تويت
قولولي يا فاهمين أصل الحكايه إيه ...
خصخصوا الواعيين وسابوني ولا إيه ؟
أفتكر نفسي حدْء مصحصح
عامل في نفسي عمايل مرحرح
سايب سلامي للناس الفاهمين ....
الدريانين ... هم فين ومع مين ...
*************
ورايح وجاي ومسيرو لازم يتلاقى الحي .
..............
حي وزاروا الناس التمام ..متشيكين , متحندقين آخر انسجام...
كنت واقف براقب وصوله ...
ومحلي سر ولا ينفع أئِرْ ,
ومن بعيد لمحته جاي
غضيت له طرفي وبديت له نَيْ
سلم علي بطراطيف لسان ... حاول جاراني كده في الكلام
******************
سلحفت منه بطئ عيان ... نظمي سوعل وأسْهِل ...بردان !
كشكشلي منخر .. كان ناقص يخنفر .. زغدني كفه .. لزقني حيط
فرحان حكيت .... مفهوم داريت ... فاتحني هو كده في.. الروتين
لخصت حالي .. داريت سؤالي .. قرفصت قاعد .. غمزلي مين ؟
غمزلي حقه .. واقف جاريه .. لابد في شقه .. وموالي ليه !
مديت له بوزي .. ومليت له كوزي .. وسقيته رشفه .. من ماء حنين ...
******************
سألني فاضل .. عمل مناضل :
حكايتك إيه كده في السخان ....
همهمت شهقه ورديت عليه ... ع السخن بردو في كلمتين ؟
**
حكايتي واحد من بين ألوف
مادين أيادي فاردين كفوف
واقفين هناك بين الصفوف
***
وبعدو داله السياده طاله
والحكمه هاله ومتستعجلنيش ....
ولا ترغيش وكفايه عِند ... وقف بجد .. لدا الحد ... ووعدت وعد
إني لابد !!!
لمنظومي أكمل ... ناديت تأمل ... فكرت أحمِلْ ... من غير تجمٌلْ
كلامي فين ياناس هاتوه ...
حرفي راح هناك كالوه ...
ياناس ياهووه ....
مرسولي باح , والفكر طاح ,
والبعض ناح ... على الكفاح ...
والبعض صاح ... بنور الصباح
وياريتني أقدر أمسك لي خيط
دا الحرف حاط من غير نقاط , والطبخ شاط
****
كَرَسْ لي وَِرَثْ , عمل وخلص , ولسمه نفث
نظرنا غَبِشْ , ونظامنا لَبِشْ , والكل هَبِش , وبقيت مٌهَمَشْ
خليك مصحصح , حِدِقْ~~ مرحرح , دي اللعبه صَلَح , والعقل تَنَحْ
****
معقول يا ساده .... في حارتنا قاده ؟
في حارتنا واقف مكتوف الدراع
دا حلم حالم مخطوط اليراع , .....
بسلم عليكم بهديكم سلام ...
هو انا فالح غير في الكلام
بحوجز عليكم لأجل السلام ...
هو انتو فين يالناس الكرام
*
في الكرسي طامح نجار رزين
هيفصلوا مقاس البنين
هيمسمروا ... ويصوروا ...ويحمضوا للمش عارفين
ويدوروا ... ويغيروا ...على باقي المحبين
****
في حارتنا واقف .... واحد مش عارف ....بيقولي خايف
بقول من إيه !!
والفكر إيه والحلم ليه وأنا مش عارف
أنا مش عارف لأني واقف
حلاق حالقلي كل السوالف
مبسوط يا ساده ... في حارتنا قاده .
****
في حارتنا زاير طراز فريد ...
جاي بنسايم جاي بجديد ..
رخض خشبنا ورا الحديد
جاي يهادينا ...
جاي يفادينا ...
جاي يناغينا ... مادد لنا إيد
فالح من يومه ...
مالي هدومه ...
شبابنا فرفش مبسوط سعيد
في حارتنا أخضر ...
في حارتنا بني ...
في حارتنا سايح من التجميد
**
في حارتنا ... كهرب ... في حارتنا نَخْرب ... في حارتنا طَلَع أثر الفقيد .
***
ع الحاره ... ماره ... في الحاره ساكنين ... بعيون هيون خنازير راكبين
ع الحاره داخل فتان تيشان ...
سايرا له الأمور على الألبان ... واحنا بالأحضان مستقبلين
***
بايع له لوني ولوني قمحي ...
ونور عيوني على سن رمحي ...
وكده في الأمان
مديت له إيدي .... بايعت حضره ...
وعدني وعد إبن الحره ... وفي الحصن بان
أصل الحصانه دي ليها ناسها ... ومش اى فالح يجيب أساسها .. كفايانا هذيان
, والوقت حالي والبوح مقالي والإباحيه للهويه بقت عنوان
الصبر يا رب ... والرحمه والغفران ... الحلم يارب بعبدك التعبان .
*****
على الحاره راسي من كل لون ...
إيشي منحنح ...
أيشي مفحفح ...
الفكر وحوح
من النار ياناس ....
خلاص باقي لفكري إلتماس ...
محتاج لي أشطر محامي لَكَحْ
وفي الترعه مرضى وفي الشامي كَوْلَحْ
****
في حارتنا ماكر ولينا زائر ........
جيبنا عمران للزوار ... خيرات حارتنا للإستعمار
أنفاس رئتنا بيدين تجار ...
والسده شتويه ... وحالتنا اللى هيَ ... تحيا الزوار
بَرَقْ لي عنك... برقيه منك ... والرد مني للي باع الدار
هتسكن هناك في حاره تانيه ... وحارتنا ليك هتبقى مزار .
*****************
بعون الله ستتوالى اللقاءات الرزينه ..... عند المدينه ,, نلتقي إن قدر الله لنا البقاء هناك
تعليق