الله عليك يارائع

دا كلام ولا مدافع

ولا كرابيك سوداني

مخصوصة لكل مايع

وخليني اشاركك بكلمتين

طالعين من قلم مكسور

دول ديابة
قال وجايين يحرسوكي
يخدموكي يابهية
ويِفْرحوكي
والحقيقة
كل دول اللي باعوكي
وقطعوكي يابهية
وشردوكي
الناس دي ماتت عندهم
نخوة ضميرهم
والإنسانية والمحبة ودعوا
الدنيا عشانهم
دالطفل قبل ما يتولد
قتلوا الفرح ف عنين ابوه
ياكل بكام يشرب بكام
ومنين حيلبس هدمته
هوه وأخوه
وازاي حياكل لقمته
والأكل متسمم ياهووو
ده طفل لسه ارحمووووه
***
وللحديث بقية

سلمت يادكتور

وسلمت افكارك

امتعتني وجعلتني اتمايل على لحن كلماتك

رغم مابها من مآسي

وكمال يقال

شر البلية مايضحك

تحياتي

حسني جاد

[align=center]الناس الطيبين
أنا وانت والسامعين
واللي بينكروا ذاتهم
واللي بحبوا القمر
****
أنا ستي علمتني
ورق الشجر بصفر
وف الربيع بخضَّر
واللي بحين أجله
من الأزهار والبشر
بيبقوا من الأخيار
ويفضل علي المداود
شر الناس والبقر [/align]

أتقنت وأحسنت .. فأجدت
أنعم الله عليك بالمزيد.. لعل العالم يستفيق
شكرا لرائع النشيد.. فلو حفظتة الأجيال لكانت لهم عظة ونبراس يقتدوا ويتعلموا كيف يضعوا ايديهم على أس البلاء
"وانا مالي بالبلد"
رائع كالعادة أينما حط بك المداد أستاذنا الفاضل وشاعرنا الرائع
د. جمال مرسي

فعلا و الله يا أستاذنا جميل حسني جاد
شر البلية ما يضحك
نتمايل مع الشعر الحزين و المؤلم و الذي يضع الملح على جراحاتنا .
حين قرأت رائعتك فين حارتنا وجدت نفسي و بدون أن أدري أقول و أنت تسأل عن الحارة و ناسها الطيبين .. الناس يا ميت خسارة اتغيرت و كانت هذه الكلمات
أشكرك من كل قلبي أخي الجميل .. و شكرا لتواصلك شعرا بهذا الجمال
و لك خالص الحب و التقدير

الناس الطيبين
أنا وانت والسامعين
واللي بينكروا ذاتهم
واللي بحبوا القمر


صدقت أخي الحبيب الشربيني
فالمثل يقول : لو خليت بليت
و الحمد لله أنها لم تخلُ من الناس الطيبين و إلا لهلكت و ضاعت للأبد
شكرا لمرورك الجميل
و تواصلك الأجمل

ما تولَّع البلد!
هو انا كنت أبوها
ولا وريث متبِّت
في ورث اللي جابوها
إن شالله يا سيدي تولع
وان طافية غرّقوها

ليه بس العناد
والضيقة ع العباد
ما تسيب البت ترقص
وتسحب الأولاد
بلاش كده تعقيد
كفاية الهم زاد!

وسيبك م السياسة
وسلِّك في الخباثة
كل الأمور تنحل
بالواسطة وبالنخاسة
وان غاب عليك القرش
هتجيبه بالمياصة.

كل البلاد حوالينا
بيقولوا يا عيني علينا
مش هي دي المحروسة
وشبابها ابن اللذينا
تايهين والنيلة عامة
في القرية وفي المدينة.

وآدي الشباب سهران
في العهر وفي الدخان
ليه حق الكلب يفرح
ويهز الدّيـل كمان
مش جنابُه اترقّّى
بقى قطة من السمان؟!

الرائعة عبلة زقزوق
أصعب ما يراه صاحب بصيرة حالة اللامبالاة التي تنتاب الكثيرين فيما يتعلق ببلدهم و أوطانهم
فيكون ردهم ( و انا مالي )
و كأنه ليس جزءً لا يتجزأ من تراب هذا الوطن الغالي
حفظك الله و الشكر و التقدير لك على كلماتك العذبة
محبتي

أخي الحبيب و شاعرنا الجميل د. أحمد الليثي
دائما ما ترد شعرا و القريحة حاضرة و متقدة لا حرمك الله منها
و دائما ما تكون لردودك هدف و تحمل رسالة الأدب الساخر الناقد لأوضاع المجتمع
و هذا شيء مميز لك و يحسب لك
فلك كل تقديري و احترامي
و شكرا لك

والله أنا شايفة إني ظلمت نفسي جدًا جدًا

كوني حرمتها من الجمال والإبداع اللي ف صفحتك يا دكتور جمال

ما بين نصك الساخر اللاذع الهادف وبين تواصلات شعراءنا المبدعين

ألف ألف تحية وشكر وتقدير للجميع ودمتم ودام الإبداع عنوانكم

وربنا يسعد أوقاتكم بكل خير

أنت شرفتي و نورتي يا دكتوره آمال
فقط أرجو منك ألا تطيلي الغياب
فأنت من الشاعرات اللائي نسعد بالقراءة لهن
و لك في العامية كما قلت لك نكهتك الخاصة
فتقبلي خالص مودتي و تقديري و امتناني
و شكرا لك

ياخسارة ومية خسارة
كان الحب بيرفع زمان
اتاري الحب بيهدم حيطان
ويخلي الناس قطط سمان
عقل مافيش زي الغربان

تقديري

شكرا لك مرورك أختي ريمة
و جميل منك هذا التواصل
بارك الله فيك
و لك التقدير

جميل يا حبيبنا د. جمال الجميل

[QUOTE=د. جمال مرسي;34638]الناس ... يا خسارة

[frame="10 70"]الناس يا ميت خسارة
ليه بس اتغيرت
طبعاً ما عادتش هيه
و قلوبها اتحجرت
و لا عاد شبابنا عتره
أو بيفكر في بكره
كل اللي همه نفسه
و لا خايف ع. البلد

اليوم دا ماتش كوره
و الدش و الموبايل
عربيه موديل سنتها
بيها بيعمل عمايل
اليوم مع سوسو هانم
و بكره زيزي سالم
و اللبس من فرنسا
مجنون و جاتله هوسه
طب ليه يكون ساعتها قلبه على البلد

و بنات آخر مياعه
عايشين العمر ساعه
مكياج و جينز ولعه
و المشيه بالرقاعه
لمَّه الشبان وراها
في صبحها و مساها
و الليلة أحلى سهرة
و بكره .. ؟
خلّي بكره
طب و ايه يعني اللي يجرى
لو تسحب ميت ولد
و تولع البلد .

الكل .. يا ميت خساره
فاكر التهليب شطارة
يسرق من خير بلدنا
يبنيله كام عماره
و لا حد عاد يفكر
لو يصبح أو يمسّي
غير كلمة يللا نفسي
و تولع البلد

شوفتو القطط السمان
بيقولوا كات زمان
يا عم زمان دا ولى
احنا ولاد انهارده
ماليين الدنيا سرقه
و فلوس ف. بنوك سويسرا
و جواز سفر مزور
و ف. لحظه يبقى برا
و تولع البلد

و البيه مدير في شركة
فاكر ورثها تركه
لو جات له ميت مناقصة
بالنص قسمها شركه
و موظفينه زيه
فاتحين درج المكاتب
حط البريزه يللا هتكون حبيب و صاحب
مصلحتك تنقضي
و ورقك يتمضي
و ان شالله الدنيا تخرب
و تولع البلد

و سعادته كان بيهبر
كلمته بالهدوء .
يا عم خاف دا ربك
ما يحب أي سوء
دا انت سعادة العميد
خليك معانا نبني و نعمر من جديد
رد بسلامته قال لي :
و منين نجيب حديد ؟؟
ما هو عزو الله يعزو
حط البلد في ايد
و ليه ما كونش زيه
و انا مالي بالبلد

الناسي الطيبين
راحوا فين يا معلمين
جاوبوني لو حداكم
جواب يشفي الأنين
أنا بس عاوز أسال
فين بيروح الضمير
و الخوف من رب واحد
يوم العرض الكبير
فين الأمانة راحت
طب فين انسان زمان
بتقولوا كان زمان ؟
طب ليه ما يعودش تاني
و نفكر من جديد
نبني انسان جديد
و نحط ايد في ايد
نبني بلادنا الجميلة ...
و نعمر البلد.[/frame]


[frame="5 70"]ما لنا إحنا والبلد
و تولع البلد .
أخي الحبيب د. جمال مرسي
بوركت وبورك نبضك الوارف، المعانق للإنسانية النقية، المورق بجمال الصورة، بخيالات متدفقة...
سيعو اليوم ونبني البلد...
مبارك لكم هذا القريض.
لك خالص المودة.[/frame]