تويت
كان في بنوته .. رغم جمالها ورقتها مكبوته
حصلها ايه ؟... هنسمع من الحدوته
كانت بجمال الماس ورقة الاحساس
طلعت للكون من أب مش حنون.... ورمي بيها
عرض الكون
ماعرفش يعني ايه مسؤليه.... وخِلص من الليله ديه
طلق مامتها وحرمها منها...ورمي بيها لجدتها
وراح وشق طريقه مع واحده قاسيه مفترية
يدور الزمان بالبنوته وتبكي منها الحدوتة
لاقت من العذاب ألوان
ولا رحمها إنس ولا جان
كانت مطمع لكل انسان
وتحصنت بالقرآن
لعل ربها يكرمها ويرحمها من غدر الزمان
يدور الزمان بيها ويزيد طغيانه عليها
وتصبح المرارة ماليه الحلق ...والكون فاضي من حواليها
أقرب الناس يقسو عليها... ومن همها يذيدوها
لحد مالقت فارس الأوهام
اللي عنده يسكت كل الكلام
حاول يغازلها...
يمشي وراها ويحايلها
قالها بحبك
قالت: الأمر مش بإيدي
وألله يحنن ياسيدي
قالها ممكن تقبلي الهديه؟
قالت : لا.... مش ناقصه أذيه
قالها : دانا بيكي مفتون وعايزك تكوني ليا
قالتله يبقى مش بالطريقه ديا
وكان الفارس على قد حاله ولسه بيبتدي من حُر ماله
وقالها إنه حاجج بيت الله
ومن هنا اطمنت البِنَيّه
وقفت جنبه وحاربت عشانة الدنيا
وقالت فنفسها هو دا نصيبها وبختها
عمره ماهيذلها لأنه حبها وعارف ربها
ومن أول يوم كان حنون وبحبه ملى قلبها
واطمنت ليه وجعلته ملك على عرشها
وتمر السنين وتلاقي نفسها من المخطئين
للأسف ماعرفتش هو مين
وكانت فيه من المخدوعين
اللي كانت بتقول عليه مسكين
كان مجنون بنفسه وشايف إن مافيش زيه بالكون
كانت علاقاتة كتير وهي عنده كالأسير
ويلف الزمان بيها وبدأ يعايرها بشوقه ليها
ربنا عطاهم المال والبنين
ولكن غيرته السنين
من واحده لواحده ...ويصرف بالملايين
ولما تعاتبه ... يقولها أوهام
دانتِ كل الغرام
دانتِ حياتي وأم ولادي
وعمري لغيرك ماهكون
سيبك من كل الظنون!
وإتهمها بالجنون
وقالها
فوقي من الخيال
إنتِ عايشة في عالم مُحال
فاقت المسكينة على لطمه من الزمان أكيده
إنها ماكنتش ليه
ولا هوكان ليها
رغم حبها ليه
ورغم تظاهره بحبه ليها
أصبحت الحياة مريرة
ومعاه فقدت كل حيلة
كانت بحنانها بتحتوية
ومن شهد الحياة تسقية
وهوقاسي غدار وأشعرها بالانكسار
كسر القلب الماس وبقى متل الكاس
بارد بدون احساس
وتتحجر الدموع بعنيها من شدة قسوته عليها
وتدعي ربها يزيل همها
ويذيد الكرب عليها
وتبكي وتقول
مهما عذابي يطول
هافضل بانتظار
حكم ربي بأمري
حتى ولو إتكويت بالنار
لكن لحد إمته هتتحمل وتقول لإمته وتتململ
راح جمال الحياة وغابت كل معالمها
وأصبحت بين الناس
بقلب قتله مُر الإحساس
وسكن الحزن عنيها
و
الكل حزين عليها
ومش شامتانين فيها
لأنهم بيحبوها لكن
مش عارفين يساعدوها
ايه رأيكوا بالحدوته
حلوه ولاّ ملتوته
أسماء عبدالعزيز
أسماء عبدالعزيز
تعليق