تويت
كلام فى العولمة
عولمة
طنطنة
واستبحس فى مخ ناخخ
للى نفض واللى شرشر
كل شلاضيمه وشمر
للوليمة والمشمر والمعمر
واللى لاحسين الصوابع
والطباق
إشتباك
فى قانون المكنسة
تحت عبط المكنوسين
المطحونين الحيرانين
لاجل تجميل الفقارى
بالديول الفسفورية
التشريعية
ال تحت خالص
آلأونا فى المجالس
آلأونا . قلعونا . ولبسونا
بالتنحنح والصراخ
والتنفس بالنفاق
والتحسس والتجسس
والتنفس بالنفاق
والتنصل من وعود الذكريات
والتعبد جوه صومعة التملق
والتبرك للعدو
فوق كراسى المزنقة
أمركى يا مكنسة
أمركى وتأمركى
وأتبركى واتنططى
واتشرطى
على كل واحد منهك
ومفكرا إنه يكون متمردا
مستيقظا
لازم ينام فى المزبلة
واقف بيضرب بالجزم
على جزمتك
جزمة فى جزمة تهزهزك
برباط وبنص تزلزلك
فتأمركى بمزاجكى
ياام السكاسك والجلا
والجل جلة
والبلبلة
والمان ابو فريدم بلا
والمشنقة والمطرقة
والهزهزة والدندنة
فتفننى ومزكى
نرقص لك
نحبس لك انفاسنا
نشهد لك
إنك لك لك لك
البيت ومن بعده الفؤاد
كله لك والمقعدة
*******
عولمة
والسهتنة
واللعبكة واللغوصة
فى البطن بانت ع الملا
يا أيها الوطن البلا
لابس عباية مرقعة
بالسهتنة والمسكنة والسلطنة
دايخ ودوختك ملحمة
سايق عليك المسألة
لتفوق وتصحى من البله
حاول تحل السلسلة والهندسة
والجبر وعلوم الغبى
يا أيها البهلول كفا
اللعب فى كيان الولد
يصحى يضبش فى العمى
فالتنبلة فالهزهزة
لأبجدية معلمة
جوه القلوب متوارثة
يا عم سيد للأسف
غناويك دى بيئة للأسف
رجعية جدا مفجعة
"" انا المصرى كريم العنصرين ""
دلوكت غناوينا مودرن
صالحة اكيد للروشنة
" انا المصرى امير الحشاشين "
حشاش بلف فى بلوتى
محتاس وفاضى ومنهمك
عندى عمل
شعرة ساعات عندى تروح
وساعة تيجى تخضنى
ما تضمنى
خايف قوى
معرفش فين م الريح اروح
شمال اروح ولا يمين
والامتحان اسئلته صعبة معقدة
تطبيع بالعبرى بيعنى
تجويع تركيع تحميل
على ديسك الاستضعاف
يا عفاف متغنى وعلى
مصر هى همى نيلها جوه دمى
ضعفها فى كيانى حزنها ف ملامحى
حتى لون جرحى لون جرحك يا مصر
والو ادينى الوضع
الوضع ده تحت اليد
ممسوك ومحزم جاهز
يرقص على واحدة ونص
والبيع فى الشادر ماشى
بطيخ وكرنب وبنت
والواد ع البيعة بهمه
ينفع كديكور للصمت
كومبارس وحزمة فجل
بلوبيف وكاكولا ونت
الجيل بخمسين قرش
للشعر . الشعِر . النثر
بيقوى فى فهم الدرس
بلياردو خسرت الجيم
الوضع ده ايس كريم
واللحس ده مستمر
ونشيد قومى حفظوه
السح الدح امبوووووووووووووه
عولمة
طنطنة
واستبحس فى مخ ناخخ
للى نفض واللى شرشر
كل شلاضيمه وشمر
للوليمة والمشمر والمعمر
واللى لاحسين الصوابع
والطباق
إشتباك
فى قانون المكنسة
تحت عبط المكنوسين
المطحونين الحيرانين
لاجل تجميل الفقارى
بالديول الفسفورية
التشريعية
ال تحت خالص
آلأونا فى المجالس
آلأونا . قلعونا . ولبسونا
بالتنحنح والصراخ
والتنفس بالنفاق
والتحسس والتجسس
والتنفس بالنفاق
والتنصل من وعود الذكريات
والتعبد جوه صومعة التملق
والتبرك للعدو
فوق كراسى المزنقة
أمركى يا مكنسة
أمركى وتأمركى
وأتبركى واتنططى
واتشرطى
على كل واحد منهك
ومفكرا إنه يكون متمردا
مستيقظا
لازم ينام فى المزبلة
واقف بيضرب بالجزم
على جزمتك
جزمة فى جزمة تهزهزك
برباط وبنص تزلزلك
فتأمركى بمزاجكى
ياام السكاسك والجلا
والجل جلة
والبلبلة
والمان ابو فريدم بلا
والمشنقة والمطرقة
والهزهزة والدندنة
فتفننى ومزكى
نرقص لك
نحبس لك انفاسنا
نشهد لك
إنك لك لك لك
البيت ومن بعده الفؤاد
كله لك والمقعدة
*******
عولمة
والسهتنة
واللعبكة واللغوصة
فى البطن بانت ع الملا
يا أيها الوطن البلا
لابس عباية مرقعة
بالسهتنة والمسكنة والسلطنة
دايخ ودوختك ملحمة
سايق عليك المسألة
لتفوق وتصحى من البله
حاول تحل السلسلة والهندسة
والجبر وعلوم الغبى
يا أيها البهلول كفا
اللعب فى كيان الولد
يصحى يضبش فى العمى
فالتنبلة فالهزهزة
لأبجدية معلمة
جوه القلوب متوارثة
يا عم سيد للأسف
غناويك دى بيئة للأسف
رجعية جدا مفجعة
"" انا المصرى كريم العنصرين ""
دلوكت غناوينا مودرن
صالحة اكيد للروشنة
" انا المصرى امير الحشاشين "
حشاش بلف فى بلوتى
محتاس وفاضى ومنهمك
عندى عمل
شعرة ساعات عندى تروح
وساعة تيجى تخضنى
ما تضمنى
خايف قوى
معرفش فين م الريح اروح
شمال اروح ولا يمين
والامتحان اسئلته صعبة معقدة
تطبيع بالعبرى بيعنى
تجويع تركيع تحميل
على ديسك الاستضعاف
يا عفاف متغنى وعلى
مصر هى همى نيلها جوه دمى
ضعفها فى كيانى حزنها ف ملامحى
حتى لون جرحى لون جرحك يا مصر
والو ادينى الوضع
الوضع ده تحت اليد
ممسوك ومحزم جاهز
يرقص على واحدة ونص
والبيع فى الشادر ماشى
بطيخ وكرنب وبنت
والواد ع البيعة بهمه
ينفع كديكور للصمت
كومبارس وحزمة فجل
بلوبيف وكاكولا ونت
الجيل بخمسين قرش
للشعر . الشعِر . النثر
بيقوى فى فهم الدرس
بلياردو خسرت الجيم
الوضع ده ايس كريم
واللحس ده مستمر
ونشيد قومى حفظوه
السح الدح امبوووووووووووووه
تعليق