تويت
بتحبها ؟
فرحان لأنك خدتها؟!
فكرت اتك تنتحر لو سيبتها!
طلع النهارفرحان لأنك خدتها؟!
فكرت اتك تنتحر لو سيبتها!
خدت ايه
فكك صواميل القمر
رمم عيونك اللى صدّعها السهر
من غير غصون صبح الشجر
عيان بيصرخ م الألم
دابت سنين الحب في إيام العدم
والعمر لسة بينسرق
حتى الدموع ..
نسيت مناديل الورق
ماشربها جلدك .. وانحرق
***
طلع النهار جواك
كهوف متشققة
أطفال عيونها مبرّقة
على (حتة اللحمة ) اللى كانت حلمهم
يا غلبهم ..
خبّط عليهم رزقهم
فتحت قلوبهم سكّة الدم اللى تاه من جلدهم
كان الجواب ..
حبة تراب
مرميه فوقهم لقمة ناشفة مقددة
وسط الضياع متهددة
ماهي من بعيد
مرسوم عليها ألف إيد متشردة
***
طلع النهار .. ياللا بقى
ادفع فواتير الملل
حرّك جيوبك اللى صلّبها الشلل
من غير خجل
ماهو لو مافيش .. لو بعت دمّك .. مايساويش
والمشكلة .. هاتلاقي فين حلّ لجميع الأسئلة
***
بتحبها ؟!
فرحان لأنك خدتها
فكرت انك تنتحر لو سبتها
طب مانتا بردو بتنتحر من وقتها
مانت لسة بتنتحر ..
من وقتها
تعليق