رحلة اتوبيس الملتقى (نسخة معدلة)

تقليص
X
تقليص
 
  • الصفحة لـ 5
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 template التالي
  • سعاد عثمان علي
    نائب ملتقى التاريخ
    أديبة
    • 11-06-2009
    • 3756
    #31
    العزيز الغالي-دكتور الليثي-وللا الكمساري بيه
    تصدق...وللا احلف لك
    تصدق ...وللا احلف لك-هذه اغنية قديمة للمرحوم طلال مداح
    -المهم تصدق اني قليل مااضحك-مش دمي تقيل؛لكن لازم يكون الشي بيضحك-
    مع ذلك ضحكت كثير اوي-
    أولاً لبعض الإنطباعات القريبة جدا من طبيعتي
    مثل الحياء-الخوف من المواقف المحرجة-ووالله التمتمة والإستغفارتلازمني
    كمان قلبي بيوجعني من حن لآخر-امور غريبة ولذيذة بتكتبها يادكتور
    بس لو تعفيني اليوم بس من التتذاكر-وانا مستعده ادفع للأوتوبيس كله-ولا اقع في هذا الموقف المحرج
    جميل جدا
    حتى وفاء عرب-فتنت عليابإنطباعها عني باحب النوم ههههههه
    بجد انتهز اي فرصة هدؤ لأنام
    لكن يارالبيتك استبدلت بدل البصل المهروس -فانيليا-وبيض-وسكر-علشان في الرحلات باحب اعمل كيك بانوعه-بالشوكولاته-وبالبرتقال-وبالزبيب
    -المرة الجاية يادكتور-مستعدة اعطيك كيكة كاملة لوحدك بس تنجيني من الموقف المحرج ده
    -معقول ياليث-اكون محاضرة-ومبرمجة برمجة لغوية عصبية-وطباخة عالمية-ومدربة,,,,ونصابة-هنا راح يغمى عليا بجد
    ايه رايك موكي يكفلني؟وللا استاذ يسري-هو كمان عنده شهامة
    وللا اقولك طارق-طارق الأيهمي-ده شاعر رقيق ماراح اهون عليا
    وللا عيسى عماد الدين-ايوه فين عيسى
    اقولك كلهم عارفيني عندك في الوتوبيس -كلمتي كلمة -رجالة-وراح يكفلوني-بلس سايقة النبي بلاش-بلاش تكسفني-ككل الموضوع -جنيه-+كيكة ايه رايك
    صديقاتي كانوا حلوات صلاة النبي عليهم-ماجي-رشا-عايدة-فوفو الفوفل-خلود -لكن لما جريوا م عندي لما شافوك ياليثيهه فكروني بالدجاجات اللي هربت لما شافوا الثعلب
    وقول للجميع والله احتفلت بفوز مصر
    خلاص اتفقنا ياليثي
    يارب اكون قدرت ابرمجك
    على فكرة انا عطري-شانيل-5-وماجي نوار-ومدام روش
    جهزهم علشان لو اغمى عليا تاني
    وياخفي الألطاف نجنا مما نخاف
    ثلاث يعز الصبر عند حلولها
    ويذهل عنها عقل كل لبيب
    خروج إضطرارمن بلاد يحبها
    وفرقة اخوان وفقد حبيب

    زهيربن أبي سلمى​

    تعليق

    • رنا خطيب
      أديب وكاتب
      • 03-11-2008
      • 4025
      #32
      بقولكم ايه...

      الأتوبيس ابو دفشة ده مش ناقص تجمع حريمي فول اتوماتيك..

      كل واحدة حافظة أساليب رية و سكينة و جاي الرحلة قال أيه تشم هواء.. و مين يلي بواجه للأسف عمنا الليثي ..يلي وجه بيحمر من مواجهة الستات .. و للأسف ستات الملتقى ما حدش قادر يضبهم..اصلهم بسبب تحرر المرأة كتموا على نفس الراجل و قعدوه في البيت يشتغل بي بي سيتر و هوس كيبر لحد ما تجي المدام ترضى عنه و مدخلة معاها شوية أكلات يسد فيها صوته.. أصله عامل فيها ديك يصيح فقط عند اقتراب أول الشهر علشان الراتب..

      لذلك بقولكم يا نسوان بلاش الحركات الأرقعة ديه أمام حجنا الليثي..أصلي هو دوغري و مش متعلم على كيد النسوان ده...

      بس بقلكم الحق عليه برضه هو جمع أمة لا إله إلا الله الخاصة بالنسوان في أتوبيس واحد..لذلك يتستحق اللي بيحصل ليه.. ربنا يوقيك .هه


      هي الرجالة فين..بتتفسح فين..و سيبين البلاوي الزرقا ديه..

