align=center] ابويا طلعتوه حمار
فكان طبيعي يجيبني جحش
لا اعرف نبي من اجنبي
و لا مين ما جاش
ولا مين ما رحش
موسى نبي
عيسى نبي
كمان محمد
كان نبي
و يا قلبي
صلي ع النبي
و كلنا نحب النبي
و كل وقت
وله ادان
و كل عصر
و له نبي
***
و احنا نبينا كده
من ضلعنا نابت
لا من سماهم وقع
ولا من مرا شابت
ولا انخسف له القمر
ولا النجوم غابت
ابوه صعيدي و فهم
قام طلعه ظابط
ظبط على قدنا
و ع المزاج ظابط
فاجومي من جنسنا
ما لوش مرا عابت
فلاح قليل الحيا
اذا الكلاب سابت
ولا يطاطيش للعدا
مهما السهام صابت
عمل حاجات معجزه
و حاجات كتير خابت
و عاش و مات
وسطنا
على طبعنا ثابت
و ان كان جرح قلبنا
كل الجراح طابت
ولا يطولوه العدا
مهما الأمور
جابت

منقول ... يبدو أن الحماريات قديمة وعليكم معرفة الشاعر والمقصود من الحمرنة[/align]

[align=center]
الأستاذ الفاضل / أسامة أمين ريع
مرحباً بك في زرْ
ونقول
[/align]
[align=center]
أنا فاكرلمَّا إنسأل[/align] [align=center]عن مهنته وجنسه
قال بالنهيق دغري
لاأنا هانكسف
من إسمي
ولا مهنتي وجنسي
طب هانكسف
من إيــــه
كتبوا ف شهادة
قيدي
عدم المؤاخذة
يا سبدي
جحش وحمار
يا بيــــه
****
ومسير إبني
البكري
يجي في يوم
ويمتحنكم
وييسأل عن جدوده
ومين اللي فضحهم
واتعدي معاهم حدوده
أحمد فؤاد تجم
ولاَّ شاعر
شب عوده
وقال قصيدة
في حماره
لبد لها
ف زريبه
حتي يومها
ما سرحش
****
ظبطوه
بتمرمغ مهاها
خدهم الهوي
والشوق
فجابولنا
جناب الجحش[/align] [/size]

**الشربينى خطاب** · 30-10-2007, 07:15

المشاركة الأصلية بواسطة سيدة الشولى مشاهدة المشاركة

[align=center]

عِيش حمار..لاغى حالك
وطى راسك .. وإنت ماشى
إنسى عقلك ..إنسى قلبك
كُل وأسكت ..إوعى تركض
إوعى ترفُس ..لو رفست
جحش تانى ..يجرى ..واشى
تلقى حالك ..وسط عيبه
والطوارىء ..يعنى خيبه
تتحرم تمشى فى حالك
تتحرم منك عيالك
عيش حمار
لا تقول مرتب ولا أسعار
بلاها فهم بلاها حِس
بس شى..بس هِس
لا تقول عيال لا تقول ضرورى أو محال
وطى راسك وإمشى دوغرى
لما توطى ..فيه خلاصك
م اللى تابعك واللى راصدك
واللى سامعك وسط ناسك
ريح وعاتيه دايسه ..ماضيه ..عايز إيه؟
كل يوم..آكل وشارب
كفايه ولا مش كفايه؟ رُد ...جاوب
آه..نسيت إنك حمار
طب نتفق ..إرفس أنت
دوغرى حأفهم الأجابه
رفسه معناها : كفايه
رفستين: حررررررررام (كفايه)
إيه ..فى إيه؟! كل ده بترفسنى ليه؟!
آه فهمت والله دأنت مش حمار.. دأنا الحمار

[/align]

شيلي يا اختي
بقي بردعتك
وقمصي ووريني
نفسك ومجدعتك
أصل أنتي غلَّبتيني
وعشان كده
عايز اعرف
أصلك وفصلك
وايه مراد
من ورا ذلك
وإيه بقي مصلحتك
من غير ما أرفصك
أو أدهس بحوافري
جتتك ومشاعرك
*****
شاطره ولهلوبة
يا بونيتي
تعرفي تنهقي
وتزغرتي
ولا انتي ساذجة
وعبيطه
ولاَّ حمارة
مكاره وذكية
ولاَّ بليدة وغبية
ولاَّ انتي بستطعبتي
****
طب وحمارك
اللي مهاودك
جيباه منين يا شاطرة
لقياه مع المطاريد
في الجبل هربان
رفص وقتل قتيل
ولاَّ عليه حق وتار
***
ولاَّ انتم منين
م الأساس
جيين سوا من قبلي
مع زوف النيل
اللي جاي
من الحبشة والسودان
قاطع لنا المشوار
ولاَّ هو بحار
وراكب سفينة
ضرب عليها
لك كم موال
ولاَّ سغَّال شيال
في مينا
ولا حمارعتَّال
ولاَّ نوتي مركب
شايله قلل الميَّة
وبلاليص الفخَّار
ما تقري يا سيده
جايبه منين الحمار
ما تجولي يا بنيتي
ربك حليم ستار
ولاَّ أنتم م الأساس
جين سوا عايمين
علي ضهر بلاص

**سيدة الشولى** · 30-10-2007, 11:13

إحنا فينا من البلاص والقرطاس
ياعم شى
أنا برضُه شى

(شربينى
وشولى)

تعالى بقى نتفق
نعمل هدنة

على فكرة النص ده عندى من سنين ونزل فى جريدة

بس أنا بأحب أهرج

**الشربينى خطاب** · 31-10-2007, 04:38

المشاركة الأصلية بواسطة سيدة الشولى مشاهدة المشاركة

إحنا فينا من البلاص والقرطاس
ياعم شى
أنا برضُه شى

(شربينى
وشولى)

تعالى بقى نتفق
نعمل هدنة

على فكرة النص ده عندى من سنين ونزل فى جريدة

بس أنا بأحب أهرج

الأستاذة الفاضلة / سيدة الشولي

تقول النظريات النقدية المتطرفة بموت المؤلف بمعني انفصاله عما كتب ، وليس بالدرورة أن يكون هو ماكتب
وإلا أصبح نجيب محفوظ هو سعيد مهران بطل قصته اللص واكلاب فما نكتبه هو تعبير عن حالة أو تجربة نستخدم فيها الرمز ، ولبس هذا من اختراعنا ولكنه وصل إلينا من إبداعات السابقون مثلاً "ابن المقفع ـ الجاحظ " الذين كتبوا ما ارادوا علي لسان الحيوان أو قولي كالدواء المر فيه قدر من العسل يستسيغه المريض حتي يشقي من علته
فلا عليك 00 هرجي كما تشائين 00 هل تسمعين عن فرقة ساعة لقلبك هل تعرفين فن القاقفية 00 تدخلي قافية 00 ايوه أبوك 00 اشمعنا 00 ثم يبدأ التهريج
غلب حمارك ولاَّ إيه ؟
صبحين وحته كده و بــ 0000
تحياتي ومنظر رفصه من حمارك

حماريات 00 لو غاوي 00شارك ببتين

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث