كل واحد حر بنفسه
يقدريعمل اللي يعجبه
وأنا قلبي ايه اللي نقصه
غير إنه يشطب عللي معذبه

خلاص يا حبيبي أنا مبقتش أحبك
أنت جارح قلبي ومعاك متعبوا
ولو كلامي كان مش عاجبك
أعلى ما في خيلك اركبوا

إطلع بقى من راسي
وشفلك حد غيري تحبه
دا أنت الوحيد اللي واجع راسي
في مشوار حُبه

لا أنا عبيط ولا بستعبط
كل غلط في حياتي بحاول أزبط
دا عشان مرجعش تاني وأغلط
أصل أنا بتخان من كل واحد بَحِبه

أنا نفسي لما أعشق ألاقي حد يصوني
دا أول ما الحكاية تبدأ إبن الملعون يخوني


***********
من صغري سني وأنا جدي
ما بقولش كلام فارغ
وأما أتكلم بتكلم على قدي
ما عرفش أكدب وأبالغ

دا أنا غير الكلمة الحلوة ما تخرجش من بوئي
أصلي بحب أظهر للناس محبتي وصدقي
إنما اللي ح يفكر يغلط في حقي ..
ح يدفع تمن الغلطة مبالغ

من صغري سني وأنا راجل
واخد حياتي بمعنى جد
وأنا لحمي مر ومش بيتاكل
صعب أتهزم قدام حد
أصلي أبويا علمني أداب الرجولة والجدعنة
ولا عمره في يوم قلي على حكايات الولدنة
ما هو أصله أبويا جامد وبيحب الحمشنة
يعني ما يرضاش لإبنه يبقى واد

**