      تعليق

      • دكتور مشاوير
        Prince of love and suffering
        • 22-02-2008
        • 5323
        #33
        المشاركة الأصلية بواسطة د/ أحمد الليثي مشاهدة المشاركة
        سعاد عثمان (في نهاية الأتوبيس تتمتم في سرعة وارتباك شديد): أستغفر الله العظيم، أستغفر الله العظيم، أستغفر الله العظيم عشر مرات، لأ، اتناشر مرة. يارب الكمساري ما ييجي ناحيتي، يارب الكمساري ما ييجي ناحيتي. ليه بس يا ربي؟ أنا أيه اللي ركبني الأتوبيس ده؟ يارب، يارب، يارب الكمساري ما ييجي ناحيتي. أستغفر الله العظيم، أستغفر الله العظيم.



        وفاء عرب: مالك يا بنتي، فيه أيه؟ بتبرطمي تقولي أيه؟
        سعاد عثمان (وهي لا تزال تتمتم): أستغفر الله العظيم من كل كمساري زوغت منه، ومن كل تذكرة ما دفعتهاش، أستغفر الله العظيم من كل سواق دعيت عليه. يا رب لو نجيتني المرة دي من الليثي وتذاكره، هاصلي لك 500 ركعة، وهازور السيدة أم العوازل، وأولع على عتبتها 3000 شمعة، والحسين، ومقام سيدي المرسي، وسيدي الدهشوري ...
        وفاء عرب: يا بنتي فسري كلامك، أيه اللي شقلب حالك كده؟ تكونيش شربتي "مُنكر"؟
        سعاد عثمان (وهي لا تزال على ارتباكها، وبصوت مرتعش): الحقيني ياخْتي يا وفاااااء، الحقيييييني. كيس الفلوس وقع مني، وما لقيتش ف جيبي غير جنيه واحد، حمدت ربنا وبوست إيدي وش وضهر. ولما الأتوبيس وقف، نسيت، ونزلت اشتريت بيه سندوشت فول. كنت جعانة، اعمل أيه يعني؟ أموت م الجوع؟ والليثي أهوه جاي ناحيتي، مش عارفة اعمل أيه ياخْتي، دبريني دبريني. أستغفر الله العظيم، أستغفر الله العظيم.
        وفاء: يا بنتي استهدي بالله، روقي أعصابك. بسيطة، بسيطة ...
        سعاد: بسيطة؟ بسيطة ازاي؟ هو انا بقى فيَّ أعصاب؟ آه يا أعصابي! آه يا برمجتي العصبية! دا لو الليثي قرب مني هاموت م الكسووووف. يالهوي، يالهوي، يالهوي. وانا عارفاه، هيقول لي ... هيقول لي ... (ثم تنخرط في النحيب) آآه يا قلبي، آآه يا شراييني! قلبي واجعني خالص، أنا تعبت، هاموت، الحقيني ياخْتي، الحقيني. (ثم تميل برأسها على كتف وفاء عرب وقد فقدت الوعي، ولكنها لا تزال تهلوس بكلمات غير مفهومة)
        وفاء (تنادي بصوت عالٍ): يا جماعة حد ييجي يساعدنا هنا، لو سمحتم.
        تذهب إليها رشا عبادة، ورشيدة فقري، وغادة بنت تركي، وعائدة محمد نادر، وهدير الجميلي.
        عائدة: ما لك يا حبيتي فيه أيه؟
        رشا: اسم الله عليك يا سُعسُع. بِعد الشر عنك يا حبيبتي إن شالله عدُوِّينك واللي يكرهوكِ.
        وفاء: كانت قاعدة تبرطم شوية، وتستغفر شوية، وتقول ...
        سعاد (وهي تهلوس): نُص معلقة كزبرة ناشفة ...
        عائدة: كزبرة ناشفة آيه؟ دي محتاجة ...
        سعاد (تهلوس): بصلة مهروسة، بصلة مهروسة ...
        غادة: طنط عيودة يا مسعودة، يعني أيه بصلة ومهروسة؟
        عائدة (تمصمص شفتيها وتقول): مش عارفة البصلة، يا بتاعة مدرسة تومة بن أبي فجلة؟ وبعدين دي مش مهروسة، دي مفروسة. مفروسة منك فَرْسَة ما يعلم بيها إلا ربنا. واللهِ، أنا ما عارفة أضحك، والاَّ الطم على الخيبة اللي احنا فيها. "الناس خيبتها السبت والحد واحنا خيبيتنا ما وردت على حد."
        رشا (لغادة): اتلهي على عينك يا بت يا مهبولة انت. إلهي ربنا يرزقك بعريس ويكون سواق توك توك علشان تعرفي إن الدنيا من غير شبابيك.
        غادة: أووف، هو انتو كلكو عليَّا، دا انا لما شفت سوسو عُثعُث كده جيت جري علشان اطمِّن عليها، رغم إن مصمم الأزياء بتاع الْمُوَا مانعني أجري بالكعب العالي. شوفوا (تنظر إلى حذائها، وتخاطبه) بقى انت مش جميل؟ لأ جميل. جميل خالس. يا حلاوتك يا عفريت إنتَ، روعة! أوه لاه لاه، تريه ماغنيفيك. يا حلاوة أبزيمك، يا ابو فيونكة إنتَ ... اممممممممم ...
        رشيدة: (تتحدِّث إلى سعاد): حسرة قلبي عليكي. دي عين وصابتك. حصوة في عين الحسود، عنِّك يا وفاء، خليها تعدل دماغها على ....
