تويت
إعلانات ...
رغم الأحتلال وكل الأرهاب
اشوفنج فرح ماشالته افكاري
ورغم كل الجروح التاكل وتشرب
ورغم كل الحزن لو لمته اكتاري
اشوفج سابحه بشوفي
واشوف الناس كلهه انتي
ابتسامه انرسمت اعله الماي
ألساني واشفتي وكبدتي اينشفن
وألمنه العطش بسكوت ألمنه
ولايجبرني اشيلن وجهج من الماي
وأنتي ولاتدرين ..
لو طاح الحزن تلكيني بياليل
أهن ليلين ...
ليل ايمر علينه انقاسمه الغربه
وليل ايمر علينه اتكذله ارموشج
ينام ويكعد ازغيرون
عمر الليل ماشاف الدلال وكظته اجفوفج
وافرح لو شعر راسج اجاني وشايل انفاسه
لكعدله بتفكتي وغرفتي عيونج
وافك البوب كل البوب..
خاف اتمل ضحكتج كعدة الغرفه
واحتار ..
كم اعلان احط بلوحة التاريخ
ممنوع الجفوف اتبسمر اعله البوب
أحنه أثنين ...
ممنوع الدخول الغرفة الاحباب
ممنوع الحجي لو تعبت الشفه
ممنوع السؤال ..
ممنوع البجي ..
ممنوعه تغمض اعيونه وتغفه
أشكم أعلان ؟؟
أبيعن صفنتي وكتبي
دشداشه اسوي الطفلتي القمصان
اشكم أعلان .؟؟!
اشكم أوذان غبشه ايمر ترس اذني
وأنه بكل لوحه احط أعلان
ياهو إيريد ؟؟
عدي ادموع اصفه من النده
الغافي عله اوراق الشجر
عدي جروح ضمدهه الحلم ساعات
عدي جروح ضمدهه الامل ساعات
بيهه أشكد شكر .. تقدير
بيهه اشكد كتب ترحيل
بيهه أشكد بطايق ..
ياهو إيريد ؟؟
كلشي بعازتي ينباع
بس عدي الضمير وعرضي واهدومي
وأنتي اجمل قصيده بنشرة الاخبار من تنذاع
أشكم أعلان ؟؟
يااجمل احديثه ويم سوالف ناعمه
يالملفوفه لف وحلوة النسوان
ياحلوة معاني ودافيه احديثه
تعودت اعله شوفج كوه اكض روحي
وأنه ابشفتي لشكك حايط السكته
اولو بيه قضايه اتنام بجروحي ..
اولو بيه العشك مجنون ...
تعبني العمر كله
ركضني العمر كله ..
لابال عندي ولاتشوف عيون
وأحط إعلان ...
مجنون ..
تعبني الحصار وحب الحديثه
تعبني السفر بعيونج من أسنين
بس يمته اسمعج صوت بظنوني
احبنك كبل مايشتد حصارك يخنك النهران
احبنك كبل ماتكبر العازه ونكتل ألنه انسان
احبنك رغم كل الجرعته بجوعك وهمك
رغم كل الكفر اتحملك غفران .....
اشوفنج فرح ماشالته افكاري
ورغم كل الجروح التاكل وتشرب
ورغم كل الحزن لو لمته اكتاري
اشوفج سابحه بشوفي
واشوف الناس كلهه انتي
ابتسامه انرسمت اعله الماي
ألساني واشفتي وكبدتي اينشفن
وألمنه العطش بسكوت ألمنه
ولايجبرني اشيلن وجهج من الماي
وأنتي ولاتدرين ..
لو طاح الحزن تلكيني بياليل
أهن ليلين ...
ليل ايمر علينه انقاسمه الغربه
وليل ايمر علينه اتكذله ارموشج
ينام ويكعد ازغيرون
عمر الليل ماشاف الدلال وكظته اجفوفج
وافرح لو شعر راسج اجاني وشايل انفاسه
لكعدله بتفكتي وغرفتي عيونج
وافك البوب كل البوب..
خاف اتمل ضحكتج كعدة الغرفه
واحتار ..
كم اعلان احط بلوحة التاريخ
ممنوع الجفوف اتبسمر اعله البوب
أحنه أثنين ...
ممنوع الدخول الغرفة الاحباب
ممنوع الحجي لو تعبت الشفه
ممنوع السؤال ..
ممنوع البجي ..
ممنوعه تغمض اعيونه وتغفه
أشكم أعلان ؟؟
أبيعن صفنتي وكتبي
دشداشه اسوي الطفلتي القمصان
اشكم أعلان .؟؟!
اشكم أوذان غبشه ايمر ترس اذني
وأنه بكل لوحه احط أعلان
ياهو إيريد ؟؟
عدي ادموع اصفه من النده
الغافي عله اوراق الشجر
عدي جروح ضمدهه الحلم ساعات
عدي جروح ضمدهه الامل ساعات
بيهه أشكد شكر .. تقدير
بيهه اشكد كتب ترحيل
بيهه أشكد بطايق ..
ياهو إيريد ؟؟
كلشي بعازتي ينباع
بس عدي الضمير وعرضي واهدومي
وأنتي اجمل قصيده بنشرة الاخبار من تنذاع
أشكم أعلان ؟؟
يااجمل احديثه ويم سوالف ناعمه
يالملفوفه لف وحلوة النسوان
ياحلوة معاني ودافيه احديثه
تعودت اعله شوفج كوه اكض روحي
وأنه ابشفتي لشكك حايط السكته
اولو بيه قضايه اتنام بجروحي ..
اولو بيه العشك مجنون ...
تعبني العمر كله
ركضني العمر كله ..
لابال عندي ولاتشوف عيون
وأحط إعلان ...
مجنون ..
تعبني الحصار وحب الحديثه
تعبني السفر بعيونج من أسنين
بس يمته اسمعج صوت بظنوني
احبنك كبل مايشتد حصارك يخنك النهران
احبنك كبل ماتكبر العازه ونكتل ألنه انسان
احبنك رغم كل الجرعته بجوعك وهمك
رغم كل الكفر اتحملك غفران .....
كاظم الفضلي
أشوفنج / اشوفكِ
ج / تقرأ ك
أهن / للتأكيد
تفكتي / بندقيتي
البوب / الأبواب
الحجي / الكلام ، الحكايا ، الحديث
أنه / أنا
النده / الندى
بيهه / بها
أشكد / كم
كلشي / كل شئ
احديثه / فتاة
يم سوالف / آم سوالف
كوه / قوة
لشكك / لمزق
العشك / العشق
يمته / متى
النه / لنا
ج / تقرأ ك
أهن / للتأكيد
تفكتي / بندقيتي
البوب / الأبواب
الحجي / الكلام ، الحكايا ، الحديث
أنه / أنا
النده / الندى
بيهه / بها
أشكد / كم
كلشي / كل شئ
احديثه / فتاة
يم سوالف / آم سوالف
كوه / قوة
لشكك / لمزق
العشك / العشق
يمته / متى
النه / لنا
تعليق