تويت
تباريح لوش الفجر
كان النهار
بيعدى
على كل البيوت
تطرح خضار
ترمى قمح
ترمى توت
لو شاف حزين
لو بس يسمع
صوت أنين
يزعل يموت
قلبه
من كتر الاسى
سابه فى جزيرة
اتنسى
بقى عنكبوت
بقى اخطبوط
كابوس
بيسرق كل خطوة
الحلم من صدر
لتابوت
التوهة حطت ع العقول
والنفوس
نامت على بوبها
نوة وحشية
راكنة
أهيه بتزوم
والهم قاعد
مينا منشوقة
قارب معدى
لابيجيب
ولا يودى
والناس مابين التوهة مسروقة
الشمس تاهت ف السحاب
والقمر عيط
ونادى بشوقه
وماعدتشى غير الحزن باقى
يانوة شردانة شراقى
لمت فى سكتها المحبة
والوداد
والمساقى
الشمس تاهت ف السحاب
قمر الصبايا الحوروغاب
طوق النجاة
مقفول عليه
ألف باب
اطلقه
يزيح العذاب
والوش المرائى
نجم الصباح هايضمها
ويلفها
ويلف بيها ع الملأ
يلضمها
فى كردان
أو فى حلق
تحرص شطوط الحور
وتدق هون للفجر
يشهق
ينطلق
تعليق