عسل و لمون

**د. جمال مرسي** · 11-11-2007, 06:50

المشاركة الأصلية بواسطة زاهية بنت البحر مشاهدة المشاركة

عسل ولمون عسل ولمون
الوصفة دي تجيب المنون

ربنا يبعد عن الجميع هذه الوصفة
ولكن بصراحة كان لها الفضل بإلهامك هذه القصيدة
بارك الله بك ورعاك أخي المكرم د.جمال
أختك
بنت البحر

و الحمد لله يا زاهية إن الوصفة دي من الخيال فقط
و لهذا فأنا أشكرها مثلك لأنها ألهمتني هذه الكلمات
شكرا لوجودك و قراءتك و أهلا بك دوما
مودتي و تقديري
د. جمال

**د/ أحمد الليثي** · 11-11-2007, 08:31

إلحق يا طبيب الغرام، شوف وصفتك!
خدَتها بالأمس واليوم باريد حكمتك
راح برد الجسد، وصابني حـريق
في القلب قايد، لهيب، من كلمتك.

**عبدالرحمن السليمان** · 11-11-2007, 08:48

المشاركة الأصلية بواسطة ahmed_allaithy مشاهدة المشاركة

[poem=font="Traditional Arabic,7,blue,bold,normal" bkcolor="transparent" bkimage="" border="none,4," type=3 line=0 align=center use=ex num="0,black"]
إلحق يا طبيب الغرام، شوف وصفتك!
خدَتها بالأمس واليوم باريد حكمتك
راح برد الجسد، وصابني حـريق
في القلب قايد، لهيب، من كلمتك.[/poem]

أخي الدكتور أحمد،

يحق لك في هذه الحالة رفع دعوى على طبيب الغرام بسبب الحريق. وأرجو أن يكون لدى طبيب الغرام تأمين ضد الحريق، ذلك أن وصفته المشهلبة تذكرني بسكنجبينات العطارين الخطيرة!

**د/ أحمد الليثي** · 11-11-2007, 09:01

جربت ميّه وتلج، وكمّاداتِ وخَلّ
وسيبت شمس الهوى، وقعدت اهوه ف الضِّل
والقلب ما ينطفي، والله زاد شعاليل!
قول يا طبيب واسْرِع، قول لي أيش الحلّ؟

**د/ أحمد الليثي** · 11-11-2007, 09:17

جيت لك يا طبيب وإيدي ليك ممدودة
لقيتك ف نعمة وهنا، والنعمة محسودة
ليه في ناس حظها تنعَم، وناس مالهاش
إلا التعاسة، والفرح سكِّتة مسدودة؟

**د/ أحمد الليثي** · 11-11-2007, 09:22

بعد الفشل الذريع لوصفة الدكتور جمال، وفشلنا في استقطابه للرد وخاصة بعد أن علمنا إنه لمّ القرشانات وهاجر في عجلة واضحة إلى أدغال المكسيك، قررنا ما يلي:

وصفتك يا طبيب وصفة حروق وآلام
هارفع عليك قضية في المحكمة وقـوام
والمحامي م البلجيك، واسمه السليمان
ودي مش جنحة وياللا، دي جناية فيها إعدام.

**عبدالرحمن السليمان** · 11-11-2007, 11:39

المشاركة الأصلية بواسطة ahmed_allaithy مشاهدة المشاركة

بعد الفشل الذريع لوصفة الدكتور جمال، وفشلنا في استقطابه للرد وخاصة بعد أن علمنا إنه لمّ القرشانات وهاجر في عجلة واضحة إلى أدغال المكسيك، قررنا ما يلي:

[poem=font="Traditional Arabic,7,red,bold,normal" bkcolor="transparent" bkimage="" border="none,4," type=3 line=0 align=center use=ex num="0,black"]
وصفتك يا طبيب وصفة حروق وآلام
هارفع عليك قضية في المحكمة وقـوام
والمحامي م البلجيك، واسمه السليمان
ودي مش جنحة وياللا، دي جناية فيها إعدام.[/poem]

أخي الدكتور أحمد،

إذا مسك ضرر ــ لا سمح الله ــ من وصفة الدكتور جمال وسكنجبينه، فسيملأ المحامي الأرض عليه دعاوى وخيلا أقصد سلطات عامة بقوة القانون .. ولا بد قبل كل شيء من وضع جرد بقرشاناته حتى لا يتمكن من تفويت شيء منها بنقل ملكيته إلى طرف ثالث معلوما كان أم مجهولا، أو ما أشبه ذلك من حركات تفويت الأموال والأملاك، لأن القانون البلجيكي يلغي أي توفيت كان قبل خمس سنوات من صدور الحكم في نازلة الحال!

