أحمد فؤاد نجم ...

أعيرونا هذا الرجل أياما في باقي الأقطار العربية ينوبكم ثواب ...!!


شكرا أستاذ عبد الحميد على هذه القصيدة المنقولة الأكثر من رائعة

فى حكايه سمعتها زمان
حاكم كان بيسرق من بيت المال ويملى الخزاين بتاعته هو
ويجى تانى سنه الناس تنتخبه هو وينجح ويفضل هو الحاكم
سال واحد الشعب انتوا ليه بتنتخبوا لما انتوا عارفين انه بيسرق وبيملى خزاينه
قالو الناس لو انتخبانا واحد جديد هنتسرق اكتر لان خزاينه هتكون فاضيه وهيبدا يملى تانى
لكن الحاكم الموجود ملى خزاينه بالفعل خلاص مش هيسرق قد اللى اتسرق ولا ايه ؟
وما رائيكم دام فضلكم

نؤيد سيادتك لفترة جديدة
ولو مش أيدناة اية يعنى اللى هيحصل
ولا يكونش حضرتك فاكر ان صوتك يفرق ولا اصلا فاكر ان ليك حق تقول نؤيد ولا نرفض
ولا ليك رأى تانى د.م./ عبد الحميد مظهر
دمت بخير

[align=center]
جميل دكتور عبد الحميد مظهر..
كان فيه زمان حزام
دائما يقولوا لنا اربطوه
دلوقتى بعنا الحزام
والبطن اختفت يا هوووووو

[/align]

رائع يا عم احمد
إن شرَّ البلية ما يُبكي !
إذا كنتم تبحثون عن معايير الشاعر الحقيقي فاقرؤوا شعر احمد فؤاد نجم . واقرؤوا سيرة حياته . رحم الله الشيخ إمام - رائد الأغنية الوطنية في العالم العربي بتفوق ! فهو لم يكن مغني الصالونات المكيفه ! وأطال الله عمرَ عمنا أحمد أعظم من كتب شعر العامية المصرية في القرن العشرين ومطلع الواحد والعشرين ، طبعًا بعد الكبير بيرَم .
شكرًا لكاتب القصيدةِ ولناقلها الكريم د. م. عبد الحميد مظهر . وقبل وبعد كل شيء حمى الله مصر العروبه !!

[align=center]
دكتور عبد الحميد مظهر
أحسنت باختيارك
ونشكرك
فوزي بيترو
[/align]

من شعر أحمد فؤاد نجم

ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال

يا عرب ( باللهجة المصرية )

كلمات الشاعر المصري أحمد فؤاد نجم .. و غناء الشيخ إمام



يا عرب .. يا عرب .. يا عرب في أي مصر

يا عرب .. يا عرب .. اسمعوا صوت شعب مصر

أحفظوا لمصر المكان .. و احنا عالعهد اللي كان

مصر أوفى من الزمان ..
و انتو عارفين شعب مصر

يا عرب يا عرب يا أهل مصر

----------------------------

اللي خانوا العهد بينا .. و استباحوا كل حاجة

و استهانوا بالعروبة .. و استكانوا للخواجة

مستحيل حيكونوا منا .. نحنا حاجة و هما حاجة

هما باعوا الجلابية .. و الوطن و البندقية

و ا حنا أصحاب القضية ..

احنا ما بنبيعش مصر

يا عرب يا عرب يا أهل مصر
----------------------------

يطلع الدجال بزيفو .. يملا وادي النيل ضباب

ينزل الجلاد بسيفو ... يزرع الموت و الخراب

يطول الليل زي كيفو .... الصباح له ألف باب

و احنا بوصلتنا بإيدينا .. ما تخافوش من الليل علينا

مهما غبتو عن عينينا ..

انتو جوا بقلب مصر

يا عرب يا عرب يا أهل مصر

-------------------------

سينا و لا .. يافا و لا .. حيفا ولا ... دير ياسين

اسألوا الشمس اللي هالة .. عللي صحيوا مبدرين

يزرعوها نور و غلة .. دول جدودنا و لا مين ؟

حقنا و حتما ً يُعاد .. بس لو بانت سعاد

و البيان ده لوه معاد ...

و المعاد حيكون في مصر

يا عرب يا عرب يا أهل مصر