دلدل .. دلدل ...... راسك دلدل
تعلى .. وتعلى ..... لفوق و تدلدل
رجلك ف وشوش الملايين

دلدل .. دلدل ...... يادلدول
حتما راح تصبح مسئول
تجرى عليك الناس و تبوسك
تصبح نجم فى نفس الحول
تملى جيوبك بالملايين
تملك كل الناس و الطين

دلدل .. دلدل .. راسك دلدل
تعلى .. وتعلى ..... لفوق و تدلدل
رجلك ف وشوش الملايين

دلدل ... دلدل .... لجل ما تعلى
ويا نجوم الكون العالى
إيه هايصيبك .. لما تلغمط
وشك شمع تباتة ياغالى
مين هايقول ...دا زرع شيطانى
لما تبوس الإيد و الرجل
أو لو تبقى مراية بتبرق
أو سلايه ف ضهر العجل

دلدل .. دلدل .. راسك دلدل
تعلى .. وتعلى ..... لفوق و تدلدل
رجلك ف وشوش الملايين

خربت مالطة .. وجات لها جلطه
وأنت يهمك
سيد عصرك .. حاطط مصرك
جوا فى كمك
بيه و ايدرجى .. و سرجى و مرجى
وحكم صحة
وبتاع كله
مين هايلمك ؟!


دلدل .. دلدل .. راسك دلدل
تعلى .. وتعلى ..... لفوق و تدلدل
رجلك ف وشوش الملايين