تويت
كتب د. جمال مرسي
===
اعترف لك يا حياتي
ان حبك كان منايا
و الهوى ساكن حشايا
من زمان و انا عود صغير
و الفؤاد الغض أخضر
وامّا شوفتك
بعد ما مرت سنين
دق قلبي بالحنين
حس ان الصبح نوَّرْ
و ان ورد الحب زهّر
يا حياتي في الحنايا
بحر عينك خدني ليه
روحت اسبح
كان نصيبي غرقت فيه
كنت مبسوط بالغرق جوه العنين
طول ما ايدك لامسة ايدي
هي مجدافي وعودي
طول ما قلبك كان معايا والحنين
كنت مبسوط بالغرق جوه العنين.
تعليق