اللى بيحب مصر يحب البرادعى

**د/ أحمد الليثي** · 01-03-2010, 12:31

ع الباب كده واقفين

نِسْتَنَّى قطر الموت

رجال، نِسا، حَوان،

الشكل بني أدمين

ونتبهدل

على إيدين هلفوت.

ضرب القفا مشهور

أهو زي سب الدين

والشعب قد الذَّر

والكرسي قد الحوت

ما تقولش مين بقى مين!

ركِّز في لمِّ القوت

وامشي جوه الحيط

دا اللي يعدِّي يموت

والدعوة ليك يارب

نقول بأعلاها صوت

الظلم عمِّ وساد

والقهر والجبروت

وقبل يوم الفرج

والفرحة تملى بيوت

نلقى زعيم البِرَك

جايِّ لنا بالشلوت

الإسم شينة عليه

ومِ البردعة ...

منحوت.

**اسماعيل الناطور** · 01-03-2010, 12:37

من الإبرة إلى الرئيس
مستورد

**سحر الشربينى** · 01-03-2010, 14:50

لا يوجد أى فرق بين المسئولين والحرامية
الشاعر الجميل عبد الحميد بدوى
حقاً فأنت شاعر الناس ومفرداتك من الناس
لا أدرى لمَ ضحكت هنا كثيراً من منطق شر البلية ما يُضحك
ولكن ربما لفظ القصرية جديد على مسمعى فى شعر العامية
مش عارف ليه الحكومة بتعامل
الشعب وكأنة لسة بيقعد على القصريه
رائع ولوجك بين الناس
رائع قلمك

**رشا عبادة** · 01-03-2010, 15:28

[align=center]بسيطة يا "مان" سؤالك عادي
وبتحليل مواطن راضي
حادي بادي ، كرنب زبادي
شاله كله وحطه قصادي
مديت إيدي أحسبها وأعد
قالي.. يا عبيط "صدقت بجد"!؟
دي لعبة طويلة ملهاش حد
واحد يرخي الحبل والتاني فيه بيشد

حرامية من" حرام وحُرمات"
ومسئوليين رجالة وستات
نظرية خد منه و أديني وهات
والشطارة إنهم يلعبوها من سكات
والشعب عايش فى تبات ونبات
هوووه ننه، صبيان وبنات

يا راجل سبنا بــ اللي فينا
ده الهَم فايض اوى ومكفينا
ده حتى علاجهم على قفا أهالينا
ملايين جارية والعطاشى على رصيف المينا

قشاية وبنتعلق بيها
يا نوصل لبر بيوم
يا تغرق بلدنا بـ اللي فيها
برادعي ولا حتى مايكل ومينا
المهم النعمة تبان علينا
ما هو ايه فايدة الصابون ، لو مش لاقيين حد "يحَمينا"!؟

وتسلم الأيادي يا شاعر بالناس وبينا

[/align]

**محمد جابر المتولى** · 02-03-2010, 00:16

استاذ عبد الحميد
قصيدتك الزجلية جميلة
وانا بحب مصر الارض التاريخ الشعب
وعمر مصر ما وقفت على حد وعمر حبها ما كان له حد او شبيه
شكرا لك

**عبد الحميد بدوى** · 03-03-2010, 13:58

اشكر استاذى الفاضل الدكتور الغالى الدكتور احمد الليثى واشكر كل حرف من حروفك
مرورك اجمل من الف موضوع وكلامك اجمل من كل الكلام

**جلاديولس المنسي** · 03-03-2010, 14:18

نفسى حد يقدر يقولى اية الفرق بين
المسئولين والحرامية ؟؟؟؟؟؟؟؟؟؟
الفرق واضح و صريح
المسؤلين حراميه خمس نجوم
والحراميه بلا رتب ولا نجوم

**عبد الحميد بدوى** · 08-03-2010, 15:16

المشاركة الأصلية بواسطة اسماعيل الناطور مشاهدة المشاركة

من الإبرة إلى الرئيس
مستورد

اجمل ميزة فى البرادعى انه كان عايش برة لانه بعيد عن دائرة الفساد
والعالم دائما فى حالة سبق
اما نحن فمازلنا تحت النفق

**على قابيل** · 09-03-2010, 00:03

الحاله ماشيه ومعدنك صلب وحديد
والحد إيد لم تنقطع، ووجودها عيد
الحاله ماشيه ومعدنك، صلب وحديد
ياللي قريب، ياللي واصل من بعيد
إيد البلد متكتفه بمقبض عنيد
والحاله ماشيه ومعدنك ،عز وصديد
بس السياسه كياسه يعني فى قلبها
حاضنه إبنها، والشمس بتزور والقمر
تروي جنياين عشقها، أم الوجود
( خوفو، وخفرع، منكرع )
واللي بنى واللي زرع، واللي قلع
توبك يامصر في قلبه لازم ينزرع
شجرة حياه ويفوت على سدك يامصر

**عبد الحميد بدوى** · 10-04-2010, 09:41

المشاركة الأصلية بواسطة محمد جابر المتولى مشاهدة المشاركة

استاذ عبد الحميد
قصيدتك الزجلية جميلة
وانا بحب مصر الارض التاريخ الشعب
وعمر مصر ما وقفت على حد وعمر حبها ما كان له حد او شبيه
شكرا لك

اشكرك واشكر مرورك بس نفسى اعرف هى وقفت لحد مبارك
بقالها تلاتين سنة لية؟؟؟؟؟؟؟؟؟؟؟؟؟؟؟؟

اللى بيحب مصر يحب البرادعى

اللى بيحب مصر يحب البرادعى

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث