الأوِّلَـة آآه أنا حبِّيـت

**د/ أحمد الليثي** · 27-10-2007, 06:37

الأوِّلَـة آآه أنا حبِّيـت
والثانيَـة آآه أنا طبِّيـت
والثالثـة غرقت ما أبِّيـت

وكل ده من وصفة طبيب
قال للعيون سحـرٌ عجيب
وبلمسة الإيد تنهدم محاريب

قلبي وغوش من الكلام
قلت اشوف نسمَة قوام
واختبـر طب الغـرام.

والنسمة كانت بس نسمة
أوّلها نور ملفوف ف بسمة
والعقل تاه في النصيب والقسمة.

ليه يا طبيب الهوى يا مداوي؟!
لا ده بلسم جروح، ولا أنا غاوي
أمشي على الشط أتوه، ابقى معدَّاوي؟

قبل الدوا يا طبيب كان الفؤاد خَلي
والبال مريّح لا يشتهي حب وقلي
والروح في مُلك الله هايمة وتنجلي

وبعد الدوا مشغول أنا حيران
مرة حزين ومرة ياااااااه فرحان
والقلب بين لوعة ونعيم مرضان

لا الوصل بيشْفِي ولا البعد آآآه بيطبب
أيه يا طبيب الحل، قول يا طبيب واكْدِب
القلب متعلق والعشق مكتوب ومتسبب.

**د. جمال مرسي** · 27-10-2007, 13:22

كده طبيت بوصفة قلتها مرة ؟؟
يا ريتني ما وصفت و اتحدثت بالمرة
لأن نتيجة الأشواق إذا حبيت....... كده مُرة
ساعتها لا ينفع الدكتور و لو حتى ف. بلاد بره

محبتي د. أحمد
و لي عودة للمناكشة

**د/ أحمد الليثي** · 27-10-2007, 15:41

المشاركة الأصلية بواسطة د. جمال مرسي مشاهدة المشاركة

كده طبيت بوصفة قلتها مرة ؟؟
يا ريتني ما وصفت و اتحدثت بالمرة
لأن نتيجة الأشواق إذا حبيت....... كده مُرة
ساعتها لا ينفع الدكتور و لو حتى ف. بلاد بره

محبتي د. أحمد
و لي عودة للمناكشة

أضحك الله سنك يا دكتـور، وأنا في انتظار عودتك. وفي الأثناء أعد لك "وجبتين" على الله يعجبوك.

دمت ودام الـود.

**د/ أحمد الليثي** · 08-11-2007, 16:31

يبدو يا دكتور جمال إن "محشي" اليوم كبس على "قلب" المحب، فلم نرك هنا ولا "هناك" في قاعة الاعتراف.
يبدو أيضاً أن القول "عند البطون تتوه القلوب" صحيح.
وبالهنـا والشفـا.

الأوِّلَـة آآه أنا حبِّيـت

الأوِّلَـة آآه أنا حبِّيـت

تعليق

تعليق

تعليق

تعليق

ما الذي يحدث