        سعاد (تهلوس): القِبلة. القِبلة. القِبلة.
        رشا: انت مستعجلة على القِبلة كده ليه ياخْتي؟ (تبدأ في صفعها صفعًا خفيفًا) فُوقي يا حبيبتي، فُوقي.
        عائدة: عايزين شوية مية نرشها على وشها. يا غادة، هاتي يا ماما شوية مَيَّة من الإزازة اللي في شنطتك دي.
        غادة: أوه، نو. دي مش مُوية، دي شانيل نمبر 35 بريحة ...
        سعاد (تهلوس): زيت الخروع والسمن البلدي.
        رشيدة: دي بتطبخ أيه وهي مغمى عليها كده؟
        عائدة (لغادة): يا بنتي ادِّينا شوية نفوَّق البنيَّة، وبعدين نبقى نعِد معاكي، 35، 36 زي ما انت عايزة.
        غادة: نو، إمبوسيبل. دي غالية خالص، مامي جابتها لي من پاغِي لما كنا في رحلة سَفاغِي على شط بحر ...
        سعاد (تهلوس): شوربة العدس، شوربة العدس.
        رشا: سَفاغِي؟ اسكتي يا بت يا مقروصة انتِ، فقعتي لي مرارتي. احنا أحسن حل نِرْقيها. مين بيعرف يرقي هنا؟ يا هدير، تعالي ياخْتي ساعدينا شوية.
        هدير الجميلي: أنا أرقيها لكم، حاضر. ألف لا بأس عليكِ ياخْتي. حدارجة بدارجة، من كل عينٍ دارجة، ومن كل داخلة وخارجة، ومن كل سفينة وبارجة. الأولة قابعات، والتانية مقبلات، والتالتة مدبرات، والتعلب فات فات، وهياكل سبع ستات. رقيتك يوم التلات من سَهْتَنة البنات، رقيتك يوم الخميس من دلع المواكيس. رقيتك واسترقيتك من عين شمهورة وشمهور اللي يمشوا في الضلمة ويطفُّوا النور ....
        رشا: يا دي النهار الكوبيا؟ يعني أرفع لِك حاجبي الشمال الوحيد أبو قُصَّة، ولا الشبشب الزنوبة أبو فردة ضايعة وارَقَّع بيه صدَاغِك؟ حدارجة أيه وشمهور أيه يا هدير؟ انت بتربي لها عفاريت ياخْتي؟ قومي يا حبيبتي قومي. قال جبتك يا عبد المعين تعينني لقيتك يا عبد المعين هتجنني!
        رشيدة: ولا يهمكم أنا اللي هاتولَّى العملية دي بنفسي. بس الأول لازم أعرف هي سعاد عثمان بتشجع أي فريق؟ فريق أبو تريكة، ولا فريق الكفار؟ وأيه لونها المفضل؟ الأحمر أبو شامة على جبينه، ولاَّ الأخضر إللي بنمسح بيه البلاط؟ ويا ترى خرجت في الشارع تحتفل بفوز مصر، ولاَّ قعدت تاكل في نفسها، وتهري وتِنْكُت؟ وهل هي من أصحاب النوايا الفاسدة ولاَّ من عشاق بوس الواوا؟ وهل تفضل الساطور أو لبس الطرطور؟ وهل تفكيرها أهلاوي تنويري ولا زملكاوي تدميري؟ ومعايا هنا استفتاء فيه 350 سؤال بس، وكل سؤال عليه 5 نُقَط. لو جاوبت عليهم صح ....
        رشا (على طريقة ماري منيب): يالهوتي، يا دهوتي! غطوني وصوتوا عليَّ. نحس أيه ده يا ربي؟ طب ما تعملي لها فيش وتشبيه كمان بالمرة؟ انت مش شايفاها مسورقة قدامك أهيه؟ استفتاء أيه يا أمُّ استفتاء؟ قووومي من وشي، قومي. على رأي جدتي: العقل يبيعوه بالكيلو ودي مخها فكِّت صواميله. (ثم تلتفت لسعاد، وتقول): يا قوي على كل قوي يارب. (وتصفعها قلمين كمن يلعب صلَّح بالشوم، فتقوم سعاد منتفضة وتستعيد وعيها).
        سعاد: الليثي، الليثي، تذاكر، تذاكر. كيس الفلوس، سندوشت الفول. أستغفر الله، أستغفر الله.
        يصل الليثي إليهن:
        الليثي: أيه اللَّمَّة دي يا هوانم؟ اللهم اجعله خير. لكن كويس كلًّكم هنا علشان أَلِمِّ التذاكر مرة واحدة ...
        وقبل أن ينهي كلامه تجري كل راكبة بسرعة البرق في اتجاه، ويختفين، ولا يبقى إلا سعاد عثمان.
        سعاد (تردد دون توقف): تذاكر، تذاكر. كيس الفلوس. تذااااااااكر. تذاكرررررر، ڤوم ڤوم ڤوووووم.
        الليثي: مالك يا ست سعاد؟ انتِ من نفس العَيِّنة والاَّ أيه؟
        سعاد (في بكاء وارتباك شديدين): أحلف لك بالنبي يا سي الليثي، وحياة ولادك بلاش فضايح، استر عليَّ الله يستر عليك.
        الليثي: يا نهار اسود؟ أستر عليكي؟ يا دي الداهية السودا يا جدعان! تلاتة بالله العظيم ما أنا قاعد لكم في المخروب ده (يفتح الليثي شباك مجاور، ويحاول القفز منه...)
        الموجي: على رأي المثل "يا قاعدين يكفيكوا شر الجايين." "اشرب سِمّ واتْلّوَّى ولا تقرَّب من بنات حوَّا."


        يتبـع إن شـاء الله.
        الله الله بجد يا دكتورنا العزيز على الروعة هنا.

        وهذه وجب أن تكون حلقة منفصلة لرحلة الأتوبيس الملتقاوي .
        وتكون مخصص للسيدات فقط "ممنوع صعود الرجال ".
        وخلينا نتفرج عليهن.المسخسخ والمبمبي والبحقلوي والمهروس وغيره.
        اضحكتني هنا دكتور اضحك الله سنك وربنا يكرمك.
        تحياتي يا راااااااائع بدون مجاملة

        تعليق

        • دكتور مشاوير
          Prince of love and suffering
          • 22-02-2008
          • 5323
          #34
          المشاركة الأصلية بواسطة د/ أحمد الليثي مشاهدة المشاركة
          هدير الجميلي: أنا أرقيها لكم، حاضر. ألف لا بأس عليكِ ياخْتي. حدارجة بدارجة، من كل عينٍ دارجة، ومن كل داخلة وخارجة، ومن كل سفينة وبارجة. الأولة قابعات، والتانية مقبلات، والتالتة مدبرات، والتعلب فات فات، وهياكل سبع ستات. رقيتك يوم التلات من سَهْتَنة البنات، رقيتك يوم الخميس من دلع المواكيس. رقيتك واسترقيتك من عين شمهورة وشمهور اللي يمشوا في الضلمة ويطفُّوا النور ....


          رشا: يا دي النهار الكوبيا؟ يعني أرفع لِك حاجبي الشمال الوحيد أبو قُصَّة، ولا الشبشب الزنوبة أبو فردة ضايعة وارَقَّع بيه صدَاغِك؟ حدارجة أيه وشمهور أيه يا هدير؟ انت بتربي لها عفاريت ياخْتي؟ قومي يا حبيبتي قومي. قال جبتك يا عبد المعين تعينني لقيتك يا عبد المعين هتجنني!
          رشيدة: ولا يهمكم أنا اللي هاتولَّى العملية دي بنفسي. بس الأول لازم أعرف هي سعاد عثمان بتشجع أي فريق؟ فريق أبو تريكة، ولا فريق الكفار؟ وأيه لونها المفضل؟ الأحمر أبو شامة على جبينه، ولاَّ الأخضر إللي بنمسح بيه البلاط؟ ويا ترى خرجت في الشارع تحتفل بفوز مصر، ولاَّ قعدت تاكل في نفسها، وتهري وتِنْكُت؟ وهل هي من أصحاب النوايا الفاسدة ولاَّ من عشاق بوس الواوا؟ وهل تفضل الساطور أو لبس الطرطور؟ وهل تفكيرها أهلاوي تنويري ولا زملكاوي تدميري؟ ومعايا هنا استفتاء فيه 350 سؤال بس، وكل سؤال عليه 5 نُقَط. لو جاوبت عليهم صح ....
          رشا (على طريقة ماري منيب): يالهوتي، يا دهوتي! غطوني وصوتوا عليَّ. نحس أيه ده يا ربي؟ طب ما تعملي لها فيش وتشبيه كمان بالمرة؟ انت مش شايفاها مسورقة قدامك أهيه؟ استفتاء أيه يا أمُّ استفتاء؟ قووومي من وشي، قومي. على رأي جدتي: العقل يبيعوه بالكيلو ودي مخها فكِّت صواميله. (ثم تلتفت لسعاد، وتقول): يا قوي على كل قوي يارب. (وتصفعها قلمين كمن يلعب صلَّح بالشوم، فتقوم سعاد منتفضة وتستعيد وعيها).
          سعاد: الليثي، الليثي، تذاكر، تذاكر. كيس الفلوس، سندوشت الفول. أستغفر الله، أستغفر الله.
          يصل الليثي إليهن:
          الليثي: أيه اللَّمَّة دي يا هوانم؟ اللهم اجعله خير. لكن كويس كلًّكم هنا علشان أَلِمِّ التذاكر مرة واحدة ...
          وقبل أن ينهي كلامه تجري كل راكبة بسرعة البرق في اتجاه، ويختفين، ولا يبقى إلا سعاد عثمان.
          سعاد (تردد دون توقف): تذاكر، تذاكر. كيس الفلوس. تذااااااااكر. تذاكرررررر، ڤوم ڤوم ڤوووووم.
          الليثي: مالك يا ست سعاد؟ انتِ من نفس العَيِّنة والاَّ أيه؟
          سعاد (في بكاء وارتباك شديدين): أحلف لك بالنبي يا سي الليثي، وحياة ولادك بلاش فضايح، استر عليَّ الله يستر عليك.
          الليثي: يا نهار اسود؟ أستر عليكي؟ يا دي الداهية السودا يا جدعان! تلاتة بالله العظيم ما أنا قاعد لكم في المخروب ده (يفتح الليثي شباك مجاور، ويحاول القفز منه...)
          الموجي: على رأي المثل "يا قاعدين يكفيكوا شر الجايين." "اشرب سِمّ واتْلّوَّى ولا تقرَّب من بنات حوَّا."

          يتبـع إن شـاء الله.
          روووووووووووووووووووووووعة
          يااارب يا مثبت العقل
          مش ممكن دكتور ..كلها على بعضها شيء خرافة وما تم تليونة موتني ضحكاً وتخيلاً
          مش قادر امسك نفسي بجــــــد
          دكتور ياريت تجعلها وما يتبعها حلقات منفصلة ..؟

          تعليق

          • سعاد عثمان علي
            نائب ملتقى التاريخ
            أديبة
            • 11-06-2009
            • 3756
            #35
            إيه الحنية ديا ي-ارنا الخطيب
            ايه الدفاع ده كله عن الرجالة
            باين عليكي والله اعلم إنك عندك خطيب وبس
            يعني لسه ماشفتي غيظ الرجالة
            دول وحياتك نوعين
            نوع و يصرخ يولع ويبقى نار ويكوي كوي
            والنوع التاني يايوح البي-يعني ياروح قلبي بيكوي بالثلج-بالغيظ-بالتطنيش-وبلإهمال-وبعدم الكلام-ويخليكي تتشقي بالنصين وهو ولا هو هنا
            عرفتني الرجالة يايوحي
            طلعي منهم نسب بسيييييييطة عاقلة وكريمين اخلاق-شوية كتاب-على كام شاعر رقيق-ومافيش مانع كام دكتور-وكام ضابط وكام رسام وكام مهندس كمبيوتر وكام استاذ جامعي وشوية محاميين وشوية قضاة-يعني الكام وكام دول ايش يجوا في كام مليون -إمراة؟
            بعدين رقتك دي مشكوك فيها
            ايوه مشكوك فيه-كله ده علشان تخللي الليثي يتنازل عن الجنيه
            لكن ياريري الخطيب-ويارورو المخطوبة-انا طلعت اشطر منك ووعدته بان اعمل له كيكة-وهو راح يتنازل اكيد عن الجنيه-روبجد وراح اعمل كيكتين لركاب الأوتوبيس
            رنا-ايش الذ اكلة ممكن تعمليها وتاخديها معاكي الرحلة ونغري -الليثي-واهو نمر على موكي بالمرة-هو اكثر واحد بيسوق ويتعب وما حد بيحاولاباكلل ولا بمية
            لحظة رناجات على بالي اغنية
            إسمك عدوية ياصبية وعيونك شط
            وانا طول عمري غريق في المية باتشال واتحظ
            يام العيون السنجابي
            يام الخدود العنابي
            والللا صورتك احلى من الجرانين
            نسيت اخرها بس لما افتكرت اننا مابندي موكي ميه -جات على بالي الأغنية
            -اقولك روحي شوفي لك طبخة معجنات شهية وخللي كل وحدة تجيب حاجة
            اما رشا اللي ماسابتني وانا مسخسخة قوليلها بالله ياتجيب فطيرة بالعسل والجوز-ياتجيب فطير مشلتت بالعسل-لكن من غير -جوز-مش عايزين جوز ولا نكد


            بسرعة رنا وموية معدنية ربنا يحفظك

            ويخللي الخطيب عريس قولي ان شاء الله

            اختك سعادة
            ثلاث يعز الصبر عند حلولها
            ويذهل عنها عقل كل لبيب
            خروج إضطرارمن بلاد يحبها
            وفرقة اخوان وفقد حبيب

            زهيربن أبي سلمى​

            تعليق

            • دكتور مشاوير
              Prince of love and suffering
              • 22-02-2008
              • 5323
              #36
              المشاركة الأصلية بواسطة سعاد عثمان علي مشاهدة المشاركة
              إيه الحنية ديا ي-ارنا الخطيب
              ايه الدفاع ده كله عن الرجالة
              باين عليكي والله اعلم إنك عندك خطيب وبس
              يعني لسه ماشفتي غيظ الرجالة
              دول وحياتك نوعين
              نوع يولع ويبقى نار ويكوي كوي
              والنوع التاني يايوح البي-يعني ياروح قلبي بيكوي بالثلج-بالغيظ-بالتطنيش-وبلإهمال-وبعدم الكلام-ويخليكي تتشقي بالنصين وهو ولا هو هنا
              عرفتني الرجالة يايوحي
              طلعي منهم نسب بسيييييييطة عاقلة وكريمين اخلاق-شوية كتاب-على كام شاعر رقيق-
              بدأت توابع السخسة تظهر أهي...
              والنبي ده من إيه بقي الله يطولك يا يوح ...
              يعني مكندوش دورتوا على بصلة أكبر شوية بحجم اليح "البطيخ" يعني.
              سلالالاام استاذة سعاد يصبحكِ الله بخير ولو على الجنية خليها علينا وبلاش
              تفتري على الرجالة..!!هعهعه

              تعليق

              • رنا خطيب
                أديب وكاتب
                • 03-11-2008
                • 4025
                #37
                يوه يا سعاد

                أنت أخدتي على خاطرك يا ختي..يعني صحيتي .. و كنت مغمى عليك لما قرب الليثي و لسه ما فتحش بقه بالاجرة..يا ساتر عليكن ...

                يا حبيبتي
                انا عمنا الليثي مصورين مدموززززززززززززززززيل..يعني ما ينفعش أجيب معايه حلاوة لأني كل حلاوة وفقا للصورة يلي وضعها..

                ما بلاش نقلبها حريمي و يخرج الليثي خجلا..خليه يكمل الحلقات يا سعاد..ربنا يستر عليك و على ديوكك..هههه

                أنت صليت الصبح..حلوة ديه ننيم الرجالة و نسهر على الملتقى... ههه

                و الله مكبرة حجم الرجالة و عاملها اكس اكس اكس لارج..على أيه ده كوله.. املكي المفاتيح يلي تفتحي بيها كل أبوابه المغلقة و أنت اتكوني تاجه و أميرة قلبه..

                تعليق

                • سعاد عثمان علي
                  نائب ملتقى التاريخ
                  أديبة
                  • 11-06-2009
                  • 3756
                  #38
                  يايوحي عليك يامكتول مساويل-دكتور مشاوير
                  الله يثامحك مالك عالبسبح مسبح علينا
                  مس هما الرجالة كده بردو
                  بس نحن-وخوفامن العلقة-قلنا في سوية دكاترة على كتاب علسان مايتردونا من المتلدا--يعني الملتقى-
                  بعدين ليس عاوزهم يموتوني بالبسل ماتان العسم(ماكان العشم)انا دلت للدكتور الليثي يستري لي على حسابه-شايل 5 دي نطقتها كويس علشان مطلحتي هؤهؤهؤؤهؤهؤهؤهؤهافطر

                  حود افتر ياددتور
                  ثلاث يعز الصبر عند حلولها
                  ويذهل عنها عقل كل لبيب
                  خروج إضطرارمن بلاد يحبها
                  وفرقة اخوان وفقد حبيب

                  زهيربن أبي سلمى​

                  تعليق

                  • دكتور مشاوير
                    Prince of love and suffering
                    • 22-02-2008
                    • 5323
                    #39
                    المشاركة الأصلية بواسطة سعاد عثمان علي مشاهدة المشاركة
                    يايوحي عليك يامكتول مساويل-دكتور مشاوير
                    الله يثامحك مالك عالبسبح مسبح علينا
                    مس هما الرجالة كده بردو
                    بس نحن-وخوفامن العلقة-قلنا في سوية دكاترة على كتاب علسان مايتردونا من المتلدا--يعني الملتقى-
                    بعدين ليس عاوزهم يموتوني بالبسل ماتان العسم(ماكان العشم)انا دلت للدكتور الليثي يستري لي على حسابه-شايل 5 دي نطقتها كويس علشان مطلحتي هؤهؤهؤؤهؤهؤهؤهؤهافطر

                    حود افتر ياددتور
                    يقول الشاعر مشاوير
                    أنا يا قاسي مقدر انساك
                    ولا انسى حبك وهواك
                    أنا في يوم ألقاك
                    ومقدر اعيش إلا معاك
                    تهجرني وتسبني على الباب
                    ولو بعد عني أنا هستناك
                    ويا خرابي يا خراابي على الستات
                    يتمنعن وهن الراغباااات
                    وهيفضل الرجال هما الرجال

                    شكرا على البريك استاذة سعاد مقبول

                    تعليق

                    • سعاد عثمان علي
                      نائب ملتقى التاريخ
                      أديبة
                      • 11-06-2009
                      • 3756
                      #40
                      رنا
                      الا ياقلب اصبر على رنا
                      صباح الخير مافي مانع
                      انا اعترف انك محاورة ممتازة في اللغة العربية وفي القثافة
                      لكن تحاوريني في الأكل والمعجنات-- لاياحبيبي لا كما قالت ام كلثوم
                      عرفتي نانا
                      خليكي جدعة ولسه الدور جايى على عايدة وماجي
                      وللا وفاء عرب
                      دول اهلها بيعملواكعك- بالتمر -وغريببة باللوز-تجنن
                      اما غادة والله لو قلتي لها تجيب المخبز كله راح تجيبه
                      (المهم انها ماتدخل المطبخ ههههه)ايش رأيك تعالي نفكر في شي
                      غالي ولذيذ وشنكل غاده به
                      روري اسمعي الكلام ومشي معي
                      مع اتيب امنياتي
                      ثعادة
                      ثلاث يعز الصبر عند حلولها
                      ويذهل عنها عقل كل لبيب
                      خروج إضطرارمن بلاد يحبها
                      وفرقة اخوان وفقد حبيب

                      زهيربن أبي سلمى​

                      تعليق

                      • سعاد عثمان علي
                        نائب ملتقى التاريخ
                        أديبة
                        • 11-06-2009
                        • 3756
                        #41
                        دكتورمساوير
                        اعتقد هذا الشعر لطبق الفطاير
                        هي اللي متقدرش تنساه
                        يابختك جاك لحد عندك


                        مساوير
                        سحتين
                        تعاد
                        ثلاث يعز الصبر عند حلولها
                        ويذهل عنها عقل كل لبيب
                        خروج إضطرارمن بلاد يحبها
                        وفرقة اخوان وفقد حبيب

                        زهيربن أبي سلمى​

                        تعليق

                        • رنا خطيب
                          أديب وكاتب
                          • 03-11-2008
                          • 4025
                          #42
                          أقهم حاجة بس
                          هي سعاد و مشاوير بيقرضوا على لسانهم ليه؟؟؟ ما كنتم كتاب كويسين في الملتقى و تكتبوا خواطر حلوة حصلكم ايه من رحلة الاتوبيس المنيل ده؟؟؟

                          أنت خسرتي لسانك يا سعاد؟؟لا حول و لا قوة الا بالله..ده حيلة المراة ..تعملي ايه الآن من غير لسان؟؟

                          تعليق

                          • عائده محمد نادر
                            عضو الملتقى
                            • 18-10-2008
                            • 12843
                            #43
                            دكتور أحمد الليثي
                            ياكمسري
                            انت ماانتبهتش وأنا أطلع لسعاد عطري المفضل (( أستي لودر )) وحطيت منه على (( مناخيرها )) ولاحظ مناخيرها طالعه حلوه إزاي من بقي بس البت غاده سبقتني وطلعت عطرها (( الشانيل))
                            المهم أن سعاد فاقت لكن دماغها ظلت مشوشه على الآخر عشان هي مااستوعبتش الموقف تماما
                            وبعدين أنا فكرت كثير بالدوشه الي صارت وقررت أفاتحك بموضوع مودرن خالص إيه رأيك اننا ناخذ الأوتوبيس على العراق (( نفض النزاعات هناك)) ولو ظلوا على نشفان دماغهم ناخذهم (( رهائن الماضي )) عشان يبطلو دلع وزعل وخناقات ومناكفات وجيب روابط وهات حتجيب أجلنا هاهاهاهاها
                            إيه رأيك دكتور بالفكره الجهنميه دي وكمان عشان أكتب نص على رواقه خالص نص أدبي يكسر الدنيا ويعمل ضجه عالميه .. وعلى الطبيعه كمان وأكيد كل واحد وواحده حيبان معدنه إيه .. قلت إيه!!
                            أنا جاهزه وتمام وما عليك سوى أن توافق .. وبسسسسسسسسسس
                            دكتور الليثي
                            رائعة وأكثر
                            بقيت أضحك على أثر المواقف المرحه
                            أسعدتمونا وأفدتمونا
                            صباح فل وياسمين وعنبر
                            صباح أستي لودر
                            الشمس شمسي والعراق عراقي ..ماغير الدخلاء من أخلاقي .. الشمس شمسي والعراق عراق

                            تعليق

                            • سعاد عثمان علي
                              نائب ملتقى التاريخ
                              أديبة
                              • 11-06-2009
                              • 3756
                              #44
                              عايدة
                              دكتورة عايدة
                              عايدة هانم-شو بكي-على رأي امثال الموجي-جبناكي فزعة بقيتي لنا وجعة
                              وعلى قول عبد الحليم الله الله يرحمه-رميت نفسك في حضن-سقاك الحضن
                              حزن-حتى في احضان الحبايب شوك ياقلبي هيء هيء هيءدموع
                              وقال ايه -رنا هانم الخطيب بتتساءل وتقول لساني اتعوج ليه
                              -مش شايفة عايدة الكاتبة القصصية عايزة تودينا العراق-اردتك ان تعرف-ياكل ركاب الأوتوبيس-قال ايه فرحانة بالأستي لودر بتاعها-يعني تعطريني
                              وتفجريني-وللا يكون مكي النزال محرشك عليا-وقال ايه انا ورنا منتظرينك تجيبي لنا اكلة شهية من طبخ العراق-لا ياستي متشكرين-على رأي المثل-يانحلة لاتقرصيني مانبغى لك عسل-
                              شوفي اختي عايدة احسن لك واصلح لك تركبي الأوتوبيس-المفحط هذا حق الموجي والليثي قال على رأي المثل-حمارتك العرجة ولا سؤال اللئيم-يعني اوتوبيس الموجي الأعرج ولا نذالة وتفجير الأمريكان
                              اوف ياعايدة على قول المثل-كتر كلام جارتي فقع مرارتي
                              هاتي هاتي عطر-وشفت ياليثي-اردتك ان تعرف عايدة-ماساهمت ولا بسندوتش واحد-وتلاقيها بخت العطر على يدها وحملتني جميلة
                              -قال على راي المثل-عطية البخيل ولا عطية المنان
                              اروح اصلي المغرب وانسدح في الكنبة الورانية شوية-وياريت الرجال اللي اصواتهم خشنة ينشغلوا بالتسبيح ومايدخنوا علشان مايكحوا-مش خوفاً عليهم-بل خوف على احساسي -اصله نومي خفييف -على راي المثل-مستني لنا الدقة-
                              ثلاث يعز الصبر عند حلولها
                              ويذهل عنها عقل كل لبيب
                              خروج إضطرارمن بلاد يحبها
                              وفرقة اخوان وفقد حبيب

                              زهيربن أبي سلمى​

                              تعليق

                              • د. توفيق حلمي
                                أديب وكاتب
                                • 16-05-2007
                                • 864
                                #45
                                [align=right]
                                أخي الحبيب الأستاذ الدكتور / احمد الليثي
                                ومن السخرية سحر ، يأخذ اللب ، ويصيب الهدف ، ويطلق البسمات بتلقائية ، ويجبر الضحك على الانطلاق لا موقف له.
                                رغم أني قرأت النسخة الأولى عدة مرات ، وقرأت تلك النسخة المعدلة بمراحل إعدادها ، إلا أنني بقرائتي لها هنا ، لم لأتوقف عن الضحك المتواصل من القلب.
                                حرفية بالغة واضحة ، وطاقة هائلة على كتابة الأدب الساخر ، وروح محلقة بصادق الحب والمودة للجميع.
                                أشكرك جزيل الشكر لهذا الجهد الكبير ، وتلك الروح المعطاءه ، وأنتظر جهدك الكبير في السنترال فلا تبخل عليه بما تضيفه تلك الموهبة الخارقة.
                                تقدير واحترام وإكبار بما يليق برفيع مقامك
                                [/align]

                                تعليق

                                السابق 1 2 3 4 5 template التالي

                                ما الذي يحدث

                                تقليص

                                الأعضاء المتواجدون الآن 223720. الأعضاء 6 والزوار 223714.

                                أكبر تواجد بالمنتدى كان 409,257, 10-12-2024 الساعة 06:12.

                                يعمل...
                                X