ثم إن قلوب المحبين ليست لعبة بأيدي العطارين قال المعذب:

تالله لقد سمعت في الأسحار ***** عن جارية تدق في الأوتار!!
تالله لقد سمعت من منطقها ***** من عذب عاشقا جزي بالنار!

**د/ أحمد الليثي** · 11-11-2007, 11:48

الله أكبـر! آدي المحامين والا بلاش.
الحرق الحرق! النار النار!

المطافي المطافي ههههههههه.

**عبدالرحمن السليمان** · 11-11-2007, 12:12

أخي الحبيب:

صدر الحكم على الطبيب الذي سبب لك ما سبب وختم عليه بخاتم المحكمة وذيل بالصيغة التنفيذية وأمر جلالة الملك وهو:

وبناء على ذلك يأمر جلالة الملك جميع الأعوان ويطلب منهم أن ينفذوا الحكم المذكور، كما يأمر الوكلاء العامين للملك ووكلاء الملك لدى مختلف المحاكم أن يمدوا يد المعرفة لجميع قواد السلطات العامة وضباطها وأن يشدوا أزرهم عندما يطلب منهم ذلك قانونيا أو كيفما اتفق

ولا تزال أجهزة الاستطلاع والتحرش والسلطات العامة تبحث عن الطبيب لتبليغه الحكم وآجال سداد مبالغ التعويض عن الأضرار الناجمة عن استهلاك وصفته المسببة لاشتعال القلوب وحريقها بدلا من البرد والسلام لها .. لكن الطبيب اختفى ولا يعلم له أثر الساعة!

ولكن الحكم لا يسقط بالتقادم فطب خاطرا!

**د/ أحمد الليثي** · 11-11-2007, 12:36

يـحـيـى الـعــدل! يـحـيـى الـعــدل!

ويحيى ابوها وشنبه كمان! هههههه

**د. جمال مرسي** · 11-11-2007, 16:16

ههههههههههههههههههه

مظلوم و الله مظلوم ( مطلع أغنية لحلوم )
و بأي ذنوب أنا محكوم
انا قلت الوصفة بتاعتي
على ايه بتحمّل دا اللوم
***
الشاكي كتّر في الجرعة
و بنار الحب أخد لسعه
لا الميه هتنفع م. الترعه
و لا حتى البحر و لا العوم
***
و القاضي أنا شوفته موارث
و باينله هيقلبها كوارث
يحكم في محاكم بلجيكا
طب فين محكمة الفيوم
***
بيقول القاضي الشملول
هرب الدكتور المسئول
خلينا نفتش في جيوبه
أحسن يهرب بالمعلوم
***
يا سيادة القاضي اسمع مني
أحسن حكمك هيجنِّني
البلد اتنهبت أموالها
و سابوني في حيرتي محروم
***
و الشاكي لو جه .. هرضيه
أو أرده لوعيه و اهديه
و اوصف علاج يحلم بيه
لو داقه ما يقوم م. النوم
***
بس انت تكون قاضي مفتّح
و مصحصح للحكم مصحح
و تكون أحكامك شيئ يفرح
مش تظلم و تبات مهموم

آنسكما الله أخي د. أحمد
و أخي د. عبد الرحمن
و أنا معكما على الخط
محبتي

**د/ أحمد الليثي** · 13-11-2007, 08:50

يا نهـار أزرق كحلي ف بُنِّـي
بقى تتبرى من وصفـاتك؟
يعنـي اتدبس وتجننـي،
ما هاسيبك، واحلف بحياتك.

خَدْت الجرعة أنا زي الوصفة
سمِّيت ربي وقلت يا هـادي
طلعت سُكَّر، حفيت حفـة
وقلت نهـارنا دا فل ونادي

شفت القطة انا نَطِّتْ نطّـة
وكمان نطة من الناحية دي
قلبي اتشعلق، حَطَّة يا بطـة
وبقيت دايخ ما اعرف مالي.

عايز القطة يا عمـو جمـال
وما ليش دعوة انا لسه صغير
نفسي اتمتع ، وده مش حال
آخد شفطة أَلُوصْ واتحيَّـر؟!

خمسة وستين سنة يا شجون
هادي البال، مكتـوم البُق
آخذ شَرْبَهْ عسل ولمـون
أَطُبّ ساعتها ومن غير لأ؟

يعني ده برضه دا إسمـه كلام
وتقول إني يا ناس غلطـان؟
واحدة تقول لي "يا ليثي سلام"
ألقى الشربة تجيب لي جنـان؟

طب لو قالت "يسعد يومك"
والاّ اتصـلت بالتليفـون
وخدت وادِّت مع محسوبك،
أقضي الليلة دي ف الكراكون؟

أنا يا خوانا كبـرت خلاص
على وصفات من هذا النوع
وانت قايل لي "اشرب بلاص"
رُحْتِ شْرِبْت، وآديني موجوع.

ينفع يعنـي أعيش ولهـان؟
شوف لنا شَرْبِةْ زيت وكوارع
أرجع زي مـا كنت زمـان،
أو ما هاسيبلك ست ف شارع!

فارحم يا بني كبيـر ف السن
خلينا نختم -واهي نصيحة-
بالأعمـال الصـالحة الْمُكْن
قبل ما اجيب لك يا بني فضيحة.

كح كح كح كح!!

**ريمه الخاني** · 13-11-2007, 09:22

زيدوا الوصفه طناش
دي وصفه ياصحبي بلاش
لاشيكات ولا كمان كاش
وموضوع رروووووووعه

**د. جمال مرسي** · 13-11-2007, 13:02

كح كح كح كح!! كح كح كح كح!!
صاحبي يا ناس م. الحب أهو كحكح
قلت أدور وصفة جديدة
تشرح قلبه يا رب و يفرح .
***
قلت أجيب له عودين جرجير
مع جمبري و اعملها عصير
يشرب منها يا دوب كام شفطه
قلبه يزأطط يجمع يطرح
***
بس أمانة تكونوا شهود
شفطة يا دوبك و اوعى تعيد
أما ان خدت الشفطة التانية
يبقى خيالك لازم يسرح
***
بس ساعتها انا مش مسئول
ع. اللي هيجرا و مش راح أقول
لو دورت التانية ، التالته
أم عيالك مش راح تسمح .
***
و ساعتها تروح تشكي عليا
في المحكمة و تقول دا رزيا
و آه م. القاضي يكون بلجيكي
ميه المية يسن و يدبح
***
بص يا صاحبي قبل ما تشرب
م. الوصفة دي مش رايح اهرب
أصل دي وصفة خفيفة و سهله
و اوعى تكون فكرتني بمزح
***
مرة أخدها حبيبي و صاحبي
كان شغال في البحر مراكبي
تاني نهار لقيوه غرقان
في بحور عينها برمش بيجرح
***
دقوا الزار و جابو له بخور
قال يا اخوانا ما نِش مسحور
أنا حبيت و الحب دا نعمة
للي يقدّر و اللي بيطمح
***
فوقت ف. يوم فلقتني بطير
من وصفة صاحبي الدكتور
لا تقوللي اماره و لا أمير
عرش الحب جماله بيشرح
***
كح كح كح كح !! مش راح أكح معاك لو تسمح

**د/ أحمد الليثي** · 13-11-2007, 13:44

يعني شايفني يا سي الدكتور
ماكينة طبع فلوس ع الفاضي
جمبري أيه؟ أنا هَهْ مستور
فين أيام الزمن الماضي؟

الجرجير وقدرنا عليه
رغم ما احبه، بس وماله
علشان قلبي النص جنيه
مش راح نخسر لو جبنا له

بس أنا ليا يا دوك سؤال
لو ما عرفتش أعد الواحد
وسرح مخي، وعقلي انشال
واتلخبطت حقيقي وجامد

ينفع يعني أعيد م الأول؟
والاّ اشرب لي عسل ولمون
ع الريق من غير يعني ما افوِّل
وافتح "رابع" ع المأزون

وتشوف وصفة .. إنَّمـا أيه
حاجة بنص ... بربع جنيـه
مش جمبري مِ الحسرة عليه
دا انا لو شفته حابوس رجليه.

عسل و لمون

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث