تويت
قمة عمان
27\3\2001
يا حَمَامْ بَلَدْنَا , إتْدَارَى
كُلّ العُيُونْ عَليكْ
إتْشَحْبَرْ*
بَيَاضَكْ ما عَادْ شَفَاعَة أو شَطَارَة
صَارْ نُقْطَة سُودَة
بِزَمَنْ أغْبَرْ
يا حَمَامْ ... كُنْتْ حَمَامْ
لَمَّا الوادي كانْ أخْضَرْ
توَارَى خَلْفْ صُبّيرة
وعلى هَاديك أيّامْ إتْحَسّرْ
إن نَوُوا يِدْبَحُوكْ يا حمام ؟
إْنْتِفْ شوَيِّة مِنْ ريشك
وأشْخُطْ العُرُوقْ
بِضَرْبِة وَحْدِة مِنْ مُوسَكْ
سَكَاكينْهُم ألتِلْمَة خَلّيها إلهُمْ
لَيُومْ جايّ ... ومِشْ راح يتْأخَّرْ
أجَتْهُمْ النُوبِة
وصَارُوا بحالِة يشُوفُوا الأخْضَرْ فيها أحْمَرْ
زَيْ تِيرَانْ مدريد وغِرْناطة
لَكِنْهُمْ اليوم بِقِمِّة عمان
وقوس قزح عن الحضور إتأخّر
كُلّهُم ما شالله عَليهُم .... نَفْسْ اللون
أبيض وَرَا العيون وفوق شوَيّة
والأسْوَدْ داخل القلب
اللي دَمُّه تخَثَّرْ
اتَّفَقُوا على دَبْحَكْ , يا نِينّي عِيني
اخْتَلَفُوا عالطريقة والزمان
مِسَا أمْ صَباح ؟
بِصُلْحْ أمْ بِصِدامْ ؟
كَأنْهُمْ بقهوة خَبّيني*
وجُوزة كُلْ ما تِخْبُو تِتْعَمّرْ
مبروك عَليهُمْ الوِفَاقْ والإتِّفَاقْ
في قِمِّة
إنْكَشَفْ فيها القِنَاعْ
والفَتق ... عن زِنْدُه شَمَّرْ
إرْفَعْ راسَكْ يا حمام
وبالحَجَرْ أضْربْ
حَجَرَكْ بين إدِيكْ تَاجَكْ
هُوِّ الّي جَابْهُمْ
وبُكْرَه أنا وانتَ نِتْذَكّرْ
يا حمام
مِنْ اللي شُفْتُه
فِكْرِي صَارْ يِشْطَحْ
وانتَ ..... ولا هَامّكْ
الرَبابة بإيدَكْ
وبِتْزَمَّرْ
(إتْشَحْبَرْ : من شحبار وهو ما يعلق من هباب اسود )
على اواني الطبخ
(قهوة خبيني : مقهى للحشاشين ولعب القمار في عمان )
والى لقاء مع قمة لبنان " بيروت "
27\3\2001
يا حَمَامْ بَلَدْنَا , إتْدَارَى
كُلّ العُيُونْ عَليكْ
إتْشَحْبَرْ*
بَيَاضَكْ ما عَادْ شَفَاعَة أو شَطَارَة
صَارْ نُقْطَة سُودَة
بِزَمَنْ أغْبَرْ
يا حَمَامْ ... كُنْتْ حَمَامْ
لَمَّا الوادي كانْ أخْضَرْ
توَارَى خَلْفْ صُبّيرة
وعلى هَاديك أيّامْ إتْحَسّرْ
إن نَوُوا يِدْبَحُوكْ يا حمام ؟
إْنْتِفْ شوَيِّة مِنْ ريشك
وأشْخُطْ العُرُوقْ
بِضَرْبِة وَحْدِة مِنْ مُوسَكْ
سَكَاكينْهُم ألتِلْمَة خَلّيها إلهُمْ
لَيُومْ جايّ ... ومِشْ راح يتْأخَّرْ
أجَتْهُمْ النُوبِة
وصَارُوا بحالِة يشُوفُوا الأخْضَرْ فيها أحْمَرْ
زَيْ تِيرَانْ مدريد وغِرْناطة
لَكِنْهُمْ اليوم بِقِمِّة عمان
وقوس قزح عن الحضور إتأخّر
كُلّهُم ما شالله عَليهُم .... نَفْسْ اللون
أبيض وَرَا العيون وفوق شوَيّة
والأسْوَدْ داخل القلب
اللي دَمُّه تخَثَّرْ
اتَّفَقُوا على دَبْحَكْ , يا نِينّي عِيني
اخْتَلَفُوا عالطريقة والزمان
مِسَا أمْ صَباح ؟
بِصُلْحْ أمْ بِصِدامْ ؟
كَأنْهُمْ بقهوة خَبّيني*
وجُوزة كُلْ ما تِخْبُو تِتْعَمّرْ
مبروك عَليهُمْ الوِفَاقْ والإتِّفَاقْ
في قِمِّة
إنْكَشَفْ فيها القِنَاعْ
والفَتق ... عن زِنْدُه شَمَّرْ
إرْفَعْ راسَكْ يا حمام
وبالحَجَرْ أضْربْ
حَجَرَكْ بين إدِيكْ تَاجَكْ
هُوِّ الّي جَابْهُمْ
وبُكْرَه أنا وانتَ نِتْذَكّرْ
يا حمام
مِنْ اللي شُفْتُه
فِكْرِي صَارْ يِشْطَحْ
وانتَ ..... ولا هَامّكْ
الرَبابة بإيدَكْ
وبِتْزَمَّرْ
(إتْشَحْبَرْ : من شحبار وهو ما يعلق من هباب اسود )
على اواني الطبخ
(قهوة خبيني : مقهى للحشاشين ولعب القمار في عمان )
والى لقاء مع قمة لبنان " بيروت "
تعليق